ئۇنداق دىمەڭ نىگار ساقام
ئىلھام كەلگەندە يازىدىغان گەپ، بولمىسا زورلىمىغان ياخشى.. مەنمۇ ئايدا، يىلدا بىر يازىدىغان بوپ كەتتىم ھازىر.. ئاز يازىمىز، ساز يازىمىز
| nigar | 2011-08-13 08:07 |
| ئەسسالامۇ ئەلەيكۇم ئانا تۇپراق مۇنبىرىدىكى بەرنا خانىم-قىزلار ، جەزبىدار يىگىتلەر ! ھەممىڭلارغا كەمىنە نىگاردىن ئوتلۇق سالام ! مەن ئانا تۇپراق مۇنبىرىگە ئەزا بولۇپ كىرگىلى بۈگۈن بىر يىلغا قەدەم قۇيۇپتۇ . مۇشۇ مۇناسىۋەت بىلەن ئىككى كەلىمە يۈرەك سۆزلىرىمنى مۇنبەر ئەھلىگە بايان قىلىۋالسام : مۇنبەرگە ئەزا بولۇپ كىرگەن مۇشۇ بىر يىل ئىچىدە مۇنبەر ماڭا چەكسىز خۇشاللىق ئاتا قىلدى ، نۇرغۇنلىغان قېرىداشلىرىم ئۆزلىرىنىڭ تېتىملىق ئىنكاسلىرى ئارقىلىق ماڭا ئىشەنچ ، جاسارەت بېغىشلىدى . مەن مۇنبەردىكى تېمىلار ئارقىلىق بىلمىگەن نۇرغۇن بىلىملەرگە ئىگە بولدۇم . ئەزەلدىن تۇنۇشمايدىغان ، بىر-بىرىمىزنى كۆرۈپمۇ باقمىغان ، ئەمما ئانا تۇپراق مۇنبىرىگە ئوخشاش بىر مەقسەت ، نىشان بىلەن يىغىلغان دوستلار چوڭلىرىنى "ئاكا ، ھەدە " كىچىكلىرىنى "ئىنىم ، سىڭلىم" دېيىش ئارقىلىق قېرىداشلىق مېھرى-مۇھاببىتىنىڭ ئۇلۇغلىقىنى ، دۇنيانىڭ مېھرى-مۇھاببەت بىلەن گۈزەللىكىنى ھېس قىلدۇردى . مەن ۋە ھەر قايسى قېرىنداشلىرىم ئۈچۈن ئۆزىنىڭ تالانتىنى جارى قىلدۇرىدىغان پۇرسەت ، ئېلىم-مەرىپەت ، ئەدەپ-ئەخلاق ئۆگىنىش ئۈچۈن سورۇن ھازىرلاپ بەرگەن مۇنبەر قۇرغۇچىسى ئانا تۇپراق (مەمتىمىن ) ئاكامغا ئۆزۈمنىڭ چەكسىز مىننەتدارلىقىمنى بىلدۈرىمەن . مۇنبەر ئۈچۈن "ھاردىم-تالدىم " دېمەي ، جان كۆيدۈرۈپ ، ئادىللىق بىلەن خىزمەت قىلىۋاتقان ھەر قايسى مۇنبەر باشقۇرغۇچىلارغا سەمىمىي سالىمىمنى يوللايمەن . مۇنبەرنىڭ تەرەققىياتى ئۈچۈن كۈچ چىقىرىۋاتقان مۇنبەر ئەزالىرىنى يەنىمۇ تىرىشچانلىق كۆرسىتىشكە ، مۇنبەرنىڭ مۇقىملىقى ئۈچۈن ئىتتىپاق ئۆتۈشكە چاقىرىق قىلىمەن! ئانا تۇپراق مۇنبىرىنىڭ شۇئارى : ئانا تۇپراق مۇنبىرى __ مېنىڭ ئىللىق ماكانىم ، ئۇنى گۈللەندۈرۈش مېنىڭ مۇقەددەس بۇرچۇم ! نېمە سەۋەپتىندۇر پەقەت شېئىر يازالمايدىغان بولۇپ قالدىم ، سائەت-سائەتلەپ ئولتۇرساممۇ پەقەتلا ئىلھامىم كەلمەيدىغان بولۇپ قالدى . بەلكىم مۇشۇنىڭ بىلەن شېئىر يېزىش ھاياتىمغا خاتىمە بېرىلگەن بولسا كېرەك .  شۇڭا بۈگۈن بۇرۇن يازغان بارلىق شېئىرلىرىمنى يىغىپ مۇنبەر ئەھلىنىڭ ھۇزۇرىغا قايتا سۇندۇم . ئۇستاز قاراڭغۇ دىللارنى يۇرۇتقان ئۇستاز ، سەبىي دىللارغا نۇر بەرگەن ئۇستاز . سىڭدۈرۈپ بىزلەرگە بارلىق مېھرىنى ، پارلاق مەنزىلگە باشلىغان ئۇستاز . سەن بولغاچ قەلبىمىز تولغان بىلىمگە ، بىلىمدىن نۇر ئىمىپ ئۆسىمىز ئۇستاز . ئۆچمەيدۇ مەڭگۈگە نۇرلۇق سىمايىڭ ، ئۆچمىگىن ،ياشنىغىن ئەي ئۇلۇغ ئۇستاز . بۇ شېئىرىم " ئاقسۇ گېزىتى " دا ئېلان قىلىنغان . بۇ شېئىرنى مۇنبەردىكى جاپاكەش ئوقۇتقۇچىلارغا بېغىشلايمەن . ئانا مەكتىپىم چىقماس مەڭگۈ يادىمدىن مېنىڭ ، مەرىپەت كانى ئانا مەكتىپىم . مەن ئۇزۇقلانغان ئاشۇ بۇلاقتىن ، بىلىم بۇلىقى ئانا مەكتىپىم . ئىللىق قوينىڭدا ئۆستۈردىڭ مېنى ، ئىشچان باغۋەنسەن ئانا مەكتىپىم . قوينۇڭ شۇنچە ئىللىق ، باياشات ، نوتا مەن ئۇندا ئانا مەكتىپىم . ئۆتتى سەندە خۇشال كۈنلىرىم ، گۈزەل ماكان سەن ئانا مەكتىپىم . ئۇنتالمايمەن شۇڭا مەن سېنى ، قۇچىقى جەننەت ئانا مەكتىپىم . كۈيلەپ سېنى يازىمەن داستان ، تىللاردا داستان ئانا مەكتىپىم . ئۆچمەيدۇ سېنىڭ مەڭگۈگە نامىڭ ، ئۆچمەس يۇلتۇز سەن ئانا مەكتىپىم . يايرىمغا ھىجراندا ئايرىلدۇق يايرىم بىز بۈگۈن ، شۇ دەمدە يۈرەكلەر مۇز بولۇپ قاتتى . "ئۆتىمىز مەڭگۈگە" دېگەن بىر چاغدا ، قېنى يار شۇ ۋەدە قەيەرگە كەتتى . سەن كەتتىڭ يۈرۈكۈم سەن بىلەن كەتتى ، سېغىنىش ۋە ئازاپ چېكىگە يەتتى . ئەسلىدىم سەن بىلەن ئۆتكەن كۈنلەرنى ، كەتتى كۈن ئەمدى كەلمەسكە كەتتى . قايتۇرۇپ بولماس ئۆتكەن كۈنلەرنى ، ئۆتكۈزدۈم ئازاپتا نۇرغۇن تۈنلەرنى . تىلىدىم يار ساڭا خۇشاللىق ، بەخىت ئۇنتۇدۇم ھەم شۇندا ئاشۇ كۈنلەرنى . يارغا خىتاپ "كۈتۈپ تۇر نىگارىم" دېگەن بىر چاغدا ، كەتتىڭ سەن شۇ پېتى يىراق-يىراققا . ئۈمۈتتە كۈتتۈم مەن قاراپ يولۇڭغا ، ھەم دېدىم" كېلىدۇ ھامان يېنىمغا " . ۋە لېكىن ئارىدىن ئۆتتى كۆپ يىللار ، كەلمىدىڭ ئەي يارىم بىراق يېنىمغا . كەتتىڭمۇ شۇنچە ياكى ئۇنتۇلۇپ ، بەردىڭمۇ كۆڭلۈڭنى ياكى بىراۋغا . كەلگىن يار يېنىمغا كۈتىمەن سېنى ، تەلمۈرۈپ ھەر كۈنى سېنىڭ يۇلۇڭغا . كەلگىن يار ھىجراندا قىينىما مېنى ، تەلپۈنگەن يۈرەكنى ئالغىن قولۇڭغا . يۇشۇرۇن سۆيگۈ كۆيەتتىم ساڭا ئۇزۇندىن بېرى ، ھەسرەت، ئازاپتا قىيناپ يۈرەكنى . يۇشۇرۇن كۆيۈش ئىكەن ئازاپلىق ، ئىشقىڭدا بەكمۇ قىينىدىڭ مېنى . سىزەلمەپتىمەن كۆپ ۋاقىت يۈرۈپ ، چىن قەلبىڭدىكى گۈزەل نىگارنى . ئەسلى ئىكەنسەن سەنمۇ بىر ئاشىق ، ئەمدى بىلدىم سېنىڭ قەلبىڭنى . يالۋۇرمايمەن "بەر كۆڭلۈڭنى "دەپ ، سۆيسەڭ ئەگەردە سەنمۇ باشقىنى . سۆيگۈگە سادىقلىق ئېسىل پەزىلەت ، سۆيگىن مەڭگۈگە ئاشۇ نىگارنى . دىدارسىز سۆيگۈ قالدۇرۇپ سەن مېنى يىگانە ، كەتتىڭ ئۆزۈڭ يىراق-يىراققا . تاشلىماقچى بولدۇڭمۇ ياكى ، قالدۇرۇپ سەن مېنى پىراققا . سېغىندۇردى ۋەسلىڭ جانانىم ، كۆرۈشۈشكە ئىنتىزار بولۇپ . مەيلىتىغۇ ئۆلسەم شۇندىلا ، بىر كۆرۈشكە مۇيەسسەر بولۇپ . كۆرسەتمىدىڭ ۋەسلىڭنى بىراق ، يۈرۈكۈمگە ئازاپنى سېلىپ . كېتەرمەنمۇ ئارماندا ئەمدى ، مەستانىلىك نامىنى ئېلىپ . تاشلىمىغىن جانانىم بۇنداق ، چىدىدىڭمۇ ئايرىلىپ مەندىن . ئازاپلىقكەن ئايرىلىش دەردى ، چىدىمىدىم ئايرىلىپ سەندىن . ئازاپ سەن باشقىغا كۆيدۈڭ ئېھتىمال ، تاشلاپ مېنى ئازاپقا ، دەردكە . سېنىڭ ئۈچۈن تەلپۈنسە يۈرەك ، گەر تەلپۈنەر سېنىڭ بىلەككە . قەلبىڭ گويا مىسلى گۈلزارلىق ، شوخ شامالدۇر باشقىلار ئۇندا . مەن سىغمىدىم مىسلى گۈلزارغا ، پەلەكلىرىڭ تاشلىدى بۇندا . شوخ كۈلكەڭ كەتمەس يادىمدىن ، گەر باشقىغا كۈلگەن بولساڭمۇ . بىر ئازاپتا تولغۇنار يۈرەك ، شۇ كۈلكەڭ ئۆچكەن بولسىمۇ . چىقارماقچى بولدۇم قەلبىمدىن ، ھېچ چىقمىدىڭ چاپلىشىپ ماڭا . ئارامىمدا قويغىن سەن مېنى ، كۆيەلمىدىم ئەمدە مەن ساڭا . . يۈرەك يىغلايدۇ يۈرەك يىغلايدۇ ئۇنىڭ تۇرقىغا . بىلگىلى بولماس نە مىللىتىنى . چۇۋۇلغان چېچى ، تاتارغان يۈزلەر ئاھ،ئىسسىت ئۇنىڭ ھالىغا . كىلەر بىر پۇراق گۈپۈلدەپ تەندىن . تۇرالماي تۈپتۈز ھەريان چايقىلار. نېمىلەر دىدى ، بىلگىلى بولماس. كىيىپتۇ شۇنداق تارمۇ بىر ئىشتان. ياپالماپتىغۇ كېندىكىنىمۇ ھەم ئۈستىدىكى قىسقا بىر چاپان. ئاھ،ئىسسىت يۈرەك يىغلايدۇ ئۇنىڭ تۇرقىغا . قىزلار مىللەتنىڭ ئانىسى، پەخرى . بۇ قىزلار بىلەن مىللەتنىڭ ، ئائىلىنىڭ نېمىدۇر ھالى . يۈرەك يىغلايدۇ كۆرسە گەر ھەركىم . ئىبرەت ئالارمۇ ، ئۇنىڭدىن بەلكىم . باشقۇرماسمىدۇ ؟ شۇنداق قىزلارنى دادىسى ، ئاكىسى نەسىھەت قىلماسمۇ ؟ ياكى ئانىسى . مەندىن نەسىھەت ئاڭلاڭ ئەي قىزلار. ئەخلاق بىلەن گۈزەلدۇر قىزلار ياشاڭ سىزمۇ ھايا بىلەن . پەخىرلەنسۇن ئەلمۇ بىزدىن ھەم . بەك چىرايلىق بولۇپ كەتتىمۇ نېمە  | |
