قاراقاش ناھىيەسىدە كاتتا ساخاۋەتلىك ئىشتىن يەنە بىرسى بولدى
دانىشمەن يېزىقچىلىق شىركىتى خەۋىرى:
مائارىپقا كۆڭۈل بۆلۈش، ئىلىم-مەرىپەتنى قەدىرلەش قاراقاش كارخانىچىلىرىنىڭ ئېسىل ئەخلاقى. يېقىندا قاراقاش ناھىيەلىك كىنو-تىياتىرخانىدا ئۆتكۈزۈلگەن «مائارىپقا ئىللىقلىق يەتكۈزۈش، ئىئانە توپلاش ئەدەبىيات-سەنئەت پائالىيىتى» دە كارخانىچىلىرىمىزنىڭ بۇ گۈزەل ئەخلاقى يەنە بىر قېتىم نامايەن بولدى. قاراقاش ناھىيەسىدىكى 80 دىن ئارتۇق چوڭ-كىچىك كارخانا مائارىپنى قوللاش، كەلگۈسى ئەۋلادلارغا ئەمەلىي نەپ يەتكۈزۈش يۈزىسىدىن قاراقاش ناھىيەسىدىكى ئالىي مەكتەپ ۋە ئىچكىرى تولۇق ئوتتۇرا مەكتەپتە ئوقۇۋاتقان ھەمدە مەكتەپكە مېڭىش ئالىداتۇرىۋاتقان ئوقۇشتا قىيىنچىلىقى بار ئوقۇغۇچىلارغا 2 مىليون 890 مىڭ 265 يۈەن ئىنائە قىلدى. پائالىيەت باشلىنىشتىن بۇرۇن ناھىيەلىك پارتكومنىڭ مۇئاۋىن شۇجىسى، ناھىيەلىك خەلق ھۆكۈمىتىنىڭ ھاكىمى مەمتىمىن ئابدۇللا مۇھىم سۆز قىلىپ، كارخانىچىلارنىڭ بۇ گۈزەل ئەخلاقىغا ئاپىرىن ئوقىدى ھەم ئوقۇغۇچىلارغا پۇرسەتنى قەدىرلەپ تىرىشىپ ئۆگىنىش، جەمئىيەت ئۈچۈن ياراملىق ئادەم بولۇش توغرىسىدا ياخشى تېلەكلەرنى بىلدۈردى. پائالىيەت جەريانىدا ئەدەبىيات-سەنئەت نومۇرلىرى كۆرسىتىلدى، ئاتا-ئانا ۋە ئوقۇغۇچىلار ۋەكىللىرى ئۆزىنىڭ تەسىراتىنى بايان قىلدى. بالىلار يازغۇچىسى، شائىر ئۆمەر مەتنۇرى قۇتيار «ياخشى ئىشنى قىلساڭلار ھاياتلىقتا ئادەملەر» ناملىق شېئىرىنى دېكلاماتسىيە قىلىپ پائالىيەت ئەھلىنى قىزغىن ھاياجانغا چۆمدۈردى. پائالىيەت ئاخىرىدا 2015-يىلى 7-ئايدا لىياۋنىڭ ئۆلكىسى جىنجۇ ئوبلاستىدا ئۆتكۈزۈلگەن 5-نۆۋەتلىك ئىستىقبال يۇلتۇزى لوڭقىسىنى تالىشىش مەملىكەتلىك ئۆسمۈرلەر پۇتبول مۇسابىقىسىنىڭ 10 ياشلىقلار گۇرۇپپىسىغا قاتنىشىپ، كۈچلۈك تۆت كوماندا قاتارىغا كىرگەن ۋە ئەخلاق پەزىلەتلىك كوماندا مۇكاپاتىغا ئېرىشكەن قاراقاش ناھىيە كاۋاك يېزا ھاجىئېغىل كەنتىدە پەرھات مۇئەللىم تەرىپىدىن قۇرۇلغان كوماندا ئەزالىرىدىن ئىككى نەپەر ئۆسمۈر، شۇنداقلا بۇ كوماندىدىكى بارلىق كوماندا ئەزالىرى ئايرىم-ئايرىم ھالدا مۇكاپاتلاندى.
تۆۋەندە مۇناسىۋەتلىك سۈرەتلەر بىرگە يوللاندى:
رىياسەتچىلەر پائالىيەت باشلانغانلىقىنى ئېلان قىلماقتا
ھاكىم مەمتىمىن ئابدۇللا سۆز قىلماقتا
ماكانىم شىركىتىنىڭ لېدىرى ئابلەت ئابابەكرى ئىئانە تەقدىم قىلماقتا
شىركەت مەسئۇللىرى ئىئانە تەقدىم قىلماقتا
شىركەت مەسئۇللىرى ۋە ۋەكىللىرى ئىئانە تەقدىم قىلماقتا
خوتەن ۋىلايەتلىك مەمۇرىي مەھكىمىنىڭ مۇئاۋىن ۋالىيسى، قاراقاش ناھىيەلىك پارتكومنىڭ شۇجىسى خې جۈن پۇتبول مۇسابىقىسىدە نەتىجىگە ئېرىشكەن ماھىرلار ۋە كوماندا ئەزالىرىغا مۇكاپات تارقاتماقتا
مۇكاپاتقا ئېرىشكەن كوماندا ئەزالىرى
ناھىيەلىك پارتكومنىڭ مۇئاۋىن شۇجىسى ھەسەنجان ئابلىمىت ئوقۇغۇچىلارغا مۇكاپات تارقاتماقتا
ياردەمگە ئېرىشكەن ئوقۇغۇچىلار
شىركەت مەسئۇللىرى ۋە ۋەكىللىرى ئىئانە تەقدىم قىلماقتا
شائىر ئۆمەر مەتنۇرى قۇتيار شېئىر دېكلاماتسىيە قىلماقتا
مەرىپەتپەرۋەر كارخانىچىلار
مەرىپەتپەرۋەر كارخانىچىلار
ئوقۇغۇچىلار ۋەكىلى تەسىرات سۆزلىمەكتە
ئاتا-ئانىلار ۋەكىلى تەسىرات سۆزلىمەكتە
ئوقۇتقۇچى-ئوقۇغۇچىلار «مۇئەللىم» ناملىق نومۇرنى ئورۇندىماقتا
پەرھات مۇئەللىم تەرىپىدىن قۇرۇلغان كوماندا ئەزالىرى ۋە ئۇلارنىڭ ئاتا-ئانىلىرى | 
يوللىغان ۋاقتى 2015-8-30 00:31:58
