رەسىمسىز مۇنازىرە: [-- كۆيگەن قۇياش --]

ئانا تۇپراق مۇنبىرى -> پروزا باغچىسى -> كۆيگەن قۇياش [بېسىپ چىقىرىش] كىرىش -> ئەزا بولۇش -> ئىنكاس يوللاش -> تېما يوللاش

zerdab 2011-04-29 11:58 كۆيگەن قۇياش k+h}HCzE   \jC ) ;mk   (ھېكايە) j[r}!;O   <&E}db   مەمتىلى ھېلىم d {!Pc<   -ئوقۇتقۇچىلار بايرىمى كېلىپ قالدى، بىز ئونىمىز 25 يۈەندىن پۇل يىغىش قىلىپ سىنىپ مەسئۇلىمىز خاسىيەت مۇئەللىمگە قول سائىتى ئېلىپ بەرمەكچى بولۇۋاتىمىز. سەنمۇ پۇل چىقىرامسەن؟ ئەسلى سەن ئۆگىنىش باشلىقى بولغاندىن كېيىن، بۇ ئىشقا مەسئۇل بولساڭ بۇلاتتى، - دېدى سىنىپىمىزدىكى ئەركە-نايناق قىز فىرۇزە. ahl|N `   مېنىڭ بۇ ھەقتە ئانچە ئويلىنىشلىرىم بولمىغاچقا، دەرھال بىر نېمە دېيەلمەي، كېكەچلەپ قالدىم. o[!'JUxZ   -مەن، مەن... بولىدۇ... ياق... OR@67Y   -25 يۈەنگە نېمانچە قىلىپ كېتىسەن؟ ئۇ دېگەن سىنىپ تەربىيىچىمىز ھەم ماتېماتىكا ئوقۇتقۇچىمىز جۇمۇ؟ مۇشۇنداق ۋاقىتتا سوۋغا بەرسەڭ، كېيىن ئالىي مەكتەپ ئىمتىھانىغا ئاسسىستېنتلىق قىلىپ قالسا، ساڭا ئوڭ كۆزىدە قاراپ قويىدۇ. دەرستە ياخشى بولغاچقا سوۋغا بەرمىسەممۇ بولىدۇ، دەپ ئويلاۋاتامسەن نېمە ؟ f+ r>ur}\)   -ياق، ياق ئۇنداق ئەمەس، سوۋغىنىمۇ مەلۇم غەرەز بىلەن بېرەمدۇ؟ ئۇنىڭ ئۈستىگە خاسىيەت مۇئەللىم بىزگە ئىككى يىلدىن بېرى سىنىپ تەربىيىچىلىك قىلىپ كېلىۋاتقان تۇرسا... ھە، تاپتىم، مەن مۇئەللىمگە كىتاب سوۋغا قىلاي. e/D{^*~S   -ھا...ھا...ھا...- فىرۇزە قاقاقلاپ كۈلۈپ كەتتى،- ھەي، رېئاللىققا بېقىپ سۆزلىسەڭچۇ؟ بىلىپ تۇرۇپ قارا... بوپتۇ، سەن كىتاب سوۋغا قىلساڭ قىل، بىز ئۆزىمىز ئويلاشقاننى قىلىۋېرەيلى، خۇش... – ئۇ شۇنداق دەپ كېتىپ قالدى.  y<Koc>8   مەن رېئاللىققا زادى قانداق يۈزلىنەلمىگەنلىكىمنى بىلەلمەي، ئۆز ئورنۇمدا بىر ھازا تۇرۇپ قالدىم. ئاخىرى يەنىلا ئۆزۈمنىڭ قارارىنى توغرا تاپتىم. خاسىيەت مۇئەللىم بىزگە:«كىتاب ئوقۇڭلار، كىتاب ئادەمنى يورۇقلۇققا باشلايدۇ، بىر-بىرىڭلارغا كىتاب سوۋغا قىلىشتىن ئىبارەت ياخشى ئادەتنى يېتىلدۇرۇڭلار.» دەپ تەربىيە قىلاتتى ئەمەسمۇ؟ xv]z>4@z,   كىتابخانىنى ئارىلاپ يۈرۈپ، «تارىخى ئەمىنىيە» دېگەن كىتابنى سوۋغا قىلىپ، ئۇنى بىر خۇش قىلىۋېتىشنى كۆڭلۈمگە پۈكۈپ قويدۇم. چۈنكى بۇ كىتابنى بىر ساۋاقدىشىمدىن ئارىيەتكە ئېلىپ ئوقۇپ، ئۇنىڭدىن نۇرغۇن تارىخى بىلىملەرگە ئىگە بولغانىدىم. ئەمدىكى مەسىلە، ئۇ كىتابنى ئېلىشقا پۇل ھازىرلاش ئىدى. ئاپامدىن پۇل سوراشقا تىلىم بارمايدۇ. چۈنكى، ئاپام دوختۇرخانا تازىلىقىنى قىلىپ، پۇلنى ئاسان تاپمايدۇ-دە. دادام ئاپام بىلەن ئاجرىشىپ كەتكەندىن كېيىن نەلەرگە قاڭقىپ چىقىپ كەتكەنلىكىنى بىلمەيمەن. مېنى تىرىشىپ ئوقۇشقا ئۈندەۋاتقان يەنە شۇ ئاپامنىڭ سۆزى:«ئاچ-يالىڭاچ قالساممۇ، سېنى ئالىي مەكتەپكىچە ئوقۇتقىنىم ئوقۇتقان، پەقەت بولمىغاندا بۇ ئەسكى ئۆينىمۇ سېتىۋېتىمەن» *Dp&;, b   مەن ئەشۇ كىتابنى سېتىۋېلىشقا كېتىدىغان 21.50 يۈەن پۇلنى قانداق تېپىشىم كېرەك؟ «ئوقۇتقۇچىلار بايرىمى»غا يەنە بىر ھەپتە ۋاقىت بار ئىدى. بېشىمنىڭ ئىچىمۇ، تېشىمۇ قاتتى. سوۋغا بۇيۇمى ئالماي، بېشىمنى ئىچىمگە تىقىپلا ئۆتكۈزۈۋېتەي دېسەم، يۈز كېلەلمەسلىكتەك بىر خىل ئادىمىيلىك تۇيغۇ يۈزۈمنى ئوت بولۇپ كۆيدۈرۈۋاتاتتى. ئۇنىڭ ئۈستىگە بۇ يىل ئوقۇش پۇتتۇرىدىغان يىلى تۇرسا... ئويلاپ باقسام ھازىرغىچە بىرەر ئوقۇتقۇچۇمغا بىر نەرسە سوۋغا قىلىپ باقماپتىمەن. ھەر كۈنى مەكتەپتىن قايتقىنىمدا، ئۆتۈلگەن دەرسلەرنىڭ مۇھىم جايلىرىنى ئۆز-ئۆزۈمگە پىچىرلاپ ھەزىم قىلىپ ماڭاتتىم. ئەمدىلىكتە ئاشۇ پۇلنىڭ ئامالىنى قىلىشنىلا خىيال قىلىدىغان بولۇپ قالدىم. «ھەي پۇل»دەيتتىم ئىچىمدە. CF;Gy L1M   بۈگۈن خىيالىمغا بىر ئوي پەيدا بولۇپ كاللام سەل يورۇغاندەك بولدى. >j?5?J "   مەكتەپتىن قايتىپلا تاماققا تەييارلىق قىلىۋېتىپ، ئاپام كەلگۈچە مەھەلە-كوينى ئوغرى مۈشۈكتەك بىر ئايلىنىپ، كارتون قەغەز، يېشىل، قىزىل چايلارنىڭ بوتۇلكىلىرى بولسا يىغىپ كېلىمەن... Oa/^A-'Q   مانا مۇشۇنداق قىلىپ يۈرۈپ، 22 يۈەن بولغاندا ئۇ ئىشنى توختىتىپ، كىتابخانىغا ئوقتەك يۈگۈردۈم. كىتابنى سېتىۋېلىپ كىتابخانىدىن چىققىنىمدا ئۆزۈمنى شۇنچىلىك يېنىك ھېس قىلدىم. ئۇنى قايتا بىر ئوقۇپ چىقىش ئىستىكىم شۇنچىلىك كۈچلۈك بولسىمۇ، ئەمما، ئۇنىڭ كىر بولۇپ كېتىشىدىن ئەنسىرەپ، ئۇنى سىلاپ قويۇش بىلەنلا ئۇ خىل ھېسسىياتىمنى تىنچىتىشقا تىرىشتىم. JT7WZc)   ئەتە بايرام دېگەن كۈنىنىڭ ئەتىگىنى كىتابنىڭ تىتۇل قىسمىغا:«خاسىيەت مۇئەللىمگە: 0C<\m\|~k   ‹ھەق يولىدا جاپا چېكىپ، ساڭا بىر ھەرپ ئۆگەتكەن كىشىنىڭ ھەققىنى يۈزلەپ ئالتۇن بىلەنمۇ ئادا قىلغىلى بولمايدۇ›(ناۋايى) » دېگەننى چىرايلىق يېزىپ، كىتابنى كۆك قەغەزگە ئوراپ مۇئەللىمنىڭ ئىدارىسىگە چىقتىم. خاسىيەت مۇئەللىم ئالتۇن رەڭلىك كىچىك سائەتنى ئۇيان-بۇيان ئۆرۈپ كۆرگەچ يالغۇز ئولتۇراتتى. ئۇ مېنى كۆرۈپ ئىتتىك ئورنىدىن قوزغالدى. g}+|0FTV   - ياخشىمۇ سىز مۇئەللىم . 1GN^uia7   -ياخشى، سىزچۇ؟ )w].m   -ياخشى ... بايرىمىڭىزغا ئاز بولسىمۇ سوۋغات تەييارلىغانىدىم. )9Q+07   -ئاۋارە بولۇپ نېمە سوۋغات ئېلىپ يۈرگەنسىز، سىلەر ئوقۇغۇچى تۇرساڭلا، رەھمەت. <f7 O3 >   -بىزگە سىڭدۈرگەن ئەجرىڭىز ئالدىدا بۇ قانچىلىك نېمىتى؟ مەن دەرسكە چىقاي ...-مەن شۇنداق دەپلا ئىدارىدىن چىقىپ كەتتىم-دە، ئۆزۈمنى مۇئەللىمىمگە تۇنجى قېتىم كىتاب سوۋغا قىلغانلىقىمدىن بەختىيار ھېس قىلدىم. ^(;x-d3   ئەمدىكى خىيالىم خاسىيەت مۇئەللىم بىلەن ئۇ كىتاب ھەققىدە پىكىر ئالماشتۇرۇش ئۈستىدىلا قالغانىدى. بىر كۈنى شۇ خىل ئۈمىدنىڭ ئۈندىشىدە مۇئەللىمدىن سورىدىم. t=7Gfv   -مۇئەللىم ئۇ كىتابنى ئوقۇدىڭىزمۇ؟ 2VV>?s   -ياق تېخى، ۋاقىت چىقماي، پەقەتلا ئوقۇيالمىدىم جۇمۇ؟ قانداق دەيسىز؟ oRbWqN`F.   -ئوقۇغان بولسىڭىز شۇ كىتاب ھەققىدە پىكىرلىشىپ باقايلى دېگەنىدىم. hrniZ^   -ھە... مەن كۆرۈپ چىقىپ بولغاندىن كېيىن سىزگە خەۋەر قىلىمەن. ?c8~VQaQ   شۇ كۈنىدىن ئېتىبارەن مۇئەللىمنىڭ كۆزىگە بىر خىل تەشنالىق بىلەن قارايدىغان بولۇپ قالدىم. يا مەن جۈرئەتلىك ھالدا:«كىتابنى ئوقۇپ بولدىڭىزمۇ؟» دەپ قايتا ئېغىز ئاچالمىدىم، يا مۇئەللىم بىر نەرسە دېمىدى. كېيىن ئالىي مەكتەپ ئىمتىھان تەييارلىقى ۋە ئۇنىڭدىن كېيىنكى ئىشلار بىلەن بولۇپ، ئۇنىمۇ ئۇنتۇپ كېتىپتىمەن. مېنى ۋە ئاپامنى ئەڭ خۇشال قىلغىنى «مەركىزى مىللەتلەر ئۇنىۋېرسىتېتى»دا ھەقسىز ئوقۇش چاقىرىقىنىڭ كەلگەنلىكى بولدى. !>Nlp,r&~   بىر يىلدىن كېيىن يازلىق تەتىلگە قايتقىنىمدا، ئاپام مېنى قۇچاقلاپ شۇنچىلىك يىغلاپ كەتتى. ئۇنىڭ كۆزلىرى ئەتراپىغا چۈشكەن قورۇق، قۇرۇق ئۇستىخان بولۇپ قالغان تېنى يۈرىكىمنى ئەزدى ۋە تەتىلدە بىرەر ئىش قىلىپ ئاپامنىڭ يۈكىنى يېنىكلىتىشنى كۆڭلۈمگە پۈكۈپ، نېمە قىلىشىم كېرەكلىكى ئۈستىدە ئويلىنىپ يۈرۈۋاتقان كۈنلىرىمدە، فىرۇزە ساۋاقدىشىمىز ئەلفىرەنى باشلاپ ئۆيگە كىرىپ كەلدى. بىز قىزغىن ئەھۋال سورىشىپ كەتتۇق. ئالىي مەكتەپ ئۇنىڭغا ياراشتىمۇ قانداق؟ ئۇ ئەسلىدىكىدىنمۇ چىرايلىق بولۇپ كەتكەنىدى. ئۇچىسىدىكى قىممەت باھالىق كىيىملەر ئۇنى تېخىمۇ پۇزۇر كۆرسىتەتتى. 'ON/WKJr|W   -تېلېفون قىلايلى دېسەك، يا تېلېفون نومۇرۇڭنى تاپالمىدۇق،- دېدى ئۇ ئۆيگە كىرىپ ئولتۇرغاندىن كېيىن، قاشلىق ئېتىلگەن قاشلىرىنى ئېتىپ قويۇپ. R6<'J?k   -بىز تېخى تېلېفون ئورناتمىدۇق... $PM r)U   -نېمە؟- ئۇ ھەيران بولۇپ بىرىدە ماڭا، بىرىدە قۇرۇق تۆت تامغا قارىدى،- ھازىر ئۆيىدە تېلېفون يوق ئادەملەرمۇ باركەن-ھە... s$(%]~P   -تېلېفون بولمىغان زامانلاردىمۇ ئاتا-بوۋىلىرىمىز بىر ئوبدان ياشاپتىكەن، ئىشى بار ئادەم سىلەردەك ئىزدەپ تاپىدۇ، -دېدىم كۈلۈپ تۇرۇپ،- ئۇنىڭ ئۈستىگە مېنىڭ ئايىغىم چاققان، ئۇچۇر دەۋرىنىڭ ھۆددىسىدىن چىقالايمەن... gxhp7c182   -ئەجەب دەپ كەتتىڭ،-دېدى فىرۇزە ئوماققىنە پۇتلىنىپ قويۇپ. pqg2#@F.   -بولدى بۇ گەپنى قۇيايلى، مەن چاي قىلاي... _L8&.=4]i   -ئاۋارە بولما، بۈگۈن بىرنەچچە ساۋاقداشلار يىغىلىپ خاسىيەت مۇئەللىمنى يوقاپ كېلەيلى، دېيىشكەن ئىدۇق. Xf;!w:u   -بولىدۇ، بارساق بېرىپ كېلەيلى، - شۇنداق دەپ بولۇپ«لاسسىدە» بولۇپ قالدىم. يەنە شۇ پۇلنىڭ ئىشى كاللامغا كىرىۋالغانىدى. E:rJi]   -كىيىمىڭنى كىيە، مېڭىپ كېتەيلى، باشقا ساۋاقداشلار بىلەن تېلېفونلىشىپ، تۆت كوچا ئېغىزىدا ئۇچرىشىمىز. بولمامسەن نېمىگە قاراپ تۇرىسەن؟ %>K(IRpMW   -مەن كىيىم ئالماشتۇرمايمەن. مۇئەللىمنىڭ ئۆيىگە نېمە ئېلىپ بارىمىز؟ "0!#De   -سەن باش قاتۇرمىساڭمۇ بولىدۇ. بىز ئۇنى دېيىشىپ بولدۇق. jpi,BVTI-X   ئۇنىڭ گېپىدىن خاتىرجەم بولدۇم ھەم ئارتۇقچە ياسالما-تۈزۈت گەپلىرىنى قىلىپ ئولتۇرمىدىم. M0m%S:2   فىرۇزەنىڭ خاسىيەت مۇئەللىمگە بۇنداق قىلىپ كېتىشلىرىنىڭ سەۋەبىنى ئالىي مەكتەپ ئىمتىھان مەيدانىدا سەل چۈشەنگەندەك بولدۇم. فىرۇزەنىڭ ئالىي مەكتەپ ئىمتىھانىدا تازا تەلىيى كەلگەنىدى. خاسىيەت مۇئەللىم كومىسسىيە بولغاننىڭ ئۈستىگە، مەن بىلەن بىر مەيدان بولدى. خاسىيەت مۇئەللىم ماڭا تاللاش سوئاللىرىنىڭ جاۋابىنى مەشىق قەغەزگە ئۇدۇللۇق يازدۇرۇپ، فىرۇزەگە ناھايىتى ئېھتىيات بىلەن يەتكۈزۈپ تۇردى. مېنىڭ كۈننى تاڭغا ئۇلاپ ئۆگەنگەنلىرىمنىڭ ھۇزۇرىنى فىرۇزەمۇ سۈرگەنىدى. Q8HNST($?   خاسىيەت مۇئەللىمنىڭ ئۆيىگە كىرگىنىمىزدە، ئۇ گاز ياغلىقنى چىكىسىدىن چىڭ چىگگەن ھالدا ئۆي تازىلاۋاتقانىكەن. ئۇ بىزنى كۆرۈپ قەۋەتلا خۇشال بولۇپ كەتتى. بىز مۇئەللىم بىلەن قۇچاقلىشىپ كۆرۈشتۇق. ئۇنىڭ بېلىكىدە فىرۇزەلەر ئالغان ئالتۇن رەڭ سائەت تېخىچە پاقىراپ تۇراتتى. QY+{ OCB   ئۆينىڭ ھەشەمەتلىكىگە قاراپ، كۆزلىرىمىز چەكچىيىپ، ئېغىزلىرىمىز ئېچىلىپلا قالدى. ~%\vX   -مۇئەللىم ئۆيىڭىزنى ئەجەب پەيزى ياساپسىز،- دېدى بىر ساۋاقدىشىمىز خرۇستال جازىسىدىكى ھەر خىل خرۇستاللارغا سىنچىلاپ قاراپ. 70avr)OM   -ئۇنچىۋالا ئەمەس، شۇ ئەل قاتارى... a/E(GQ,,   بىز قىممەت باھالىق جابدۇقلار بىلەن بېزەلگەن ئۆينى بىر قۇر كۆرۈپ چىققاندىن كېيىن، تۈركىيىنىڭ يۇڭ گىلىمى ئۈستىگە جايلاشتۇق. كۆڭلۈمنى تۇلىمۇ يېرىم قىلغىنى بۇ ئۆيدە كىتاب جازىسى تۇرماق، بىر پارچە كىتابنىمۇ ئۇچراتمىغىنىم بولدى. مەن تېخى بۇ يەرگە كەلگۈچە مۇئەللىمنىڭ كىتاب جازىسىدىكى كىتابلارنى تازا بىر كۆرۈۋالمىسام دەپ، ئويلاپ كېتىپتىمەن. ئەپسۇس... ئىچىمىزدە بۇ ئۆينىڭ ھەشەمەتلىكىگە ئانچە ھەيران بولۇپ كەتمىگەن فىرۇزەلا ئىدى. h(2{+Y+   -ئۆي ئىشى ماڭىلا قېلىپ...-دېدى مۇئەللىم شىرە ئۈستىگە تىزىقلىق تۇرغان يېمىشلەرنى قايتا بىر قۇر رەتلىگەچ. W[QgddR   -ئادىلكام بىر يەرگە كەتكەنمۇ؟-دېدى فىرۇزە مۇئەللىمنىڭ گېپىنى بۆلۈپ. nkq{_;xp   -كۈننىڭ كۆيگىنىنى كۆرىمىز دەپ قۇمۇلغا بالىنى ئېلىپ كەتكەن. مەن باراي دېسەم سىياسى ئۆگىنىش بار دەپ بارالمىدىم. ھە... بىر نەرسىلەردىن ئالغاچ ئولتۇرۇڭلار، مەن چاي قىلاي... }Bh\N5G%   -مەن ياردەملىشىدىغان ئىش بارمۇ؟-دېدى فىرۇزە ئورنىدىن تۇرۇپ. CEk[&39"   -بولدى ئولتۇرۇۋېرىڭ، ئۆزۈم يىتىشىمەن، يېتىشمىگەندە چاقىرىمەن. ;Qd'G7+   بىز چاي ئىچكەن بىرىدە ئوتتۇرا ۋە ئالىي مەكتەپتىكى ئىشلار ھەققىدە پاراڭلىشىپ، بىرىدە نېپىز، كەڭ ئېكرانلىق تېلېۋىزوردا قويۇلۇۋاتقان سەنئەت نومۇرىنى كۆرۈپ ئولتۇردۇق. v-$X1s   -ئىسكەندەرنىڭ ماتېماتىكا نومۇرى ئۆلچەمگە يەتمەي، ئالىي مەكتەپكە ئۆتەلمىگىنىگە ئېچىنىمەن جۇمۇ؟ دەرستە ياخشىتى بولمىسا...قايتا ئوقۇماپتۇ... >Dv=lgPF   -ئۇنداق ماتېماتىكا نومۇرى كەملەپ قالغان بالىلار ئازمىدى؟ \U]<HEc^   -ماتېماتىكىلا ئادەمنىڭ بېشىنى قاتۇرىدىغان پەن بولۇپ قالدى. 7TX$   بىر چاغدا مۇئەللىم ئاشخانا ئۆيدىن چىقىپ، مېنى چاقىرىپ قالدى.  K0*er   -دىلنۇر... U&kdR+dB   -ھە... cL%eP.   -يەر ئاستى ئۆيدىن سامساق بىلەن پىياز ئېلىپ چىقسىڭىز بولۇپتىكەن... كارىۋاتنىڭ ئاستىدا بار، توكنى يېقىپ ئاۋايلاپ ئالارسىز... سىزنى ئىشقا بۇيرۇپ كۆنۈپ قاپتىكەنمەن، ھې،ھى،ھى... Z1H   -ھېچقىسى يوق، -مەن ئىتتىك ئورنۇمدىن تۇرۇپ، مۇئەللىمنىڭ قولىدىكى ئاچقۇچنى ئالدىم. Wi)N/^;n   -401-ئۆي –ھە... توكنى ياقىدىغان يەر ئىشىكتىن كىرگەندە سول تەرەپتە... IL8&MA%   -بىلدىم،- مەن ئاچقۇچنى ئېلىپ، كەينىمگە بۇرۇلدۇم. i/N68   خاسىيەت مۇئەللىمنىڭ:«سىزنى ئىشقا بۇيرۇپ كۆنۈپ قاپتىكەنمەن» دېگىنى توغرا ئىدى، مەن ئۇنىڭ تاپشۇرۇق نومۇرلىرىنى دەپتەرگە قوندۇرۇش، نەتىجە ئىشلەش... دېگەندەك ئىشلىرىنى ئۇنىڭ تەلەپ-ئۆتۈنۈشلىرىدە ئەستايىدىللىق بىلەن قىلىپ بېرەتتىم. c1%ki%J#   توكنى ياققىنىمدا ئۆي ئىچى «ۋاللىدە» يورۇپ كەتتى. يۈزى نېپىز سېرىق قاڭالتىردا نەقىشلەنگەن ساندۇق ئۈستىدە ھەر خىل داڭلىق ماركىلىق ئاياغلارنىڭ كوروپكىلىرى ئۈستى-ئۈستىگە رەتلىك تىزىلغانىدى. تامغا قېقىلغان پولات مىخلارغا ئالىي دەرىجىلىك كىيىملەرنىڭ كارتون خالتىلىرى ئېسىقلىق تۇراتتى. ئۇ كوروپكا، خالتىلارنىڭ ئىچىدە كىيىم ياكى ئاياق بارمۇ، يوقمۇ؟ ئۇنىڭغا ئېرەن قىلماي، سول تەرەپتىكى تامغا يۆلەپ قويۇلغان كارىۋات ئاستىغا ئېڭىشتىم. ئۇنىڭدىن بىر باشتىن سامساق بىلەن پىياز ئېلىۋاتقىنىمدا، كۆزلىرىم كارىۋاتنىڭ كەينى پۇتى تەرىپىدىكى پۈرلەش بىر كىتابقا چۈشۈپ قالدى. يۈرىكىم كۆيگەندەك، نەپىسىم سىقىلغاندەك بولدى، قولۇمدىكى پىياز بىلەن سامساقمۇ يەرگە چۈشۈپ كەتتى. مەن قولۇمنى كىتابقا ئۇزىتىپ، ئۇنى تەسلىكتە ئالدىم-دە، مېڭەم چىڭقىلىپ، كۆزلىرىم قاراڭغۇلاشتى. ئۇ مەن خاسىيەت مۇئەللىمگە سوۋغا قىلغان «تارىخى ئەمىنىيە» دېگەن كىتاب ئىدى. ئۇنى مەن بۇنداق تاشلىرى سۆكۈلگەن، ئالدى-كەينى بەتلىرى يىرتىلغان ۋە قىرلىرىنى چاچقان يەپ كەتكەن ھالدا ئۇچرىتارمەن دەپ ئويلاپمۇ باقمىغانىدىم. خاسىيەت ھەدەمنىڭ ئېرىنىڭ ئۆيىدە كۆيۈۋاتقان قۇياشنى كۆرمەي، قۇمۇلغا كەتكىنىگە ئەپسۇسلاندىم. c_?!V   مەن ئورنۇمدىن ئاستا تۇرۇپ، كىتابنى چىڭ باغرىمغا باسقىنىمچە، سىرتقا قاراپ يۈگۈردۈم. ئىچ-ئىچىمدىن ئاچچىق بىر يىغا قايناپ چىقىۋاتاتتى. مەن ئۇ كىتابنى خاسىيەت مۇئەللىمگە قانداق ئارزۇ-ئۈمىدلەر بىلەن سوۋغا قىلغان-ھە؟ ئەشۇ ئەسكى-تۈسكىلەرنى نومۇسنى بىر چەتكە قايرىپ قويۇپ يىغقىنىم كىم ئۈچۈن ئىدى؟ نېمە ئۈچۈن ئىدى؟ Ky7-6$   كەينىمدىن كىمنىڭدۇر بىرىنىڭ: p'SY 2xq-,   -دىلنۇر...-دەپ ۋارقىرىغان ئاۋازى ئاڭلاندى. مەن ئۇ ئاۋازدىن سەسكىنىپ كەتتىم. RV5;EM)~[   ئەتراپ بىردىنلا تۇتۇقلاشتى، قۇياش شۇ تاپتا تۇتۇلىۋاتقان بولۇشى مۇمكىن... كۆزلىرىمدىن تۆكۈلۈۋاتقان ياشلار ھېچ بىر توختايدىغاندەك ئەمەس ئىدى... t;%MSedn   AQBr{^inH|   9NC6q-2   «ئىشچىلار ۋاقىت گېزىتى»دىن (2010-يىلى 9-ئاينىڭ 10-كۈنىدىكى سانىدىن) 4s&koH(x   مەنبە : ئۆزۈم

arman 2011-04-29 12:11 مەنمۇ  كۆيىۋاتقاندەك  تۇيغۇغا  كىلىپ  قالدىم +Te;L JP   ھەي خاسىيەت مۇئەللىم... p9)'nU'\t   ئەمىلىيەتتە  بۇنداق ئۇقۇتقۇچىلار جەمىيتىمىزدە يەنىلا ئاينىڭ  يۈزىدىكى داغدەك مائارىىپ قوينىدا بەخىرامان،ئىنسان روھىنىڭ ئىنژىنىرى دىگەن قالپاق ئاستىدا ياشاۋاتىدۇ.شۇلاردەكلارنىڭ تەربىيلىگەن ئۇقۇغۇچىلىرى كەلگۈسىدە  قانداق ئادەم بولماقچى؟

pakkalip 2011-04-29 13:05 بۇ ھىكايىنى ئوقۇپ بىر قىسمىلا بوپ قالدىم،ھەي!!!!!!!!!!!!!!!!!!!

sugukburan 2011-04-29 15:32   ئۇقۇۇقۇتقۇچىمۇ بۇ .....سېپى ئۈزىدىنبىر شۆھرەتپەرەس ئوقوتقۇچى غۇ ئۇ.....

marjanbulaq 2011-04-30 08:14 ھېيي، ماڭا بەك دەھشەتلىك بىلىنىپ كەتتى. ئۇقۇتقۇچىلارنىڭ ئىچىدىنمۇ مۇشۇنداقلىرى چىقىپ قالىدىكەندە؟ بەك ئېچىنىشلىق.

yultuz~ 2011-05-03 15:23 ئېھ!...........يۈرىكىم ئېچىشىپ كەتتى.....

patihdin 2011-05-05 11:52 ئاخرى قانداق بولىدۇ ، قىززىقىپ  قالدىم  ، يوقمى يا ئاخىرى

wolkan1 2011-05-19 01:30   ھەي،بىزنىڭ ئوقۇتقۇچىلىرىمىز، كەلگۈسىنىڭ ئوقۇتقۇچىلىرى.                        ئۇلار  بىز ئوقۇغۇچىلارنىڭلا ئەمەس،پۈتۈن مىللەتنىڭ ئوقۇتقۇچىلىرى تۇرسا، ئۇلار شۇنداق بولسا كەلگۈسىدىن سۆز ئېچىش...........ھەي!؟

zerdab 2011-05-23 14:46 ‹‹كۆيگەن قوياش›› تىن تۇغۇلغان ئويلار \4`~J@5Y   0S0 ?\r   رەھىمجان رەھمەتجان ?A/+DRQ(   HgP9evz,0   ئوقۇتقۇچىلار بايرىمى كېلىش ھارپىسىدا مەنمۇ ئوقۇغۇچىلىرىمنىڭ خىلمۇ- خىل سوۋغىلىرىنى تاپشۇرىۋالدىم. باشلانغۇچ ئوقۇغۇچىلىرى بولغاچ ، ئۇلارنىڭ سوۋغىلىرى ئاددى ئىدى. شۇنداقتىمۇ ، ئۇلارنىڭ كۆڭلىنى قايتۇرغۇم YT6<1-E#   كەلمىدى-دە، رەھمىتىمنى بىلدۈردۈم، #N?EPV$   بايرامدىن كېيىن ئىشخانامغا كىرىپ، ‹‹ئىشچىلار ۋاقىت گېزىتى›› نىڭ 10-سىنتەبىردىكى سانىغا كۆزۈم چۈشتى. كۆز ئالدىمغا نەق 4-بەت ئېچىلغان بولۇپ، ئوڭ يان تەرەپتە ‹‹ئۇستازلار›› دېگەن فۇتۇ سۆرەت كۆزۈمگە چىلىقتى. ئۆزۈمنىڭ ئوقۇتقۇچى بولغانلىقىدىن پەخىرلىنىپ كۈلۈپ قويدۇم. تۇيۇقسىز كۆزۈم ‹‹كۆيگەن قوياش›› دېگەن قىزىل ماۋزۇغا چۈشتى. كۆڭلۈمدە :‹‹بۇمۇ بەلكىم، ئوقۇتقۇچىلارغا مەدھىيە ئوقۇلغان ھېكايە بولسا كېرەك›› دەپ ئويلىدىم. MMglo3   -ئوقۇتقۇچىلار بايرىمى كېلىپ قالدى، بىز 10 ئىمىز 25 يۈەندىن يىغىش قىلىپ، سىنىپ مەسئولىمىز خاسىيەت مۇئەللمىگە قول سائىتى ئېلىپ بەرمەكچى بولۇۋاتىمىز. vlAYKtl3]   ھېكايە شۇنداق باشلانغانىدى. شۇنىڭ بىلەن مەندە ھېكايىنى ئاخىرىغىچە ئوقۇش ئىستىكى تۇغۇلدى. ھېكايىدە دىلنۇر مۇئەللىمىگە بايراملىق ئالاھىدە سوۋغات بېرىشنى ئويلاپ ھەمدە مۇئەللىمنى چوقۇم ياقتۇرىدۇ دەپ ‹‹تارىخي ئەمىنىيە›› ناملىق كىتابنى ئۆزىنىڭ بوتۇلكىلارنى سېتىپ، ھالال تاپقان پۇلىغا سېتىۋالىدۇ. ئەپسۇس، ئاخىرىدا، ئۆزى يۈكسەك ئارزۇ-ئۈمىدلەر بىلەن بەرگەن ‹‹كۆڭۈل سوۋغىسى›› نىڭ ساۋاقداشلىرى مۇئەللىمگە ئېلىپ بەرگەن ‹‹قول سائىتى›› دەكمۇ ‹‹پۇت تىرەپ›› تۇرالماي يەر ئاستى ئۆيىدە تاشلاندۇق ئەخلەت قاتارىدا بىر تەرەپ قىلىنغانلىقىدىن قاتتىق ئۆكۈنىدۇ. Re**)3#gn   ھېكايىنى ئوقۇپ، ئاخىرىغا كەلگەنسېرى، مېنىڭمۇ ھېكايىدىكى باش پىرسۇناژ دىلنۇردەك يۈرىكىم كۆيۈپ، نەپىسىم سىقىلغاندەك بولدى. C d)j%   توۋا... ماۋۇ ئوقۇتقۇچىنى؟! g-MaP   گەرچە، مەن بىر باشلانغۇچ مەكتەپ ئوقۇتقۇچىسى بولساممۇ، خاسىيەت مۇئەللىمگە نەپرەتلەندىم. - ckk2D?   توغرا، ئوقۇتقۇچى ئەسلى تىللاردا داستان بولغۇدەك ئۇلۇغ ئىدى. لېكىن، جەمئىيەتنىڭ تەرەقىياتى، كىشىلەرنىڭ ماددى بايلىققا بولغان ئېھتىياجى بىر قىسىم ئوقۇتقۇچىلىرىمىزنى ‹‹ئەلگە كىرسەك ئېلىڭچە، سۇغا كىرسەڭ بېلىڭچە›› دەپ، ھازىرقى ئېقىم بىلەن تەڭ مېڭىشقا مەجبۇرلىدى. شۇنىڭ بىلەن بىر قىسىم ئوقۇتقۇچىلىرىمىزنىڭ پاك قەلبى، ئىتىقادى، ئىنتىلىشىمۇ جەمئىيەت بىلەن تەڭ ئۆزگەردى. گەرچە، مەن باشلانغۇچ مەكتەپ ئوقۇتقۇچىسى يەنى، ئۇنداق ناپاك ئىشلاردىن خالىي بولساممۇ، لېكىن، ئەتراپىمدىكى كۆرگەن-ئاڭلىغانلىرىمدىن مەزگۈر ئەسەرنىڭ ئاپتورى مەمتىلى ھېلىمنىڭ ھەقىقەتەن بۇ ھەقىقەتنى ئۆز قەلىمى ئارقىلىق تولىمۇ سېستىمىلىق، جەلب قىلارلىق يېزىپ كۆز ئالدىمىزدا نامايەن قىلالىغىنىغا ئاپىرىن ئېيتتىم. .olDmFQD   شۇنداق، ئارىمىزدا خاسىيەت مۇئەللىمدەك ئۆزىنىڭ بۈيۈك مەسئولىيىتىنى ئۇنتۇپ، ھەشەمەت قوينىغا ئۆزىنى ئاتقان، ھەتتا،ئوقۇغۇچىلارغىمۇ ھەقنى ئەمەس، ‹‹ساختا›› لىقنى بىلىپ-بىلمەي ئۈگىتىۋاتقان ئوقۇتقۇچىلار يوق ئەمەس. بۇ ھېكايە ھەقىقەتەن شۇلار ئۈچۈن بىر ‹‹قامچا›› بولۇشقا تېگىشلىك.بۇ ھەقتە سۆزلىسەك گەپ تولا، ئەلۋەتتە. 2XubM+6   ئومۇمەن، ئاپتور تولىمۇ ئۇستىلىق بىلەن ئەتراپىمىزدىكى بەزىلەر ئۈچۈن تولىمۇ ئادەتتىكىچە بولغان بۇ ‹‹مۇرەككەپ›› ۋەقەلىكنى تۇتقا قىلىپ، بىزگە بىر سائەتلىك تولىمۇ ئەمەلىي، جانلىق دەرس بەرمەكچى بولغان ھەم مۇۋەپىقىيەتلىك ھالدا مەقسىتىگە يەتكەن دەپ قارايمەن. بۇمۇ ئەلۋەتتە، شۇ ھەقىقەتنى بىلگۈچىلەر ئۈچۈن قىممىتى بار دەرسلىك. ھېكايىدىكى خاسىيەت مۇئەللىمدەك نادانلار ئۈچۈن بىر دۆۋە ئەخلەت خالاس. c8I :jDk:   مەن ئاخىرىدا، قەلەم ئىگىسىنىڭ بۇنىڭدىن كېيىنكى يېزىقچىلىق قەدىمىگە بەرىكەت تىلەش بىلەن بىللە ئوقۇتقۇچىلىرىمىزنىڭ ئۆزىنىڭ مۇبارەك نامىغا داغ يەتكۈزمەي، سانسىزلىغان غۇنچىلارنىڭ يەنىمۇ خۇشپۇراق، ساغلام يېتىلىپ، كۆكلەپ چىقىشىغا ھەقىقىي ۋىجدانى بىلەن خىزمەت قىلىشىنى ئۈمىد قىلىمەن. ,rT62w*e   شۇ گۈزەل تىلەكلەر قەلب كۆزنىكىمدىن ئۆتكىنىدە، ئالىمجان نەسىردىن ئۆز قۇتنىڭ ‹‹ ئۇستاز-چىن ئىنسان›› ناملىق نەسىرى قەلبىمنى ۋاللىدە يورىتىۋەتتى. pZx'%-\-T   ئۇ ئۆز قەلىمى ئارقىلىق ئارىمىزدىكى ئاشۇ ئۈن-تىنسىز تەر تۆكىۋاتقان، قۇياش كەبى پارلاۋاتقان، ‹‹بور، قەلەم كىتابنى ئالتۇندىن ئەلا بىلگۈچى›› كىشىلىرىمىزگە دۇردانىلەر تىزغانىدى. &o>ctf.x   قانداقتۇر بىر خىل ئىپتىخارلىق ئىچىدە گېزىتنى ئۈستەلگە قويدۇم. ‹‹ئۇھ›› دېدىم ئۆزۈمگە ھەقىقەتەن ‹‹ ياخشىلارغا ناخشىلار تولا›› دېگەندەك، ئېسىل ئىنسانلارغا مەدھىيەلەر تولا ئىكەن. مەن ئۆزۈمنىڭ ئوقۇتقۇچى بولغانلىقىمدىن يەنە بىر قېتىم پەخىرلەندىم. p.kJNPO\@   ‹‹سۇ ئىچكەندە، قۇدۇق قازغۇچىنى ئۇنۇتما›› دەيدۇ كونىلار. ئەڭ ئاخىرىدا، مېنى ھەم يىغلىتىپ ھەم كۈلدۈرۈپ، ماڭا ھەقىقىي مەنىۋى ئوزۇق ئاتا قىلغان شۇ ئاپتورلار ۋە ‹‹ئىشچىلار ۋاقىت گېزىتى›› گە ئالاھىدە رەھمەت ئېيتىمەن. KiU/N$E   مەنبە: "ئىشچىلار ۋاقىت گېزىتى" 2`qO'V3Q   [hE0 9W   N6Mo|   يەنە «كۆيگەن قوياش» ھەققىدە ?z>7&   ;v0M::   قۇربانجان توختى ئازىق ;Ll/rJ:*   dGf:0xE"   «ئىشچىلار ۋاقىت گېزىتى» نىڭ 9- ئاينىڭ 10-كۈنىدىكى سانىغا بېرىلگەن ئوقۇتقۇچى-ئۇستازلار توغرىسىدىكى ھېكايە ، نەسىرنى تەپسىلىي ئوقۇپ چىقتىم ۋە «ئوقۇتقۇچىلار بايرىمى»غا ئاتاپ بېرىلگەن بەدئىي سۈرەتلەرنى كۆرۈپ ھوزۇرلاندىم . بەتنىڭ كۆپ قىسمنى ئىگىلىگەن مەمتىلى ھېلىم ئاپتۇرلىقىدىكى «كۆيگەن قوياش» ناملىق ھېكايىنى ئوقۇپ ئىچىم ئاچچىق بولۇپ قالدى . قولۇمغا قەلەم ئېلىپ تۈزۈكرەك بىر نەرسە يېزىشنى ئويلىغان بولساممۇ خىزمەت ئالدىراشچىلىقى بىلەن بۇ ئويۇممۇ ۋاقتىدا ئىشقا ئاشمىدى . ئۇنىڭ ئۈستىگە يېزىپ بولغاندىن كېيىن ، قايتا بىر كۆرۈپ بېقىش ئادىتىم بويىچە مەتبۇئاتقا ئەۋەتەلمەي يەنە بىر چاغ ئۆتۈپ كەتتى . مانا بۈگۈن «ئىشچىلار ۋاقىت گېزىتى»نىڭ 1-ئۆكتەبىر كۈنىدىكى سانىغا بېرىلگەن «<كۆيگەن قوياش> تىن تۇغۇلغان ئويلار»ناملىق ماقالىنى كۆرۈپ ئۆزۈمنىڭ تولىمۇ كېچىكىپ قالغانلىقىمنى ھېس قىلدىم . مېنىڭ قىسمەن قاراشلىرىم بۇ ئەسەرنىڭ مۇئەللىپى رەھىمجان رەھمەتجاننىڭ تىمىدا ئوتتۇرىغا قويغان پىكىرلىرى بىلەن ئوخشىشىپ كەتكەن بولسىمۇ ، بۇ ماقالىگە تولۇقلىما ياكى ھېكايىدىكى پىرسۇناژ خاسىيەت مۇئەللىمدەك ئوقۇتقۇچىلىرىمىزغا ئوقۇلغان ئاچچىق لەنەت ۋە ئويلىنىشقا بېرىلگەن پۇرسەت بولۇپ قالار دېگەن ئۈمىدتە يەنىلا ئوقۇرمەنلەرنىڭ ھوزۇرىغا سۇنۇشنى لايىق تاپتىم .  4<b=;8   ھېسىياتسىز سەنئەت بولمايدۇ ، چۈنكى ، ھېسىيات سەنئەتنىڭ جېنى . چىن ھەم قايناق ھېسىيات ئەدەبىي ئەسەرگە ھەقىقىي جان بېغىشلىيالايدۇ ، ئەسەرگە سېھرى كۈچ ئاتا قىلىپ ، ئوقۇرمەنلەرنىڭ روھىي دۇنياسىدا داۋالغۇش پەيدا قىلالايدۇ . ئۆز ھېسىياتىنى سەنئەتلىك ئۇسۇللار ئارقىلىق ۋايىغا يەتكۈزۈپ ئىپادىلىيەلىگەن يازغۇچىنىڭ ئەسىرى ئوقۇرمەنلەرنىڭ ھېسىيات دۇنياسىنى لەرزىگە سالماي قالمايدۇ . «كۆيگەن قوياش» ناملىق ھېكايە ئاپتۇرى مەمتىلى ھېلىم رېئاللىقتىكى ئۆزگىرىشچان ھېسىياتقا ئىگە كىشىلەرنىڭ قەلبىدىكى ئاجايىپ سىرلارنى ، ئوي-خىياللارنى ماھىرلىق بىلەن ئىپادىلەپ ئەسەرنىڭ بەدئىيلىكىنى ئاشۇرغان . ئوقۇرمەنلەرنىڭ بۇ ھېكايىنى سۆيۈپ ئوقۇشىدىكى تۈپكى سەۋەب شۇكى ، ئاپتۇر سۈرەتلىگەن ، يۈرۈتۈپ بەرمەكچى بولغان ھېسىيات تۇرمۇشنىڭ چىنلىق پۇرىقىغا ئىگە ئىكەنلىكى ، رېئال تۇرمۇشتىكى تەسىرچانلىقى كۈچلۈك ، خاسلىقى روشەن تېما بولغانلىقىدا .  B@Acm   ھېكايىدە ئەركەك-نايناق قىز فىرۇزە قاتارلىق بىر تۈركۈم ساۋاقداشلار ئۆز يېنىدىن پۇل چىقىرىپ مۇئەللىمىنىڭ بايرىمىنى تەبرىكلىمەكچى بولىدۇ ھەمدە ئۆگىنىش باشلىقى دىلنۇرنىڭ بۇ ئىشقا بولغان قارشىنى ئاڭلاپ باقماقچى بولۇپ ، ئۇنىڭغا مەسلىھەت سالىدۇ . ئۆگىنىشتىن باشقا ئارتۇق ئىشلارنى ئويلاپ كەتمەيدىغان دىلنۇر ئىسىملىك بۇ قىز ئۇلارنىڭ مۇئەللىمگە «قول سائەت» سوۋغا قىلىشنى توغرا تاپماي ، ئۇلارنىڭ سېپىگە قېتىلمايدۇ . ئۆزى تېخىمۇ ئەھمىيەتلىك بىر سوۋغا تەييارلاش ئۈچۈن مەھەللە - كويدا نۇمۇسنى قايرىپ قويۇپ ، كاردون قەغەز ، بوتۇلكا يىغىپ تاپقان پۇلغا «تارىخىي ئەمىنىيە» ناملىق كىتابنى سېتىۋىلىپ ، ئۇستازىغا بولغان ھۆرمىتى ۋە مېھىرى-مۇھەببىتىنى ئىپادىلىمەكچى بولىدۇ . ئەپسۇس ، زور ئۈمىد كۈتكەن ئوقۇتقۇچىسى بۇ كىتابقا «قول سائەت»چىلكمۇ قىزىقمايدۇ ، ھەتتا ئۇنى يەر ئاستى ئۆيىدىكى كارۋات ئاستىغا تاشلاپ قويۇپ ، چاشقانلارغا «يەم» قىلىپ بىرىدۇ . cn1UFmT   ھېكاينى ئوقۇغان ھەربىر ئوقۇرمەن دىلنۇرنىڭ ساپ ھېسىياتى ، ئۇستازغا بولغان چوڭقۇر مېھرى-مۇھەببەتىگە ئالقىش ياغدۇرسا ، خاسىيەت مۇئەللىمگە بولغان نەپرىتى تېخىمۇ ئارتىدۇ ، ئۇنىڭغا ئوخشاش «سالاھىيىتى»نى يوقاتقان ، «ئۈلگە كۈچى» تۈگەشكەن ، بىلىمسىز ، يارامسىز ئوقۇتقۇچىلارغا بولغان ئەندىشىسى ھەسسىلەپ ئاشىدۇ . B]Vnu7   باش پىرسۇناژ دىلنۇرنىڭ قارىشىچە ، ئوقۇتقۇچى – ئۇلۇغ ئىنسان بولۇشى ، ئىنسانىيەت مەدەنىيەت قاتلىمىنىڭ بەرپا قىلغۇچىسى ، كۆز ئالدىدىكى سەبىي ، ساپ دىللار ئۈچۈن «مەڭگۈلۈك يول باشلىغۇچى» ، ئۆز نۇرى ۋە ھارارىتى ئارقىلىق كىشىلەر قەلبىگە مۇھەببەت ئۇرۇقىنى سېپىشى ، پەرۋىش قىلىشى كېرەك ئىدى . ئەمما ، ئۇنىڭ نەزىرىدىكى «ئوقۇغۇچىلىرىغا دائىم ياخشى ئوقۇش توغرىسىدا تەلىم بىرىدىغان» ، «كىتابنى سۆيۈپ ئوقۇيدىغان» سۆيۈملۈك ئۇستازى ئۇنىڭ ياق ، ياق ، بارچە ئوقۇرمەننىڭ دىلىنى ئۆرتىدى ، ئۇستازلارنىڭ شەنىگە ئوقۇلغان مەدھىيلەرنى دەپسەندە قىلدى . ))Ws{   ھېكايىنىڭ ئاخىرقى قىسمىدىكى مۇنداق بىر جۈملە ئوقۇرمەنلەر قەلبىنى تىتىرىتىپ ، ھېكايىنىڭ يېشىمىنى چىقىرىپ بىرىدۇ . «.... سول تەرەپتىكى تامغا يۆلەپ قويۇلغان كارىۋات ئاستىغا ئېڭىشتىم . ئۇ يەردىن سامساق بىلەن پىياز ئېلىۋاتقىنىمدا ، كۆزلىرىم كارىۋاتنىڭ كەينى پۇتى تەرىپىدىكى پۈرلىشىپ كەتكەن بىر كىتابقا چۈشۈپ قالدى . يۈرىكىم كۆيگەندەك ، نەپسىم سىقىلغاندەك بولدى ، قولۇمدىكى پىياز بىلەن سامساقمۇ يەرگە چۈشۈپ كەتتى . مەن قولۇمنى كىتابقا ئۇزىتىپ ، ئۇنى تەسلىكتە ئالدىم-دە ، مېڭەم چىڭقىلىپ ، كۆزلىرىم قاراڭغۇلاشتى . ئۇ مەن خاسىيەت مۇئەللىمگە سوۋغا قىلغان <تارىخىي ئەمىنىيە> دېگەن كىتاب ئىدى . ئۇنى مۇنداق تاشلىرى سۆكۈلگەن ، ئالدى – كەينى بەتلىرى يىرتىلغان ۋە قىرلىرىنى چاشقان يەپ كەتكەن ھالدا ئۇچرىتارمەن دەپ ئويلاپمۇ باقمىغانىدىم . خاسىيەت مۇئەللىمنىڭ ئېرىنىڭ ئۆز ئۆيىدە كۆيۈۋاتقان قوياشنى كۆرمەي ، قۇمۇلغا كەتكىنىگە ئەپسۇسلاندىم....»  dc[w`   ئاپتۇر ھېكايىدە ئالغا سۈرمەكچى بولغان ئىدىيە ۋە پىرسۇناژلار خاراكتىرىنى پىرسۇناژلار تىلى ئارقىلىق ئۇستىلىق بىلەن ئىپادىلىگەن . ئەسەر باش پىرسۇناژى دىلنۇرنىڭ تىلى ئوقۇرمەنلەرگە ئىنتايىن يېقىملىق ، تەبئىي ، چىن تۇيۇلغاچقا ، دىل زەربىسىگە ئۇچرىغان بىر ساددا ، بىلىمخۇمار ياشنىڭ چىن ھېسىيات بىلەن سۇغۇرۇلغان ھەقىقي يۈرەك سۆزى ھەربىر كىشىنىڭ دىل تارىنى چېكىدۇ ۋە ھېسداشلىقىنى قوزغايدۇ . 3T)GUzt`   ھېكايىدىكى «مەن»نىڭ سۆزلىرىنى ئەستايىدىل ئويلانساق ، مۇنداق يەنە بىر ھەقىقەتنى تونۇپ يىتەلەيمىز . يەنى ، فىرۇزەگە ئوخشاش خوشامەتچى ، لەببەيچى كىشىلەرگە يولنىڭ ھامان ئوچۇق ئىكەنلىكىنى ، بۇنداق «ئوقۇش»قا تايىنىپ جان بېقىپ كېتىپ بارغان ئوقۇغۇچىلارنىڭمۇ بارلىقىنى تونۇپ يېتىمىز . «ئوقۇتقۇچىلار بايرىمى كېلىپ قالدى ، بىز 10 ئىمىز 25 يۈەندىن يىغىش قىلىپ ، سىنىپ مەسئۇلىمىز خاسىيەت مۇئەللىمگە قول سائىتى ئېلىپ بەرمەكچى بولۇۋاتىمىز . سەنمۇ پۇل چىقىرامسەن؟...»«25يۈەنگە نېمانچە قىلىپ كېتىسەن؟....»«مۇشۇ ۋاقىتتا سوۋغا بەرسەڭ ، كېيىن ئالىي مەكتەپ ئىمتىھانىغا كومسىيە قىلىپ قالسا ، ساڭا ئوڭ كۆزىدە قاراپ قويىدۇ....»«رېئاللىققا بېقىپ سۆزلىسەڭچۇ؟ بىلىپ تۇرۇپ قارا....» ۋە «فىرۇزەنىڭ ئالىي مەكتەپ ئىمتھانىسىدا تازا تەلىيى كەلگەنىدى . خاسىيەت مۇئەللىم كومسىيە بولغاننىڭ ئۈستىگە ، مەن بىلەن بىر مەيدان بولدى . خاسىيەت مۇئەللىم ماڭا تاللاش سۇئاللىرىنىڭ جاۋابىنى مەشىق قەغىزى ئۈستىگە يازدۇرۇپ ، فىرۇزەگە ناھايتتى ئېھتىيات بىلەن يەتكۈزۈپ بەردى . مېنىڭ كۈننى تاڭغا ئۇلاپ ئۆگەنگەنلىرىمنىڭ ھوزۇرىنى فىرۇزەمۇ سۈرگەنىدى ....» ئاپتۇر يۇقارقى دېئالوگ ۋە بايانلار ئارقىلىق بۇ خىل چىركلەشكەن ، ناچار قىلمىشلارنىڭ تېخى نوتا بولۇپ ئۆسۈۋاتقان ياش - ئۆسمۈرلەر قەلبىدە بىخلىنىپ يېتىلىۋاتقانلىقىنى يوشۇرۇن ئوتتۇرىغا قويۇش ئارقىلىق مائارىپنىڭ چوڭ كۆلەملىك تازىلاشقا مۇھتاج ئىكەنلىكىدەك ھېسىياتنى ئىپادىلىگەن . /[Oo*}Dc=F   ھېكايىنى ئوقۇپ بولدۇم ، ئەمما ، بىر مائارىپچى بولۇش سۈپپىتىم بىلەن ھېكايىدىكى خاسىيەت مۇئەللىمگە تالاي پىكىرلەرنى تاشلىغۇم كەلدى. zs!}P   jb~2f2vUa   مەنبە: «ئىشچىلار ۋاقىت گېزىتى» 2010-يىل 10-ئاينىڭ 22-كۈنىدىكى سانىدىن ئېلىندى . Q>qx?g   Hgs=qH

natses 2011-06-03 19:42 نىمە دىسە بولار ..باشقىلار نورمال قىلغان ئىشنى ئوقۇتقۇچىلار قىلسا بولمايدۇ ئوقۇتقۇچىلارغا تەلەپنى بەكلا يۇقۇرى قويۋەتتىقمۇ قانداق  ئۇلارمۇ ئەمەلىيەتتە ئادەتتىكى ئادەملەرغۇ ..

رەسىمسىز مۇنازىرە: [-- كۆيگەن قۇياش --] [-- top --]

Powered by PHPWind v7.3.5 Code © 2003-08 Guldiyar
Time 0.025950 second(s),query:3 Gzip enabled

You can contact us