| ئۈلكەر | 2011-10-05 04:14 |
| ئۆز - ئۆزىنى ئانالىز قىلىش سۇئاللىرى . 1. ئۆزىڭىزنىڭ دائىم بىئارام بۇلۇپ تۇرىدىغانلىقىڭىزدىن ئىچىڭىز پۇشامدۇ ؟ ناۋادا شۇنداق بولسا بۇنىڭ سەۋەنى نېمە ؟ 2. ئۇششاق - چۈششەك ئىشلارنى دەپ باشقىلارنى ئەيىبلەمسىز ؟ 3. خىزمىتىڭىزدە دائىم سەۋەنلىك كۆرۈنۈپ تۇرامدۇ ؟ ناۋادا شۇنداق بولسا بۇ نېمە ئۈچۈن ؟ 4. گەپ - سۆزلىرىڭىز باشقىلارنىڭ دىلىغا ئازار بېرەمدۇ ؟ 5. باشقىلار بىلەن باردى - كەلدى قىلىشتىن ئۆزىڭىزنى قاچۇرامسىز ؟ ناۋادا شۇنداق بولسا بۇنىڭ سەۋەبى نەدە ؟ 6. دائىم ھەزىم سېستىمىڭىزدىن چاتاق چىقىپ تۇرامدۇ ؟ ناۋادا شۇنداق بولسا بۇنىڭ سەۋەبىنى بىلەمسىز ؟ 7. سىزگە تۇرمۇش مەنىسىز ، ھايات ئەھمىيەتسىز ، كېلەچەك قاراڭغۇ بىلىنەمدۇ ؟ 8. خىزمىتىڭىزنى ياقتۇرامسىز ؟ ناۋادا ياقتۇرمىسىڭىز ، بۇ نېمە ئۈچۈن ؟ 9. دائىم ئۆزىڭىزنى بىچارە سانامسىز ؟ نېمە ئۈچۈن ؟ 10. سىزدىن ئېشىپ كەتكەنلەرگە ھەسەت قىلامسىز ؟ 11. سىز كۆپىنچە ۋاقىتلىرىڭىزدا مۇۋەپپەقىيەت ئۈستىدە كاللا قاتتۇرامسىز ياكى مەغلۇبىيەت ئۈستىدىمۇ ؟ 12. يېشىڭىزنىڭ چوڭىيىشىغا ئەگىشىپ ، ئۆزىڭىزگە بولغان ئىشەنچىڭىز ئېشىپ باردىمۇ ياكى ئۈمۈتسىزلىنىپ باردىڭىزمۇ ؟ 13. خاتالىقلار ئىچىدىن قىممەتلىك ساۋاقلارنى يەكغنلىگەنمۇ سىز ؟ 14. تۇغقان ياكى يېقىن كىشىلىرىڭىزدن بىرەرسى سىزنى غەمگە سېلىېاتامدۇ ؟ نېمە ئۈچۈن ؟ 15. بەزىدە دېققىتىڭىز چېچىلامدۇ ؟ بەزىدە يەنە ھەر قانداق ئىشتىن رايىڭىز يېنىپ كېتەمدۇ ؟ 16. كېم سىزگە كۈچلۈك ئېلھام بېرىش رولىنى ئوينايدۇ ؟ نېمە ئۈچۈن ؟ 17. ساقلىنىشقا بۇلىدىغان سەلبى تەسىرنى رايىشلىق بىلەن قۇبۇل قىلامسىز ؟ 18. تاشقى قېياپىتىڭىزگە كۆڭۈل بۈلەمسىز ، بۆلمەمسىز ؟ ناۋادا كۆڭۈل بۆلمىسىڭىز ، قانداق ۋاقىتتا ، نېمە ئۈچۈن شۇنداق قىلىسىز ؟ 19. سىز پايپېتەك بۇلۇشنى ئۆگىنىۋالغاندىن كېيىن ، شۇ ئارقىلىق جاپا - مۇشەققەتنى بېسىپ چۈشۈپ ، ئۇنىڭ كاشىلىلىرىدىن قۇتۇلالىدىڭىزمۇ ؟ 20. ناۋادا ئېڭىڭىزغا باشقىلار ۋەكىللىك قىلسا ، ئۆزىڭىزنى ‹ جېگەرسىز ، ئاجىز › دەپ بىلەمسىز ؟ 21. مەنىۋىيىتىڭىزنى تازىلاپ تۇرۇشقا سەل قاراش نەتىجىسىدە چېچىلغاق ۋە خاپىغاق بۇلۇپ قالدىڭىزمۇ ، يوق ؟ 22. ساقلانغىلى بۇلىدىغان قانچېلىك ئاۋارچىلىق سىزنى ئازاپقا سېلىۋاتىدۇ ؟ ئۇلارنى نېمە ئۈچۈن قۇبۇل قىلدىڭىز ؟ 23. ھاراق - دورا تاماكا ئارقىلىق پىغانىڭىزنى باسامسىز ؟ ناۋادا شۇنداق بولسا ، نېمە ئۈچۈن ئىرادىڭىزنىڭ كۈچىگە تايانمايسىز ؟ 24. بەزىلەر سىزنى ‹ ۋالاقتەككۈر › دەپ ئاتامدۇ ؟ نېمە ئۈچۈن ؟ 25. كېشىلىك ھاياتىڭىزغا ئېنىق نېشان بەلگىلىگەنمۇ سىز ؟ ناۋادا بەلگىلىگەن بولسىڭىز ئۇ نېشان نېمە ؟ ئاشۇ نېشانلىرىڭىزنى قانداق پىلان ئارقىلىق ئەمەلگە ئاشۇرماقچى ؟ 26. ئالتە خېل نېگىزلىك ۋەھىمىنىڭ قايسىسى سىزدە مەۋجۇت ؟ 27. باشقىلارنىڭ سەلبى تەسىرىدىن ساقلىنىشقا ئامالىڭىز بارمۇ ؟ 28. يۇشۇرۇن بېشارەتلەندۈرۈش ئارقىلىق ئاكتېپ روھى ھالىتىڭىزنى ئۇرغۇتۇشقا ئىنتىلەمسىز ؟ 29. سىز ئەڭ ئەھمىيەت بېرىدىغان نەرسە نېمە ؟ ماددىي بايلىقمۇ ياكى ئۆزىڭىزنىڭ ئىرادىسىنى كونتىرول قىلىش ھوقۇقىمۇ ؟ 30. باشقىلارنىڭ تەسىرىنى ئاسان قۇبۇل قىلىش نەتىجىسىدە ئۆزىڭىزنىڭ ھۆكۈمىگە خىلاپلىق قىلدىڭىزمۇ ، يوق ؟ 31. بۈگۈن ئۆزىڭىزنىڭ ئەقىل ئامبىرى ياكى مەنىۋىيىتىڭىزگە قانداق قىممەتلىك نەرسىلەرنى سىڭدۈرەلىدىڭىز ؟ 32. ئارامىڭىزنى بۇزىدىغان ئامىللارغا ئوبىيكتېپ مۇئامىلە قىلامسىز ياكى مەسئۇلىيەتتىن قاچامسىز ؟ 33. بارلىق سەۋەنلىك ۋە مەغلۇبىيەتنىڭ سەۋەبلىرىنى ئانالىز قىلىش ئارقىلىق يول تېپىشقا ئىنتىلەمسىز ياكى ئەسئۇلىيەتنى باشقىلارغا ئىتتىرەمسىز ؟ 34. ئەڭ چوڭ ئاجىزلىقىڭىزدىن ئۈچنى دەپ بىرەلەمسىز ؟ ئاشۇ ئاجىزلىقلىرىڭىزنى قانداق تۈگەتمەكچى ؟ 35. ھېسداشلىق قىلىش سەۋەبىدىن باشقىلارنىڭ غەم - غۇسسە بىلەن سىزنى يۇقۇملاندۇرىشىغا يول قويدىڭىزمۇ ، يوق ؟ 36. كۈندىلىك تۇرمۇش ئەمىلىيىتىڭىزدىن ئۆزىڭىزنى مۇكەممەللەشتۈرۈشكە ياردىمى بار تەجىرىبە ياكى تەسىرلەرنى قۇبۇل قىلىلىدىڭىزمۇ ، يوق ؟ 37. ئىپادە - ئالامەتلىرىڭىز ئادەتتە باشقىلارغا سەلبى تەسىر بېرەمدۇ ؟ 38. باشقىلارنىڭ قانداق ئادىتىنى ئەڭ ئۆچ كۆرىسىز ؟ 39. ئۆزىڭىزنىڭ كاللىسى بىلەن ئىش كۆرەمسىز ياكى باشقىلارنىڭ تەسىرى بىلەنمۇ ؟ 40. كىشى كۆڭلىنى غەش قىلىدىغان سەلبى تەسىرگە تاقابىل تۇرالايدىغان روھى - ھالەتنى يېتىلدۈرۈشنى ئۆگىنىۋالدىڭىزمۇ ، يوق ؟ 41. خىزمىتىڭىز سىزگە ئۈمۈد بېغىشلاپ ، ئىشەنچىڭىزنى ئۇرغۇتالامدۇ ؟ 42. ئۆزىڭىزدە سىزنى تۈرلۈك ۋەھىمىلەرنىڭ تەسىرىدىن ساقلىيالايدىغان مەنىۋى كۈچنىڭ يېتەرلىك ئىكەنلىكىنى ھېس قىلدىڭىزمۇ ، يوق ؟ 43. ئېتقادىڭىز ئارقىلىق ئۆزىڭىزدىكى ئىجابىي روھنى ئاۋۇندۇرالامسىز ؟ 44. باشقىلارنىڭ غەم - قايغۇلىرىنى تەڭ تارتىپ بېرىش مەسئۇلىيىتىم بار ، دەپ قارامسىز ؟ نېمە ئۈچۈن ؟ 45. ‹ مال تۈرى بىلەن ، ئادەم خىلى بىلەن › دېگەن گەپكە ئىشەنسىڭىز ، ئۇنداقتا دوستلىرىڭىزنى تەھلىل قىلىپ كۆرگەندىن كېيىن ، ئۆزىڭىزگە قانداق باھا بەرگىڭىز كېلىدۇ ؟ 46. ئەڭ يېقىن ئارلىشىدىغان ئادىمىڭىز بىلەن قانداق مۇناسىۋەتتە سىز ؟ ئاشۇ مۇناسىۋەتنىڭ بىرەر كۆڭۈلسىزلىكنى كەلتۈرۈپ چىقىرىش ئىمكانىيىتى بارمۇ ، يوق ؟ 47. سىز دوستۇم دەپ يۈرگەن كىشىلەرنىڭ سىزگە سەلبى تەسىر كۆرسېتىش يۇلى بىلەن دۈشمىنىڭىزگە ئايلىنىپ قېلىش مۇمكىنچىلىكى بامۇ ، يوق ؟ 48. كىمنىڭ پايدىلىق ، كىمنىڭ زېيانلىق ئىكەنلىكىگە قانداق پىرىنسىپ بىلەن ھۆكۈم قىلىسىز ؟ 49. بىر سوتكا ئىچىدە خىزمەت ، ئۇيقۇ ، ئويۇن - تاماشا ، بىلىم ئېگەللەش ۋە لاغايلاپ يۈرۈش قاتارلىقلارغا قانچېلىكتىن ۋاقىت سەرىپ قىلىسىز ؟ 50. دوستلىرىڭىز ئىچىدە كېم سىزگە ئەڭ كۈچلۈك ئېلھام بېرىدۇ ؟ كېم سىزنى ھەر دائىم ئاگاھلاندۇرۇپ تۇرىدۇ ؟ كېم سىزنى ئەڭ كۆپ ئوڭۇشسىزلىققا ئۇچىرىتىدۇ ؟ 51. سىزنى ئەڭ ئېغىر تەشۋىشكە سالىدىغان ئىش زادى نېمە ؟ ئۇنىڭغا نېمە ئۈچۈن يول قۇيىسىز ؟ 52. باشقىلار سىزگە ئۆزلىكىدىن ئەقىل كۆرسەتكەن چاغدا ، سىز ئۇنى شەكسىز قۇبۇل قىلامسىز ياكى ئالدى بىلەن ئاشۇ كىشىنىڭ مۇدداسىنى تەھلىل قىلىپ باقامسىز ؟ 53. سىز ئوتتەك ئىنتىلگەن نەرسە زادى نېمە ؟ ئۇنىڭغا ئېرىشمەكچىمۇ سىز ؟ سىز ئۇنىڭ ئۈچۈن باشقا ئىنتىلىشلىرىڭىزنى قايرىپ قۇيۇشنى خالامسىز ؟ 54. قارارىڭىزنى دائىم ئۆزگەرتىپ تۇرامسىز ؟ نېمە ئۈچۈن ؟ 55. ئىشلىرىڭىزنى ھەر دائىم چېرايلىق باشلاپ ، چېرايلىق تاماملىيالامسىز ؟ 56. باشقىلارغا ئۇلانىڭ ئىگىلىكى ، كەسپى ، مەلۇماتى ياكى مال - دۇنياسى ۋەجىدىن چېن كۆڭلىڭىزدن قايىل بولغىڭىز كېلەمدۇ ، يوق ؟ 57. باشقىلارنىڭ تەنقىدلىرى پەيدا قىلىدىغان تەسىرنى ئاسان قۇبۇل قىلامسىز ؟ 58. باشقىلارغا ئۇلارنىڭ ئىجتىمائىي ياكى ئىقتىساى ئورنى سەۋەپلىك رايىشلىق قىلامسىز ؟ 59. سىزچە ، ھازىرقى ئەڭ بۈيۈك ئادەم كېم ؟ ئۇنىڭ ھەممىدىن ئۈستۈن تۇرىدىغان ئۆزگىچىلىكى نېمە ؟ 60. زادى قانچېلىك ۋاقىتتا بۇ سۇئاللارنى تەھلىل قىلىپ ، جاۋاپ بەردىڭىز ؟ ناۋادا سىز بۇ سۇئاللارنىڭ ھەممىسىگە راستچىللىق بىلەن جاۋاپ بەرگەن بولسىڭىز ، نۇرغۇن كېشىلەرگە قارىغاندا ئۆزىڭىزنى تېخىمۇ چوڭقۇر چۈشەندىڭىز ، دېگەن گەپ . دېمەك ، بۇ سۇئاللارنى ئىنىچكە تەھلىل قىلىپ ، ھەپتىدە بىر نۆۋەت ئۇنىڭغا يەنە بىر قاراپ چىقىڭ . بۇنى بىر قانچە ئايغىچە داۋاملاشتۇرۇڭ . پەقەت ئۇنىڭغا راستچىللىق بىلەن جاۋاب بەرسىڭىزلا ، ئۆزىنى بىلىشتىن ئىبارەت بۇ قىممەتلىك ئەتمىشنىڭ شۇنچىۋالا ئاسان ئىكەنلىكىدىن ھەيران قالىسىز . ئەگەر بەزى سۇئاللارغا جاۋاب بېرىشتە ئىككىلىنىپ قالسىڭىزسىزنى ئوبدان چۈشىنىدىغان بۇلۇپمۇ سىزگە خوشامەت قىلىش مۇددىئاسى يوق كىشىگە مۇراجەت قىلىپ ، ئۆزىڭىزنى باشقىلارنىڭ نەزىرى بىلەن كۆزىتىپ بېقىڭ . شۇنىڭغا ئىشىنىڭكى ، بۇ سۇئالغا ساداقەتمەنلىك بىلەن مۇراجەت قىلسىڭىزلا ئۇنىڭدىن ئويلىمىغان ھاسىلاتقا ئىرىشەلەيسىز . مەنبە ـــ ناپالېئون خېئول . بېيىش ئۈچۈن ئىزدىنىڭ ...... دىن ئېلىندى . | |