| erhabi | 2011-10-03 23:22 |
| ئىستانبۇلدا بىر قانچە ئايدىن بۇيان ئۆتكۈزگەن يىغىنلىرى جەريانىدا بىرلىشەلمىگەن سۈرىيە ئۆكتىچىلىرى، ئاخىرى بىرلىكتە ھەرىكەت قىلىشنى قارار قىلدى. قارار، ئۈچ كۈن داۋام قىلغان ئىستانبۇل يىغىنىدىن كېيىن ئېلان قىلىندى. بايانات ئارقىلىق، مەيلى دۆلەت ئىچى ۋە مەيلى سىرتىدا بولسۇن، سۈرىيەدىكى بارلىق ئۆكتىچى گۇرۇپپىلارنىڭ بىرلەشكەنلىكى ئېلان قىلىندى. سۈرىيە مەملىكەتلىك كېڭىشىنىڭ باشلىقى بۇرھان غەليون، مەملىكەتلىك كېڭەشنىڭ سۈرىيەدىكى ئىنقىلابنىڭ قانۇنلۇق ۋەكىلى ئىكەنلىكىنى ئېيتتى. غەليون، مەقسەتلىرىنىڭ سۈرىيەدىكى ھاكىمىيەتنى ئاغدۇرۇپ تاشلاپ، ئورنىغا دېموكراتىك تۈزۈمنى ئورنىتىش ئىكەنلىكىنى قەيت قىلدى. سۈرىيەلىك ئۆكتىچى رەھبەر، خەلقئارا جەمئىيەتتىن سۈرىيە خەلقى ئالدىدىكى مەسئۇلىيىتىنى ئادا قىلىشىنى تەلەپ قىلدى. | |
