| altunboxuk | 2011-10-04 12:35 |
يۈرىكىمنى تۇتىمەن ساڭا كۆرگىنىمدە دەسلەپتە سېنى، دەپقاپتىمەن ھۆرمۇ يا پەرى. شۇندىن بېرى ئەقلىمدىن ئازدىم، يامان ئىكەن ئاشىقلىق دەردى. چاچلىرىڭنى سىنغا ئالغانمۇ؟ ئوكيانلاردا شۇڭغىغان قۇندۇز. گۈل-ھۆسنۈڭنى ئەنداز ئالغانمۇ؟ نۇر تۆككۈچى قۇياش ۋە يۇلتۇز. بېرىپ تۇردۇم پات-پات مەلەڭگە، كۈنۈم ئۆتتى چىمەنگە قاراپ. گۈللەر ئارا كۆرۈنمىسەڭ گەر، كاككۇك كەبى باغلاردا سايراپ. يۇلتۇزلاردەك كۆزلەر ئىچىدىن، كۆزلىرىڭنى ئىزدەيمەن سەرسان. بويلىرىڭنى ھىدلاپ يۈرىيمەن، يانداشقىدەك بولسىلا ئىمكان. بىلسەم جانان كۆڭۈل سىرىڭنى، دىل قەسىرەڭ سۈكۈتكە چۆككەن. ئەمما مەندە يۈرەك باشقىچە، قاتلىرىغا سۆيگۈ پۈتۈلگەن. بولدى ئەمدى كەلگىن نىگارىم، ئاتا قىلغىن ماڭا خوشاللىق. نەۋباھارىم غازاڭ بولمىسۇن، ياپراقلارنى تۆكۈپ پىغانلىق. ياپراقلارنى تۆكسىمۇ يىللار، ۋەدەم بىلەن تۇرىمەن يانا، ئاداققى بىر نەپەس قالغىچە يۈرىكىمنى تۇتىمەن ساڭا. ئۈزۈمچى قىزغا... ئۈزۈم كېسىپ يۈرىيدۇ بىر قىز، كۆزلىرىدە شادلىق جىلۋىسى. قولى چىۋەر قەدىمى چاققان، جاراڭلايدۇ ياشلىق ناخشىسى. چاقچاقلارغا كۈلۈپ قويىدۇ، گەپ سۆزلىرى شۇنچە ھايالىق. بويلىرىدىن ئىپار تارايدۇ، ھۆسنى گۈلدۇر، ئۆزى ۋاپالىق. ئۈزۈم كېسىپ يۈرگەن ئاشۇ قىز، ئۈزۈم ئەمەس يۈرەكنى كەستى. شۇنچە جىمجىت كۆڭۈل بېغىمنىڭ، بىر يېرىدىن شورىلار تەشتى. ...غا بىر قەترە سۇدىمۇ كۆرىنەر قۇياش، گۈل بەرگى ئۈستىدە توختايدىكەن ياش. نە ئۈچۈن دىلىڭغا سىغمايدۇ دىلبەر، زارىقىپ ئېرىشكەن ئاشۇ بىر قاراش. بىر ئېغىز گېپىڭنى كۈتتۈم ئۇزاق يىل، چاچقا ئاق كىرگىچە ساقلاندى تاقەت. كۈتۈشلەر ئېغىركەن، قالمىدى ماجال، يا ھىجران بەر ماڭا ياكى مۇھەببەت! كۈتۈشلەر بارغانچە ھالسىراپ كەتتى، ياشلىرىم قالدىغۇ مەڭزىمدە قېتىپ. ۋىسالسىز دۇنيادىن كېتەر ئوخشايمەن، ھىجران تاشلىرىنى قەۋرەمگە قېقىپ. خىياللار ئەزىم دەريا دولقۇنىسەن خىياللار، مېنى سۆيگۈ دېڭىزىغا باشلايسەن. ئەگەشتۈرۈپ قەدىمىگە دىلبەرنىڭ، مۇھەببەتنىڭ قاينىمىغا تاشلايسەن. ئەي خىياللار، تاتلىق، ئويناق خىياللار، ئارامىمنى بۇزۇپ مېنى قىينايسەن. شىرىن ھىسلار قۇچىقىدا ئەللەيلەپ، تۇيدۇرماستىن يۈرىكىمنى سىنايسەن. بىلدۈرمەستىن قىز كۆڭلىنى ئوۋ قىلىپ، ئىشقىم ئۈچۈن قانات قېقىپ ئۇچىسەن. گاھى ھىجران چۆللىرىگە ئاپىرىپ، گاھى ۋىسال كۆكلىرىنى قۇچىسەن. ئانىلار قۇياش نۇر تۆككەندەك تۆكىلەركەن، ئانىلار قەلبىدىن مىھىر نۇرلىرى. ئىرىيدۇ يۈرەكلەر، ئىرىيدۇ ۋۇجۇد، ئاغزىغا تامغاندا ئانا سۈتلىرى. ئانىلار ساھىلى گۈللەرگە تولغان، ھەريانغا تارقىلىدۇ پۇراقلىرى. جەننەتتەك ئۆزىگە چىڭ تارتىپ تۇرار، تۇغۇلۇپ تا ئۆلگىچە قۇچاقلىرى. قۇچاقتا ئوتلار كۆيەر، يانغىن يانار، ھارارەت تارقىلىدۇ شۇ تەرەپتىن. سۈت ئەمگەك سەبى بوۋاق ۋىلىقلايدۇ، ئارمانلار يېلىنجايدۇ يۈرەكلەردىن. ئەقىدە، ئىرادە بار، مىھنىتى بار، ئانىلار قەدىمىدە، ئىزلىرىدا. ئەجداتلار سىماسى بار، جەۋلانى بار، ئۇ تۇغقان ئەركەكلەردە، قىزلىرىدا. غەيۋەتخور ئەي غەيۋەتخور بازارغا، ئېلىپ كەپسەن ھەممىنى. بەكمۇ ئەرزان قىلىپسەن، ئانا يۇرتنىڭ نەرقىنى. بىر قولۇڭدا ئەرلەرنىڭ، ئەركەكلەرنىڭ ئىپپىتى. بىر قولۇڭدا مىللەتنىڭ ئىپتىخارى، ساپ قېنى. يۈرىكىڭگە قول سالسام، غورورۇڭنىڭ بېغى يوق. ئاستىن-ئۈستۈن قىلىپسەن، دوست-دۈشمەننىڭ پەرقىنى. باشقىلارنىڭ ئىزىدىن، تېرىپ چاۋا-چاتقاللار، ئارقىسىغا ئوت قويۇپ، بولۇپ قاپسەن لەنىتى. ئەي غەيۋەتخور ئاڭلاپ قوي، ئەلنىڭ كۆزى ئەللىكچە. چاۋاڭنى چىتقا يېيىپ، بىر كۈن ئالار دەردىنى. مەنبە: ئالتۇنبۆشۈك | |
