ماي بوياق ئەسەرلىرى كۆرگەزمىسى ئۆتكۈزۈلدى

ئازادجان ئىبراھىم

كۈنەس ناھىيەسى 2014-يىللىق ‹‹يۇرتقا مۇھەببەت››ماي بوياق ئەسەرلىرى كۆرگەزمىسى ئۆتكۈزۈلدى

2014-يىلى 12-ئاينىڭ 2-كۈنى كۈنەس ناھىيەلىك تەشۋىقات بۆلۈمى، ئىلى ئوبلاستلىق رەسساملار جەمئىيىتى ، كۈنەس ناھىيەلىك ئەدەبىيات-سەنئەتچىلەر بىرلىشمىسى، كۈنەس بازارلىق پارتكوم، كۈنەس ناھىيەسى كۈنەس بازىرى ، توقاي كەنىت(مەھەللە)گە چۈشكەن خىزمەت گۇرۇپپىسى بىرلىكتە  رەڭدارلىققا تولغان ماي بوياق رەسىمى ئارقىلىق ،گۈزەل كۈنەسنى نامايەن قىلىپ،بۇ مۇنبەت تۇپۇراققا بولغان چوڭقۇر ھېسسياتلىرىنى  ئىپادىلەپ،  كۈنەس ناھىيەلىك 4-ئوتتۇرا مەكتەپنىڭ كۆرگۈزمە زالىدا كۈنەس ناھىيەسى 2014-يىللىق ‹‹يۇرتقا مۇھەببەت››ماي بوياق ئەسەرلىرى كۆرگەزمىسى ئۆتكۈزۈلدى.  بۇقېتىمقى ماي بوياق ئەسەرلەر كۆرگەزمىسىگە ئىلى ئوبلاستىدىكى كۆزگە كۆرۈنگەن رەسساملارنىڭ 32پارچە ئەسىرى بىلەن كۈنەس ناھىيەسىدىكى رەسساملارنىڭ 28پارچە ئەسەرنى ئىلى ئوبلاستلىق مەدەنىيەت مەركىزىدىن كۈنەس بازىرى توقاي كەنىت (مەھەللە)كە چۈشكەن خىزمەت گۇرۇپپىسىدىكى رەسسام شاۋكەت كەنىتتە تۇرغان ۋاقتىدىن پايدىلىنىپ،كۈنەس مەنزىرىسى بىلەن تۇرمۇشنى  زىچ بىرلەشتۈرگەن ئەسەرلەرنى توپلاپ ،جەمىئىي 60پارچە ئەسەردىن 50پارچە ماي بوياق ئەسەرنى تاللاپ چىقىپ، كۆرگەزمىگە قاتناشتۇرغان.

بۇ كۆرگەزمە كۈنەس ناھىيەسىدە تۇنجى قېتىم ئۆتكۈزىلىشى بولۇپ، ئىلى ئوبلاستى ۋە كۈنەس ناھىيەسىدىكى ھەرمىللەت رەسساملىرىنىڭ بەلگۈلۈك تەسىر كۈچكە ئىگە  ئەسەرلىرى قاتناشتۇرۇلغان بولۇپ، كۆرگۈزمە كۈنەس  ناھىيەسىنىڭ ،مەنىۋى مەدەنىيەت تۇرمۇشىنى  بېيىتىپ،كەڭ خەلىق ئاممىسىنىڭ،ماي بوياق ئەسەرلىرىدىن ھوزۇرلىنىش سەۋيىسىنى يۇقىرىلىتىپ،كۈنەس ناھىيەسىدىكى گۈزەل-سەنئەت بايلىق مەنبەسىنى قېزىپ چىقىپ ،رەسساملارنىڭ ئىلھامىنى ئۇرغۇتۇپ،ياش-ئۆسمۈرلەرنىڭ  گۈزەل-سەنئەت ئۆگىنىش قىزغىنلىقىنى ئۆستۈرۈپ،كۈنەس ناھىيەسىنىڭ سەنئەت ساھاسى تەرەققىياتى ئۈچۈن ياخشى ئاساس تىكلەشنى ئاساسى مەقسەت قىلغان.

ئىلى ئوبلاستلىق مائارىپ ئىدارىسىنىڭ ئىدارە باشلىقى نۇرتاي ،ئىلى ئوبلاستلىق رەسساملار جەمىئىيىتىنىڭ ۋەكىللىرى ، كۈنەس ناھىيەلىك ئەدەبىيات- سەنئەتچىلەر بىرلەشمىسىنىڭ رەھبەرلىرى ،كۈنەس ناھىيەسى كۈنەس بازىرىنىڭ مۇناسىۋەتلىك رەھبەرلىرى ،كۈنەس بازىرى توقاي كەنتىگە چۈشكەن خىزمەت گۇرۇپپىسىدىكى كادىرلار ،ھەرقايسى ئىدارە ئوگانلاردىن كەلگەن كادىرلار،  شەھەرئاھالىلىرى،ۋەكۈنەس ناھىيەلىك 4-ئوتتۇرا مەكتەپتىكى ئوقۇتقۇچى ،ئوقۇغۇچىلار دىن بولۇپ جەمىئىي 600دىن ئارتۇق كىشى  بۇ قېتىمقى كۆرگۈزمىنى كۆردى.

خەۋەرنى يازغان :ئازادجان ئىبراھىم

تۇرغان

ئەھمىيەتلىك كۆرگەزمە ئىكەندۇق،،ماي بوياق ئاسەرلىرىدىن بىر نەچچە پارچىنى سۈرەتكە تارتىپ قوشۇپ ئەۋەتىۋەتكەن بولسىڭىزچۇ؟