يېڭى يىلدا يېڭىچە يول بېسىڭ!
بىرىنچى ئىش: سەھنىنى توغرا تاللاڭ
مەيلى سىزنىڭ قانچىلىك تالانتىڭىز بولسۇن، ياكى سىز قانچىلىك ئاددىي بولۇڭ، سىز ئۆزىڭىزنى توغرا ئورۇنغا قويغىنىڭىزدىلا سىزنىڭ ھەقىقىي قىممىتىڭىز بولىدۇ، شۇڭلاشقا، ئادەم مۇھىتنىڭ مەھسۇلى.
ئىككىنچى ئىش: دوسىتنى توغرا تۇتۇڭ
ئادەملەرنىڭ ھەممىسى ئۆز خىلى بىلەن بولىدۇ، سىزنىڭ كىشىلىك ھاياتىڭىز ياكى باشقىلارنىڭ تەسىرىگە ئۇچرايسىز، ياكى باشقىلار سىزگە تەسىر كۆرسىتىدۇ، سىز جەمئىيەتنىڭ ئەڭ تۆۋەن قاتلىمىدا تۇرغىنىڭىزدا باشقىلارنىڭ تەسىرى سىزگە نىسبەتەن شۇنچىلىك مۇھىم، شۇڭا سىزگە تەسىر كۆرسىتىۋاتقان ئادەملەرنىڭ قانداق ئادەملەر بولۇشى سىزنىڭ تۇرمۇشىڭىزغا بىۋاستە تەسىر كۆرسىتىدۇ. سىز داۋاملىق ئۆزىڭىز بىلەن ئوخشاش ئادەملەر تەرىپىدىن پاسسىپلىق بىلەن ئۇخلىتىلىپ قويۇلامسىز؟ ئېسىڭىزدە بولسۇن، كىم بىلەن دوست بولسىڭىز، سىزنىڭ ھاياتىڭىزمۇ شۇنىڭغا ئوخشاپ ماڭىدۇ.
ئۈچىنچى ئىش: غالىبلارغا توغرا ئەگىشىڭ.
ئېسىڭىزدە بولسۇن، ئالدى بىلەن ئات تونۇغۇچى بولسا، ئاندىن تۇلپارنى تونۇيالايدۇ. ئادەم تەربىيىلەنسە بولىدۇ، لېكىن، سىزنىڭ ئات تونۇغۇچىڭىز نەدە؟ ئۇ كىم؟ ئۇ سىزنى كىمگە ئايلاندۇرالايدۇ؟ غالىبلار سىزنىڭ ئىدىيىڭىزنى توغرىلاپ، توغرا بولغان قىممەت قارىشى يېتىلدۈرىشىڭىزگە ياردەم بېرەلەيدۇ. ئۇلار سىزنى رىغبەتلەندۈرۈپ ئالغا ئىلگىرىلىشىڭىزگە تۈرتكە بولىدۇ، ئۇلار سىزنىڭ نىشانىڭىزنى تېپىشىڭىزغا ياردەم بېرىدۇ. سىزدىن ئاسانلىقچە ۋاز كەچمەيدۇ، سىزنىڭ مۇۋەپپىقىيىتىڭىزنى كۆرگەندە بىرىنچى بولۇپ سىزگە ئالقىش ياڭرىتىدۇ.
تاللاش تىرىشىشتىن مۇھىمدۇر
ۋەلىسپىتكە مىنگەندە، ئىككى پۇتىڭىز كۈچەپ تەپكىنى بىر سائەت تەپكەندە، ئون كىلومېتىر ئەتراپىدا يول يۈرەلەيسىز؛ ماشىنا ھەيدىسىڭىز، پۇتىڭىز ماينى بىرلا باسسا، بىر سائەتتە يۈز كىلومېتىر يول يۈرەلەيسىز؛ تېز پويىزغا ئولتۇرسىڭىز، كۆزىڭىزنى يۇمۇپمۇ، بىر سائەتتە ئۈچ يۈز كىلومېتىر يول يۈرەلەيسىز؛ ئايروپىلانغا چىقسىڭىز، تاماقلاردىن ھوزۇرلانغاچ، بىر سائەتتە مىڭ كىلومېتىر يول يۈرەلەيسىز؛ سەھنە ئوخشاش بولمىسا، ۋاستىچىمۇ ئوخشاش بولمايدۇ، نەتىجىمۇ ئوخشاش بولمايدۇ؛ شۇڭا تاللاش تىرىشىشتىن مۇھىمدۇر؛
مەنبە: توغراق تورى
| 
يوللىغان ۋاقتى 2014-12-16 19:17:02