تاماكا ۋە ئۇنىڭ تۈتۈنىدە قايسى خىلدىكى زىيانلىق تەركىبلەر بار؟

تاماكا ۋە ئۇنىڭ تۈتۈنىدە قايسى خىلدىكى زىيانلىق تەركىبلەر بار؟
  ئالىملارنىڭ تەكشۈرۈپ بېكىتىشىگە ئاساسلانغاندا ،كۆك تاماكا نەچچە يۈز ىىل مۇرەككەپ خىمىيېلىك تەركىبلەردىن تۈزۈلگەن بولۇپ،بۇلارنىڭ كۆپچىلىكى ئادەمگە زىيانلىق.بۇلاردىن تارمېيى(سۇختا)،نىكوتىن،فىنوللار،ئالكوللويىدىدلار،كىسلاتالار،ئالدىھىدلاردىن ئىبارەت 40 نەچچە خىل زەھەرلىك ۋە راك پەيدا قىلغۇچى ماددىلار بار.تاماكا كۆيگەندىن كېيىنكى ھاسىل بولغان تۈتۈنىدە كۆك تاماكىدا بار بولغان    خىمىيىۋى تەركىبلەرنىڭ ھەممىسى بولىدۇ.زۇنىڭ بىلەن بىر ۋاقىتتا،ئەسلىدە كۆك تاماكىنىڭ ئۆزىدە بار  تەركىبلەردىن تاشقىرى،يەنە بىر قىسىم ماددىلار،مەسىلەن،كاربون چالا ئوكسىدى ۋە تاماكا تار مېيى    كۆپ بولىدۇ.بۇنىڭدىكى سەۋەپ تاماكىنى ياساش جەريانىدا خام ئەشياغا بەزى ماددىلار ،مەسىلەن،    كاكاۋا،چۈچۈك بۇيا،قەنت،گېلىتسىرىن ،گىلوكىسىل قاتارلىق تەم تەڭشىگۈچى نەمدىگۈچى،پۇراق ھاسىل قىلغۇچى،كۆيدۈرگۈچى ماددىلار قېتىلىدۇ.بۇ تولدۇرغۇچى خۇرۇچلارنىڭ ئۆزى زىيانلىق بولمىسىمۇ،لېكىن كۆيۈش جەريانىدا ئۆزگىرىش پەيدا قىلىدۇ.مەسىلەن،چاشقاننىڭ دۈمبىسىگە سۈرتۈلگەن كاكاۋا كۆيدۈرۈلگەندىن كېيىن ھاسىل بولغان تاماكا مېيى تېرە راكىنى پەيدا قىلىدۇ.چۈچۈك بۇيا كىسلاتاسى كۆيگەندىن كېيىن باشقا تەركىبلەر بىلەن بىرىكىپ راك پەيدا كىلىش رولى بار كۆپ ھالقىلىق ئاروماتىك كاربون   ھىدىرىدلارنى پەيدا قىلىدۇ.قەنت بىلەن كۆك تاماكا بىرلىكتە كۆيگەندىن كېيىن تار مېيىنىڭ مىقدارىنى ئاشۇرىدۇ.قەنتنىڭ كۆيگەندىن كېيىن ھاسىل بولغان ماددىسى تاماكا تەركىبىدىكى راك پەيدا قىلغۇچى  ئاساسلىق ماددا ھېساپلىنىدۇ.گېلىتسىرىن بىلەن گىلوكسىل يانغاندىن كېيىنكى ھاسىل بولغان ماددا     تاماكا چەككۈچىلەردە دوۋسۇن راكى پەيدا قىلىپلا قالماستىن،بەلكى ئۇنىڭدىن پەيدا بولغان ئاكرولېئىن  نەپەس يولىدىكى تۈكچىلەرنىڭ چىقىندىلارنى ئۆپكىدىن ھەيدەپ چىقىرىۋېتىشنى چەكلەپ،نەپەس يولى ياللۇغى (زىققا)،ئۆپكە ئىششىقى كېسەللىكىگە گىرىپدار بولۇش ئىمكانىيىتىنى ئاشۇرىۋېتىدۇ ھەمدە مۇشۇ خىلدىكى كېسەللىكلەرگە گىرىپدار بولغانلارنىڭ كېسىلىنى ئېغىرلاشتۇرىدۇ.

رەھمەت سىزگە

رەھمەت ئۆزىمىزنىڭ ۋە باشقىلارنىڭ ساغلاملىغىنى ئەستىن چىقارمايلى!