Ubuntu نى USB بارماق دىسكىغا قاچىلاش

بۇ تېمىدا Ubuntu مەشغۇلات سىستېمىسىنى بىۋاستە USB بارماق دىسكىغا قاچىلاش جەريانىنى كۆرسىتىپ ئۆتىمىز.

---

ئارتۇقچىلىقلىرى
Ubuntu نى USB بارماق دىسكىغا قاچىلاپ ئىشلەتكەندە، بۇ بارماق دىسكىنى ھەر قانداق كومپيۇتېرغا سېلىپ، كومپيۇتېرنى قوزغاتسىڭىز، Ubuntu مەشغۇلات سىستېمىسى قوزغىلىدۇ. بارماق دىسكىنى ئېلىۋېتىپ، كومپيۇتېرنى قوزغاتسىڭىز، كومپيۇتېردا ئەسلى بار بولغان مەشغۇلات سىستېمىسى قوزغىلىدۇ. بۇ تەرىپى بەكمۇ قولايلىق.

بۇ ئۇسۇلدا، Ubuntu مەشغۇلات سىستېمىسى USB بارماق دىسكىسىغا بىۋاستە قاچىلىنىدۇ، باشقا ھىچقانداق قوشۇمچە يۇمشاق دېتال قاچىلاش ۋە ياكى مەۋھۇم كومپيۇتېر مۇھىتى قۇرۇش تەلەپ قىلىنمايدۇ. بارماق دىسكىڭىزنىڭ سىغىمى چوڭراق بولسا، ئۇنىڭ ئىچىدە ئەسلىدە بار بولغان ھۆججەتلەر تەسىرگە ئۇچرىمايدۇ. بۇ بارماق دىسكا بىلەن Ubuntu نى قوزغىتىپ، بىرەر ئىشلارنى قىلغاندىن كېيىن، نەتىجە ھۆججەتلىرىڭىزنى يەنە بۇ بارماق دىسكىنىڭ ئۆزىگە ساقلاشقا بولىدۇ.

Ubuntu نى قاچىلاپ قوزغاتسىڭىزلا، ئۇنىڭدا Firefox تور كۆرگۈ، OpenOffice ئىشخانا دېتاللىرى بىرگە بولۇپ، ھەتتا ئۇنىڭغا ئۇيغۇرچە فونت، كىرگۈزگۈچ ۋە ياكى كۇنۇپكا تاختىسىنى ئاسانلا ئورنىتىۋالغىلى بولىدۇ. ۋە يەنە توردىن ئۇيغۇرچە تەرجىمە ھۆججىتىنى چۈشۈرىۋالسىڭىز، بۇ مەشغۇلات سىستېمىسىنىڭ كۆرۈنمە يۈزى ئۇيغۇرچىغا ئايلىنىدۇ. (%100 ئەمەس، چۈنكى بۇ تەرجىمە تېخى %100 تاماملانمىدى.)
سۆزلەپ كەلسەك، ئارتۇقچىلىقلىرى بەك كۆپ....

---

Ubuntu نى USB بارماق دىسكىغا قاچىلاشتا، تۆۋەندىكى شارائىت بولۇشى كېرەك.

• Ubuntu  نورمال خىزمەت قىلىۋاتقان Windows كومپيۇتېرى. (باشقا Apple Mac ۋە ياكى Linux كومپيۇتېرلىرى بولسىمۇ بولىدۇ. لېكىن كۆپچىلىك قېرىنداشلىرىمىزنىڭ Windows نى ئىشلىتىۋاتقانلىقىنى نەزەردە تۇتۇپ، پەقەت Windows مۇھىتىدىكى قاچىلاشنى چۈشەندۈرۈپ ئۆتىمىز.)
• USB بارماق دىسكا (سىغىمى كامىدا 1GB تىن كام بولماسلىقى كېرەك. ئەڭ كامىدا 2GB تەۋسىيە قىلىنىدۇ. تەپسىلاتى ئۈچۈن تۆۋەندىكى چۈشەندۈرۈشلەرگە قاراڭ.)
• تورغا چىقىپ، يۇمشاق دېتال چۈشۈرۈش شارائىتى بولۇشى كېرەك. (شۇ كومپيۇتېرنىڭ ئۆزىدە تورغا چىقىش تەلەپ قىلىنمايدۇ. باشقا يەردە، باشقا كومپيۇتېردا تورغا چىقىپ، توردىن زۆرۈر يۇمشاق دېتاللارنى چۈشۈرىۋېلىش شارائىتى بولسىلا بولىدۇ.)
  

---

شارائىت ھازىر بولغاندىن كېيىن ئاۋال توردىن ئۇبۇنتۇ مەشغۇلات سىستېمىسىنىڭ قاچىلاشقا بولىدىغان CD تەسۋىر ھۆججىتىنى چۈشۈرىمىز.
http://www.ubuntu.com
ئورگان تور بېتىگە بېرىپ، شۇ تور بېتىدىكى «ئۇبۇنتۇنى چۈشۈر» كۇنۇپكىسىنى چېكىڭ:
ياكى
http://www.ubuntu.com/download/ubuntu/download


بۇ ۋاقىتتا ISO ناملىق بىر  ھۆججىتى كومپيۇتېرىڭىزغا چۈشۈشكە باشلايدۇ. بۇ ھۆججەتنىڭ سىغىمى 700MB ئەتراپىدا (بىر CD نىڭ سىغىمى) بولۇپ، تور سۈرئىتىڭىزنىڭ ئەھۋالىغا قاراپ، چۈشۈرۈشكە بىر مەزگىل ۋاقىت كېتىشى مۇمكىن.

---

http://www.pendrivelinux.com
تور بېتىگە بېرىپ، Universal-USB-Installer ناملىق، سىغىمى 1MB تىن كىچىك بولغان، بىر كىچىك قاچىلاش پروگراممىسىنى چۈشۈرىمىز. بۇنىڭ نەشرى ھەر ۋاقىت يېڭىلىنىپ تۇرىدىدۇ .
بەتنىڭ ئۈستىدەرەك، ئوتتۇرا قىسمىدا، مۇنداق ئۇلانما بار:

.
يۇقۇردىكى ئۇلانمىنى چەكسەك، يېڭى بىر بەت ئېچىلىدۇ. بۇ بەتنىڭ ئوتتۇرا قىسمىدا مۇنداق:

ئۇلانما بار. بۇ ئۇلانمىنى چەكسەك،بۇ ھۆججەتنى ساقلاش كۆزنىكىچىقىدۇ. ساقلاش كۇنۇپكىسىنى بېسىپ ساقلاڭ.
Windows نىڭ ھۆججەت كۆرگۈچ بىلەن، چۈشۈپ بولغان ھۆججەتنى كۆرسەم،

مۇشۇنداق كۆرۈندى.

دىمەك بۇ باسقۇچلار بىلەن نورمال .باشقا تور كۆرگۈ ئىشلەتسەڭلارمۇ يۇقۇردىكى باسقۇچ بىلەن چۈشۈرسەڭلار، مېنىڭچە نورمال چۈشىدۇ.
بۇ چۈشۈرۈش تاماملانغاندىن كېيىن، ئالدىنقى ئۇبۇنتۇنىڭ ISO ھۆججىتى ۋە بۇ EXE ھۆججىتىنى كومپيۇتېرىڭىزدا ئايرىم بىر ھۆججەت قىسقۇچ قۇرۇپ، شۇ يەرگە، بىرگە ساقلاڭ. بۇنداق قىلىشتىكى سەۋەب، كېيىنكى مەشغۇلاتنى تېخىمۇ ئاددىلاشتۇرۇشتۇر.
شۇنىڭ بىلەن چۈشۈرۈش ئاخىرلاشتى.

---

ئەمدى قاچىلاشنى باشلاپ كەتسەك بولىدۇ.بۇ ۋاقىتتا، بارماق دىسكىڭىزنى كومپيۇتېرغا ئۇلاڭ، ۋە ئۇ ئېرشكەن قوزغاتقۇچ ھەرىپى، مەسىلەن، D:, E:, F ھەرپلىرىنى ئېسىڭىزدا ساقلىۋېلىڭ ۋە ياكى بىر يەرگە يېزىۋېلىڭ. ئامال بار كومپيۇتېرىڭىزغا باشقا بارماق دىسكىلارنى بىرلا ۋاقىتتا ئۇلىماڭ. بىخەستلىك سەۋەبىدىن ئالماشتۇرۇپ قويۇپ، قىممەتلىك ھۆججەتلىرىڭىزنى يۇيىۋېتىپ قالماڭ.

ئەمدى قاچىلاش باسقۇچىغا كېلەيلى.
يۇقۇردا چۈشۈرگەن 2 ھۆججەتنى كومپيۇتېرىمنىڭ بىر ھۆججەت قىسقۇچىغا ساقلىۋالدىم:

بۇنىڭدىكى EXE ھۆججىتىنى قوش چەكسەم،
.بۇ كۆزنەك چىقتى.


بۇنىڭدىن، كاتەك ئىچىگە ئېلىپ قويغان «ئىجرا قىل» كۇنۇپكىسىنى باسسام،بۇ كېلىشىمنامە كۆزنىكى چىقتى.


بۇنىڭدىن «قوشۇلىمەن» كۇنۇپكىسىنى باسسام،بۇ كۆزنەك چىقتى.


بۇ كۆزنەكنىڭ بوياپ قويغان تىزىملىكىدىن، Ubuntu 11.10 Desktop نى تاللايمىز.
مانا مۇنداق:


بۇ ۋاقىتتا ئورۇن (2) ئۆزلىكىدىن تولدۇرىلىدۇ.
ئورۇن (3) دىن سىزنىڭ بارماق دىسكىڭىزنىڭ قوزغاتقۇچ ھەرىپىنى تاللايمىز. (بۇنى يۇقۇرىدا ئېيتىپ ئۆتتۇق.)
ئورۇن (4) بولسا بۇ بارماق دىسكىنى فورماتلاش تاللانمىسى بولۇپ، بۇنى ئۆز ئەھۋالىڭىز بويىچە تاللاڭ.(مېنىڭ تەۋسىيەرىم، بۇنى تاللىماڭ. ناۋادا بارماق دىسكىڭىزنى فورماتلىماقچى بولسىڭىز بۇ ئىشلار باشلىنىشتىن بۇرۇن، ئۇنى ئايرىم فورماتلىۋېلىڭ).
ئورۇن (5) مۇھىم بولۇپ، بۇ ئۆزىڭىزنىڭ شەخسىي ئۇچۇرلىرىنى ساقلاش بوشلۇقىدۇر. ناۋادا بارماق دىسكىڭىز 1GB لىق بولسا، باشقا تاللاش ئىمكانىيىتى يوق. بۇ ۋاقىتتا «No Persistence» (شەخسىي ھۆججەتلەرنى ساقلىمايمەن) نى تاللايسىز.
ناۋادا بارماق دىسكىڭىز چوڭ بولسا، ئەمىلى ئەھۋالغا قاراپ بۇ يەرنى تاللىسىڭىز بولىدۇ. بۇ يەردە تاللىغان بوشلۇق بىلەن ئۇبۇنتۇنى قاچىلاش بوشلۇقى 1GB نىڭ يىغىندىسى چوقۇم بارماق دىسكىنىڭ سىغىمىغا تەڭ ياكى ئۇنىڭدىن كىچىك بولۇشى كېرەك.
ناۋادا 8GB لىق بارماق دىسكىڭىز بولسا، ئۇنىڭ 1GB قا ئۇبۇنتۇنى قاچىلاپ، يەنە 3GB قا ئۇبۇنتۇ مۇھىتىدىكى ھۆججەتلىرىڭىزنى ساقلىسىڭىز، يەنە 4GB ئېشىپ قالىدۇ. بۇنى Windows مۇھىتىدا يەنە بەھوزۇر ئىشلەتسىڭىز بولىدۇ.
بۇنى تاللاپ بولۇپ (6) نى (قۇرىمەن) چەكسىڭىز

قاچىلاش جاريانى باشلىنىدۇ. ئاۋال ئۇ ئۇبۇنتۇ ISO نى پىرىستىن يېشىدۇ.


بۇنىڭغا 3-2 مىنۇت ۋاقىت كېتىدۇ.ئاندىن قاچىلاش باشلىنىدۇ.


خۇلاسە :
بۇنىڭغا 10-5 مىنۇت ۋاقىت كېتىدۇ. شۇنىڭ بىلەن Ubuntu مەشغۇلات سىستېمىسىنى بىۋاستە USB بارماق دىسكىغا قاچىلاش تامام بولدى .

---

تەييارلىغۇچى : 1يول تورى تېخنىك گۇرۇپىسىدىن ئەنقەر.ئابدۇرشىت
بايانات : مەن تەييارلىغان بۇ ماتېرىياللارنى مەنبەسىنى تۇلۇق ئەسكەرتكەن ھالدا ھەرقانداق تورغا كۈچۈرۈپ ئىشلەتسىڭىز بولىدۇ .

پايدىلانغان مەنبەلەر :
http://1yol.com/ud/forum.php?mod=viewthread&tid=720
http://www.ukij.org/munber/viewthread.php?tid=589


يازما مىكرو بلوگغا يوللاندى adminنىڭ مىكرو بلوگى

ئەجىرڭىزگە ھەشقاللا ئادىمىنكا  ئۇزاق بوپتۇ كىرمىگىلى

ۋوي يوقاپلا كەتتىڭىزغۇ ،،، كۆرۈنمەيسىز  ...

ubuntu نى كومپىيۇتېرىم قوللىماي كۆڭلۈم بەك يېرىم بولغان ئىدى. ئەمدى بارماق دىسكىغا قاچىلىسام شۇنداق نۇرمال قوزغالدى مانا خى خى ...

مەن بارماق دېسكىغا مۇۋاپىقىيەتلىك قاچىلدىم ، كومپېيۇتېرنى قايتا قوزغاتسام Ubuntu ئىجىرا بولماي بىۋاستە XP قوزغۇلۇپ قەتتى....

سىز كومپىيۇتېرنىڭ قوزغالغاندا ئاۋال usb ئوقۇيدىغان قىلىپ تەڭشىشىڭىز كىرەك. ئۇنى سىموستىن تەڭشەيسىز.
ئەگەر ئۇنداق تەڭشىمىزىڭىز كومپىيۇتېر قوزغالغاندىلا Esc كونۇپكىسىنى بېسىپمۇ usb قوزغاتقىلى بولىدۇ. ئادەتتە ھەممە كومپىيۇتېرنىڭ ئوخشاش Esc ئەمەس، مېنىڭ ASUS ماركىلىق كومپىيۇتېر. بەزى كومپىيۇتېرنىڭ F12 لەردە بولىدۇ. ئۈستىدىكى بىر بىرلەپ بېسىپ بېقىڭ. تاللاش چىقسا usb دىگەننى تاللاڭ.

ئاخىرى مۇۋاپىقىيەتلىك قاچىلدىم ۋە ubuntu نى قوزغۇتۇپ ئىشلەتتىم ، ئەپسۇس ئۇيغۇرچىسى ئانچە نورمال ئەمەسكەن ، شۇنداقتىمۇ windowsتىن ياخشىكەن....كۆپ رەھمەت سىزگە!

مەنمۇ سىناپ باقاي ئۇنداقتا

يوقاپ كەتمەيتىم ئۈلۈشكۈنكى ئىشقا سەل ئاچچاغىم كەپ قالدى

رەسىملەر يوققۇ قاچىلىيالمايۋاتىمەن خەپ خەپ

رەسىملەر يوققۇ قاچىلىيالمايۋاتىمەن