ناتىق يايمىچى(‏ئابدۇراھمان پىغانى)

               ناتىق يايمىچى 3D09P5$W  
   (شۇ ناملىق ھېكايىدىن قىسقارتىپ ‏ئېلىندى!) ;=9vmQA  
zkMO3w>  
___يۈز كوي،يۈز كوي!قېنى-قېنى،سەپ سالغاچ بىردىن-بىردىن كۆرۈپ بېقىڭ،نەپ ‏ئالغاچ ھۇزۇرىنى سۈرۈپ بېقىڭ!......‏تېشى تاردەك تۇرسىمۇ،ئىچى غاردەك!......سودا دېگەن مودا دېگەنلىك!بۇ كىيىم ھازىر ھېچ يەردە زاھىر ‏ئەمەس جۇما!......تويغا بارامسىز؟‏ئۇنداقتا ‏ئۇ يەرگە قامەت بوي ۋە گۈزەل روي،‏ئۈچ قويلۇق مىراس ۋە يۈز كويلۇق لىباس بىلەن بېرىپ,كۆرگەنلەرنىڭ كۆزىدىن ‏"ئاھ!"،سۆزىدىن "پاھ!"چىقىرىۋېتىڭ!......‏ئۆزى ‏ئۇزراق بولغاچقا،پۇلىسىمۇ تۇزراق ‏ئەلۋەتتە!......قېنى-قېنى،سېلىمۇ كۆرۈپ باقسىلا!يەللېرىگە سۈرۈپ باقسىلا،بەللېرىگە تۈرۈپ باقسىلا،‏ئۇياق-بۇياققا ئۆرۈپ باقسىلا,ئىشقىلىپ ‏ئوبدان باقسىلا،يارىسا ‏تارتىنماي ئالسىلا!......ھازىر يۈز كويغا چىدىماي,كېيىن تۈگىمەس ‏ئويغا پېتىپ قالمىسىلا يەنە!......ياقسا رىزا بولۇڭ،ياقمىسا نىزا!......‏ئامېرىكىدىكىلەر مۇشۇ كىيىم ‏ئىشقىدا ‏كۈنبويى ‏ئۇيقۇسىز سەرسانچىلىقتا يۈرسە،بۇ كىيىم مېنىڭ شاپا‏ئىتىم بىلەن بۇ يەردە ‏ئەرزانچىلىقتا يۈرىدۇ!پۇرسەت غەنىيمەت......‏ئەبەدىي-‏ئەبەد بوشەن جۇما!قارامسىز,مارامسىز,چاتاق چىقماس،چىقىپ قالسا پېقىر 24 مېنۇت تەييار!......خېرىدارلارنىڭ رازىلىقى ‏ئۈچۈن مىڭ جېنىم بولسىمۇ پىدا قىلىمەنكى،ئەگەر ‏ئۇلار ‏ئۈچ كېچە-كۈندۈز بەدىنىمدىكى ‏ئاجايىپ جەۋھىراتلارنى تازلىۋېتىشقا رايى بولسا،‏ئاۋۋال مېنى خەلقى-‏ئالەم ‏ئالدىدا سىزا قىلىپ،ئاندىن ‏ئۆيىگە ‏ئاپىرىپ جىزا قىلىپ،كەچلىك تامىقى ‏ئۈچۈن غىزا قىلسىمۇ،مەن ‏ئۇلارغا مىت قىلىپ سالمايمەن!......بۇ كىيىملەرنى كىيسىڭىز،رەسمى ۋە كەسپى كىيىم كىيگەندەك بولىسىز!......مۇسكۇلى يوق ‏ئاجىز-بىچارىلەر ‏ئەگەر مۇشۇ كىيىمنى كىيسە،‏ئويلىمىغان يەرلېرىدىن غايەت زور مۇسكۇللار ‏ئۈنۈپ چىقىدۇ!......‏ئەگەر بۇنى ‏قىز-‏ئاياللار كىيسە،يامان نىيىتى ساماندەك,بۇزۇق كۆزى قۇزۇقتەك ئەرلەر ‏ئۇلارنىڭ بۈرتۈپ چىققان كۈچىنى ۋە كەينىدىكى ‏ئۈچىنى بايقاپ،ئاندىن ‏ئاسلاندەك ھېيىقاپ,ئۇلارغا يېقىنلىشالمايدۇ ۋە قېلىنلىشالمايدۇ-دە,شۇنىڭ بىلەن پۈككەن نىيەت ‏ئېقىنلىشالمايدۇ!......بۇ كىيىمنى سېتىۋالغاندىن كېيىن ساتامسىز يا ‏ئاتامسىز,كىيەمسىز يا سىيەمسىز,ياكى خالىغانچە چوڭ تەرەت قىلامسىز,تەمسىز كۆرمىسىڭىز يەمسىز,ھېچقانداق جازا ياكى ھازاغا ‏ئۇچرىماي ‏ئەنسىز ‏ئەمەس غەمسىز يۈرەلەيسىز!......‏ئۇرۇقلىشىشقا زارلار ۋە قورۇقلىشىشقا بىزارلار,خۇش-خەۋەردىن بولماڭ بىخەۋەر!بۇ كىيىملەرنى سېتىۋېلىپ بەدىنىڭىزگە مىڭ يىل قېتىۋالسىڭىزمۇ ھېچقانداق ‏ئەكس-تەسىرى,پايدا-قەسىرى يوقتۇر!‏‏ئەگەر سىز ‏ئېچىلمىغان بولسىڭىز قېتىڭىز بىلەن,يېپىلمىغان بولسىڭىز سېتىڭىز بىلەن,ھەر ھالدا پېتىڭىز بىلەن,ھالى-قۇدرەت دېتىڭىز بىلەن تۈرلەشمەي ۋە پۈرلەشمەي تۇرالايسىز!......‏بۇ كىيىمنىڭ بىردىنبىر ‏ئالاھىدىلىكى شۇكى,‏ئەگەر سىز ‏ئەر بولسىڭىز,خوتۇنىڭىزغا ‏ئوتۇندەك كۆرۈنەلەيسىز!‏ئەگەر سىز ‏ئايال بولسىڭىز,‏ئېرىڭىزگە ‏ئاشنىدەك تاتلىق,"قىز بالا" ‏ئاتلىق كۆرۈنەلەيسىز ۋە سۆيۈلەلەيسىز!......

ھەقىقەتەن ناتىقكەن جۇما . قاپىيە دىگەننى ئويناپ قويىدىكەن ئەمەسمۇ . ئەگەر بالون قاپىيە بىلەن بەسلىشىپ قالسا ........................................

ھېكايىسىمۇ بەلەنتى,بۇ پارچىمۇ بەك نوچىكەن!