| شاتئاي | 2011-06-26 02:48 |
ئاقــكۆڭــۈل پەرىشـــتە ھېـــكايە ئائىشە(شاتئاي) 1 تاڭ ئەمدىلا سۈزۈلۈشكە باشلىغان ئىدى.گۈلسۈممۇ سەھەردىلا تۇرۇپ كەتتى. ئالدى بىلەن ناماز ئوقۇپ ، ئاللاھنى ياد ئەتتى.ئۇنىڭدىن كىيىن بولسا ،ھويلا -ئاراملارنى يىغىشتۇردى.ئۇزۇنغا سوزۇلغان ھويلا، تال باراڭلىرى لىققىدە يېپىپ تۇراتتى. ياز ئايلىرى بولغاچقا ،تال باراڭلار ھويلىنى باشقىچە جەننەت تۈسىگە كىرگۈزەتتى.گۈلسۈمنىڭ ئىشچانلىقى بىلەن بۇ ئائىلىدىكى ھەممە نەرسە جايى-جايىدا ، ئۆز رىتى بىلەن ،شۇنداق رەتلىك جايلىشاتتى.گۈلسۈمنىڭ ئانىسى گۈلنۇر بولسا ،قىزنىڭ ئىدىتلىقىغا، ئەقىللىقلىقىغا قاراپ مەمنۇن بولاتتى.گۈلسۈم مانا بىردەمدىلا ھويلا-ئاراملارنى پاك-پاكىز تازىلاپ بولۇپ ياتاق ئۆيىگە كىرىپ كەتتى. زىلۋا بويلۇق ، قاش -كۆزلىرى شۇنداق چىرايلىق ، ئوتلۇق كۆزلىرىدىن مېھىر نۇرى يىغىپلا تۇرۇدىغان قىزنىڭ چىرايىدا يېقىندىن بىرى بىر خىل مىسكىنلىك، ئېغىر بىر ئازاب قاپلىغان.ئۇنىڭ بۇ ھالىنى چۈشىنىشكە بولاتتى.پات-ئارىدا ئىلىنىدىغان سەھىيە ئىمتىھانى ئۇنى جىددىيلەشتۈرۈۋەتتى.ئۇ بۇ قېتىمقى ئىمتىھاندىن ئۆتۈپ ، ئۆزى ئۈچۈن ئاچچىق كۈلۈۋاتقان ئاشۇ بىر قىسىملارغا كۆرسىتىپ قويمىسا بولمايدىغانلىقىنى ئېنىق بىلەتتى.ئۇ ئۆز نىشاننى بەلگىلىۋالغان ئەقىللىق قىز ئىدى .گۈلنۇر ئۈچۈن گۈلسۈم بىر بىباھا گۆھەر،جانان چىنە ئىدى.گۈلسۈم تەييارلاپ قويغان ماتېرىياللىرىنى كۆرۈشكە باشلىدى. ئۇ شۇنچە ئەستايىدىللىق بىلەن كۆرۋاتاتتىكى ، بىرسى يېنىغا كىرسىمۇ ، تېزلا سېزەلمەيتتى. ئۇ كۈتكەن، ئۇنى جىددىيلەشتۈرگەن ئىمتىھان ئاخىر يىتىپ كەلدى.ئۇ ئىمتىھاننى ھەقىقەتەن ياخشى بەردى .ئۆزىنىڭ ئويلىغىنىدىنمۇ ياخشى بەردى. ئۇ ئوتتۇرا تېخنىكومىدا ئوقۇغاچقا ئۆزىنىڭ ئاشۇ يۇقىرى ئورۇندا ئوقۇغانلار بىلەن تەك بولالماي ، شاللىنىپ كېتىشىدىن تولىمۇ ئەنسىرەيتتى. ئەمما نەتىجە چىققىچە ئۇنىڭ قەلبىدىكى ئازاب ئۇنچە ئاسان تۈگىمەيتتى.ئۇ نەتىجىنى كۈتتى. ياخشى بىر نەتىجە چىقىشىنى ئۇلۇغ ئاللاھدىن تىلەيتتى. ئاللاھدىن ئاسانلىق تىلەيتتى.ۋاھ ، ھەممە ئىش مېھنەتتىن كېلەمدۇ قانداق ؟ ئۇنىڭ ئارزۇسى ئەمەلگە ئاشتى. ئۇ راستىنلا ئىمتىھاندىن ئۆتتى. گەرچە شەھەرگە ئورۇنلىشالمىسىمۇ ، شەھەر ئەتراپىدىكى بىر يېزا شىپاخانىسىغا ئورۇنلاشتى.بۇ خەۋەرنى ئاڭلىغان گۈلنۇر خۇشاللىقىدىن ياش تۆكەتتى.گۈلسۈم بولسا ، ئانىسىنىڭ ئارزۇسىنى قاندۇرغانلىقتىن مەمنۇن بولاتتى.ئانا-بالا بىر-بىرىگە قانماي قاراۋاتماقتا. ئېسىلىپ يىغلاشماقتا ئىدى. چۈنكى بۇنداق قىلىشقا تامامەن ھەقلىق بۇلار. گۈلنۇر يولدىشى ئابدۇللادىن ئايرىلغان مۇشۇ يىللاردا ، ئاچچىق تۇرمۇش قوينىدا يەتكۈچە ئازابلارنى تارتىپ ،كۆرمىگەنلىرى قالماي قىزى گۈلسۈمنى ئوقۇتقان ئىدى. تولۇقسىزدىنلا ئۆز رايوندىكى تېخنىكومىدا يېزا فىلشىرلىقىدا ئوقىغان گۈلسۈم ئۆزىنىڭ ئەقىللىقلىقى ، چېچەنلىكى بىلەن خىلى -خىلى بالىلارنى ئارقىغا تاشلاپ ، مەكتەپنىڭ ئوقۇش مۇكاپاتى ...قاتارلىقلار بىلەن ئانىسىنىڭ يۈكىنى ئازراق بولسىمۇ يېنىكلەتتى.ئانىسى قىزىنىڭ بۇ ئىجتىھاتتىن شۇنچىلىك سۆيۈنەتتى. گۈلنۇر 4 بالىنى تەربىيىلەش ، قاتارغا قوشۇش ئۈچۈن نۇرغۇن جەبرى جاپالارنى تارتتى. تۇل بىر ئايالنىڭ 4 بالىنى باقمىقى ئۇنچە ئاسانغا چۈشمىدى.مۇقىم كېرىدىغان كىرىم بولمىغاچقا، بۇ ئائىلىنىڭ تۇرمۇشى ھەقىقەتەن ئېغىر ئىدى.گۈلنۇر قەيەردە ئىش بولسا مەن قىلاي دەپ تۇراتتى. ئابتوبۇس شىركىتىدە ماشىنىلارنى يۇيۇش، باشقىلارنىڭ بالىلىرىنى بېقىپ بېرىش ،بازارغا مېۋە-چىۋە سېتىش .....ئىشىقىلىپ ئۇ نۇرغۇن ئىشلارنى قىلىپ بالىلىرىغا دادىسىنىڭ يوقلىقىنى چاندۇرماسلىق ئۈچۈن تىرىشاتتى. گۈلنۇرنىڭ شۇنداق قىلغانلىقىغا 4 بالىسى بىر-بىردىن ئەقىللىق ، بىر-بىردىن كۆيۈمچان چوڭ بولدى. ھېچقايسىسى يېڭى كىيىم كېيمىدىم، ياخشى يىيەلمىدىم دېگەندەك غەلۋىلەرنى قىلمايتتى. ئانىسىنىڭ ھالىغا يېتەتتى. گۈلسۈم ئىمتىھاندىن ئۆتۈپ ، بۆلۈنگەن ئورنىنى بىلگەندە گاھ خۇشاللىقىدىن خۇشاللىق ياشلىرىنى تۆكسە، گاھ بىر نەرسىدىن ئەندىككەندەك ئېغىر خۇرسىناتتى.توغرا ئۇنىڭ قورقىدىغىنى بار. ئۇ بولىسىمۇ ، تۇنجى سۆيگىنى ئەنە شۇ يۇرتتىن ئىدى. بىراق ئۇ ئاللىقاچان توي قىلىپ بولغان ۋاپاسىز يارەن ئىدى.ئۇنىڭ ئارتۇقچە ئەنسىرىشىمۇ ھاجەتسىز ئىدى. گۈلسۈم دەسلەپ ئۇ يەرگە بارماي دەپ ئويلىدى. بىراق مىڭ تەستە ئىرىشكەن خىزمەت ئورنىدىن ، شۇ ۋاپاسىزنى دەپ ۋاز كېچىشىنى خالىمىدى ھەم ۋاز كەچسە تېخىمۇ بولمايتتى. گۈلسۈم ئۇقتۇرۇشنى ئىلىپ، خىزمەت ئورنىغا باردى. بەك شەھەر سىرتى بولمىغىنى بىلەن بۇ شىپاخاننىڭ مۇھىتى ئانچە ياخشى ئەمەس ئىدى.12 كەنتنىڭ بۇ شىپاخانىسى ھېسابلىنىدىغان بۇ يەردە ھەرقايسى بۆلۈملەر ئېنىق ئايرىلمىغان بولۇپ ، بىرلا كەڭ بالنىست ،ئامبۇلاتورىيە بار ئىدى. دوختۇرلىرىمۇ ئانچە كۆپ ئەمەس ئىدى.ئەمما ئۇ بۇ شارائىتتىن ئاساسىي جەھەتتىن رازى بولدى ھەم يېڭى خىزمەت ئورنى بىلەن بىر قۇر تونۇشىۋالدى. بۇ شىپاخانىدا ئەرلەر ساناقلىقلا ئىدى. كۆپۈنچە دوختۇر سېستىرالار بولسا ئاياللار بولغاچقا گۈلسۈم بۇ مۇھىتتىن تېخىمۇ خۇشال بولدى.دوختۇرخانا سەيناسى خىلى چوڭ بولۇپ پەقەت ئاددىيلا ئادەتتىكى كېسەلخانا بار ئىدى. بىرى بولسا بەك كونىراپ كەتكەچكە،مەخسۇس تۇغۇت، ئاياللار خىزمىتى ئىشلىنەتتى. (يەنە بىر بۇ كونىسىغا سېلىشتۇرغاندا ئازراقلا يېڭى )يېڭىسىدا بولسا ، بالنىست ئىدى.گۈلسۈمدىن بىر يىل ئىلگىرى خىزمەتكە چىققان سېسترا گۈلسۈمگە چۈشەندۈرۈپ: _ كۆزىڭىزگە بەك كونا كۆرۈنۈۋاتامدۇ . چوقۇم شۇنداق. ھى ھى ... ئەنسىرىمەڭ ، بۇ (خارابىيلىقتىنمۇ) قۇتۇلىدىغان ۋاقىتقا ئاز قالدى. يېڭى بىر دوختۇرخانا سېلىنىۋاتىدۇ.بىرەر يىلغا قالماي كۈچىمىز.-دېدى ئۇ خۇش چاقچاقلىق بىلەن. _ ياقەي ، مەن ئۇنداق قارىمىدىم.سەللا كونىكەن شۇ. بىراق بۇ يەردە يەنە نۇرغۇن ھاياتلىق ئۈچۈن تىركىشۋاتقانلارغا ھاياتلىق بېغىشلىغىلى بولىدۇ.-دېدىم گۈلسۈم ئوڭايسىز ئەھۋالنى ئويلىغاندەك قىياپەتتە. ئۇلار ھەممە يەرلەرنى ئايلىنىپ چىقتى. گۈلسۈم بۇ يەردىن ئاساسىي جەھەتتىن رازى بولدى.ئەگەر ئۆتەلمىگەن بولسا ، شەھەردىكى شەخسى دوختۇرخانىلاردا توختاملىق ئىشلەشكە توغرا كېلەتتى. بىراق بۇ شىپاخانا شەھەردىكى زامانىۋى شەخسى دوختۇرخانىدىن كۆپ پەرقلەنسىمۇ،ھۆكۈمەتنىڭ ئورگىنى ئىدى. مۇقىم بىر خىزمەت ھېسابلىناتتى.چوڭلارنىڭ گېپى بويىچە < تۆمۈر دەپتەرگە > ئىسمى يېزىلغان ئىدى. ئۇ خۇشال بولدى ھەمدە خىزمەت ئورنىغا خۇشاللىق بىلەن ئىشقا چۈشتى. ئۇ ئاۋال مۇشۇ يەردىكى دوختۇر -سېستىرالار بىلەن يېقىن ئۆتۈشنى ئالدىنقى شەرت قىلدى. ئىناقلىق بولغاندىلا ھەممە ئىش ئۆزلىكىدىن ھەل بولاتتى. ئۇ ئۆزىدىن چوڭلارغا شۇنچىلىك ئەدەپلىك ،ھۆرمەت بىلەن مۇئامىلە قىلاتتى.بىلەلمىگەنلىرى بولسا ، ئېرىنمەي سورايتتى. ئەڭ دەسلەپ بىمارلارغا رېتسىپ يازغاندا بولسا ، پېشقەدەملەرگە كۆرسىتىپ ، تەستىقىدىن ئۆتكەندىن كىيىن،بىمارلىرىغا سۇناتتى. چوڭلارنىڭ ئىشلىرىنى ئېغىر ئالماي قىلاتتى. يېڭى تۇغۇتتىن قوپقان، جىددى ئىشى چىقىپ قالغانلارغا ئېغىر كۆرمەي ،ئىشلەپ بېرىپ ئۇلارنىڭ خاتىرجەم ئىشلىرىنى قىلىشقا شارائىت يارىتىپ بېرەتتى. كىچىك پېئىللىقى بىلەن شىپاخانىدىكى ھەممە كىشىنىڭ كۆڭلىدە ياخشى بىر قىز بولۇپ قالدى. ئۇنىڭ بۇ يەردىكى پېشقەدەملەرگە سېلىشتۇرغاندا ، خەنزۇتىلى سەۋىيىسى ياخشى بولغاچقا ، بالنېستا كېسەللىك تارىخىي يازىدىغان قىلىپ ، بالنىستقا ئورۇنلاشتۇردى. ئۇ ئۇيەردىمۇ ئەستايىدىل ئىشلەيتتى. كىسەل كارىۋىتىدىكى ئاشۇ بىمارلىرىغا شۇنچىلىك ئەستايىدىل مۇئامىلە قىلاتتى.ھەر بىر سورىغان سوئالىغا ئېرىنمەي - چىچىلماي جاۋاپ بېرىپ ، بىمارلارنى ئۆز قېرىندىشىدەك كۆرەتتى. گۈلنۇر بولسا قىزىغا كۈندە نەسھەت قىلىپ ، بىمارلارنى ئۆز قېرىندىشىدەك كۆرۈشىنى تاپىلايتتى. گۈلسۈم ئانىسىنىڭ نەسھەتلىرىنى ھەرگىزمۇ بىزار بولماي ئاڭلايتتى ھەم ئۆز تۇرمۇش مىزانى قىلاتتى. _ ئۇ خىزمەتكە چىققىلىمۇ مانا بىر ئايدىن ئارتۇق ۋاقىت بولۇپ ، شىپاخاننىڭ خىلى غوللۇق ئەزاسى بولۇپ قالغان ئىدى.ئۇ ئەتىگەندە خىزمەتكە كىلىپ، خىزمەتداشلىرى بىلەن سالاملىشىپ ، ئىشخانىغا كىرىپ ئولتۇردى. بۈگۈن كېسەللەر ئادەتتىكىدىن جىق ئىدى. سەھەردىلا ئىشىك ئالدىغا تىزىلىپ كەتكەن ئىدى. بالنېستا ، كېسەللەرگە يىڭى رىتسىپلارنى يېزىپ بولۇپ، ياتاقلارنى بىر تەكشۈرۈپ بولغاندىن كىيىن يازىدىغان كېسەللىك تارىخىنىڭ يوق ئىكەنلىكىنى بىلىپ ، يەنە بىر خىزمەتدىشىگە باشقا ئىشلارنى تاپشۇرۇپ قويۇپ ،ئامبۇلاتورىيىگە چىقىپ كېسەل كۈرىشىپ بېرىش ئۈچۈن چىقتى. گۈلسۈمنى كۆرگەن ئامبۇلاتورىيە دوختۇرلىرى شۇنداق خۇشال بولۇشۇپ كەتتى. يىغىلىپ كەتكەن كېسەللەر بۆلىنىپ، گۈلسۈمنىڭ ئالدىغان كەلدى. ئۇ شۇنداق ئەستايىدىللىق بىلەن كېسەل كۆرۈپ ، ياتاقتا يېتىشقا تېگىشلىكنى ياتاققا، ئادەتتىكى كېسەللەرگە دورا يېزىپ بېرىپ بىمارلارنى يولىغا سالاتتى. شۇ ئەسنادا بىرسىنىڭ ۋايجان-ۋايەي دېگەن ئاۋازى ئاڭلاندى. دوختۇرلارمۇ دەرھال ئورنىدىن تۇرۇپ ئاۋاز چىققان تەرەپكە قارىدى. گۈلسۈممۇ تېزلا قارىدى. قارىدىيۇ كۆزلىرىگە ئىشەنمەيلا قالدى. ئۇنىڭ كۆرگىنى نەچچە يىل ئىلگىرى ۋاپاسىزلارچە تاشلاپ كەتكەن <ئۇ> ئىدى. گۈلسۈم شۇنچە قىسقا ۋاقىت ئىچىدە نۇرغۇن خىياللارنى قىلىپ ئۈلگۈردى. _ مەخمۇت ..... ئۇ بوشقىنە دەۋەتتى. ھەممە تەرەپ ئۆرە -توپا بولۇپ كېتىپ مەخمۇت كىرىپ كەلدى. ئۇ كىرىپ ئۇدۇللا ئۆزىمۇ سەزمىگەن ھالدا گۈلسۈمنىڭ يېنىغا كەلدى دە داڭ قېتىپ قالدى. ئىككىسىنىڭ كۆزى ئۇچرىشىپ ، ئەتراپىدا باشقىلارنىڭ بارلىقىنى ئۇنۇتقان ھالدا ، سۈكۈت ئىچىگە چۆكتى. بۇ سۈكۈتتىن ، گۈلسۈم تېزلا ئۆزىنى قاچۇردى. مەخمۇتنىڭ بېشىدىن قان توختىماي ئېقىۋاتاتتى.بۇنى كۆرگەن گۈلسۈم ئۆزىنىڭ بىر ھاياتلىقنىڭ پەرۋىشكارى بولىمىش بۇرچىنى ئۇنۇتمىدى دە دەرھال تېڭىق ئۆيىگە مەخمۇتنى ئىلىپ چىقتى. ئۇنىڭ ئارقىسىدىن بىر ئايالمۇ چىقتى. ئايالنىڭ قورسىقى خىلى چوڭلاپ قالغان بولۇپ ،تۇغۇتى يىقىنلاپ قالغانلىقى بىلىنىپ تۇراتتى،تېڭىق ئۆيىگە ئۇ ئايالمۇ بىللە بىللە كىردى. ئۇنىڭ ئېغىزى ھېچ بىسقىدىغان ئەمەستەك ۋاتىلداپلا تۇراتتى. _ ۋۇ قىمارۋاز بەدبەخ ، ئادەم بولمايدىغان نەشىكەش ، تويە مانا ، سېنىڭ كۆرىدىغىنىڭ مۇشۇ ئىدى زادى. ئۆلۈپلا كەتسەڭچۇ كاشكى. سەندىن بىر قۇتۇلسام . .... ئايال ھېچ توختايدىغاندەك ئەمەس ئىدى. ئۇنىڭ بۇ تىللاشلىرىدىن ، قارغاشلىرىدىن مەخمۇتنىڭ نېمە ئىشلارنى ،نېمە كويلاردا يۈرۈۋاتقانلىقى مانا مەن دەپ بىلىنىپ تۇراتتى. ئۇ يا گۈلسۈمنى بار دېدىمۇ يا ۋىجدان ئازابى ئۇنى قىيناۋاتامدۇ بىر ئېغىزمۇ گەپ قىلالمايتتى. ئۇنىڭ بېشىغا چىنە، ياكى ئاشۇنداقراق نەرسىنىڭ تەگكىنى ئېنىق ئىدى.دېمەك خوتۇنى بىلەن ئۇرۇشقان. ئۇنىڭ بېشى خىلى يىرىلغان بولۇپ ،گۈلسۈم شۇنداق تەستە تازىلاپ ، يىرىلغان يەرنى تىكىشكە ئۇرۇنىۋاتاتتى.چەتتە توختىماي سۆزلەۋاتقان ئايال بولسا ، گۈلسۈمگە راستىنلا كاشلا قىلىۋاتاتتى. _ خاپا بولماي سىرىتقا چىقىپ ساقلاپ تۇرامسىز؟-دېدى گۈلسۈم . _ ياق ، مۇشۇ يەردە تۇرۇپ ، بۇ توڭگۇزنىڭ ئويۇننى كۆرەي.-ئايالنىڭ ئاچچىقى ھەقىقەتەن يامان ئىدى. _ بۇنداق قىلماڭ. بۇ يەردە تۇرۇپ سۆزلەۋەرسىڭىز مەن بەك جىددىيلىشىپ ، تەمتىرەپ كېتىدىكەنمەن. خىزمىتىمگە ماسلىشىپ بەرسىڭىز. _ بولىدۇ. بىراق ،چىقىپ كەتمەيمەن. مۇشۇ يەردە تۇرۇپ كۆرىمەن . گۈلسۈم بۇ ئايالنى قايىل قىلالمايدىغانلىقىنى ھېس قىلىپ ، ئارتۇق گەپ قىلماي ، ئىشنى قىلىۋەردى. ئاۋال ئازراق يارا ئورنىنى ناركوز قىلىپ، تىكىشكە باشلىدى.ئۇ ھەر بىر قېتىم تىككەندە مەخمۇت سەل مىدىرلاپ قوياتتى. بۇنى سەزگەن گۈلسۈم : _ ئاغرىقىنى سىزىۋاتامسىز ؟ _ياق . مەۋجۇتمۇ تەستە شۇنداق دېدى. مەۋجۇتمۇ گۈلسۈمنى كۆرگەندىن كىيىن يۈرىكى ئورنىدىن قوزغىلىپ كېتەيلا دەپ قالغان ئىدى.بىراق ئۇمۇ قەلبىدىكى ئۇ ھېسلارنى توسۇپ ، ئاغرىقى بىلەن بولدى.ئۇ قىينالدى. تېنىدىكى ئۇ ئازاب بىر تەرەپتىن قىينىسا ، ۋىجدان ئازابى ئۇنى تېخىمۇ قىينايتتى. مەخمۇت ئانچە كېلىشكەن بولمىسىمۇ ، ئەمما شۇنداق يېقىملىق تۇيغۇ بېرەتتى.ئوتتۇرا بوي، يۇملاق يۈزى،سەل قىسماقراق كەلگەن كۆزلىرى ئۇنىڭغا خويمۇ يارىشاتتى. ،مەخمۇتنىڭ ئەڭ چوڭ ئالاھىدىلىكى شۇنداق خۇش-چاقچاق، شۇنداق يۇمۇرىستىك ئىدىكى ، قىزلارنى كەلتۈرۈشتە ئۇنىڭ ئەڭ چوڭ قۇرالى دېيىشكە بولاتتى. گۈلسۈم ئاخىر تىكىپ بولدى.مەۋجۇتمۇ يەلكىسىدىن بىر تاشنى ئېلىۋەتكەندەك ، تېزلا ئورنىدىن تۇرۇپ كەتتى. ئۇنى چۈشىنىشكە بولىدۇ. ئۇنىڭ ھازىرقى ئويى ، گۈلسۈمنىڭ ئالدىدىن تېزراق كېتىش ئىدى. كېتىشكە تەمشىلىشىگە ھىلىقى ئايال، گۈلسۈمنى ئۆز بۇرۇنلا تونۇيدىغان ئادىمىدەك: _ بۇ ئادەم بولمايدىغان بىلەن ئارزۇلاپ-ئارمانلاپ توي قىپتىمەن. كۆرگەن كۈنۈم مۇشۇ.ئاتا-ئانامنىڭ ئارزۇلۇق بىر گۈلى ئىدىم ،مۇشۇ ئىشەكنىڭ دەستىدىن ياشلىقىممۇ توزىدى.بىرنى يۆتىلىپ ، بىرنى كۆتۈرۈپ يۈرۈيمەن.،- ئۇ شۇنداق دەپ قورسىقىنى كۆرسەتتى. _ سەن دېگەچ تۇر . مەن قايتىمەن.،دېدى مەخمۇت شۇنداق خىجالەت بولغاندەك. ئىككى كۈندە بىر تېڭىق ئالماشتۇرۇشنى تاپىلاشنى ئۇنۇتمىدى گۈلسۈم. ئۇلار كەتتى.بىر ئائىلە كىشىلىرى كېتىشتى. گۈلسۈم ئۇلارغا قاراپ قالدى. گۈلسۈمنىڭ بۈگۈنكى ئىشلىرى ئانچە قولاشمىدى. كۆڭلىگە ، كۆز ئالدىغا مەخمۇت كېلىۋالدى. ئۇنىڭ بىلەن ئۆتكەن مىنۇتلار گۈلسۈمنىڭ كۆز ئالدىدىن ، سىن لېنتىسىدەك ئۆتۈشكە باشلىدى. گۈلسۈم تېخنىكومغا كىرىپ بىر يىلدىن كىيىن ، ئوقۇتقۇچىسى ئۇنىڭغا نۇتۇق سۆزلەش مۇسابىقىسىنىڭ خەۋىرىنى يەتكۈزدى. ئۇ نۇتۇقنىڭ ماۋزۇسىنىلا قولغا ئالدى ئەمما مەزمۇننى ئۆزى تېپىپ يادلىشى كېرەكلىكى ئېنىق ئەسكەرتىلدى. بۇنى كۆرگەن گۈلسۈم قانداق قىلىشىنى بىلمىگەن شۇ كۈندە دوستلىرى ئۇنىڭغا ، توردىن ئىزدەپ بېقىشنى تەۋسىيە قىلدى. بۇ چاغدا گۈلسۈمنىڭ ئۆيىدە تور نېمە ئىش قىلسۇن. ئۇ ئامالسىز ئۆزىدىن چوڭ بىر دوستىنىڭ سالاھىيەت كىنىشكىسىنى ئىلىپ ، بەك تەستە بىر تورخانىغا كىردى. ئۇ ئەزەلدىن تور دېگەننى چۈشەنمەيتتى.پەقەت توردا ماتېرىيال بار دېگەن شۇ گەپلا كاللىسىدا ئىدى. قانداق قىلىش كېرەك. ئۇ سەل تەمتىرەپ ،يەنە بىرەرسى كىرسە ئارقىدىن مېڭىپ ،نېمە ئىش قىلسا ،شۇنى قىلىپ كومپيۇتېرنى ئېچىشنى ئويلىدى دەبىردەك ئىشىك تۈۋىدە تۇردى. ئۇزۇن ئۆتكەي ياش بىر يىگىت كىرىپ ،كەلدى.تۇرخاننىڭ ئىچى خىلى چىرايلىق بىزەلگەن بولۇپ ، رومانتىك بىر تۇيغۇنى بېرەتتى.تۇرخاننىڭ ئىچىدە بولسا نۇرغۇن كىشىلەر قولىقىغا نائۇشنىكنى تاقاپ ، ئۆزىنىڭ ئىشىنى بىلەن ئاۋارە ئىدى. گۈلسۈم ھىلىقى يىگىتنىڭ ئارقىدىن مېڭىپ دېگەندەك يېنىدىكى بىر ئورۇندا ئولتۇردى. يىگىت نېمە ئىش قىلسا شۇنداق قىلىپ، ئاخىر كومپيۇتېرنى ئىچىپ قاراپ تۇراتتى. ئۇ كۆزىنى يىگىتنىڭ كومپيۇتېردىن ئۈزمەيتتى.بۇنى يىگىت سىزىپ قالدى بولغاي ، قۇلىقىدىكى نائۇشنىكنى ئىلىۋىتىپ ، گۈلسۈمگە قارىدى. ھەمدە : _ تورخانىغا بىرىنچى قېتىم كىرىشىڭىز ئوخشىمامدۇ ؟_دېدى ئۇ شۇنداق سەمىمىي تەلەپپۇزدا. _ شۇنداق._دېدى گۈلسۈم خىجالەتچىلىك بىلەن. _ ھە مۇنداق دەڭ. چ چ رىڭىز بولسا ئېچىڭ. مەن باشقا تور بېكەتلىرىنى ئىچىپ بېرەي ،كۆرسىڭىز بولىدۇ. گۈلسۈم ئۇنىڭ نېمە دەۋاتقىنىنى راستىنلا چۈشەنمىگەن ئىدى.گۈلسۈم ئۈچۈن چ چ ،تور بېكەت دېگەن يېڭى بىر ئۇقۇم بولغاچقا راستىنلا قايمۇقۇپ قالدى. _گېپڭىزىنى راستىنلا چۈشەنمىدىم.مېنىڭ مەقسىتىم، توردىن بىر خەنزۇچە ماقالە ئىزدىمەكچى ئىدىم تېپىشىپ بىرەرسىزمۇ ؟_دېدى گۈلسۈم شۇنچە ساددىلىق بىلەن. _بولىدۇ. مەن ئىزدىشىپ بېرەي. گۈلسۈم ئۆزىنىڭ تەلىپىنىڭ يات بىراۋ تەرىپىدىن رەت قىلىنماي ، ماقۇل دېگەن گېپىنى ئاڭلاپ ،شۇنچىلىك خۇشال بولدىكىن ، بۇ ئىشلىرىنىڭ ئوڭۇشلۇق پۈتىشىدىن ئالەمچە خۇشال بولىۋاتاتتى. يىگىت ،بىر يەرلەرنى بېسىپ يۈرۈپ ، گۈلسۈم دېگەن دېگەن ماقالىغا خىلىلا ئوخشىشىپ كېتىدىغان ،ماقالىنى تاپتى.گۈلسۈم خۇشاللىقىدىن: _ بۇنى كۆچۈرۋالاي . _ قاچان كۆچۈرۈپ بولىسىز. مۇشۇنى چۈشۈرۈپ ، باستۇرۇپ چىقارسىڭىزلا بولدىغۇ.يېزىپ ئاۋارە بولغۇچە ._يىگىت ئەجەبلەنگۈدەك گۈلسۈمگە قارىدى. _ ئۇنى ئۇقمايتتىم._دېدى گۈلسۈم شۇنداق ئوڭايسىزلانغان ھالدا. يىگىت سەل تۇرىۋالغاندىن كىيىن : } _ ياردەم قىلغاندىن كىيىن ئاخىرغىچە ياردەم قىلاي._دېدىدە يانچۇقىدىن كىچىك بىر نەرسىنى چىقىرىپ ، گۈلسۈم چۈشەنمەيدىغان بىر ئىشلارنى قىلىۋاتاتتى. خىلى ۋاقىتتىن كىيىن يىگىت : _ بولدى ، چۈشۈرۈپ بولدۇم.ئەمدى سىرىتقا چىقىپ باستۇرۇپ چىقارساقلا بولىدۇ. ئۇلار شۇنداق دەپ تورخانىدىن چىقىپ ،يېقىنلا يەردىكى خەت بېسىش، كۆپەيتىش ئورنىغا كىرىپ ، بايا چۈشۈرگەنلىرىنى بېسىپ چىقاردى.بۇنى كۆرگەن گۈلسۈم خۇشاللىقىدىن سەكرىۋەتكىلى تاسلا قالغان ئىدى. _ بولدى . مانا سىز دېگەن ماقالە. _ رەھمەت سىزگە.سىزنى بەك ئاۋارە قىلىۋەتتىم. _ ياقەي. قولۇمدىن كەلگەچكە ياردەم قىلدىم. گۈلسۈم بۇ ناتونۇش يىگىتتىن شۇنداق مەمنۇن بولىۋاتقان ئىدى.يىگىت مېڭىش ئالدىدا ، قىزغا تېلېفۇن نومۇرىنى قالدۇردى. مۇھىم ئىشى بولسا ئىزدەشنى تاپىلىدى.شۇنىڭدىن كىيىن ، گۈلسۈم بىر نەچچە قېتىم ئۇنى ئىزدىدى.شۇ جەرياندا قىز يىگىتنىڭ ئىسمىنىڭ <مەخمۇت>.ئۆيىنىڭ شەھەر يېقىن بىر يېزىدا ئىكەنلىكىنى،بىلدى.ئۇلار شۇنداق قىلىپ ، ياخشى دوستلاردىن بولۇپ قالدى. دەسلىپىدە گۈلسۈمنى شۇنداق ياخشى مېھمان قىلاتتى.بارا-بارا گۈلسۈمنىڭ مەخمۇتقا كۆڭلى چۈشۈپ قالدى.مەۋجۇتمۇ گۈلسۈمگە ئۆزىنىڭ ياخشى كۆرىدىغانلىقىنى ئېيتتى. شۇنىڭدىن كىيىن بۇلار مۇھەببەتنىڭ تاتلىق باغرىغا قەدەم باستى.گۈلسۈم مەخمۇتنى ھەقىقەتەن ياخشى كۆرەتتى. ئۇنىڭ تۇنجى يۈرۈشى بولغاچقا ، مەخمۇتتىن ئايرىلىپ قىلىشىدىن شۇنچىلىك قورقاتتى.ئۇلار شۇنداق ياخشى يۈرۈۋاتقان شۇ كۈنلەردە مەخمۇت سەت بىر قىلىق چىقىرىۋالدى. ھە دېسىلا گۈلسۈمدىن پۇل سورايتتى. گۈلسۈمنىڭ ئۇ ھالىدا مەخمۇتقا پۇل بېرىپ تۇرالىشى مۇمكىن ئەمەس ئىدى. شۇ سەۋەبتىنمۇ مەخمۇت گۈلسۈمنى ئانچە ياراتمايدىغان بولۇپ قالدى. بۇنى سەزگەن گۈلسۈم بەك ھار ئالاتتى. ئۇنىڭدىن ئايرىپ قىلىشتىن قورققان گۈلسۈم ،چوڭ ئانىسى ئۆز قولى بىلەن قۇلىقىغا سىلىپ قويغان ئالتۇن ھالقىسىنى ، ئۇنىڭغا بەردى. ئالتۇن ھالقىنى كۆرگەن ،گۈلسۈمگە شۇنچىلىك خۇشخۇي، ئەزەلدىن قىلىپ باقمىغان يېقىنچىلىقنى قىلماقتا ئىدى.پات-ئارىدا قايتۇرۇپ بىرىمەن دېگەن باھانە بىلەن ئىلىپ كەتتى.قىز ئانىسىغا ، قۇلىقىمنى ئاغرىتىۋەتتى. ئۆزۈم تىقىپ قويدۇم دېگەندەك باھانىلەر بىلەن ئانىسىنىڭ ئاغزىنى ئەتتى.ئەزەلدىنلا قىزىغا ئىشىنىدىغان گۈلنۇر قىزىنىڭ گېپىگە ئىشەندى. ئايلار ئۆتتى. مەخمۇت قايتۇرمىدى.ئەكسىچە گۈلسۈمنى ئىزدىمەيدىغان بولدى. ئىزدىسىمۇ ، گۈلسۈمنى سەت سىلكىيدىغان بولۇپ قالدى.بۇنىڭدىن گۈلسۈم شۇنچىلىك خورلۇق ھېس قىلاتتى. ئىككى ئايغا يېقىن بولغاندا ، ئانىسى ئانچە- مۇنچە ئالتۇن ھالقىنىڭ گېپىنى قىلىدىغان بولۇپ قالدى . گۈلسۈم تېخىمۇ جىددىيلىشەتتى ھەم ئەنسىرەيتتى.شۇنداق بىر كۈنى ئۇ مەكتەپتىن يېنىپ، ئۆيىگە مېڭىش يولىدا ، مەخمۇتنىڭ بىرسىنى قولتۇقلىغان ھالىتىنى كۆردى، كۆردىيۇ كۆزلىرىگە ئىشەنمەي قىلىۋاتاتتى.ئۇ مەخمۇتنىڭ ئالدىغا باردى. گۈلسۈمنى كۆرگەن مەخمۇتتا قىلچە ھودۇقۇش ئىپادىسى يوق ، شۇنچە ئەركىن ، شۇنچە مەغرۇرلۇق بىلەن قاراپ تۇراتتى. _ بازار ئايلىنىۋىتىپسىز دە مەخمۇت؟ _ ھەئە . قىز دوستۇمنى ئايلاندۇرۋاتىمەن._مەخمۇت قىلچە تەپ تارتماي شۇنداق دېدى. بۇ گەپنى ئاڭلىغان گۈلسۈمنىڭ بېشى پىررىدە قايغاندەك بولدى دە ، ياندۇرۇپلا : _قىز دوستۇم ؟ ئەمسە مەنچۇ ؟ _ سىزنى تونۇمايمەن. بىرەرسىگە ئوخشىتىپ قالغان ئوخشايسىز . _ۋىجدانىڭ يوق بىرنېمە ئىكەنسەن._گۈلسۈم ئاچچىقىغا پايلىماي شۇنداق دەۋەتتى. _ ۋۇيت خېنىم ، بىرەر ئېلىشلىرى يوقتۇ بىزنىڭ يىگىتتە. نېمە سەھرانىڭ جاغىل ئۆچكىسىدەك چىرقىرايسىز. ماۋۇ شەھەر جۇمۇ.نۇمۇس قىلىشنى بىلىڭ!!! :-چاچلىرىنى قوناق پاخىلىدەك ئاتتۇرۋالغان. ئۇچىسدىكى كىيىمىنىڭ ئەشتاق-پەشتاق، قىلغان گىرىملىرى چاڭچىلىكەشتەك ، چىرايىدىن شۇملۇق كۆرىنىپ تۇرۇدىغان بىر قىز. _ سىزگە كىم گەپ قىلدى. شۇنداق ئېلىشىم بار . ئالتۇن ھالقامنى بېرىپ نەگە بارسا بارسۇن !!! _ سەندىن ئالتۇن ھالقا ئالدىمما ؟ ئىسپاتىڭ بارمۇ ؟ تازىمۇ بىر قويمىچىمۇ نېمە بۇ ؟ _ يۈرىڭە كېتەيلى . نېمە ئالا-جوقا سۆزلەيدۇ بۇ بىرنىمە؟ -ئۇلار غودۇڭشىغىنىچە كېتىپ قالدى. مانا شۇ چاغدىلا گۈلسۈم ئالدانغىننى ،مەخمۇتقا ئۆزىدەك يۇۋاش، قوينىڭ قوزىسى ئەمەس،ئاۋۇ يېنىدىكى تۈلكىلەرنىڭ لازىملىقى ،ئاشۇنداقلار ئۇنىڭ خىلى ئىكەنلىكىنى بىلىپ يېتىۋاتاتتى. ماددىي بويۇمغۇ بىر ياقتا تۇرسۇن ، يۈرىكىنىڭ ئالدانغانلىقىنى ھېس قىلماقتا ئىدى.ئۇ ئۆزىنى بېسىۋالالماي ئۆيىگە ناھايىتى تېز قايتتى ھەمدە بولغان ئىشلارنى ئانىسىغا بىر-بىرلەپ سۆزلەپ بەردى. گۈلنۇر بۇ گەپنى ئاڭلاپ ، ئۈن-تىنسىز يىغلىۋەتتى.بۇ ئائىلە ئۈچۈن ئۇ ئالتۇن ھالقا خىلىلا چوڭ بويۇم ھېسابلىناتتى.گۈلنۇر يەنە ئۆزىنى تۇتۇۋالغان قىياپەتتە قىزنى بەزلىدى. ئۆز-ئۆزىگە تەسەللىي بېرىپ يېشىنى سۈرتتى.شۇنىڭدىن كىيىن ، مەخمۇتنىڭ توي قىلغان خەۋىرىنى ئالدى. ئەنە شۇ ۋاقىتتىن كىيىن ، گۈلسۈم مەخمۇتنى قايتا كۆرمىدى ھەم كۆرۈشنىمۇ خالىمايتتى. 2 گۈلسۈم يەنە نورمال خىزمەت قىلىۋەردى.ئۇ يەنە مەخمۇتنى كۆرۈشنى خالىمايتتى. بىراق شۇ بىر قېتىملىق ئىشتىن كىيىن مەخمۇت ئۇنى شىپاخاننىڭ ئالدىدا ، ئاپتۇبۇس بېكىتىدە ساقلايتتى ھەم ئۇنىڭغا ئۇزۇندىن ئۇزۇن قاراپ قوياتتى.مۇنداق ۋاقىتتا ، گۈلسۈم شۇنداق ئېھتىياتچان بولاتتى ۋە باشقىلارنىڭ كۆرۈپ قىلىشىدىن ھەزەر ئەيلەيتتى. بىراق گۈلسۈم شۇنداق ھەزەر ئەيلىسىمۇ ، بولدىغان ئىش ھامان بولدى. بىر كۈنى كەچ گۈلسۈم ئىشتىن چۈشۈپ ، ئاپتۇبۇس بېكىتىگە كېتۋاتقىنىدا ئۇنىڭ يولىدا ئۇشتۇمتۇت مەخمۇت پەيدا بولدى. بۇنى كۆرگەن گۈلسۈم شۇنداق جىدىيلەشتىكى ، نېمە قىلارىنى ، نېمە دېيىشنىمۇ بىلمەيتتى.مەخمۇت چاققانلىق بىلەن گۈلسۈمنىڭ يولىنى توسۇۋالدى. ئەتراپتا خىلىلا ئادەم بار ئىدى. گۈلسۈم خىجىلچىلىقتىن ئۆزىنى قويىدىغان يەر تاپالمىدى ھەمدە ئۇنىڭ ئالدىدىنمۇ قاچالمىدى. _ گۈلسۈم ،سىزگە دەيدىغان گېپىم بار. بىز پاراڭلىشايلى بولامدۇ ؟ _ پاراڭلاشقۇدەك ئىشمۇ يوق. _ ئۆتكەنكى ئىشقا رەھمەت. _ ئۇ مېنىڭ قىلىشقا تېگىشلىك بۇرچۇم. گۈلسۈم يەنىلا ئۆزىنى ئىلىپ قېچىۋاتاتتى. مەخمۇتنىڭ ھىلىقى بىشەم خوتۇنىدىن قورقماي بولمايتتى. _ نېمە گېپىڭىز بار .دېسىڭىز دەڭ بولمىسا ، مېنى يولۇمغا ماڭغىلى قويۇڭ. _ ئالتۇن ھالقىڭىزنى قايتۇرۇپ بېرەي دېگەن. مېنى كەچۈرۈڭ!!!!_ئۇ شۇنداق دەپ قولىدىكى ھالقىنى ئۇنىڭغا تەڭلىدى.گۈلسۈم قىلچە ئىككىلەنمەي ھالقىنى ئالدى.ئەلۋەتتە ئىلىش كېرەكتە. بۇ ئەسلىدىنلا ئۇنىڭ تۇرسا.مەخمۇت يەنە باشقا گەپ قىلغۇسى بار ئىدى بىراق گۈلسۈم شۇنداق چەبدەسلىك بىلەن ئۇنىڭدىن قۇتۇلۇپ ،ئاپتۇبۇس بار تەرەپكە ماڭدى.ھەمدە ئۆيگە بېرىپ، بولغان ئەھۋالنى ئانىسىغا ئېيتىپ ،ھالقىنى ئانىسىنىڭ قولىغا تۇتقۇزدى ھەم ئانىسىنىڭ قولىغا تاپشۇردى.ھازىر ئۇنىڭ قۇلىقىدا ، ئانىسى خىزمەتكە چىققانلىقىنى قۇتلۇقلاپ ، ئۆزىنىڭ ھالقىسىنى ئۆزگەرتىپ قىزىغا بەرگەن ئىدى. ئارىدىن ئىككى كۈن ئۆتۈپ، گۈلسۈم ئىشقا كەلدى. ئۇ كۈندىلىك ئادىتى بويىچە ئىشخانىنى تازىلاپ ، بۈگۈن بىر كۈنلۈك خىزمىتىنىڭ باشلىنىشقا ئۇل سېلىۋاتاتتى.باشقا دوختۇر -سېستىرالارمۇ ئارقا-ئارقىدىن كىلىپ ، دوختۇرخانىنى بىردەمدە ئاۋات قىلىۋەتتى. كۈندىلىك ئادىتى بويىچە گۈلسۈم باشقا دوختۇرلار بىلەن بالىنىستىكى كېسەللەرنى كۆرگىلى كىردى. ئۇ ئىككى ياتاق ئۆيگە ئەمدى كىرىپ ، بىماردىن بۈگۈنكى ئەھۋالىنى سوراپ تۇرۇشىغا ، ئۇشتۇمتۇت بىرسىنىڭ ، < قىنى ھىلىقى بۇزۇق> دېگەن ئاۋازى ئاڭلاندى دە ھايال ئۆتمەي كېسەللەر ياتىقىغا مەخمۇتنىڭ ئايالى يەنە ئىككى ئايال كىرىپ ، گۈلسۈمنى ئۇرۇشقا باشلىدى.كېچىككىنە ياتاق بىر توپىڭلاغا ئايلاندى.ئۇرۇشتىن ئاجرىتىپ بولالماي، باشقا دوختۇرلارمۇ كىلىپ ئارىلاشتى. كېسەل كۆرسىتىش ئۈچۈن كەلگەنلەرمۇ ، كېچىككىنە ئۆيگە قىستىلىشىپ كىرىۋالغان بولۇپ ، ئادەملەر دېڭىزى بولۇپ كەتتى.گۈلسۈم بۇ ئۈچ ئايالدىن خىلىلا تاياق يىۋالدى. نۇرغۇن كىشىلەرنىڭ ئاجرىتىۋېلىشى بىلەن گۈلسۈم ئۇلارنىڭ چاڭگىلىدىن قۇتۇلدى.شۇ ئەسنادا مەخمۇتنىڭ خوتۇنى گۈلسۈمنىڭ ئالدىغان يۈگۈرۈپ بېرىپ: _ ۋۇي پاسكىنا . ئەكىلە ھالقىنى. تازا ئەر سېغىنىپتىكەنسەن رەسۋا. كىمكىن دەپتىمەن سېنى. نەچچە يىل ئىلگىرى ئالدىمنى توسقان بۇزۇق ، قەلەندەر سەنغۇ ؟_ئۇ شۇنداق دەپ گۈلسۈمنىڭ قۇلىقىدىكى ھالقىنى قەبىلىلەردە تارتتى. گۈلسۈمنىڭ قۇلىقىنىڭ تۆشىكى ئۈزۈلدى بولغاي ، ئوقتەك قان ئېقىشقا باشلىدى.بۇ ھالنى كۆرگەن كىشىلەر توپ-توپ بولۇپ ھىلىقى ئايالنى تىللاۋاتاتتى. گۈلسۈم بولسا ، قۇلىقىنى تۇتقىنىچە ئولتۇرۇپ، ئۆكسۈپ يىغلاپ كەتتى.باشقىلار خەۋەر قىلدى بولغاي، يېقىن ئەتراپتىكى ساقچىلار كىلىپ، ھىلىقى ئۈچ ئايالنى قەستەن جېدەل چىقىرىش، دوختۇرخانىنىڭ تىنچلىقنى بۇزدى دەپ تۇتۇپ كەتتى. گۈلسۈمنى بولسا ، تېڭىق ئۆيىگە ئىلىپ چىقىپ ،قۇلىقىنى تېڭىۋاتاتتى.گۈلسۈمنىڭ كۆزلىرىدىن ھەسرەتلىك ياش توختىماي ئاقاتتى.بۇگۈنكى بۇ ناھەقچىلىق ئۇنىڭغا ھەقىقەتەن ئېغىر كەلگەن بولۇپ، ئەلەملىرى ئۇنىڭ ئاشۇ خۇمار كۆزلىرىدە روشەن بىلىنىپ تۇراتتى.دوختۇرلار بەك تەستە قاننى توختاتتى. گۈلسۈم ئۆكسۈپ-ئۆكسۈپ يىغلايتتى.تېڭىپ بولغاندىكىن كىيىن، گۈلسۈم ياغلىقنى ئالدىدىن ئارتىپ ، دوختۇرخانا باشلىقى بىلەن يەنە ئىككى دوختۇرخانا باشلىقىنىڭ ھەمراھلىقىدا ساقچىخانىغا باردى. ئەسلىدە ئۇ مەخمۇتنىڭ ئانىسى ۋە مەخمۇتنىڭ ئايالىنىڭ ئاچىسى ئىكەن. گۈلسۈم كىرىشىگە مەخمۇتنىڭ ئايالى يەنە ئېتىلىپ ئۇرۇشقا تەمشىلىۋىدى ، ساقچىلار ئۇنى تۇتۇۋالدى.ئۇ ئايالنىڭ قورسىقى خىلىلا يوغىناپ قالغان بولۇپ ، ئەتە-ئۆگۈنگە تەييار بولۇپ قالغان ئىدى.شۇنداق بولسىمۇ ،ئۇ يەنە ھازىرقىغا ماس كەلمىگەن ھالەتتە گۈلسۈمگە ئېتىلاتتى ھەيۋە قىلاتتى.بىر ھازادىن كىيىن مەخمۇت كىرىپ كەلدى ، كىرىشىگە ئۇ ئايال يەنە مەخمۇتقا ئېسىلىپ سوقۇشۇشقا باشلىدى.بۇ قېتىممۇ ساقچىلار توسۇپ قالدى. ساقچىلار گۈلسۈمدىن بولغان ئەھۋالنى سورىغاندا ، گۈلسۈم بولغان ئەھۋالنىڭ ھەممىنى قالدۇرماي سۆزلەپ بەردى. مەخمۇتتىن ئىسپات ئالغاندىمۇ مەخمۇت ، بىر قېتىم بولسىمۇ ئوغۇل بالىدارچىلىق بىلەن قىلغان ئىشىغا ئىقرار بولىۋىدى ، مەخمۇتنىڭ ئايالى يۈزى قىزارغاندەك بولۇپ بىشىنى تۆۋەن سىلىپ ئولتۇردى.گۈلسۈم دەيدىغىنىنى دەپ بولۇپ ئارقىغىمۇ قارىماي چېقىپ كەتتى.بۇنى ئاڭلىغان دوختۇرخانا رەھبەرلىكىمۇ ، گۈلسۈمگە شۇنداق ئېچ ئاغرىتتى ۋە ھېسداشلىق قىلدى.گۈلسۈم دوختۇرخانا رەھبەرلىكىنىڭ قوشۇلۇشى بىلەن بىر مەزگىل ئۆيدە ئارام ئالدىغان بولۇپ قالدى.مانا بۇ مەزگىلدە قانداق غەيۋەت -شىكايەت، ھېسداشلىق-ئىچ ئاغرىتىش بولدى بۇ گۈلسۈمگە نىسبەتەن قاراڭغۇ ئىدى. گۈلنۇر بۇگەپنى ئاڭلاپ شۇنچىلىك غەزەپلەندىكىن ، مادارى بولسا ئۇ ئايالنى بېرىپ نەچچىنى ئۇرۇپ، قىزنىڭ بۇ خورلۇقنىڭ دەردىنى ئىلىپ بەرگۈسى بار ئىدى.بىراق بۇ مۈكچەيگەن ئانىدا بۇنچىلىك مادار نېمە قىلسۇن.گۈلسۈم ئۆيدە ئولتۇرۇش جەريانىدا ، ئەمدى ئۇ يەردە ئىشلىمەسلىكىنى تاللىدى.ئانىسى بۇ پىكىرنى قوللىمىسىمۇ، ئەمما قىزىنىڭ يۈزىنى ئاشۇ بىر-نەچچىسى تۆكۈپ بولغان ئىدى.بىلگەنلەرغۇ قىزنى توغرا چۈشىنەر. بىلمىگەنلەرچۇ ؟ ئەلۋەتتە ، خەقنىڭ ئېرىنى تارتىۋالماقچى بولغان،بۇزۇق قاتارىغا چىقاتتى.ئانا بەك تەستە قىزنىڭ قارارىنى قوشۇلدى. قىز دەم ئىلىشى تۈگەپ، ئىشقا چىققان بىرىنچى كۈنى دوختۇرخانا باشلىقىنىڭ ئىشخانىسىغا كىردى. دوختۇرخانا باشلىقى گۈلسۈمنى كۆرۈپ، ئىللىقلىق بىلەن ئۇنى ئولتۇرۇشقا تەكلىپ قىلدى. _ قانداقراق ، خىلى ياخشى بولۇپ قالدىڭىزمۇ ؟_دېدى دوختۇرخانا باشلىقى. _خۇداغا شۈكرى. سىزگىمۇ رەھمەت. مۇشۇ كۈندە داۋاملىق يوقلاپ تۇردىڭىز. _ئۇنداق دېمەڭ. دادىڭىز رەھمەتلىك بىلەن بۇرادەرلىرىدىن مەن. رەھمەتلىكنىڭ ئۆمرى قىسقا كىلىپ ،بىزدىن ۋاقىتسىز ئايرىلدى.سىزنى ئۆز قىزىمدەك كۆرىمەن. سىز دەسلەپ بۇ دوختۇرخانىغا خىزمەتكە قوبۇل قىلىنغاندا مەن شۇنداق خۇشال بولغان. _ رەھمەت سىزگە._گۈلسۈم يىغلىۋەتتى. _بولدى قىلىڭ قىزىم. ئۈمىدۋار ياشاڭ. _ مەن ئىستىپا بېرەيمىكىن دەپ كەلگەن. ئەمدى بۇ يەردە ئىشلىشىمنىڭ ئورنى قالمىدى.مېنى توغرا چۈشىنىشىڭىزنى ئۈمىد قىلىمەن. _شۇنداق دەيدىغىنىڭىزنى بىلەتتىم،_دېدى دوختۇرخانا باشلىقى كۈلۈپ تۇرۇپ._مەن شۇنىڭ غېمىنى قىلىپ قويدۇم قىزىم.ئاشۇ ئىش يۈز بەرگەن كۈننىڭ ئەتىسىلا سىزنىڭ يۆتكىلىش ئىشلىرىڭىزنى قىلدىم.ئەسلى ئىككى يىل ئىشلىگەنلەر ئاران يۆتكىلەتتى. بىراق سىزنى ئويلاپ ، تونۇش بىلىشنى ئوتتۇرىغا سىلىپ ، يۆتكىلىش ئىشلىرىڭىزنى بېجىرىپ قويدۇم. بۇ گەپنى ئاڭلاپ ، گۈلسۈم قۇلىقىغا ئىشەنمەيلا قىلىۋاتاتتى.دوختۇرخانا باشلىقىنىڭ بۇ ياخشىلىقىغا قانداق رەھمەتلەرنى ئېيتىشنى بىلەلمىگەن گۈلسۈم يىغلاپ تاشلىدى.دوختۇرخانا باشلىقى گۈلسۈمنىڭ مۈرىسىگە بوشقىنە ئۇرۇپ قويدى. _ رەھمەت سىزگە،-گۈلسۈم ئۈن سىلىپ ،يىغلاپ كەتتى. _ ئۇمۇ باشقا يېزىنىڭ شىپاخانىسى. مېنىڭ ئوغلۇممۇ شۇ يەردە. ياخشى ھەمكارلىشىپ ئىشلىشىڭلارنى ئۈمىد قىلىمەن.-دوختۇرخانا باشلىقى ئۇنىڭغا مەنىلىك قاراپ قويدى._بىراق ھەپتە بۇ يەردە ئىشلەپ ، قولىڭىزدىكى كېسەللىك تارىخىنى باشقىلارغا ئۆتكۈزۈپ ، ئىشلىرىڭىزنى تۈگىتىۋىلىڭ!!! _بولىدۇ. گۈلسۈمنىڭ چىرايىدا ئەمدى ئۆزىگە خاس تاتلىق بىر جىلۋە پەيدا بولدى.ئۇ ئىشخانىدىن چىقىپ، باشقا دوختۇر -سېستىرالار بىلەن كۈرىشىپ بولۇپ خىزمەتكە كىرىشتى.ئۇنىڭ كۆزىگە خىزمەتداشلىرى بۆلەكچە كۆرۈنەتتى.خۇددى ئۇنى < گۈلسۈم راسىت خەقنىڭ ئېرىنى تارتىۋاپتىمۇ> دېگەندەك گەپلەرنى قېلىۋاتقاندەك كۆرىنىپ. ئۇنى تېخىمۇ بىئارام قىلىپ، بۇ يەردىن تېزرەك كېتىشنى ئويلاۋاتاتتى. گۈلسۈم مانا بۈگۈن ئەڭ ئاخىرقى قېتىم كېچىلىك نۆۋەتتە تۇراتتى.كېچىك شىپاخانا بولغاچقىمۇ ،5~6 دوختۇر-سېستىرالارلا ئىشلەيتتى.كېچىدە كىلىدىغان كېسەل كۆپ بولمىغاندىكىن بۇلار تامامەن يېتىشەلەيتتى.ھەم بۇلار ئۇنۋېرسال بولۇپ ، مۇقىم بىر بۆلۈمنىڭلا ئىشنى قىلىمەن دېمەيتتى.ئالدىغا كەلگەن بىمارنىڭ ھەممىسىنى كۆرىۋېرەتتى.سائەت 12 دىن ئاشقاندىن كىيىن كېسەل كەلمىدى دەپ بۇلار يىتىپ قىلىشتى. ئۇزۇن ئۆتمەي ، بىرسىنىڭ <دوختۇر بارمۇ ؟ ۋا قېنى دوختۇر دېگەن ؟> دېگەن ئەنسىز ئاۋازى ئاڭلاندى.بۇنى ئاڭلىغان دوختۇر سېستىرالار دەرھال ئورنىدىن تۇرۇپ، شىپاخانا ھويلىسىغا چىقتى. كېسەل ئىلىپ كەلگەنلەر دەل مەخمۇت ۋە ئۇنىڭ ئانىسى ئىدى. ئۇلار مەخمۇتنىڭ ئايالىنى ئىلىپ كېلىشتى. ئۇنىڭ تۇغۇت ۋاقتى توشقانلىقى مانا مەن دەپ كۆرىنىپ تۇراتتى.باشقا دوختۇرلار بۇ رەھىمسىزلەرنى كۆرۈپ قىمىر قىلماي، سۈكۈتتە تۇرۇپ قىلىشتى. گۈلسۈممۇ كۆز ئالدىدىكى بۇلارغا قاراپ قالغان ئىدى.<ۋايجان .....> دېگەن كۈچلۈك چىرقىراشتىن ئۇلار ئاخىر ئەسلىگە كىلىپ، ئۇنى تۇغۇت ئۆيىگە ئىلىپ كىردى. مەخمۇت ۋە ئۇنىڭ ئانىسى سىرتتا قالدى. مەخمۇتنىڭ ئايالىنىڭ تولغىقى شۇنداق كۈچلۈك بولغاچقا ،ۋارقىراپ -جارقىراپ پۈتۈن دوختۇرخانىنى بېشىغا كەيدى. ئو شۇ تولغاق جەريانىدا ئۆزىمۇ سەزمىگەن ئەھۋال ئاستىدا ، گۈلسۈمنىڭ قولىنى چىڭ تۇتۇپ،ئۇنىڭ قولىنى چىشلىدى،قوللىرىنى تاتىلايتتى. گۈلسۈم يەنىلا شۇنچە چىدامچانلىق بىلەن ئۇنىڭ ئاسايىشلىق تىلەۋاتاتتى.ئۇ ئاخىر يەڭگىدى.ئۇ بىر ئوغۇل تۇغدى.گۈلسۈم بۇ تۇغۇت تۈگىگەندىن كىيىن ، دوختۇرخانا ھويلىسىغا چىقىپ ،كۈچلۈك بىر تىندى ھەم ساپ ھاۋادىن قايتا بىر نەپەس ئالدىكى ، پۈتۈن دەپ ئەلەملىرى مۇشۇ ئېغىر تىنىق بىلەن چىقىرىۋەتكەندەك بولۇپ قالدى. ئۇ يۆتكىلىپ كەتتى.نۇرغۇن دوختۇر-سېستىرالار قىيالماي قالدى.ئۇنداق ئاقكۆڭۈلكى دوختۇرخانىدىكى ھەممە كىشىنىڭ قەلبىدە ساقلىنىپ قالدى. خاتىمە گۈلسۈم باشقا شىپاخانىغا يۆتكەلگەندىن كىيىن، ئەسلىدىكى دوختۇرخانا باشلىقى گۈلسۈمنىڭ ئۆيىگەئوغلى ئۈچۈن ئەلچى كىرگۈزدى.ئەسلىدە ، دوختۇرخانا باشلىقىنىڭ ئوغلىمۇ بۇرۇنلا گۈلسۈمنى تونۇيدىغان بولۇپ، ئۇنىڭغا يوشۇرۇپ كۆيۈپ يۈرگەن ئىكەن. گۈلسۈممۇ بۇ ئىشقا قوشۇلغىنىدىن كىيىن ، بۇ ئىككى ئوت يۈرەك ياشلارنىڭ قۇتلۇق مەرىكىسى ئۆتكۈزۈلدى.بۇ بىر جۈپ ئاق خالاتلىق پەرىشتىلەر خالىقنىڭ سالامەتلىكى ئۈچۈن يەنىلا ئۈن-تىنسىز تۆھپە قوشۇپ كەلمەكتە تېمامنى خالىغانچە يۆتكىمەڭ!!!! | |
)
بەك ياخشى چىقىپتۇ....يىنىمدىكى ساۋاقدىشىمغا قارىسام تاس قاپتۇ....يىغلىغىلى.......