تـــوزىــغان بــــەخــــىت پروزا باغچىسى ئانا تۇپراق مۇنبىرى

سائادەتنىڭ ئاي كۈنى توشۇپ بىز قىز تۇغدى. بۇنىڭدىن ھەممىسى خۇشال ئىدى.يازنىڭ ئوتتەك بىر كۈنى .سائادەت قىزىنى سالىقىن جايدا بىقىۋاتاتتى.قىينىئانىسى سىرىتتىن ، قاپاقلىرى تۈرۈلگەن ، ھىلىلا بىرەرسى بىلەن مۇشلىشىدىغان ئەلپازىدا كىرىپ كەلدى.سائادەتكىمۇ قارىغۇدەك كۆزى يوق ئىدى.ئايۋان ئۆيدىن قىينىئاتىسى چىقىپ كەلدى دە ، روشەنخانغا :
_ بالدۇرلا قايتىپسىلەرغۇ؟
_ ياتمايمەن ئۇ سەھرادا.،ئۇنىڭ تەلەپپۇزى شۇنچىلىك قوپال ، شۇنچىلىك ھەيۋە بىلەن چىقۋاتاتتى.،- توۋا دادىسى ، بىز قانداق بولۇپ ، سەھرالىقنىڭ،يېتىم ئوغلاق قىزىنى ئىلىپ بەرگەندۇق دەيمەن.كىلىن چىقماي ئەپ بەردۇقما بۇنى. ئەر ئالماي ئولتۇرۇپ قالغاندا ئىلىپ بەرگەن بولغىيتۇق ، بۇ يالاڭ تۆش مەس كاللىنىڭ قىزىنى ،_ بۇ ئوچۇقتىن -ئوچۇق قىلىنغان ھاقارەت ئۇدۇل سائادەتنىڭ يۈرىكىگە بىرىپ تەگكەن ئىدى.
_ھاي ، ئۇنداق دېمەڭلار ئانىسى. بالىلارغا ئازار بولۇپ قالمىسۇن؟
_ ماڭا ئازار بولدى خەلىق ئالەمنىڭ ئالدىدا. ،_ روشەنخان شۇنداق دېگىنىچە ئىسەدەپ يىغلاپ كەتتى.
_ زادى نىمە بولدى دەڭلار ئانىسى. ئۇنداق ئادەمنى جىلە قىلماي.
_ نىمە بولاتتى.توي بولغان يەرگە ، مۇنۇ چىرايلىقنىڭ ئۆيى يىقىن بولغاندىكىن كىرىپ ئۆتەي ئاتايىتىن كەپتىمەن دەپ،مەھەللىسىدىن ئۆتۈپتىمەن. كىم بىلسۇن ئەركەك قۇدىمىز مەس بولۇپ قىلىپ ، پۇتۇن ئەل خەلق بىكارلىق <ئويۇن > قويۋىتىپتىكەن. مەن نەۋرە ئاچام گۈلسۇمخان بىلەن بىللە بارغان .بىزنى كۆرۈپلا سەت تىللاپ كېتۋاتىدۇ. بىز مۇنۇ ئەتىۋارلىقنى بەك تىللاپتىمىشمىز.كۈن ئالغىلى قويماپتىمىشمىز. كۆڭلىگە ئازار بىرىپتۇدەكمىز.قىلغان گەپلىرىنىڭ جىقلىقى. ئۆيىگە باشلاشتا يوق ،ئىشىك ئالدىدىلار تىللاپ خەلق ئالەم ئالدىدا رەسۋا قىلدى مېنى. ۋاي نىمە كۆرگۈلۈك بۇ.........
      روشەنخان ھۆڭېرەپ يىغلاپ، يىشىغا ، ئۆزىگە ماس كەلمىگەن ھالدا يىغلاۋاتقان ئىدى.بۇنى كۆرگەن سائادەت خىجالەتچىلكتىن نىمە قىلارىنىمۇ بىلەلمەي ، پۇتى كۆيگەن توخۇدەك بولماقتا ئىدى.روشەنخان سەل يىغىسنى توختاتقاندىن كىيىن ، سائادەتكە قاراپ:
_ ماڭ،ئاناڭنىڭ ئۆيىگە بار.بىز ئەسكى بولغاندىكىن،ياخشى ئاتا-ئاناڭ باقسۇن.بالىنى قوي. نەگە بارساڭ بار.،- روشەنخان شۇنداق دەپ ، سائادەتنى ھەيدىمەكتە ئىدى.دادىسى بۇ ئەھۋالنى كۆرۈپ ، روشەنخاننى تۇتۋالدى.روشەنخاننىڭ ئەلپازىدىن ، سائادەتنى نەچچە تەستەك سالدىغاندەك كۆرنەتتى.سائادەت نىمە قىلارنى بىلمەي ھودۇققىنىدىن تىترەپ كەتتى.قىزى بولسا ، يىغلاپ ھويلىدىكى بۇ جىدەلنى تېخىمۇ ئاۋاتلاشتۇردى. شۇ ئەسنادا ، خۇشال قايىتقان نەبى كىرىپ كەلدى. بۇ ئەھۋالنى كۆرۈپ ھەيران قالدى دە ئانىسىنى ئاجىرتىۋالدى.بۇ تالاش -تارتىشتىن ھەيرانلىق ھېس قىلغان نەبى نىمە قىلارنى بىلمەي قايمۇقتى. كىم تەرەپتە تۇرۇشمۇ ئۇنىڭغا راستىنلا تەس كەلدى.ئانىسى ئەمدى تىلنى ئوغلى نەبىگە سالدى:
_ ماۋۇ ، دېۋاننىڭ قىزنى قويىۋەت. ساڭىمىچۇ تىرناقتا توختىغىدەك ، سورىسىمىچۇ ئىتى بار باينىڭ قىزىنى ئىلىپ بىرىمەن.نەچچە ۋاقىتنىڭزى ، سورۇندا بولسۇن، باشقا يەردە بولسۇن ، قىلچە ئىززىتىمىزنى قىلىنشى بىلمىدى. يەنە گىپى بەك چوڭ. بۇنداق كىلىننىڭ لازىمى يوق. نەگە بارسا بارسۇن.
    روشەنخان قوللىرىنى سىلكىپ، چالۋاقاپ، ھەممە ئادەمنى بىسەرەمجان قىلىپ ،ھاياجاندىن ئۆپىدەك قىزىرىپ ، كىتۋاتاتتى.
_ نىمە بولغانغا قويىۋىتىمەن ئانا ؟
_ نىمە بولاتتى .قۇدىنى خاتا تاللىغانغا. بالام گىپىنى ئاڭلا ،سەھرادىن ئالما، شەھەردىن ئال دېسەم ئۇنىماي ، مېنى مات قىلغىنىڭغا قويۋىتسەن.قويۋەتمىسەڭ ، بولدى ئۆيدىن چىق ،سەندەك بالاممۇ يوق. ،-روشەنخان يەنە بىشەملىك بىلەن ئوغلىغا قوللىرىنى سىلكىپ تۇرۇپ ، سۆزلەۋاتتى.
   بۇ گەپلەردىن ھار ئىلىپ ، نۇمۇستىن يەرگە كىرىپ كەتكۈدەك بولغان سائادەت يەنە ياش تۆتۈشكە باشلىدى.دادىسى ، بۇ ھالنى ئوڭشاش ئۈچۈن ،نەبى سائادەتلەرنى ھوجۇرسىغان كىرگۈزۋىتىپ، روشەنخاننى ھاۋالىق يەرگە ئىلىپ ، بىردەم دەم ئالدۇردى.سائادەتنىڭ يىشى تېخىچە توختايدىغاندەك ئەمەس.ئۇنىڭغا بايقى ئىشلار خىلىلا ھار كەلگەن ئىدى. ئۆزىنىڭ شۇنچە شور پىشانىلقىدىن ئىچىنىپ ئەلەم بىلەن يىغلماقتا ئىدى.نەبى ھامان ئۇنىڭغا تەسەللىي بىرەتتى.
_ زادى نىمە ئىش بولدى ئۆيدە؟
......
سائادەت بايا بولغان ئىشنى يىپىدىن -يىڭنىسىغىچە دەپ بىرۋاتتاتتى.ئۇ دېگۈچە تېخىمۇ ئىسدەپ ، ئۈنىمۇ چىقماي قالدى. نەبى ئۇنىڭ يىشىنى ئىيتىپ ، تەسەللىي بەردى ھەم ئانىسىنىڭ يامان نىيتى يوقلىقىنى ، سال ئاچچىقلىنىپ قالغانلىقىنى، كىيىن ئەپۇ سورىسا ياخشى بولدىغانلىقىنى ئىيىتتى.ئۇنىڭغا ياخشى گەپلارنى قىلىپ ، كۆڭلنى ئەمىن تاپقۇزاتتى.
    شۇ كۈندىن باشلاپ ،سائادەت روشەخاننىڭ كۆزىگە ھەقىقىي سەت كۆرنىشكە باشلىدى.يوق ئىشنى دەپ نەبىگە چاقاتتى. نەبىمۇ بەزى پەقەت چىدىماي، سائادەتنى ئامالسىز ئۇرۇپ سالاتتى. بۇنداق ۋاقىتتا نەبىنىڭ ئۆزىمۇ بىئارام بولۇپ ، نەچچە كۈنگىچە ئۆزىنى يوقاتقاندەك ، خامۇش يۈرەتتى. سائادەت يەنە ھامىلدار بولدى.بۇ قېتىم ئۇنىڭ بويىدا قىلىشى ، سىزىك جەريانى ئۇنىڭغا بەك ئېغىر كەلدى. كۆڭلى خالىغاننى يىيەلمەيىتتى. نەبى تىقىپ ئەكىرىپ بەرسە ، بىلىپلا قالدىمۇ، ئوچۇق ئاشكارە تىللايىتتى.سائادەت بۇنداق ۋاقىتتا ئۆزىدىن تولىمۇ بىزار بۈلۇپ كېتەتتى.ئۇنىڭ ئىككىنجى تۇغۇتى بەكلا تەس بولدى. زىيادە ئاجىز بولغاچقا ،ئوپراتسىيە ئارلىق بالىنى ئالدى. ئۇ يەنە قىز تۇغدى.بىراق بۇ قېتىم روشەنخانغا يەنە گەپ بولۇپ بەردى.ئوغۇل تۇغۇشنى بىلمەيدىغان ..... ئىشنىقىلىپ تاپمىغان قۇرۇق سۆزلىرىمۇ قالمىغان ئىدى.روشەن بىرلا قېتىم يوقلاپ قويغاندىن باشقا ئۇنى ئارتۇق يوقلىغۇسى كەلمىدى.قانداق قىلسام ئوغلۇمدىن نىرى قىلارمەن دەپ باش قاتۇراتتى.
    نەبى يەنىلا خۇشال ئىدى.ئۇ جۇپ قىزىم بولدى دەپ خۇشاللىقىدىن ، سائادەتنىڭ پىشانىسىگە سۆيۈپمۇ قويدى.قىينىئانىسىدىن ئازار يەپ تۇرسىمۇ، يولدىشىنىڭ مېھرىگە ئىرىشكەن سائادەت يەنىلا كۆڭلىنى توق تۇتاتتى.ئۇ بۇ قېتىمقلىق تۇغۇتتىن كېيىن كۆپرەك يىتىپ قالدى. دوختۇر ئۇنى كۆپرەك ئارام ئالسۇن، ئېغىر ھەركەرتلەرنى قىلمىسۇن دېگەچكە ،ئۇ ئۆيدە ئېشنىمۇ كۆپ قىلمايىتتى.بىراق بۇ ئىش روشەنخاننىڭ جۇدۇننى قوزغاپ، نەبى يوق ۋاقىتتا ، سائادەتنى تىللايىتتى، سەت سىلكىپ كۆڭلىگە ئازار بىرەتتى.سائادەت ھامان بۇ گەپلەرنى يولدىشىدىن يوشۇراتتى .ھە دېسلا ئوغۇل تۇغمامسەن ... ئاناڭدەك تۇغماسمىكىن دېسەك ، قىزلا تۇغدىغان بىقۋالدىكەنسەن .... دېگەندەك گەپلەر سائادەتنىڭ يۈركىنى پۇچىلايىتتى.قىينىئانسىنىڭ قەستەن كۆڭۈل ئاغرىقى تىپۋاتقىننى بىلسىمۇ ، ئۇنىڭ چەكتىن ئاشقان سۆزلىرى ،سائادەتنىڭ يۈرىكىگە نەشتەر بولۇپ سانجىلاتتى.بىر يىلدىن كۆپ ۋاقىت يەنە شۇنداق تەنە ، ئاچچىق سۆز، پۇتاق تىپىش بىلەن ئۆتمەكتە ئىدى.كۈندىن -كۈنگە يىڭلىنىپ تۇرۋاتقان گەپلەر سائادەتنى چارچاتتى ھەم قەلبىدە ئۆچمەس بىر داغ قالدۇرغان ئىدى.ئۇنىڭ يۇۋاشلىقى ئۇنى مۇشۇنچىلىك ئۇۋالچىلىققا قالدرۇغان ئىدى.شۇ دادسىنىڭ ئىشى ئۈچۈن ، نەچچىلاپ كەچۈرۈم سورىسىمۇ ئىلىك ئالمىدى. ھەتتا دادىسنى ئالدىغا ئەكىلىپ ، كەچۈرۈم سورغاندىمۇ ، ئۇ يەنىلا قارايدىغان كۆزى يوق ، ئۆيدىن ھەيدەپ چىقارىغىلى تاسلا قالغان ئىدى.مۇنداق ئاچچىق ھايات ئىچىدە ئۆتكەن تۇرمۇش سائادەتنى ھالسىزلاندۇردى،ئۇنى چارچاتقان ئىدى.
   نەبى ئۆي ئايرىپ بىرىشنى ئىيتقاندا ، ئانىسى ھەقاچان بۇ سائادەتنىڭ يامان نىيتى دەپ سائادەتنى ئوچۇقتىن -ئوچۇق تىللىغان ئىدى.ھەمدە قوشۇپ < قاچان ئوغۇل تۇغقاندا، ئاندىن ئۆي ئايرىمەن بولمىسا مۇشۇ ئۆيدە مەن بىلەن ياشايسىلەر > دېدى. بۇ گەپ سائادەتكە ھەقىقەتەن ئىغىر كەلدى.ئوغۇل تۇغىمەن، قىز تۇغىمەن دەپ قورساققا ، ياساپ سلۋالغىلى بولمايدۇ دە.ئاشۇ گەپلىرى سائادەتنىڭ يۈركىدىن ئۆتۈپ كەتكەن ئىدى.روشەنخاننىڭ ئۆزىمۇ بىر ئانا تۇرۇپ قىلۋاتقان ئىشلىرىغا ،ئىچىناتتى ۋە ئاللاھدىن كۆيۈم شەپقەت تىلەيىتتى.
    سائادەت تۈزۈك تاماقمۇ يىمەيىتتى. نەبى بار ۋاقىتتا ، جىقراق بەرگەن بىلەن يوق ۋاقىتتا، ئىككى بالىسى ئۆزىگە چاغلىقلا تامان بىرەتتى. بىچارە سائادەت بالىلىرىم دەپ ، ئاۋال بالىلانىڭ قورسىقىنى توقلايىتتى.ئاشقىننى ئۆزى يەيتى.بۇنداق ئەھۋال داۋامىلق بولۇپ تۇراتتى.ئۇنىڭ ئۈستىگە ئالدىنقى قېتىلىق تۇغۇتتا ، خىلى كۆپ قانسىراغاچقا ، بەدىنى شۇنچىلىك ئاجىزلاپ كەتكەن ئىدى.
   سائادەت يەنە قورساق كۆتۈردى ئۇ بەش ۋاخ نامىزدا بالىسىنىڭ ئوغۇل بولشىنى، نەبنىڭ بۇ خىجالەتچىلىكتىن ،تېزراق قۇتۇلشىنى، قىيىنئانسىنىڭ ئۇلارغا كەڭ قورساق بولىشىنى تىلەيىتتى ھەم ئاللاھغا نالە قىلىپ يىغلايىتتى.
   ئۇ كۈندىن كۈنگە ئاجىزلاپ كېتىپ باراتتى.نەبى شۇنداق كۆڭۈل بۆلەتتىيۇ، يەنە ئانىسدىن قورقۇپ تۇاراتتى.ئۇنىڭ ئاي -كۈنىمۇ يىقىنلاشتى.ئۇنىڭ كۈتكەن مېنۇتىمۇ يىتىپ كەلدى.نەبى ئىزچىل ئۇنىڭ يىنىدا تۇرۇپ،ئۇنىڭغا ، مەدەت بىرەتتى.اللاھدىن ئاسانلىق تىلەيىتتى.ئۇنىڭ 3 . قېتىمىلق تۇغىتىمۇ شۇنچىلىق قىيىن بولدى.بىر چاغدا ، بىر دوختۇر چىقىپ كەلدى :
_ بىمارنىڭ تۇققىنىدىن كىملەر بار؟
_ بىز .........،- سائادەتنىڭ ئانىسى، دادىسى ، نەبىنىڭ داسىسى بار ئىدى.
_ بىمارنىڭ ئەھۋالى بەك خەتەرلىك.بۇ قىز ئىسىمدە بار مېنىڭ،ئالدىنقى قېتىملىق تۇغۇتمۇ شۇنداق قىيىن بولغان. ئۇنى 5 يىلغىچە قورساق كۆتۈرمەڭ دەپ ئىنىق تاپىلغان. يەنە قورساق كۆتۈرۈپتۇ.ئۇنىڭ تىنى بەك ئاجىز.ئىغىر دەرىجە قان ئازلىق بار. تۇغۇت ئاياللارنى ئاجىزلاشتۇرىدۇ. ئىلاھىم ، ئۆز پاناھىدا ساقلىغاي.
_ ئۇنداق دېگەندەك قىلمىغانغۇ بىزگە؟،-سورىدى سائادەتنىڭ ئانىسى.
_ بىز ئىنىق تاپىلغان بىمارغا .
     بۇ گەپتىن ھەممەيلەن چۆچۈپ كەتتى.نەبى چۈشەندى.ئۇ ئانىسىنىڭ ئاشۇ تاپا-تەنىسىدىن كىيىن ، ئۆزىنى ئويلىماي ، يەنىلا نەبىنى ئويلاپ ،مۇشۇنداق چوڭ تەۋەككۇلچىلىك قىلغانلىقىنى بىلدى ھەم يۈرىكى ئىيچىشىپ كەتتى.
_ بىمارنىڭ ئەھۋالى خەتەرلىك ، تېزدىن ئوپراتسىيە قىلمىساق بولمايدۇ.بۇنىڭغا قول قويۇڭلار._ دوختۇر شۇنداق دەپ بىر جەدىۋەلنى ئۇلارغا سۇندى.ئالدىنقى تۇغۇتتىمۇ بۇنداق جەدىۋەنى بەرگەن .بىراق ئۇلار بۇ قېتىمقىدەك ھودۇقمىغان .
_ دوختۇر ،ئۆتىنەي. ئانىسنى ساقلاپ قىلىڭلار!!! ئۆتىنەي دوختۇر...،- نەبى دوختۇنىڭ قولىغا ئىسلىپ يالۋۇرماقتا ئىدى.
_ خاتىرجەم بولۇڭ. بىز پۈتۈن كۈچمىز بىلەن تېرشىمىز !!!
   ئۇلار بەك تەستە قول قويدى.سائادەتنى ئوپراتسىيە قىلىنماقتا ئىدى. دوختۇرلار شۇنداق تېز چىقىپ ،كېرىپ بۇلارنى تېخىمۇ جىددىيلەشتۈرۋاتاتتى.نەبىنىڭ يۈرىكى قاتتىق سوقماقتا ئىدى.ئۇنىڭ يۈرىكى بىز شۇملۇقتىن خەۋەر بىرۋاتقاندەك ئەنسىز سوقاتتى.
     شۇ ئەسنادا ، ئوقۇشنى تۈگىتىپ ، ئەمدىلا بۇ دوختۇرخانىغا پىراكتىكىغا چۈشكەن ئەسقەر ، بۇ يەردىن ئۆتۈپ كېتۋاتاتتى. ئۇ سائادەتنىڭ ئاتا-ئانىسىنى كۆرەپ ، يۈركى بىرخىل ئەنسىز سوقتى دە ، دەرھال سېستىرادىن كىمنىڭ ئوپراتسىيە ئۈستىدە ئىكەنلىكىنى، ئەھۋالىنى بىلدى دە يۈرىكى ئاغزىغا قاپلىشىپ قالدى.ئۇمۇ بۇلارغا سەل نىرىدا تۇرۇپ ، سائادەتنىڭ تېنىچ ئامان چېقىشىنى كۈتۋاتاتتى.بىز چاغدا ئوپراتسىيە ئۆيىنىڭ چىرىغى ئۆچۈرۈلدى. دوختۇرلار بىر بوۋاقنى كۆتۈرگىنىچە چېقتىيۇ كۆزلىرىدىن بىر خىل غەملىكىنىك كۆرنىپ تۇراتتى.نەبى يۈگۈرگىنىچە دوختۇرنىڭ ئالدىغا ئىتىلىپ باردى.
_ سائادەت قانداقراق ؟
_ بىز تىرىشتۇق .بارچە ئۇسۇلدا كۈچىدۇق. ئامالسىز قالدۇق.كۆپلەپ قان چېقىپ كەتتى.ئۇنىڭ ئۈستىگە بىمار ئېغىر قان ئازلىق كېسلى بولغاچقا ، قۇتقۇزۇشقا ئامالسىز قالدۇق. <بالىڭىز ئوغۇلكەن> ._ دوختۇر شۇنچىلىك تۆۋەن ، شۇنچىلىك قايغۇلۇق ھالەتتە دېدى. بۇنى ئاڭلىغان نىرىدا ئولتۇرغان ئەسقەرمۇ چاچراپ تۇرۇپ كەتتى دە ،ئاچچىق كۆز ياش تۆكتى.ئۇنىڭ يۈگۈرۈپ بىرىپ ، ئوپراتسىيە ئۆيىگە كىرىپ، يىگانە پەرىشتىسنى كۆرۋاغۇسى بار ئىدى. بىراق ھازىرقى مۇناسىۋەتتە ئۇ ئۇنداق قىلسا بولمايىتتى. ئۇ ئۆزىنى تۇتۋالالماي يۈگۈرگىنىچە ، سىرىتقا قاراپ يۈگۈردى.
    نەبى ئۆزىنى ئوپراتسىيە ئۆيىگە ئاتتى دە كاۋرات ئۈستىدە ، تۈپتۈز ياتقان ، ئاپئاق رەخىت يىپىلغان سائادەتنى كۆردى .ئۇ چىدىمىدى.ئۇن سىلىپ يىغلاپ ، ئۆزىنى سائادەتنىڭ ئۈستىگە ئىتىپ يىغلاشقا باشلىدى.ئۇنىڭ ئاچچىق يىغىسى ھەممە يۈرەكنى تىترىتەتتى.ئوپراتسىيە ئۆيى ماتەمگە ئايلاندى. نەبى يىغلىماقتا ،ئۆكسۈپ يىغلىماقتا.ئۆزى ئۈچۈن قۇربانلىق بەرگەن بەرناسى ،مەڭگۈلۈك جۈپتىم دەپ پۈتۈن مېھرىنى بەرگەن 3 بالىسنىڭ ئانىسى ھېساپلىندىغان قەدىردانى ئۈچۈن يېغلىماقتا.ئۇنىڭ ئاچچىق يېغىسى دوختۇرخاننى ئېغىر ئەلەم قوينىغا ئىلىپ كېرگەن ئىدى.
    ئۇ ئۆزىنى سەل بىسۋالغاندىن كېيىن ، بالىنى قولىغا ئالدى دە ئۆيگە قاراپ يۈگۈردى.روشەنخان ئۆيدە ، بىغەم ھالدا مېھمان كۈتۋاتاتتى.
_ ئانا مانا سەن ئارزۇ قىلغان ،ئۈمۈت قىلغان ئوغۇل نەۋرەڭ.قېنى باغرىڭغا باس. سېنىڭ ئاخىر مەخسىتىڭ ئەمەلگە ئاشتى ئانا،-نەبىنىڭ كۆزىدىن ياش ھېچ توختايدىغاندەك ئەمەس ئىدى.-ئۇ كەتتى. ئۇ ئەمدى كەلمەسكە كەتتى ئانا. تۇپراق قوينىغا كەتتى. سەن ياراتمايدىغان < مەسكاللا، دىۋانى>نىڭ يېتىم قىزى سېنى، مېنى ،3 نارسىدىسنى تاشلاپ كەتتى.
    روشەنخان بۇ گەپلەرنى ئاڭلاپ ،لەسسىدە ئولتۇرۇپ قالدى.
    نەبى قولىنى ئىگىز كۆتۈرۈپ، قاتتىق ئاۋازدا :
ئاھ ، خۇدا ، مەن نىمە گۇناھ ئۆتكۈزدىم ئالدىڭىدا. نىمىشقا بۇ 3 نارسىدىنى ئانىسىز، مەندەك بىر غىرىپ بەندەڭنى يالغۇز قالدۇرسەن.ئۇنىڭ ئورنىغا مېنى ئۆز قوينىڭغا ئالساڭچۇ ؟......
     نەبى ئۈن سىلىپ يىغلىماقتا ئىدى.........

قەشقەر يېزىلدى.

تېمىنى خالىغانچە كۆچۈرمەڭ!!!