|
مىڭيوپۇرماق
تونۇش بۇ مۇرەككەپ گۈللۈكلەر ئائىلىسىدىكى كۆپ يىللىق سامان غوللۇق، مىڭيوپۇرماققا ئۇرۇقداش ئۆسۈملۈك بولۇپ، ئېگىزلىكى 30 - 80 سانتىمېتىر؛ يەر ئاستى غولى توغرىسىغا ئۆسىدۇ، نۇرغۇنلىغان خورما رەڭ چاچما يىلتىزلىرى بار، غولى تىك، ئۇزۇنىسىغا ئېرىقچىلىرى بار، قىسقا، يۇمشاق تۈكلەر بىلەن قاپلانغان؛ يوپۇرمىقى نۆۋەتلىشىپ ئۆسكەن، سېپى يوق، يىپسىمان تېمىنە شەكلىدە، بىر - ئىككى قايتىلانغان پەيسىمان يېرىلغان. ھەربىر يېرىقچە يوپۇرماقچىلىرىنىڭ شەكلى يىپسىمان بولىدۇ؛ گۈل رېتى باشسىمان بولۇپ، ئۇچىدا ئۆسىدۇ، كۆپلىگەن ئۇششاق گۈللىرى توپلىشىپ ئۆسىدۇ، گۈلى ئاق ياكى سۇس بېغىر رەڭ، ئۇرۇق مېۋىسى ياپىلاق، قاناتلىق بولىدۇ.دورىلىق قىسمىدورىغا بۇ ئۆسۈملۈكنىڭ يەر ئۈستى قىسمى ئىشلىتىلىدۇ.
يىغىپ تەييارلاش ياز پەسلىدە يىغىۋېلىپ، كېسىپ ئاپتاپتا قۇرۇتۇپ تەييارلىنىدۇ. دورىغا ھۆل ھالەتتىمۇ ئىشلىتىلىدۇ.
تەبىئىتى ھۆل سوغۇق.
ئۆسۈش ئورنى ئاپتونوم رايونىمىزنىڭ ھەرقايسى جايلىرىدىكى نەملىك ۋە ئېرىق - ئۆستەڭ بويلىرىدا ئۆسىدۇ.
خۇسۇسىيىتىقان توختىتىش، زەھەر تارقىتىش، ئىششىق ياندۇرۇش، قاننى جانلاندۇرۇش خۇسۇسىيىتىگە ئىگە.
مىڭيوپۇرماق تەركىبلىك رېتسېپلار
ھۆل مىڭيوپۇرماقتىن مۇۋاپىق مىقداردا ئېلىپ، ئۇنىڭغا خام زەنجىۋىلدىن ئازراق قوشۇپ سوقۇپ، ھاراق بىلەن قوشۇپ قىزىتىپ يەرلىك ئورۇنغا چاپسا، ھەرخىل سەۋەبتىن زەخىملىنىش، سۇنۇق، رېماتىزمغا مەنپەئەت قىلىدۇ.
20 گرام مىڭيوپۇرماقنى سۇدا قاينىتىپ ئىچىپ بەرسە، كانايچە ياللۇغى، بادامسىمان بەز ياللۇغى، ھەيز ئاغرىتىپ كېلىش، قان تۈكۈرۈش، قان قۇسۇشلارغا مەنپەئەت قىلىدۇ.
33 گرام مىڭيوپۇرماقنى سۇدا قاينىتىپ ئىچىپ بەرسە، زەھەرلىك يىلان چاققان زەھەرنى قايتۇرىدۇ.
ھۆل مىڭيوپۇرماقنى سوقۇپ يەرلىك ئورۇنغا چاپسا، زەھەر قايتۇرىدۇ.
ئىشلىتىش مىقدارى ئەھۋالغا قاراپ مۇۋاپىق مىقداردا ئىشلىتىلىدۇ. |
