ئىنگىلىس تىلى ئۆگىنىۋاتقانلار، ئەسەبىيلىشەيلى!!

بۇ يازمىنى ئاخىرىدا   ablet تەھرىرلىگەن. ۋاقتى  2015-11-24 19:24  

كۈنىگە كەم دېگەندە  300 يېڭى سۆز ئۆگىنىڭ.پېشانىڭىزنى تۇتماڭ،كۈندىلىك خىزمەت مىقدارىڭىز 300-3000 ئەتراپىدا بولىدۇ.ئۆزىڭىزنىڭ ئەمەلىي ئەھۋالىغا ئاساسەن بېكىتىڭ(مېنىڭ ئەڭ يۇقىرى رېكورتۇم 2000،ئەتىگەن سائەت 9دىن باشلاپ ئەتىسى ئەتىگەن سائەت1 گىچە.ئارىلىقتا تاماق يېگەن،خوشياقماي ياتقان خېلى كۆپ ۋاقىت بار).ئەمما،ئەڭ تۆۋەن ئۆلچەم 300.بەلكىم،سىز بۇرۇن كۈنىگە 30 دىن ئوشۇق سۆز ئۆگىنىپ باقمىغان بولۇشىڭىز مۇمكىن.بۇنچە كۆپ مىقداردىكى سۆزنى ئۆگىنىش ئېنىقلا پو ئاتقانلىق دېدىڭىزما؟ئاۋال سىزدىن سوراپ باقاي،سىز ھازىرغىچە بولغان ھاياتىڭىزدا بىر قېتىم مۇشۇ ئىشنى سىناپ باقتىڭىزمۇ؟سىناپ باقماي تۇرۇپ مۇمكىن ئەمەسلىكىنى نەدىن بىلىسىز؟ئۇنداق دېيىشىڭىز ئىددىيىڭىزدىكى پىسخىكىلىق توسالغۇ ۋە قورقۇنچتىن بولغان.ئەگەر سىز بىر قېتىم سىناپ بېقىپ،ئاندىن مۇمكىن ئەمەسكەن دېسىڭىز ئۇنى مەن ئاڭلاي،ئەمما،قىلىپ باقماي تۇرۇپ مۇمكىن ئەمەس دېسىڭىز مەن ئۇنىمايمەن.بۈگۈن 10 سۆز ئۆگەنسىڭىز ئەتە 7 سى ئېسىڭىزدە قالىدۇ،ئەمما،بۈگۈن 100 سۆز ئۆگەنسىڭىز ئەتە 93 نى ئۇنتۇپ قالىدىغان ئىش يوق.پەقەتلا 30 نى ئۇنتۇپ قالىسىز.بەلكىم،سۆزلۈك مىقدارىنىڭ ئېشىشىغا ئەگىشىپ ئۈنۈم پىرسەنتى تۆۋەنلىشى مۇمكىن،لېكىن،ئايدىڭلاشتۇرىدىغان نۇقتا بۇ يەردە دېيىلىۋاتقىنى پىرسەنت،مىقدار ئەمەس.بەلكىم،10 سۆز ئۆگەنگەندىكى ئۈنۈم پىرسەنتى 70% بولغان بولسا،100 سۆز ئۆگەنگەندە ئۈنۈم پىرسەنتى 65% كە تۆۋەنلىشى مۇمكىن.ئەمما،بۇ 65 دانە سۆز دېگەن گەپ.7 بىلەن 65 نىڭ قايسىسى چوڭ؟ئەگەر سىز 1000 سۆز ئۆگەنسىڭىز،ئۈنۈم پىرسەنتىڭىز 30% قا چۈپ قالغان تەقدىردىمۇ 300 سۆز دېگەن گەپ.65 بىلەن 300 نىڭ قايسىسى چوڭ؟بۇ پىرسەنتلەرنى مەن كاسامغا شۇنداقلا شاپىلاقلاپ دېدىم.ئەگەر بۇ توغرىسىدا ئىلمىي تەتقىقاتلار بولغان بولسا ھەقىقىي يەكۈن بۇنىڭغا ئەلۋەتتە ئوخشىمايدۇ.ئەمما،بۇ مۇھىم ئەمەس.مەن سىزنىڭ پىسخىكىڭىزدىكى توسالغۇلارنى سۈپۈرۈپ تاشلاۋاتىمەن.بۇنىڭدىكى 3000 يۇقىرى چەك نورمال ئادەملەرنىڭ ۋاقتىغا ئاساسەن ئېيتىلغان،ئەڭ تېز ئۈنۈمدە ئۆگەنگەندىمۇ 1 كۈنلۈك ۋاقىت شۇنىڭغا ئارانلا يېتىدىكەن.بەلكىم،3000 غا چىقىش ئۈچۈن ئەتىگەن سائەت 4:40 تا ئورنىڭىزدىن تۇرۇپ،5 بىلەن بىر باشلىسىڭىز ئەتە ئەتىگەن 1-2 بىلەن تۈگىشى مۇمكىن.شۇنىڭغا چىدىسىڭىز بولىدۇ.ئەمما،قىلغىلى بولمايدىغان ئىش يوق.ئەگەر بىر كۈن ۋاقىت 48 سائەت بولغان بولسا،بىز گەپ يوق 5000 سۆز ئۆگىنەلەيمىز.كۈنىگە مانچىدىن دەپ نورما بېكىتىۋالماڭ،ئەمەلىيەتتە،ھازىر ئۆگەنگىنىڭىز بىلەن ئەتە ئۆگەنگىنىڭىزنىڭ ھېچقانچە پەرقى يوق،پەقەتلا بىر ئۇخلاپ قوپىسىز شۇ.ۋاقىتلا بولسا ئىلگىرىلەپ ئۆگىنىۋېرىڭ.بىر كۈندە قانچە سۆز ئۆگىنىش توغرىسىدا مەلۇم چەك يوق.

ئوخخۇ ماگەپنى كۆرەڭ ؟ !!! مەن ئىڭگىلىزتىلى ئۆگىنىۋاتىمەن . ياخشى ئۆنۈم ھاسىل قىلدىغانغا بۇنىڭ دىن باشقا
يۇل يۇقمۇ ؟!!!

راس  دىمىسىمۇ  ئادەمدە  بىر  خىل  قورقۇش  ھەم  ھۇرۇنلۇق   بار شۇنىڭغا  ئۇگىنەلمەيدۇ

مىنىڭچە بۇگەپنىڭمۇ ئاساسى بار......بىلىمدىگەننى ئاشۇنداق ساراڭلارچە ئۆگىنىش كېرەك...
10 سۆز ئۆگىنىپ ئۇنى %100 ئەمىنلەشتۈرگەندىن  100 سۆز ئۆگىنىپ 60 پىرسەنىت ئەمىنلەشتۈرسەك ياخشى ئەمەسمۇ.....

بىر سىناپ باقىدىغان ئىشمۇ نىمە ؟؟ مەنمۇ قانداق ئۆگەنسەم بۇلا دەپ بېشىم قېتىپ ئولتۇرغان.

قورقماي ساراڭلارچە ئۆگىنىۋېرىڭ...ئەڭ ياخشى ئامال شۇ...10 سۆز ئۆگۈنۈپ ھەممىسىنى يادىلىۋالغاندىن 100 سۆز ئۆگۈنۈپ 50 60 نى يادىلىۋالغان ياخشى

ئۇنداق قورقۇتمىسىڭىزچۇ ئادەمنى

سىناپ  باقاي  ،ياخشى ئۇسۇلكەن.

بىرەر ئېنگىلىسچە سۆز جەدىۋىلى بارمۇ ؟! بولسا ئەۋەتىپ بەرسىڭىز ! بىرتەرەپتە ئېنگىلىزچە يەنەبىر تەرەپتە ئۇيغۇرچە تەرجىمىسى بولسا بولاتتى !