بالىلار قوشاقلىرى
بالىلار قوشاقلىرىچىگىچى بۇغدايچى
چىگىچى بۇغدايچى ،
ھەمگىچى دۇغدايچى.
كېچىلەپ سۈرمەنى قوي،
سۈرمىنىڭ قايسى قىزىل
ئەڭلىكى ئۇپا قىزىل.
ئۇپىنى نەدىن ئالارمەن،
باغچەمنىڭ باغىدىن.
ئىشكىدە قۇلۇپ تۇرادۇر،
شورا ئاچتىم ئارقىدىن.
**** **** ****
باغچەم كىمگە تېگەدۇر
ئۇستا قۇۋان تازغا تېگەر
ئۇستا قۇۋان تازنىڭ نېمىسى بار؟
ئالتۇن-ئالتۇن قۇشلىرى بار
قۇشلارنى قۇشلايلى
تاز باشىغا مۇشلايلى
تاز باشى قاناپ كەتسە
ئالتە پۇڭغا رەڭ ئىلىپ
تاز باشىنى بويايلى .
ئاداش -ئاداش بولايلى
ئاداش -ئاداش بولايلى
ئالما قېقى شورايلى
تالىشىپ يىگەچ بىر ناننى
دەريا بويى بويلايلى
**************
ئاداش -ئاداش بولايلى
ئالما قېقى شورايلى
ئۇلۇغ سۇنىڭ بويىدا
بىرنان تاپساق تەڭ يەيلى
*******************
ئاداش-ئاداش بولايلى
نېمە تاپساق تەڭ يەيلى
ئورتاق بولۇپ ھەر ئىشتا
گەپ سۆز بولسا تەڭ دەيلى
******************
كېلىڭ دوستلار ئوينايلى
ئاداش-ئاداش بولايلى
بىرنان تاپساق تەڭ يەيلى
ئايرىماس دوست بولايلى .
ھەپتە قوشىقى
دۈگىلەپ كەلدى دۈشەنبە،
سەكرەپ كەلدى سەيشەنبە،
چامداپ كەلدى چارشەنبە،
پايلاپ كەلدى پەيشەنبە،
ئۇلۇغ جۈمە،
شېكەر شەنبە،
ئەڭ كەينىدە يەكشەنبە.
*******************************************
ئالمىلار
پاكار-پاكار ئالمىلار،
بويلىغىلى ياخشى،
سەنمۇ كىچىك مەنمۇ كىچىك،
ئوينىغىلى ياخشى.
ئوينايلى بىز سايىدا ،
ئاپتاپ-ئۆتۈپ قالمىسۇن،
بىزلا ئويناپ باشقىلار،
چەتتە قاراپ قالمىسۇن.
*******************************************
دوسىت-دوست چىمەن دوست،
چىمچىلاقلار بولدى قوش،
دائىم بىللە ئوينايلى،
سەن بىر ئالتۇن مەن كۈمۈش.
********************************************
تۆگە
تۆگە –تۆگە بوت-بوت،
سامان يەمسەن ئوت-ئوت،
دۈمبىلىرىڭ دوك-دوك،
مېڭىشلىرىڭ دوك –دوك،
ياڭاقلايسەن توك-توك.
يوغان تاۋۇز
ئەي ئىتىم،سالپاڭ قۇلاق،
ئۆي باققىن بوپ دىڭ قۇلاق ،
باغدىن تاۋۇز ئەكىرەي ،
تاتلىق يوغان يۇمىلاق .
ۋايجان-ۋاييەي ئېغىركەن،
تەرلىرىم ئاقتى بۇلاق،
تەڭ يېرىپ بىز تەڭ يېدۇق،
تويدى قورساق دۇمىلاق.
سۆگەت
يېشىل قاشتاشتەك ياساندى تاللار،
جالا-جۇلا چاچلاردەك بىخلار.
قىيىلدى بۇ بىخلار قاي چىۋەر قولدا،
نورۇزنىڭ سەلكىنى قايچىغا ئوخشار.
قۇياش
قۇياش تۆت تەرەپكە نۇر چاچتى،
ئاز ئەمەستۇر ئۇنىڭ پايدىسى،
ئۇنىڭسىز كۆرەلمەس يېشىللىقنى،
ئۇنىڭسىز چاچالماس گۈللەر خۇشپۇراقنى .
پىشمايدۇ ئۇنىڭسىز مىۋىلەرمۇ،
ئۆسمەيدۇ يۇمران كۆچەتلەرمۇ،
ئىسسىق راھەت بېرەر بەدەنگە،
ئاپتاپقا يايغان كۆرپىلەرمۇ.
مەنبە : ئۇيغۇر خەلق قوشاقلىرى بۇ قوشاقلارنى كۆرۈپ بالىلىق چاغلىرىم يادىمغا كېلىۋاتىدۇ، بولۇپمۇ ئاۋۇ «ئاداش- ئاداش بولايلى، بىر نان تاپساق تەڭ يەيلى، ...» دېگەن مىسرالارنى كۆرۈپ {:6_274:}
بالىلىق ۋاقىتلىرىمىزدا بەش- ئوندىن بىر يەرگە توپلىشىپ پادا باققاچ- ئويۇن ئويناپ، چوڭلاردىن ئاڭلىۋالغان، كىتابلاردىن تىرىۋالغان مانا مۇشۇنداق قوشاقلارنى قېتىپ ھارمايتۇق.... {:6_266:} ياخشى يېزىپسىز. كىشىلەر بالىلار شىئېرىنى يازماق ئاسان دەپ قارايدىكەن. ئەمما ياش ئۇ دەۋېردىن ھالقىپ كەتكەندە قەلەمنى ئېلىپ يەنە شۇ دەۋېرگە قايتىپ ئەسەر يازماق ئۇنداق ئاسان ئەمەس. مەن بۇ ھەقتە سۆز ئېچىشقا تېخى بالدۇرمەن. چۈنكى مەن يازاي دىسەممۇ يازالمىدىم مانا مۇشۇنداق بالىلار قوشاقلىرى بولسا داۋاملىق تۈردە يوللاپ تۇرايلى. ياخشىقوشاقلار ئىكەن جاپا تارتىپىسىز ياقتۇردۇم....يارايسىز....! قالتىسيېزىپسىز
بەت:
[1]