كەچلىك تاماق ۋە سۈيدۈك يولىدا تاش پەيدا بولۇش....3

   4 .كەچلىك تاماق ۋە سۈيدۈك يولىدا تاش پەيدا بولۇش
ئادەمنىڭ كالتسىينى بەدەن سىرتىغا چىقىرىۋېتىش يۇقۇرى دولقۇنى كەچلىك تاماق بولۇپ تۆت-بەش سا  ئەتتىن كېيىن باشلىنىدىغان بولغانلىقتىن،مۇبادا كەچلىك تاماق بەك كېيىن يېيىلسە،كالتسىينى بەدەن سىرتىغا چىقىرىش يۇقۇرى دولقۇنى يېتىپ كەلگەندە ،بىز ئۇخلاۋاتقان ھالەتتە تۇرغان بولىمىز.شۇڭا،سۈيدۈك ۋاقتىدا سىرتقا چىقىرىلمىغانلىقتىن،سۈيدۈك تەركىبىدىكى كالتسىي ئۈزلۈكسىز كۆپىيىپ،ئاسانلا چۆكمە بولىۋېلىپ تاش كىرىستاللىرى بولۇپ شەكىللىنىپ قالىدۇ-دە،ئۇزاق مۇددەت يىغىلغانسېرى ئاسانلا تاش پەيدا بولىدۇ.
  5 .كەچلىك تاماق ۋە يۇقىرى قان يېغى،ياغلاشقان جىگەر
كەچلىك تاماقتىكى يۇقىرى ئاقسىللىق ،ياغلىق،يۇقىرى ئېنېرگىيەلىك تاماقلار زىيادە كۆپ بولۇپ كەتسە،   جىگەرنىڭ تۆۋەن زىچلىقتىكى ياغ ئاقسىلى ئاجرىتىشىغا سەۋەپ بولىدۇ-دە،قاندىكى ياغ يۇقىرى بولۇش ۋە ياغلاشقان جىگەر كېسەللىكىنى پەيدا قىلىدۇ.
6 .ياغلىق يېمەكلىكلەر تەركىبىدىكى كۆپ مىقداردىكى ياغ قاننى قۇيۇلدۇرۋېتىپ،ئارتېرىيە قان تومۇرىدا بوتقىسىمان داغ پەيدا قىلىدۇ.قان تومۇرلار خۇددى ئەۋرەز يولىنى قېلىن ياغلىق پاتقاقلار توسىۋالغىنىغا ئوخشاش راۋان بولمايدۇ ھەمدە بىر مۇنچە يۈرەك،مېڭە قان تومۇر كېسەللىكلىرىنى پەيدا قىلىدۇ.ئۇنىڭ ئۈستىگە،ئۇخلىغان ۋاقتىمىزدا قاننىڭ ئېقىش سۈرئىتى ئاستىلاپ،ئۇششاق ئارتېرىيە قان تومۇرلىرىنىڭ قىسقىراپ كېتىشىنى كەلتۈرۈپ چىقىرىدۇ-دە،تاشقى قان تومۇرلارغا بولغان توسالغۇ كۈچىيىپ كېتىدۇ.بۇنىڭ بىلەن قان بېسىمى تۇيۇقسىز ئۆرلەپ،پۈتكۈل بەدەندىكى ئۇششاق قان تومۇرلارنىڭ قېتىش جەريانىنى تېزلىتىۋېتىدۇ.
7.كەچلىك تاماق ۋە ئارتېرىيە بوتقىسىمان قېتىشىش بىلەن يۈرەك كېسىلى
كەچلىك تاماق مۇبادا ياغلىق ،ئىسسىقلىقى يۇقىرى بولۇپ كەتسە،خولىستېرىننى ئۆرلىتىۋېتىپ،ئارتېرىيە بوتقىسىمان قېتىش ۋە يۈرەك كېسىلىنى كەلتۈرۈپ چىقىرىدۇ.ئارتېرىيە بوتقىسىمان قېتىشنىڭ شەكىللىنىشىدىكى يەنە بىر مۇھىم سەۋەپ،كالتسىيلىق ماددىلارنىڭ قان تومۇر دىۋارىدا چۆكمە بولۇۋېلىشىدىن ئىبارەت.شۇڭلاشقا ،كەچلىك تاماقنى ھەشەمەتلىك يېيىش،تويۇنۇپ يېيىش ۋە كېچىكىپ يېيىش يۈرەك قان تومۇر كېسەللىكلىرىنىڭ كېلىپ چىقىشىدىكى مۇھىم سەۋەپلەرنىڭ بىرى ھېساپلىنىدۇ.(داۋامى يوللىنىدۇ)