پىشقەدەم دېھقان رەسسام ئابلىكىم دانا 1943 –يىلى قارقاش ناھىيىسىنىڭ زاۋا بازىرى قۇمئېرىق كەنتىدە نامرات دېھقان ئائىلىسىدە دۇنياغاكەلگەن. 1961 –يىلى باشلانغۇچ مەكتىپىنى ئەلا نەتىجە بىلەن پۈتتۈرۈپ شۇيىلى خوتەن يېزا ئىگىلىك تېخنىكومىغا قوبۇل قىلىنغان. ئوقۇش پۈتتۈرىدىغان يىلى مەركەزنىڭ يېزا ئىگىلىك بىرىنجى سېپىنى كۈچەيتىش چاقىرىقىنىڭ تۈرتكىسىدە يېزا ئىگىلىكىنىڭ ئالدىنىقى سېپىغا قايتۇرۇلغان. ئۇ شۇنىڭدىن بۇيان ئۆزىنىڭ ئاددىي–ساددا، ئاقكۆڭۈل خارەكتىرگە ماس ھالدا قولىغا كەتمەن ئېلىپ ئۆمرىنىڭ بۈگۈنكى مەنزىلىگە قەدەم قويدى.
ئابلىكىم دانا كىچكىدىن باشلاپلارەسىم كەسپىگە ئىشتىياق باغلىغان بۇلۇپ ئۇئۆزىنىڭ گۈزەللىككە بولغان ئىنتىلىشىنى ۋە تەبىئەتكە جۆربولغان قايناق ئىلھاملىرىنى ماي بۇياق ئارقىلىق رەسىم يۈزىدە جانلىق ئىپادىلەپ كەلگەن. ئۇئۆزىنىڭ يۇرتداشلىرىنى ۋە خوتەن قاراقاش دىياردىكى سەنئەت سۈيەر دوست –يارەنلىرىگە نۇرغۇن
ئىسىل ئەسەرلىرىنى تەقدىم قىلىپ ئۇلارنىڭ قەلىپ تۆرىدىن ئۇرۇن ئالغان. ئۇنىڭ رەسساملىق جەھەتتىكى تالانتى نۇرغۇن كەسپى رەسساملار تەرىپىدىن بايقىلىپ كۆپلىگەن ئەسەرلىرى دۆلەت ئىچى ۋە سىرتىدا مۇكاپاتلارغا ئېرىشكەن. ئابلىكىم دانانىڭ يەنە يېقىنقى مەزگىللەردە (تەكلىماكاندىكى رىۋايەت) (تەڭرىتاغ قارغايلىرى)(ئالتۇن كۈز) قاتارلىق مايبۇياق ئەسەرلىرى1 -دەرىجىلىك مۇكاپاتلارغا ئېرىشكەن.2012 -يىلى پايتەختىمىز بېيجىڭدا ئۆتكۈزۈلگەن مەملىكەتلىك دېھقان رەسساملار ئەسەرلىرى كۆرگەزمىسىدە ئۇنىڭ خوتەن قەغىزىگە سىزىلغان (قەدىمى رېۋايەت)ناملىق ئەسىرى2- دەرىجىلىك مۇكاپاتقا ئېرىشكەن.
بۇ ئاقكۆڭۈل ئاددىي ساددا سەمىمى،تىرىشچان رەسسام ئۆزىنىڭ ھايات مۇساپىسىدە دېھقانغا خاس تۈز كۆڭۈللىكىنى
ساقلاپ ئۆزىنىڭ چىۋەر ئىككى قۇلى بىلەن ھايات بوستانىنى نۇرغۇن نادىر ئەسەرلەر باغچىسىغائايلاندۇردى ھەمدە ئۆزىنىڭ بۇ جەھەتتىكى بۈيۈك ماھارىتى ۋە سەنئەتكە بولغان ئوتلۇق مۇھەببىتىنى ئۆزىنىڭ پەرزەنتى ۋە شاگىرتلىرىغا ئۇدۇم قالدۇرغان ئۇ ھازىرغىچە رەسساملىق نەققاشچىلىق،سىرچىلىق كەسىپلىرى بۇيىچە 1000نەپەردىن ئارتۇق شاگىرت تەربىيلەپ قاتارغا قوشتى. دېھقان رەسسام ئابلىكىم دانانىڭ بۇ قېتىملىق ئەسەرلىرىدە ئۆزگىچە ئۇسلۇپ بولۇپ، ئادەمگە روھى ئۇزۇق ئاتا قىلىدۇ ۋە ئىلھاملاندۇرىدۇ. | 
يوللىغان ۋاقتى 2014-11-27 13:56:48
