چوققىلاندى دىگەن نىمە دىگەن گەپ؟مەن ھىچ بىلمىدىمغۇ؟
| yarimas | 2010-08-09 12:14 |
ئۇنى كىم قۇتقۇزىدۇ؟ كېچە جىمجىت ھەممە يەر تىمتاس، ئاڭلىنار يىراقتىن غۇۋا بىر ئاۋاز . بىلدىم ئاخىر قۇلاق سېپ ئۇزاق، دەپتۇ ئۇ ئېي رەببىم مىنى قۇتقاز. ئويلاندىم ئورنۇمدا تۇرۇپ بىر مەھەل، بولدىمۇ شۇ جايدا ياكى بىر جېدەل ؟ دەل شۇ پەيت قەدىمىم ماڭدى بىسوراق، ئۇچىراشتى ئەييۇب مىسالى كېسەل . چۇڭقۇر بىر ئازگالدا ياتار يىگانە ، قارىسام تۈزۈكراق ئۇندىن دىۋانە. قۇرت-قۇڭغۇز،ھاشارەت چىرماپتۇ ئۇنى، يىلان،چايان يۆگۈشۈپ نەچچە مىڭ دانە. قورقۇنچ مەنزىردىن تىتىردىم غال-غال، كۆرمىگەچ ئۆمرۈمدە بۇنىڭدەك بىر خار. ئۇمۇ ھەم قارىدى بەك تەستە ماڭا ، ياش تۆكۈپ ئازاپتىن چىرقىراپ زار-زار. ئەي بەختسىز ئىنسان نىمبولدى ئېيتقىن، سورىدىم ئۇنىڭدىن دەردىڭنى تۆككىن. ئەي ئوغلۇم دەپ بىرەي بۇياققا قارا ، توۋلىدى بىر بوۋاي قېشىمغا ئۆتكىن . قارىسام بوۋام سۇتۇق بۇغراخان ، تۇرار ئالدىمدا ئۇنى غەم باسقان. بوۋا بۇ سىزمۇ ئېتىلىپ باردىم ، كۆزۈمدە ياش ئالدىغا شۇئان . ماڭماقتا بوۋام مىنى يىتىلەپ ، سۆزلىگەچ تارىخنى ماڭا بىر-بىرلەپ. نۇرغۇن ئىشلارنى بىلدىم بوۋامدىن، سورىماق بولغانتىم يەنە ئىچكىرلەپ. بولدى قىل ئوغلۇم ۋاقىت ئاز قالدى ، دەپ بوۋام كۆزىگە ئىسسىق ياش ئالدى. سەن كۆرگەن شۇ كىشى مىنىڭ بالامتى، ئەپسۇس ئۇ بۈگۈن ئەلەمدە قالدى . سەۋەبى بىلمىدى غۇرۇر،ئىتىقادنى، چوڭ بىلدى ھاياتتا پۇل ئىستىداتنى. چۈشەندى ۋىجداننى باشقىچە قىلىپ، بىلمىدى تەڭرى بەرگەن ئىلتىپاتنى . ئىچتى،چەكتى ۋىجدان دەپ قۇيۇپ ، ۋە بەزى ۋىجدان دەپ دىنىدىن تۇيۇپ. ۋىجدان نىمە،غۇرۇر نىمە،بىلمەي ياشىدى؟ ۋىجدان دەپ ۋىجداننى كۆزىنى ئۇيۇپ. ھەقىقى ۋىجداننى تاپالمىدى ئۇ ، ھارامدىن ئۆزىنى تاتالمىدى ئۇ . ئىلاھى دىگەن قىزلارنى قوغداپ، شەيتانغا بىرەر مۇش ئاتالمىدى ئۇ. ياسىدى ئۆزىنى مىللەت ئۈچۈن دەپ ، بىلمىدى مىللەت نىمە،ئىتىقاد نىمە گەپ؟ يالىڭاچ بولدى ئۇنىڭ قىزلىرى ، ئاتالمىش مىللەتنى غېمىنى يەپ . ھەقىقى غۇرۇر ئۇنىڭ قېشىدا ، بۈگۈن ئۆزگەردى يىلان،چايانغا. دۇنيادا بىلمىگەچ غۇرۇر،ۋىجداننى، بۈگۈن بىلىدۇ ئۆرۈلسە قايانغا . شۇنداقتۇر ئوغلۇم ۋىجدان ئازابى ، ھەركىمنىڭ ئۆزىدە ئۇنىڭ ئامالى . ۋىجداننى تەتۈر چۈشەنگەنتى ئۇ ، ۋىجدانسىز كىشىنىڭ نەدۇر ئەھۋالى؟ ئوغلۇم بىلىۋال غۇرۇر دىگەننى، ھەر دائىم مىللەتنىڭ غېمىنى يىگەننى. دىمەيمىز غۇرۇر دەپ شالۋاقنى چېچىپ، غۇرۇر دەپ مىللەتنى يۈزىگە سىيگەننى. شۇنداق دەپ بوۋام خوشلاشتى مەندىن، توۋلۇدۇم ئايرىلغۇم يوق بوۋا سەندىن . بوۋا...بوۋا.... دەپ ئويغۇنۇپ كەتتىم ، ئويلۇنۇپ قالدىم بىر ھازا غەمدىن . توۋلىغان ئۇ كىشى مىنى قۇتقاز دەپ، يىلان،چايان،قۇرتلار بەدىنىنى يەپ. ئاھ خۇدا ئەمدى ئۇنى كىممۇ قۇتقۇزار، چۈشەندىم غۇرۇر دىگەن ئەسلى ئۇلۇغ گەپ. مەنبە : ئىجادىيەت ئەسەر ھۇقۇقىغا ھۆرمەت قىلىڭ! رۇخسىتىمسىز ئۆز نامىدا باشقا مۇنبەرلەرگە يۆتكەچكە،مەتبۇئاتلاردا ئېلان قىلىشقا بولمايدۇ! | |
