توي كۆينىكى پروزا باغچىسى ئانا تۇپراق مۇنبىرى

    توي كۆينىكى
                                                                «ھىكايە»
                                                             ئۈمەر ئىسمايىل

_ كەچتە ئىشتىن چۇشكەندە ۋاقتىڭىز بارمۇ؟. ئونىڭ مىنىڭدىن مۇنداق سۇئال سورىشىنى ئەزەلدىن خىيال قىلىپ باقمىغان ئىدىم.

_ بار.

_ سىزگە دەيدىغان گەپلىرىم باتتى. ئىككىمىز كەچتە ئىشتىن چوشكەندە يىقىن ئەتراپتىكى خالىيراق بىر جايدا كورۇشۇشكە پۇتۇشتۇق. شۇ چاغدىكى خۇشاللىقىمنى تەسۋىرلەپ بىرىشكە تىلىم ئاجىزلىق قىلاتتى. ئو مەن ئىككى يىلدىن بىرى ياخشى كۆرۇپ كىلىۋاتقان،نەچچە رەت تەلەپ قۇيغان بولساممۇ لىكىن تىگىشلىك جاۋاپ ئالالماي قۇلوم يەتمىگەن ئاچچىق شاپتۇل،مىنىڭ نەزىرىمدىكى غۇبارسىز ئاپپاق چىچەك،مەن تەلمۇرگەن كۆڭلۇمدىكى سۆيگۆ مەبۇدەم ئىدى.

_ نىمانداق كەچ بولمايدىغاندۇ؟. كۈنلەرنىڭ ئوزىراپ كەتكەنلىگىنى بوگون ھىس قىلدىم. قولۇم ھىچقانداق ئىشقا بارمىدى،ئو كەچتە ماڭا نىمە دەر ،يا مىنىڭ ئونىڭغا بولغان قەلبىمدىن تەسىرلىنىپ تەلىۋىمگە قۇشۇلغاندىمۇ؟،ياكى «بولدى بەس ،ئىككىنچى كۆزومگە كۆرۇنمە »دەپ ماڭا ئىنىق ئەسكەرتىپ قۇيماقچىمىدۇ؟ ....   ئاخىرى قانداقلا بولمىسۇن بو دىگەن ماڭا كەلگەن بىردىنبىر پورسەت دەپ ئۇيلاپ بالدورلا ئىشتىن چۇشۇپ ئونىڭ بىلەن كۆروشكەندە ياخشىراق تەسىر بىرىش ئۈچۈن ئوستىۋاشلىرىمنى تۇزەشتۇرۇشكە ساتراشخانىغا يول ئادىم.

_ ئاكا ،بو ساقىلىڭىز تىخى دىگەندەك ئۆسمەپتىكەن .

_ نىمانداق گەپ قىلىسەن- ھۇي ئۇكام. ئال دىگەندىن كىيىن ئالىۋەرمەمسەن. ساتىراچقا ئارتۇق گەپ قىلماي راھەت يۇلەنچۇكلۈك ئۇرۇندۇقتا ئولتورغۇنۇمچە خىيال دەرياسىغا غەرىق بولدوم.« مانا ئو يىنىمدا ئولتۇرىدو،چىرايلىق ماشىنامنى ھەيدەپ ساياھەتكە ماڭدوق.كەينىمىزدە قۇش كىزەك بالىلىرىم بىر نىمىلەرنى تالاش -تارتىش قىلىشىپ چۇرۇلدىشىپ ئۇيناۋاتىدۇ. ئاھ! ئو يۇزۇمگە بىرنى سۇيۇپ قۇيىۋىدى تەنلىرىم بىھۇش بولوپ دىلىم يايراپ كەتتى.» بونىڭدىن ئارتوق بەخىت بولماس ئەمدى.

-ۋاي-ۋايجان.

_ كەچۇر ئاكا، ئازراق كىسىلىپ كەتتى. ئەتىر سۇرۇپ قۇياي . ئىچىشىپ ئاغرىپ كەتتى، مەيلى بومۇ بولغىنى -دىدىم ئىچىمدە.

    دىيىشكەن ئورۇنغا كىلىپ ئونى ساقلىدىم.بالدور كىلىۋالغان بولسام كىرەك ،يولدىن ئۆتكەن-كەچكەنلەر ماڭا قاراپ قۇيۇشاتتى. بەزىلىرى ماڭا قاراپ نىمىلەرنىدۇر پىچىرلىشاتتى. ئەجەپ كىلەلمەيدىيا، قايسى تەرەپتىن كىلەر.كۆزۇم يولدىلا ئىدى.كەچمۇ كىردى ،ئالاھىزەل بىر يىرىم سائەتلەردىن كىيىن ئو يىتىپ كەلدى.چىرايىدىن ئادەتتە كۆروپ باقمىغان بىر خىل قەتئىيلىك چىقىپ تۇراتتى.

_ بالدور كىلىۋاپسىزغۇ؟

_ شۇ ،ئەمدى ئىشتىن بالدۇر چۇشكەن .قىلىدىغان باشقا ئىش بولمىغاچ كىلىپ سىزنى ساقلاپ توردۇم.

_ بىرەر ئاشخانىغا كىرىپ ئازراق تاماق يەيلىمۇ؟

_ ياق. ئو كەسكىنلىك بىلەن رەت قىلىۋەتتى.

_ سىزنىڭكىگە بارايلى. ئىككىمىز ياندىشىپ ئۇن-تىنسىز ھالدا مىنىڭ ئۇيۇمگە قاراپ يول ئالدۇق.

_ قىنى كىرىڭ ،ئىشىكنى ئىچىپ ئونى ئويگە تەكلىپ قىلدىم .

ئونى مىھمانخانا ئۆيگەباشلاپ قۇيۇپ چاي دەملەشكە ماڭدىم.

_  چاي ئىچىڭ.  ئو تۇيۇقسىز ماڭا تاشلاندى-ھەم ئۇنلوك ئاۋازدا يىغلىۋەتتى. ئو شۇنداق تۇيۇقسىز ماڭا تاشلانغاچقا ئونى تۇتۇۋالالماي كىرىسلوغا ئولتۇرلوشۇپ قالدۇق، ئو ئىككى قولى بىلەن بوينومدىن گىرە سىلىۋالغان بولوپ يىغىدىن تۇختايدىغاندەك ئەمەس ئىدى.ئىھتىمال ئىچى دەرىتكە تۇشۇپ كەتكەن بولسا كىرەك دەپ ئۇيلاپ ئونىڭ بىشىنى سىلاپ مىدىرلىماي شو ھالەتتەتوردۇم.ئو مىنى بارغانسىرى ئۆزىگە تارىتتى. ئۆزەمنى ناھايتى تەستە كۆنتىرول قىلىدىم.

_ كەچۇرۇڭ،  سىزنى ھەقىقەتەن ياخشى كۆرىمەن،لىكىن سىزنى نىكاھىمغا ئالماي تۇروپ جىنىم چىقىپ كىتىدىغان ئىش بولسىمۇ بونداق ئىشنى ھەرگىز قىلمايمەن. مىنىڭ بو گىپىم بىلەن ئونىڭ ئەمدى توختاي دەپ قالغان يىغىسى باشقىدىن باشلاندى.

_ بىردەم جىم تۇروپ بىرىڭ ،سىزنى قۇچاغلاپ تۇروپ ئىچىمنى بوشىتىۋالاي، ئونىڭ ئاۋازى بوغولوپ-بوغولوپ چىقاتتى.

_ بىلىمەن ،سىز مىنى ياخشى كۆرىسىز ،ماڭا قىلغانلىرىڭىزدىن مەن تولىمۇ خۇشال ،سىزنى ئوچراتقاندىن كىيىن دونيادا مۇشۇنداقمۇ ئادەم بولامدىغاندۇ، خۇدايىم مىنى نىمىشقىمۇ بورۇنراق مۇشۇ ئادەم بىلەن ئوچراشتۇرۇپ قۇيمىغاندۇ، ھىچبولمىسا مۇشۇنداق بىر ئاكام بولسىچۇ دىگەنلەرنى خىيال قىلدىم. سىزگە قاراپ تۇرۇپ گەپ قىلالمايدىكەنمەن،مۇشۇنداق تۇروپ گىپىمنى دەۋىرەي-دىدى ئو پەس ئاۋازدا.

_ مەن سىزنىڭ ياخشى كۆرىشىڭىزگە ئەرزىمەيمەن. مەن سىز ئۇيلىغاندەك پاك قىزلاردىن ئەمەس. ئالى مەكتەپتىكى ۋاقتىمدا كۆڭۈلنىڭ كەينىگە كىرىپ ناتوغرا يۇلغا مىڭىپ قالدىم. كىيىن ئۆزەمنىڭ خاتالىقىمنى بىلىپ دۇرۇس ئادەم بولوش نىيىتىگە كەلگەن بولساممۇ لىكىن ئاللىقاچان كىچىككەنلىگىمنى ھىس قىلدىم،ئادەم بەزى قۇلدىن بىرىپ قۇيغان نەرسىلەرنى مەڭگۇ ئورنىغا كەلتۇرۇشكە ئامالسىزكەن.شۇنىڭدىن كىيىن مەن ھىچكىم بىلەن ئارلاشماي ،بو دۇنيادىن تەنھا ئوتۇپ كىتەي دەپ ئۇيلىغان.بىراق ھايات يولۇمدا سىزنىڭ ئۈچراپ قىلىشىڭىزنى كىم بىلسۇن، سىز بىلەن كارىم بولماي يۇرەي دىسەممۇ ئاخىرى چىدىمىدىم . ئاچامنىڭ تۇيىدا كۈڭلۈم شۇنداق يىرىم بولدى،ئاپپاق توي كۆڭلىكىنى كۆروپ مىنىڭمۇ شۇنداق كۈنلىرىم بولارمۇ دەپ ئۇيلىدىم،مىنىڭ نەزىرىمدە توي كۆڭلىكى پاكلىققا ،بەخىتكە ۋەكىللىك قىلاتتى.يەنە بىر تەرەپتىن ئۆزەمنىڭ توي كۆڭلىكىنى كىيىشكە سالاھىيتىمنىڭ تۇشمايدىغانلىقىنى بىلەتتىم.ئۆز كەچمىشلىرىمگە ئۆكۇندۇم ،سىزنى ئالداشقا ۋىجدانىم چىدىمىدى، ئاخىرى سىزگە ھەممىنى دىيىشنى لايىق تاپتىم. مەن مۇشۇنداق قىز ،سىزگە ،ئاپپاق توي كۆڭلىكىگە مۇناسىپ ئەمەس.

  ئونىڭ قاچانلاردا ئويدىن چىقىپ كەتكىنىنى بىلمىدىم ،كىچىچە توختىماي تاماكا چىكىپ بىر كىرپىكمۇ ئوخلىمىدىم .ناشتىغىمۇ كۈڭلۈم تاتمىدى. ئونى ئىزلەپ باردىم،ئو بىر پارچە خەت قالدۇرۇپ قۇيۇپتو.

  « مەن بو يەردىن كەتمەكچى،ئۈن-تىنسىزلا غايىپ بولوشقا كۈڭلوم ئۇنىمىدى،سىز مىنى ياخشى كۆرگەندەك

مەنمۇ سىزنى ياخشى كۆرۇپ قالغان،بىراق ئامالسىزمەن.بەلكىم سىز مىنى كەچۇرۇپ ماڭا مەن چۇشۇمدىمۇ كىيىشنى ئارزۇ قىلىدىغان ئاپپاق توي كۆڭلىكىنى ئاتا قىلىشىڭىز ،مىنى قايتا بەخىت قۇينىغا قايتۇرۇپ كەلمەكچى بولىشىڭىز مۇمكىن. لىكىن بونىڭلىق بىلەن مەن تىخىمۇ ئازاپلىنىدىكەنمەن. شۇڭا قەتئى ھالدا يىراقلارغا كىتىش قارارىغا كەلدىم.سىزدىن تەلىۋىم : مىنى ئونتۇپ ئۆز بەختىڭىزنى تىپىڭ،مىنىڭ بو دونيادا بىردىنبىر ئەسلىگودەك نەرسەم پەقەت سىز. مەڭگۇگە خەيىر-خۇش.»

    خەت مۇشۇنداق ئاخىرلاشقانىدى. ئىختىيارسىز ھالدا بازارغا ،توي كۆڭلىكى دوكىنىغا قاراپ يول ئالدىم.

                مەنبە:  ئىجادىيەت