[تەرمىلەر] غەلىتە ئىمتىھان سوئالى

ئۈرۈمچىدىكى مەلۇم ئالىي مەكتەپتە ئەتە ئىمتىھان دېگەن كۈنى تۆت ئوقۇغۇچى باشقا ئوقۇغۇچىلارغا ئوخشاش ئىمتىھانغا جىددىي تەييارلىق كۆرمەستىن ئەكسىچە سىرتتا ئويناپ يېرىم كېچىدە ئاران قايتىپ كەپتۇ. ئىمتىھان كۈنى ئۇلار ئىمتىھاندىن لاياقەتسىز بولۇپ قېلىشتىن ئەنسىرەپ قاتتىق باش قاتۇرۇپ ئاخىرى ئىنتايىن ياخشى ئامالدىن بىرنى ئويلاپ تېپىتۇ. ئۇلار ماي دۇغى ۋە پاتقاقنى پۈتۈن بەدىنىگە سۈرتۈپ، ئۆزلىرىنى بولۇشىغا مەينەت كۆرسىتىپتۇ. ئاندىن مەكتەپ مۇدىرىنىڭ يېنىغا كىرىپ، ئىنتايىن بىچارە ھالدا تۈنۈگۈن ئۆزلىرىنىڭ بىر دوستىنىڭ تويىغا قاتنىشىپ، قايتىشىدا ماشىنا چاقىنىڭ ئېتىلىپ كەتكەنلىكىنى، قېرىشقاندەك ماشىنىدا ئارتۇق چاق يوقلىقىنى، بۇ قېتىملىق مۇھىم ئىمتىھانغا قاتنىشىش ئۈچۈن پاتقاقلىق يولدا ماشىنىنى بىر كېچە ئىتتىرىپ يۈرۈپ بۈگۈن ئاران ئۈلگۈرۈپ كېلىشكەنلىكىنى، ئەمما ئۆزلىرىنىڭ ھېرىپ ھالىدىن كەتكەچكە ئىمتىھاننى ياخشى بېرەلمەسلىكىدىن ئەنسىرەيدىغانلىقىنى ئېيتىشىپتۇ.

مەكتەپ مۇدىرى ئۇلارنى قايتىپ ياخشى ئارام ئېلىۋېلىشىنى، ئۈچ كۈندىن كېيىن ئىمتىھانغا قاتناشسا بولىدىغانلىقىنى ئېيتىپتۇ. ئوقۇغۇچىلار ئىنتايىن خۇشال ھالدا مەكتەپ مۇدىرىغا ئۆزلىرىگە بىر قېتىم پۇرسەت بەرگەنلىكىگە رەھمەتلەر ئېيتىشىپتۇ ۋە ئىمتىھانغا ياخشى تەييارلىق قىلىدىغانلىقىنى بىلدۈرشۈپتۇ. ئۈچ كۈندىن كېيىن مەكتەپ مۇدىرى بۇ تۆت ئوقۇغۇچىنى تۆت سىنىپقا ئىمتىھانغا ئورۇنلاشتۇرۇپتۇ. بۇ ئەھۋالغا ھېلىقى ئوقۇغۇچىلاردىمۇ ئىدىيە جەھەتتىن تەييارلىق بولۇپ، ئۇلار ئۈچ كۈندىن بويان ئىمتىھانغا پۇختا تەييارلىق قىلغان ئىكەن. ئەمما ئىمتىھان قەغىزى تارقىتىلغاندىن كېيىن بۇ تۆتەيلەن ھاڭۋىقىپلا قاپتۇ. ئىمتىھاندا پەقەت ئىككىلا سوئال بار ئىكەن، ھەم شۇنداق ئاددىي، ھەتتا تولۇق نومۇر100 ئىكەن.

بىرىنچى سوئال ئىسىم فامىلىسىنى يېزىش بولۇپ، بۇنىڭغا ئىككى نومۇر بېرىلىپتۇ. ئىككىنچى سوئال تاللاش سوئالى ئىكەن، ئۇنىڭغا 98 نومۇر بېرىلگەن بولۇپ سوئال مۇنداق ئىكەن:

ئۈچ كۈن ئىلگىرى ماشىنىنىڭ قايسى چاقى ئېتىلىپ كەتكەن؟

A: سول ئالدى چاق   

B: ئوڭ ئالدى چاق

C: سول كەينى چاق

D: ئوڭ كەينى چاق