| abdulquddus | 2011-04-29 21:12 |
پوپ ۋە مۇسۇلمان يىگىت ئاپتورى: ئەبۇلفاتىھ (مۇسۇلمانلارتورى < www.musulmfnlar.com> نىڭ باشقۇرغۇچىسى) بىر كۈنى بۇ ئككى بالا مەھەللە ئايلىنىۋېتىپ بىر چېركاۋنىڭ يېنىدىن ئۆتۈپ قېلىپتۇ.بۇ ئەسنادا خرىستىئان بالا مۇسۇلمان ئاغىنىسىدىن ئۆزى بىلەن بىللە چېركاۋغا كىرىشنى ئۆتۈنۈپتۇ، مۇسۇلمان بالا باشتا ئۇنىماپتۇ، لېكىن ئاخىرى خرىستىئان ئاغىنىسىنىڭ قاتتىق تەلىۋىگە ماقۇل بوپتۇ. نەتىجىدە بۇ ئىككى بالا بىرلىكتە چېركاۋغا كىرىپ ئۈستەللەرنىڭ بىرىدە ئولتۇرۇپتۇ، بىرئاز جىمجىتلىقتىن كېيىن پوپ كىرىپ چېركاۋدىكىلەرگە بىر قاراپ چىقىپ «ئارىمىزدا بىر مۇسۇلمان كۆرۈنىۋاتىدۇ، ئۇ چىقىپ كېتىشى لازىم»دەپتۇ. ھېلىقى مۇسۇلمان بالا مىدىرلىماي ئولتۇرىۋېرىپتۇ. پوپ سۆزىنى بىرقانچە قېتىم تەكرارلاپتۇ، ئەمما مۇسۇلمان بالا ئاۋۋالقىدەكلا ئولتۇرىۋېرىپتۇ. شۇنىڭ بىلەن پوپ «ئۇ چىقىپ كېتىشى لازىم، ئۇنىڭ بىخەتەرلىكى كاپالەتكە ئېلىنىدۇ، ئۇنىڭغا ھېچكىم چېقىلمىسۇن» دەپتۇ. مۇسۇلمان بالا بۇ گەپنى ئاڭلاپ ئورنىدىن تۇرۇپ چىقىپ كېتىۋېتىپ ئىشىك ئالدىغا كەلگەندە توختاپ تۇرۇپ پوپتىن:«مېنى قانداق تونۇدۇڭ؟»دەپ سوراپتۇ. پوپ: «مۇسۇلمانلارنىڭ يۈزلىرىدە نىشانى بار» دەپ جاۋاپ بېرىپتۇ. شۇنىڭ بىلەن بۇ مۇسۇلمان بالا ئىشىك تەرەپكە بۇرۇلۇپ چىقىپ كەتمەكچى بولۇپتۇ. بۇ ئارىدا پوپ بۇ مۇسۇلمان بالىدىن بىر قانچە سوئال سوراپ يىڭىۋېتەي، دېگەن مەقسەتتە ئۇنىڭغا :«توختا! مەن سەندىن سۇئال سورايمەن» دەپتۇ. مۇسۇلمان بالا بۇنىڭغا ماقۇل بولۇپتۇ. پوپ «ئۇنداق بولسا مېنىڭ سەندىن سورايدىغان يىگىرمە نەچچە سوئالىم بار، سەن ھەممە سوئالىمغا جاۋاب بېرىشىڭ لازىم»دەپتۇ.بىزنىڭ مۇسۇلمان قېرىندىشىمىز كۈلۈمسىرەپ تۇرۇپ: «خالىغىنىڭىزنى سوراڭ» دەپتۇ. شۇنداق قىلىپ پوپ بىلەن مۇسۇلمان بالىنىڭ ئارىسىدا تۆۋەندىكى دېئالوگ بولۇپ ئۆتۈپتۇ: - ئىككىنچىسى يوق بىر؟ - ئاللاھ! - ئۈچىنچىسى يوق ئىككى؟ - كېچە بىلەن كۈندۈز. - تۆتىنچىسى يوق ئۈچ؟ - مۇسا ئەلەيھىسسالامنىڭ خىزىر ئەلەيھىسسالامغا ئېيتقان ئۆزرىلىرى. - بەشىنچىسى يوق تۆت؟ - تەۋرات، ئىنجىل، زەبۇر ۋە قۇرئان كەرىم. - ئالتىنچىسى يوق بەش؟ - بەش ۋاخ ناماز. - يەتتىنچىسى يوق ئالتە؟ - ئاللاھ كائىناتنى ياراتقان ئالتە كۈن. - سەككىزىنچىسى يوق يەتتە؟ - يەتتە قات ئاسمان. - توققۇزىنچىسى يوق سەككىز؟ - ئەرشىنى كۆتۈرۈپ تۇرىدىغان سەككىز پەرىشتە. - ئونىنچىسى يوق توققۇز؟ - مۇسا ئەلەيھىسسالامنىڭ توققۇز مۆجىزىسى. - كۆپەيتىشنى قوبۇل قىلىدىغان ئون؟ - ياخشى ئەمەل. ئاللاھ تەئالا ئۇنى كۆپەيتىدۇ. - ئون ئىككىنچىسى يوق ئونبىر؟ - يۇسۇف ئەلەيھىسسالامنىڭ بىر تۇغقانلىرى. - ئون ئۈچىنچىسى يوق ئون ئىككى؟ -مۇسا ئەلەيھىسسالام ھاسىسى بىلەن تاشقا ئۇرغاندا تاشتىن ئېتىلىپ چىققان ئون ئىككى بۇلاق. - ئون تۆتىنچىسى يوق ئون ئۈچ؟ - يۇسۇف ئەلەيھىسسالامنىڭ 11 بىر تۇغقىنى ۋە ئاتا- ئانىسى. - نەپەس ئالىدۇ جېنى يوق؟ - تاڭنىڭ يورۇشى. - ئىگىسى بىلەن ماڭغان قەبىر؟ - يۇنۇس ئەلەيھىسسالامنى يۇتۇپ كەتكەن بېلىق. - يالغان ئېيتقان ۋە جەننەتكە كىرگەن كىشىلەر؟ -يۇسۇف ئەلەيھىسسالامنىڭ بىر تۇغقانلىرى.بۇلار دادىسى يەئقۇب ئەلەيھىسسالامغا يالغان ئېيتقان، كېيىن يەقۇب ئەلەيھىسسالام بۇلارغا مەغپىرەت تەلەپ قىلغان. - ئاللاھ ئۆزى ياراتقان ۋە ئۆزى ياخشى كۆرمىگەن نەرسە؟ - ئېشەكنىڭ ئاۋازى. - ئاللاھ ئاتا- ئانىسىز ياراتقان شەيئىلەر؟ - ئادەم ئەلەيھىسسالام، پەرىشتىلەر ۋە سالىھ ئەلەيھىسسالامنىڭ تۆگىسى. - ئوتتىن يارىتلغان كىشى؟ - ئىبلىس. - ئوت بىلەن ھالاك قىلىنغانلار؟ - ئەسھابۇلئۇخدۇد. - ئوتتىن ساقلانغان كىشى؟ - ئىبراھىم ئەلەيھىسسالام. - تاشتىن يارىتىلغان نەرسە؟ - سالىھ ئەلەيھىسسالامنىڭ تۆگىسى. - تاش بىلەن ھالاك بولغانلار؟ - ئەسھابۇلفىيل. - تاش بىلەن ساقلانغانلار؟ - ئەسھابۇلكەھىف. - ئاللاھ ئۆزى يارىتىپ ئۆزى چوڭ سانىغان نەرسە؟ - ئاياللارنىڭ ھىيلىسى. - بىر دەرەخ بار، ئۇ دەرەخنىڭ 12 پۇتىقى بار، ھەر پۇتاقتا 30 دىن شاخ بار، ھەر شاختا 5 دىن مېۋە بار، مېۋىنىڭ ئۈچى سايىدا، ئىككىسى ئاپتاپتا. بۇ نېمە؟ -دەرەخ بىر يىلدۇر، ئون ئىككى پۇتىقى ئون ئىككى ئايدۇر، ھەر پۇتاقتا 30 دىن شاخ دېمەك ھەر ئايدا ئوتتۇز كۈن بار دېمەكتۇر، ھەر شاختا بەشتىن مېۋە بار، ئۈچى سايىدا ئىككىسى ئاپتاپتا دېگەنلىك بىر كۈندە بەش ۋاخ ناماز بار، ئۈچى قاراڭغۇلۇقتا ئوقۇلىدۇ، ئىككىسى يورۇقلۇقتا ئوقۇلىدۇ، دېگەن بولىدۇ. مۇسۇلمان بالا سۇئاللارغا ھېچ دۇدۇقلاپ قالماستىن جاۋاب بەرگەندىن كېيىن پوپ ۋە چېركاۋدىكى پۈتۈن خرىستىئانلار بۇ بالىنىڭ ھۇشيارلىقىغا ھەيران قېلىپتۇ.بۇ بالا چىقىپ كېتەي دەپ تەمشىلىۋېتىپ پوپتىن بىر سوئال سوراشنى ئويلۇنۇپ پوپقا مەقسىدىنى ئېيتىپتۇ. پوپ ماقۇل بوپتۇ.شۇنىڭ بىلەن بۇ ياش مۇسۇلمان پوپتىن «جەننەتنىڭ ئاچقۇچى نېمە»،دەپ سوراپتۇ.پوپ بۇ سوئالنى ئاڭلاپ گاڭگىراپ قېلىپتۇ، تىلىنى چاينىغىلى باشلاپتۇ، رەڭگى ئۆزگىرىپتۇ، ۋە قورقۇنچىسىنى يوشۇرالماپتۇ. چېركاۋدىكىلەر پوپتىن بالىنىڭ سۇئالىغا جاۋاب بېرىشنى تەلەپ قىپتۇ ۋە:«سەن بۇنىڭدىن يىگىرمە نەچچە سۇئال سورۇدۇڭ، بۇ بالا ھەممە سۇئالىڭغا جاۋاب بەردى، ئەمدى بۇ سەندىن بىر سۇئال سورىسا جاۋاب بېرەلمەمسەن؟»، دەپتۇ. پوپ «جاۋاب بېرەلەيمەن، لېكىن سىلەردىن قورقىمەن» دەپتۇ. ئۇلار: «سېنى ھېچنېمە قىلمايمىز، ئۇنىڭ سۇئالىنىڭ جاۋابى نېمە بولسا قورقماي دېگىن»،دەپتۇ.پوپ ئۇلاردىن ئامانلىق ۋەدىسى ئالغاندىن كېيىن سۇئالغا مۇنداق دەپ جاۋاب بېرىپتۇ:جەننەتنىڭ ئاچقۇچى «ئەشھەدۇ ئەنلا ئىلاھە ئىللەللاھ، ۋە ئەشھەدۇ ئەننە مۇھەممەدەن رەسۇلۇللاھدۇر»،دەپتۇ ۋە مۇسۇلمان بولۇپتۇ.بۇنىڭغا ئەگىشىپ چېركاۋدىكىلەرنىڭ ھەممىسى مۇسۇلمان بولۇپتۇ. نېمىدېگەن ياخشى دېئالوگ – ھە! مەنبە: ************************* مەن بۇ ھېكايىنى بىر قانچە يىل ئىلگىرى بىر ئىسلامىي مۇنبەردە كۆرۈپ ساقلىۋالغان ئىدىم، بۈگۈن ئارخىپلىرىم ئارىسىدىن ئۇچرىتىپ قالدىم ۋە دەرھال بۇ مۇنبەرگە يوللۇغۇم كەلدى، كۆرۈپ باققايسىلەر. مەن بۇ ھىكايە ئارقىلىق، مۇسۇلمان دېگەن شەرەپلىك نامنى كۆتۈرۈپ يۈرىدىغان ھەر كىشى مۇقەددەس ئىسلام دىنىمىزنىڭ ھەرساھەسىدە تولۇق مەلۇماتلىق بولىشىنىڭ نەقەدەر مۇھىملىقىنى تېخىمۇ چۇڭقۇر تۇنۇپ يەتتىم. ھېكايىدىكى قېرىندىشىمىز ئەگەر سەئۇدى ئەرەبىستانلىق مۇسۇلمان بولماي دىيارىمىزدىكى،زامانىمىزدىكى ئىمانى سۇس ، بىلىمسىز ئۇيغۇر مۇسۇلمانلارنىڭ بىرى بولۇپ قالغان بولسا ئىسلامنىڭ يەككە-يېگانە ھەقىقەت ئىكەنلىكىنى ئوتتۇرىغا قويۇپ ، چېركاۋغا توپلانغان 10 لارچە خېرىستىئاننىڭ مۇسۇلمان بولىشىغا سەۋەپچى بولىشى ئۇ ياقتا تۇرسۇن « ھە، ماقۇلە ، توغرىسى بۇيەردە ئىكەن ئەمەسمۇ؟»دەپ ئۆزىنى چېركاۋغا ئۆتكۈزۈپ بېرىپ «خالىس خرىستىئان مۇخلىسى» بولۇپ جەمىيەتكە چىققان بولاتتى. ئەمەل –ئىبادەتتىكى پاسىقلىقىمىزنىڭ سىرتىدا بەزىلىرىمىزنىڭ دىنىمىزنى چۈشەنمەسلىكتە بىر غەيرى مۇسۇلمانچىلىك مەلۇماتىمىزنىڭ يوقلىقى ھەقىقىتەن كىشىنى قاتتىق ئېچىندۇرىدىغان بىر ئەھۋال.باشقا ھېچ بىر ئىش قولىمىزدىن كەلمىسىمۇ كۈندىلىك ئەمەل –ئىبادىتىمىزنى ئۆز جايىدا ئادا قىلىپ ئومۇمىيۈزلۈك ھالدا روھىمىزنى پاكلىساق ، ئۇيغۇرچە كىتاپلاردىن ۋە ئىنتېرنېت دۇنياسىدىكى ئىمكانىيەتلەردىن تۇلۇق پايدىلىنىپ ئىلمىي سەۋىيىمىزنى يۇقېرى كۆتۈرسەك بەك ياخشى بولاتتى.بۇ قىلغىلى بولمايدىغان ئىشمۇ ئەمەس ئىدى.لېكىن بىز(ھازىرقى ئۇيغۇرلار) ئارىسىدا خېلە كۆپ ساندىكىلەر «مەن ئولتۇرارمەن سىزگە بېقىپ، سىز ئولتۇرارسىز يەرگە يېقىپ» دېگەندەك، بىر-بىرىمىزگە قارىشىپ ۋە .....يېقىشىپ ، چېقىشىپ ، گېزى كەلسە سىقىشىپ ئولتۇرىۋاتىمىز. «ئىننا لىللاھى ۋە ئىننا ئىلەيھى راجىئۇن!» ئاللاھ ئاقىۋىتىمىزنى خەيرلىك قىلغاي، ئامىن! ئى ئاللاھ! بىز ئۇيغۇرلارنى غەپلەتتىن ئويغۇنۇشتىن ئىبارەت نىئمىتىڭدىن مەھرۇم قىلما، « بىز ئۆزىمىزگە ئۆزىمىز زۇلۇم قىلدۇق، سەن بىزگە رەھىم قىلمىساڭ ۋە بىزنى ئەپۇ قىلمىساڭ، بىز ئەلۋەتتە زىيان تارتقۇچىلارنىڭ قاتارىدىن بولۇپ كېتىمىز!»،«ئارىمىزدىكى ئەقىلسىزلەرنىڭ قىلمىشى بىلەن بىزنى ھالاك قىلما!»، ئامىن! | |
