ئوغرىنىڭ ئۆي ئىگىسىگە يازغان خېتى قىزىقارلىق ھەم ئەمىلىي
بۇ يازمىنى ئاخىرىدا ئەلنۇرى تەھرىرلىگەن. ۋاقتى2014-9-15 13:08ئوغرىنىڭ ئۆي ئىگىسىگە يازغان خېتى
http://photo.l99.com/bigger/32/MjAxMDAzMTQwMjEyMDVfMTIyLjcxLjIyNy4yMzhfODEzNjAy.jpg
ياخشىمۇسىز! سىز بىلەن خەت ئارقىلىق كۆرۈشۈشنى لايىق تاپتىم.
ئالدى بىلەن سىزدىن كەچۈرۈم سورايمەن، ماقۇللىقىڭىزنى ئالماي تۇرۇپلا ئۈيىڭىزنىڭ ئىشىكىنى بىرنىمىلەر قىلىپ ئېچۋەتتىم، لىكىن كەسىپداشلىرىمدەك قاتتىق قوللۇق قىلمىدىم، چۈنكى قۇلۇپنى ئاچقاندا توك ئۈشكە ياكى پالتا قاتارلىق بۇزغۇنچىلىق خاراكتىرلىك قوراللارنى ئىشلەتمىدىم. ئىقتىساد نۇقتىسىدىن ئېيتقاندا، بۇرۇنقى قۇلۇپنى ئىشلىتىۋەرسىڭىز بۇلاتتى. ئادىمىيلىكىم بىلەن كاپالەتلىك قىلىمەنكى، بىر قېتىم كىرگەن ئۆيگە ئىككىنچى قېتىم ھەرگىز كىرىپ ئوغرىلىق قىلمايمەن، چۈنكى بىرىنچىدىن، ئۆيىڭىز كىچىك، جان سانىڭىز ئاز، سىزگىمۇ ئاسان ئەمەس، ئىككىنچىدىن، مىنىڭ قولغا چۈشۈرگەن ئولجىلىرىمغا قارىغاندا، ئۆيىڭىزگە ئىككىنچى قېتىم كىرىشىمگە ئەرزىمەيدۇ.
ئاغىنە، ئەمدى سىزگە ئۆيىڭىزنىڭ ئىشىكىدىن كىرگەندىن كېيىنكى تەسىراتىمنى سۆزلەپ بېرەي، بولدى مەندىن يۇشۇرماڭ. سىز تېخى يېڭىدىن توي قىلدىڭىز. مەن ھەرگىز پالچى ئەمەس، بۇنى مەن ئۆيگە تىزىلغان نەرسە-كېرەكلەردىن بىلىۋالدىم. مەنمۇ توي قىلىش ئالدىدا تۇرىۋاتقان ئادەم. شۇڭا خىزمەتتە ئالدىراش بولساممۇ، جىددىلەشسەممۇ، قەلبىمدە مۇھەببەت بولغاچقا، چۆچۈتكۈدەك بۇزغۇنچىلىق قىلمىدىم.
ئۆيىڭىزنىڭ لايىھەسىنى بەك ياقتۇرىمەن، نەپىس ئاسما چىراغ، گۈزەل ھەم ئىللىق دېرىزە تورى، يەنە تېخى كارىۋىتىڭىزنىڭ بېشىغا قويۇپ قويغان ئايالىڭىزنىڭ جەزبىدار سۈرىتى. بۇلاردىن ئاغىنە تەلىيىڭىزنىڭ كەلگەنلىكىنى كۆرىۋالغىلى بولىدۇ. ھەممە نەرسە قارىماققا ئادەمنىڭ زۇقىنى كەلتۈرىدۇ. ئاغىنە، قاچان سىزدەك كۈنگە ئېرىشەلىسەم، بۇ كەسىپتىن قول ئۈزەرمەن. مەن ھازىر خىزمەت تەرتىپىمنى سۆزلەپ بېرەي، بۇنىڭ سىزنىڭ (جەڭگاھ) نى بالدۇر تازلىيالىشىڭىزغا ياردىمى تېگىپ قالار.
مېھمانخانىڭىزدىكى كىچىك بىخەتەرلىك ساندۇقىڭىزغا كۆپ ئەجىر سىڭدۈرگەنىدىم، ئېچىپ بەكلا ئۈمىدسىزلەندىم، ئىچىدە 10 پارچە خەت تۇرىدۇ، بىرسىنى ئېچىپ كۆز يۈگۈرتكەنىدىم، بۇ سىزنىڭ ئەينى چاغدا بىر قىزچاققا يازغان مۇھەببەت مەكتۇبىڭىز ئىكەن. ئەگەر ۋاقىت قىس، ۋەزىپەم ئېغىر بولمىغان بولسا چۇقۇم تەپسىلىي ئوقۇپ چىقاتتىم. مەن ئەدەبىياتقا قىزىقىمەن. مەخپىيەتلىكىڭىزنى ئايالىڭىزنىڭ بىلىپ قىلىشىنىڭ ئالدىنى ئېلىش، كونۋېرتتا ئامېرىكا دوللىرى ۋە باشقا قىممەتلىك نەرسىلەرنىڭ بولۇپ قىلىشىدىن ئەنسىرەپ ھەممىسىنى ئېلىپ كەتتىم. كېيىن ئېچىپ قارىسام، دوللار يوق ئىكەن، لىكىن ئاغىنە مەن خېلى ئىقتىدارلىق ئىكەنلىكىڭىزنى بايقاپ قالدىم. مۇھەببەت مەكتۇبىڭىزنى ئاجايىپ قاملاشتۇرۇپ يېزىپسىزكى، ھەربىر قۇردىكى خەتلەر ئادەمنى شۇنداق جەلىپ قىلىدىكەن. شۇڭا ئايالىڭز بەك گۈزەل ئىكەن ئەمەسمۇ، ئۇنىڭدىن باشقا، توڭلاتقۇدىكى مېۋە شەربىتىڭىزنى بىر بوتۇلكا ئىچتىم، تەمى يامان ئەمەس ئىكەن، قايسى ماركا ئىكەنلىكنى ئۇنتۇپ قاپتىمەن، ھۇجرىڭىز مەن ئالاھىدە ئېتبار بەرگەن يەر. خىزمەت ئالدىراش بولغاچق، كىرلىك، كارىۋات ياپقۇچ ھەممىسى يەردە تۇرىدۇ. لىكىن خاتىرجەم بولۇڭ، مەن سىزنىڭ يىڭى پايپىقىڭىزنى كىيىۋالغاچقا ئۆيىڭىزنى مەينەت قىلىۋەتىمىدىم. تېلىۋېزور، ياڭراتقۇلارغۇ بەك ياخشى ئىكەن، ئەمما چوڭ ھەم ئېغىر بولغاچقا، ئەپكېتىشكە ئامال بولمىدى. شۇنداقتىمۇ بۇزىۋەتمىدىم. (بۇ تەرىپىدىن ئېلىپ ئېيتقاندا ماڭا رەھمەت دېسىڭىز بولىدۇ، چۈنكى بەزى كەسىپداشلىرىم ئەپكىتەلمىگەن نەرسىسىنى بۇزۇپ، چېقىۋېتىدۇ) كۆرپە ئاستىغا تىقىپ قويغان 36 مىڭ 700 يۈەنىڭىزنى ئېلىپ كەتتىم، ئويلاپ باقسام، بۇ پۇلغا ئانچە مۇھتاج ئەمەس ئوخشايسىز، بولمىسا بۇنچە كۆپ پۇلنى تىقىپ قويۇپ نىمە قىلسىز؟
يەنە بىر ئۆيدىكى تارتمىلارنىڭ ھەممىسىنى ئاختۇرۇپ بىر دانە ئالماس كۆزلۈك ئۈزۈك تاپتىم، بەلكىم بۇ سىزنىڭ ئەينى چاغدا ئايالىڭىزغا قىلغان تويلۇق سوۋغىتىڭىزدۇر. ئەسلىدە ئالماي دىگەنىدىم، لىكىن مەنمۇ توي قىلىدىغان بولغاچقا، ماڭا جىددى لازىم بولۇپ قالدى. شۇڭا ئامال يوق ئېلىپ كەتتىم. ئەمما چىش چوتكىسى، ئاچقۇچ ئاسقۇچ قاتارلىقلارغا چېقىلمىدىم. يەنە بىر ئۆيدە كىتاب ئىشكاپىڭىز بار ئىكەن. مەن تېخى سىزنى كىتاب ئوقۇشقا ئامراق ئوخشايدۇ، دەپ ئويلاپتىكەنمەن، لىكىن ئېلىپ قارىسام ھەممىسى قۇرۇق قاپ ئىكەن، كۆرۈپ بەك ئۈمىدسىزلەندىم، كىتاب ئىشكاپىدىكى (دۇنيادا ئوغرى يوق) دېگەن DVD پىلاستىنكىسىنى ئەپكەتتىم، چۈنكى بىرىنچىدىن بۇرۇندىنلا بۇ فىلىمنىڭ ياخشى ئىكەنلىكىنى ئاڭلىغان، لېكىن كۆرۈشكە مۇيەسسەر بولالمىغانىدىم. ئەمدى ئۆيگە ئەپكېتىپ بىر كۆرۈپ باقاي، ئىككىنچىدىن، فىلىمدىكى كەسىپداشلىرىمدىن يېڭى تېخنىكىلارنى ئۆگىنىۋالاي، قايسى زامان بولۇپ كەتتى، بىلىم ئۇچقاندەك يېڭىلىنىۋاتىدۇ، قانداقمۇ ئۆگەنمەي تۇرغىلى بولسۇن، شۇڭا سىزمۇ كىتاب ئىشكاپىڭىزنى بالدۇرراق راست كىتاب بىلەن تولدۇرۇڭ...
ئاغىنە، ئەسلىدە خىزمىتىمنى يەنىمۇ ئەستايىدىل قىلسام بۇلاتتى، بىراق سىرتتا باشقلار مىڭىپ يۈرگەچكە، مەن سەل دەككە-دۈككە بولۇپ قالدىم، شۇڭا خىزمىتىمنى ئاخىرلاشتۇردۇم. بۇ قېتىم ئېرىشكەن ئولجام (ئەلۋەتتە سىز تارتقان زىيان) تۆۋەندىكىچە:
بىر تال ئالماس كۆزلۈك ئۈزۈك، DVD پىلاستىنكىسى، بىر بوتۇلكا شەربەت، 10 پارچە مۇھەببەت مەكتۇبى. بۇ ئولجىلارنىڭ ئىچىدە مۇھەببەت مەكتۇبى بولغاچقا، مەن بۇ نەرسىلەرنىڭ ئومومىي باھاسىنى بىر نېمە دېيەلمەيمەن.
سىزگە خەتنى كۆپرەك يېزىپ، تەسەللىي بەرگۈم بار بولسىمۇ، يەنە باشقا يېڭى ۋەزىپەم بولغاچقا، كۆپ سۆزلەش ئەپسىز بولۇپ قالدى، كۆرۈشكىچە ئامان بولۇڭ ( كەچۈرۈڭ، ئاخىردا مۇھەببەت مەكتۇبىڭىزدىكى بىر جۈملىنى ئىشلىتىپ سۆزۈمنى ئاخىرلاشتۇردۇم).
ئىسمىمنى قالدۇرمىغىنىم ياخشى، مۇنچىنچى يىلى مۇنچىنىچى ئاينىڭ مۇنچىنىچى كۈنى چىراغ ئاستىدا جىددى يېزىلدى.
ئەسلى مەنبە : شىنجاڭ قانۇنچىلىق گېزىتى ۋاھ قالتىس ئوغرىكەنغۇ...!
قىززىق ھە :lol قىزقارلىق يۇمرستىك ئىكەن رەھمەت. قىزىقكەن ھە قىزقارلىق يۇمرستىك ئىكەن جاھاندا مۇنداقمۇ ئەدەپلىك ئوغرىلار بارئىكەن ھە! نەدىمۇ بۇنداق ئەدەپلىك ئوغرى بولسۇن. ئالىي مەكتەپنىڭ ئەدەبىيات كەسپىدە ئۇقۇغان ئۇغرىمۇ بۇ؟؟؟؟؟؟؟؟؟؟؟؟؟؟؟؟؟؟؟؟
بەت:
[1]