تامدا سەنئەت ھوزۇرى
ھازىر شايار ناھىيەسىنىڭ ناھىيە بازىرى ۋە يېزا قىشلاقلىرىنى ئايلىنىپ قالسىڭىز، يول بويلىرىدىكى ، ئىدارە-ئورۇن، مەكتەپ توسما تاملىرىدىكى ئۆزگىچە گۈزەل-سەنئەت ئەسەرلىرى سىزنى ئىختىيارسىز جەلىپ قىلىدۇ.
ناھىيەلىك پارتكوم، خەلق ھۆكۈمىتى «مەدەنىيەت تېمى»ياساشنى زامانىۋىي مەدەنىيەت ئارقىلىق خەلق ئاممىسىنى يېتەكلەشنىڭ مۇھىم بىر تەركىۋىي قىسمى قىلىپ، بۇ يىل سىنتەبىرنىڭ بېشىدا ناھىيەنىڭ ھەر قايسى سەپلىرىدە ئىشلەۋاتقان 20نەپەر گۈزەل سەنئەت خادىمىنى «مەدەنىيەت تېمى»ياساش ئەتىرتى قىلىپ تەشكىللەپ، ناھىيە تەۋەسىدىكى بوش تاملارغا رەسىم سىزىش،ھۆسنخەت يېزىشنى باشلىغانىدى، ئۇلار نويابىرنىڭ ئوتتۇرلىرىغىچە جەمئىي 7000كۇۋادىرات مېتىردىن ئارتۇق تامغا ۋەتەن، يۇرت-ماكاننى، ئىلىم-پەننى سۆيۈش، ئىناق-ئىتتىپاقلىق، مۇقىملىقنى قوغداش، زوراۋانلىق، تىرورلۇق، دىننىي ئەسەبىيلىككە قارشى تۇرۇش، مۇھىت ئاسىراش ، بىخەتەرلىك، شاياردىكى ساياھەت نوقتىلىرى، مەدەنىي يادىكارلىق، مىللىي ئۆرپ-ئادەت، قول ھۈنەرۋەنچىلىك مەدەنىيىتى قاتارلىق مەزمۇنلاردا رەسىملەرنى سىزدى ۋە ھېكمەتلىك سۆز،ئۈزۈندە-شۇئارلارنى يازدى. نۆۋەتتە بۇ مەدەنىيەت تاملىرى ئاممىغا سەنئەت ھوزۇرى بېرىدىغان، ئاممىنى تەربىيەلەيدىغان ياخشى مەدەنىيەت-تەشۋىقات سەھنىسى بولۇپ قالدى، شۇنداقلا يېزىلارنىڭ ھۆسنىگە ھۆسن قوشۇپ، مەدەنىيلىك دەرىجىسىنى ئىلگىرى سۈردى.
رەسساملار رەسىم سىزماقتا
تامغا سىزىلغان ئۇيغۇرلارنىڭ بورا توقۇش ھۈنىرى
ئوقۇغۇچىلار مەكتەپتىكى «مەدەنىيەت تېمى»نى كۆرمەكتە
| 
يوللىغان ۋاقتى 2014-11-14 10:56:33