«سەرگەردان» فىلىمى ۋە راجى كاپۇر توغرىسىدا
         
فىلىمنىڭ قىسقىچە مەزمۇنى:
ھىندىستاندىكى نامدار سوتچى-راگۇنات «ياخشى ئادەمنىڭ بالىسى ياخشى ئادەم بولىدۇ،ئەسكى ئادەمنىڭ بالىسى ئەسكى ئادەم بولىدۇ.»دەيدىغان خاتا قاراشنىڭ تۈرۈتكىسىدە بۇلاڭچىنىڭ ئوغلى-زاكىرغا سوت كېسىۋىتىدۇ. زاكىر تۈرمىدىن چىققاندىن كىيىن چوڭ قاراقچىغا ئايلىنىپ،راگۇناتتىن ئۆچ ئېلىپ،ئۇنىڭ ئوغلى-راجىنىڭ يامغۇرلۇق كوچىدىكى يۈندە ئازگىلىدا تۇغۇلىشىغا ۋە چوڭ بولغاندا يانچۇقچىغا ئايلىنىپ كېتىشىگە سەۋەپچى بولىدۇ. رىتانىڭ ئوتلۇق مۇھەببىتى راجىنى توغرا يولغا يىتەكلىسىمۇ، لىكىن راجى زاكىرنىڭ ئىسكەنجىسىدىن قۇتۇلالمايدۇ. راگۇنات ئۆز ئوغلى-راجىنى سوراق قىلىش مەيدانىدا ۋىجدان سوتىغا تارتىلىپ، ھەسرەت چېكىدۇ. مەزكۇر فىلىم پاك مۇھەببەتكە ۋە ئىنسانپەرۋەرلىككە ئوقۇلغان مەدىھيە ناخشىسى بولۇش سۈپىتى بىلەن ئۇيغۇر جەمىيىتىدە بىر مەھەل زىل-زىلە قوزغاپ،بىر ئەۋلات كىشىلەرنىڭ ئېدىيىسىگە زور تەسىر كۆرسەتتى. فىلىمدە رول ئالغان راجى كاپۇر ۋە رىتالار فىلىمدىكى ئاساسلىق رولنى ئۆزگىچە ماھارەت بىلەن ئورۇنلاپ،تاماشىبىنلارنىڭ چوڭقۇر ھىسداشلىقىغا ئېرشىدۇ. فىلىمدىكى 10 دىن ئارتۇق ناخشا ۋە مۇزىكىلار تاماشىبىنلارغا مەنىۋىي زوق ئاتا قىلىپ، كىشىلەرنىڭ بىر ئۆمۈر ياخشى كۆرىدىغان ئۆلمەس ناخشىسىغا ئايلانماقتا. «سەرگەردان» فىلىمىنىڭ باش قەھرىمانى راجىنىڭ رولىنى مۇۋاپىقيەتلىك ئېلىپ چىققان ئارتىست-ھىندىستان كىنو مۇنبىرى شۇنداقلا دۇنيا كىنوچىلىقىدىكى گىگانت چولپان، ھىندىستان كىنوچىلىقى ئۈچۈن، گەۋدىلىك تۆھپە قوشقان ۋە كۆزگە كۆرۈنگەن رىژىسۇر،كىنو سەنئەتكارى، كۆزگە كۆرۈنگەن فىلىم ئىشلىگۈچى، نومۇر رىياسەتچىسى، كىنوشۇناست، راجى كاپۇر ئەپەندى-1924-يىلى دىكابىردا ھازىرقى پاكىستاننىڭ پىشاۋۇر شەھرىدە بىر كىنوچى ئائىلىسىدە دۇنياغا كەلگەن. ئۇنىڭ دادىسى-بابابورتىۋىراجى-ھىندىستاندىكى مەشھۇر كىنو چولپىنى ھەمدە درامما ئارتىسى بولۇپ،سەرگەردان فىلىمىدە راجىنىڭ دادىسى سوتچى-راگۇناتنىڭ رولىنى ئالغان. راجى كاپۇر 1943-يىلدىن باشلاپ،كىنودا رەسمى رول ئېلىشقا باشلىغان. 1947-يىلى بومبايدا ئۆزىنىڭ نامىدىكى راجى كاپۇر كىنو فىلىم ئىشلەش شىركىتى قۇرۇپ چىققان.ئۇ ئۆمرىدە 14 فىلىمگە رىژىسۇرلۇق قىلىپ، 57 فىلىمدەباش رول ئالغان. ئۇ 1988-يىلى 7-ئاينىڭ 2-كۈنى زىققا كىسىلى قوزغۇلۇپ كېتىپ،64يېشىدا ئالەمدىن ئۆتتى. ئۇنىڭ كىنوچىلىق ساھيەسىدىكى ئۇلۇغ تۆھپىسى دۇنيادىكى ھەر مىللەت خەلقىنىڭ قەلبىدە مەڭگۈ ئۇنتۇلمايدۇ. تەييارلىغۇچى- ئابدۇمىجىت مۇھەممەتئېلى | 
يوللىغان ۋاقتى 2015-8-13 14:23:21
