ساۋاقداشلىرىمغا چاقچاق
给大学同学开玩笑
(مەن بۇ شېئىرىمنى شىنجاڭ پىداگوگىكا ئۇنۋېرسىتى فىزىمات-ئۇچۇر ئىنىستىتوتى كومپىيۇتېر ئىلمى ۋە تېخنىكىسى فاكولتىتى 97-يىللىق3-سىنىپتا بىرگە ئوقۇغان ساۋاقداشلىرىمغا بېغىشلايمەن)
بىز تۇنۇشقان غۇبارسىز چاغلار،
ئىدى ئەجەپ ئەقلىمىز سەبى.
ئاياغلاشتى بەش يىللىق ئوقۇش،
ئاھ!شۇ چاغلار قالدى چۈش كەبى.
ئايرىۋەتتى بىزنى شۇم تەغدىر،
شەيتان نىجىس قۇتىراپ ئەسەبى.
ساۋاقداشلىق خاتىرىسىنى،
يوقۇتالماس لىكىن ئەبەدى.
※
گۈلشەن،ئاينۇر،باشلىق ئابىدە،
تۇرامسىلەر جەنۇپقا كىلىپ؟
ئۈرۈمچىگە بارىمەن بىر كۈن،
ئۆيۈمدىكى ئىشەككە مىنىپ.
ئىككى ھەيئەت:قابىل،ئادىلە،
قالساڭلار گەر ئاقسۇدا ئىشلەپ.
ئىتەمسىلەر كاۋا مانتىسى؟
بېرىپ قالسام سىلەرنى ئىزدەپ.
غولجا قىزى:ئايگۈل،ساجىدە،
ھىسام ئاكام تۇرغاندۇ قانداق؟
دەپ بىرىڭلار بىر –ئىككى چاقچاق،
شۇنداق بىر كۈن جەم بولۇپ قالساق.
زىلۋا بويلۇق ئەركە پاتىمە،
قالسام بىر كۈن پىچانغا بېرىپ.
ئارزۇگۈلنىڭ ئادرىسىنى،
خاپا بولماي بىرەمسىز يېزىپ؟
قىلىپ قالساڭ گۈلشەن بىلەن توي،
ياتاقدىشىم ئەيساجان پاخپاق.
بوزدالادىن بىر ئاي ئىلگىرى،
ئەۋەتەرسەن قولۇمغا باغاق.
كۆپ چىقارمىش توقسۇندا بوران،
كەتمەڭ گاشى بوراندا ئۇچۇپ.
بولۇپ كىتىڭ كاتتا مىليۇنېر،
شۇ بۇرانغا تاش تۈگمەن قۇرۇپ.
سىمىز ئەنۋەر قالسىڭىز ئەگەر،
چۈشىڭىزدە «باجيې» چۈشەپ.
راسا ئۇرۇڭ قەدىمى تۇرپان،
مۇنارىنىڭ تېمىغا يۈلەپ.
ئابدۇكېرىم،غولامجان سىلەر،
قۇيامسىلەر قوغۇنمۇ تېرىپ؟
پۇت ۋە قوللار سۇنۇپ كەتمىسۇن،
كوچىدىكى شاپاققا تېيلىپ.
بالا مىجەز ئابدۇرۇسۇل سىز،
كورلىدا ئويۇنچۇق ئويناپ.
كوچا-كويدا ئېزىپ قالسىڭىز،
پاتىگۈلنى ئويغۇتۇڭ توۋلاپ.
ھاجىنىسا سىزمۇ بار يەنە،
قالدۇرمايمەن ھەرگىز بىر چەتتە.
ھەر بىر قېتىم نەشپۈت يىگەندە،
ئەسلەپ تۇرۇڭ بىزنى يۈرەكتە.
ئاتۇش قىزى :جىمخور خەيرىگۈل،
كەتسە سىزنى سادىقجان باشلاپ.
بولىۋالماڭ ئايال سودىگەر،
بىر ئۇلۇغۋار خىزمەتنى تاشلاپ.
ئابدۇمىجىت،مەھمۇتجان سىلەر،
بىر كۈنلىرى قۇرساڭلار شىركەت.
كاتىپ لازىم بولۇپ قالسا گەر،
ئەۋەتىڭلار ماڭا تەكلىپ خەت.
ئايزىمگۈل،ئايگۈل ۋە ئادىل،
خەت-پەت يېزىپ تۇرۇڭلار بىزگە.
ئەۋەتىمەن قەشقەرگە چۇقۇم،
ئۇچتۇرپاندىن بىر خالتا جىگدە.
جورجى كاۋلى مەتدولنى ئىزدەپ،
ياۋرۇپادىن يوللاپتۇ ئېلخەت.
لوپتا دەيدۇ دولنىڭ مەھەللىسى،
بۇ گەپ راستمۇ ئېيتىڭە ئابلەت؟
گۈلنۇر بىلەن ئىككى تۇنساگۈل،
تۇرۋالماڭلار بىرنى«بى»لا دەپ.
جاھىللىقنىڭ بازىرى كاسات،
بۇ مىنىڭكى كۆڭلۈمدىكى گەپ.
ئوتخۇن بىلەن سىرىك، گۈلنۇرا،
سىلەر بىلەن بىز ھەم قېرىنداش.
مىللىتىمىز باشقا بولسىمۇ،
ئۆتتۇق بەش يىل بولۇپ ئويۇلتاش.
※
مانا بىز بۈگۈن ئايرىلار بولدۇق،
دىلدا ئەلەم،چاناقلاردا ياش.
ئەسلىشەيلى مەڭگۈ-مەڭگۈگە،
ئاھ!سۆيۈملۈك ئوتتۇز ساۋاقداش...
2011-يىلى9-ئاي شىنجاڭ پىداگوگىكا ئۇنۋېرسىتى
| 
يوللىغان ۋاقتى 2015-11-24 00:08:26
