ناھايىتى شەپقەتلىك ۋە مېھرىبان ئاللاھنىڭ نامى بىلەن باشلايمەن
ھاتەمنىڭ نەسىھىتى ھەققىدە
ھاتەم ئەسەم دېگەن كىشى شەقىق بەلخىنىڭ يېقىنلىرىدىن بىرى ئىكەن.شەقىق بىر كۈنى ھاتەمدىن مۇنداق سوراپتۇ：سەن مەن بىلەن ئوتتۇز يىلدىن بىرى ھەمراھ بولدۇڭ.بۇ جەرياندا نېمىگە ئېرىشتىڭ؟ھاتەم جاۋاب بېرىپ مۇنداق دەپتۇ:مەن ئىلىمدىن سەككىز پايدىغا ئېرىشتىم.مۇشۇ ماڭا كۇپايە.چۈنكى،مەن مېنىڭ چىقىش يولۇم ۋە نىجادلىقىم مۇشۇ سەككىز پايدىدا ،دەپ قارايمەن.شەقىق:ئۇ قايسى پايدا؟دېگەن ئىكەن.ھاتەم مۇنداق دەپتۇ:
`tjH#W` 1.مەن خالايىققا قاراپ ئۇلارنىڭ ھەربىرىنىڭ مەھبۇبى،مەشۇقى بارلىقىنى،شۇنى ياخشى كۆرۈپ ئاشىق بولۇپ يۈرۈيدىغانلىقىنى كۆردۈم.بۇ مەشۇقلانىڭ بەزىسى ئۇ كىشىگە ئېغىر كېسەل بولغانغا قەدەر ھەمراھ بولسا،بەزىسى قەبرىنىڭ لېۋىگىچە ھەمراھ بولىدىكەن.ئارقىدىن قايتىپ كېتىپ ئۇنى يەككە-يېگانە قالدۇرۇپ قويىدىكەن.ئۇلارنىڭ ھىچقايسىسى ئۇ كىشى بىلەن بىللە قەبرىگە كىرمەيدىكەن.مەن ئويلىدىمكى،ئىنساننىڭ ئەڭ ياخشى مەھبۇبى قەبرىگە كىرىپ بىرگە ھەمراھ بولىدىغىنى ئىكەن.
aDreN*n 2.مەن خالايىقنىڭ ھاۋايى-ھەۋەسنىڭ ئارقىسىدىن ماڭىدىغانلىقىنى،ئۆز نەپسىنىڭ مۇراد-مەقسەتلىرىگە ئالدىرايدىغانلىقىنى كۆرۈپ ئاللاھنىڭ مۇنۇ:[پەرۋەردىگارىنىڭ ئالدىدا(سوراققا تارتىلىشتىن)قورقىدىغان،ئۆزىنى نەپسى خاھىشىغا بېرىلىشتىن(يەنى ھارام قىلىنغان نەرسىلەردىن)چەكلىگەن ئادەمگە كەلسەك ،ھەقىقەتەن .ئۇنىڭ جايى جەننەت بولىدۇ]دېگەن سۆزىنى ئەسلەپ قۇرئان ھەقىقەت،سادىق دېگەنلەرگە چىن ئىشىنىپ،ئۆز نەپسى خاھىشىمنىڭ ئەكسىدىكى ئىشلارنى قىلىشقا ئالدىرىدىم.نەپسىمگە قارشى تۇرۇشقا،ئۇنى ھاۋايى-ھەۋەستىن توسۇشقا يەڭ تۈردۈم.ئاخىر نەپسىم ئاللاھنىڭ ئىتائىتىگە بويسۇندى.
R8K ?! Z 3.مەن ھەربىر ئىنساننىڭ پۈچەك مال-دۇنيا غەملەشكە يۈگرەيدىغانلىقىنى،ئاندىن ئۇنى چىڭ سىقىمداپ تۇتىدىغانلىقىنى كۆرۈپ ئاللاھنىڭ:[سىلەردىكىسى تۈگەيدۇ،ئاللاھنىڭ بولسا ئەبەدى باقىيدۇر]دېگەن سۆزىنى ئەسلەپ،دۇنيادىن ئالغان ھوسۇلنىڭ بىر قىسمىنى ئاللاھ يولىدا كەمبەغەل بىچارىلەرگەئاللاھ دەرگاھىدا مەن ئۈچۈن ساقلىنىپ تۇرار دەپ بۆلۈپ بەردىم.
Hs wgv$n 4.مەن بەزى كىشىلەرنىڭ شان-شەرەپ ۋە ئىززەت_ئادىمىنىڭ ۋە جەمەتىنىڭ كۆپلۈكىدە، دەپ ئويلاپ ئۇلار بىلەن مەغرۇرلىنىپ كەتكىنىنى؛يەنە بەزىلەرنىڭ شان-شەرەپ ۋە ئىززەت_ئىقتىساد ۋە بالىنىڭ كۆپ بولۇشىدا ،دەپ ئويلاپ ئۇنىڭ بىلەن پەخىرلىنىۋاتقانلىقىنى؛يەنە بەزىلەرنىڭ شەرەپ ۋە ئىززەت_خەلىقنىڭ پۇل-مېلىنى قاقتى-سوقتى قىلىش،زۇلۇم قىلىش،قان تۆكۈشتە دەپ ئويلىغانلىقىنى؛يەنە بىر تۈركۈم ئادەمنىڭ شان-شەرەپ_پۇل مالنى بۇزۇپ چېچىشتا،دەپ قارايدىغانلىكىنى كۆرۈپ ئاللاھنىڭ:[ئاللاھنىڭ نەزىرىدە ئەڭ ھۆرمەتلىكىڭلار بەكراق تەقۋا بولغىنىڭلاردۇر]دېگەن سۆزىنى ئويلاپ،تەقۋالىقنى تاللىدىم ۋە قۇرئان ھەق سەمىمي،ئۇلارنىڭ ئوي-خىياللىرى خاتا،دەپ ئېتىقاد قىلدىم.
e52y}'L 5.مەن ئادەملەرنىڭ بىر بىرىنى ئەيىبلەپ بىر بىرىنىڭ غەيۋىتىنى قىلىۋاتقانلىقىنى كۆردۈم.ۋە بۇلار ئىقتىساد،مەنسەپ ۋە بىلىمدىكى ھەسەتخورلۇقتىن،دەپ چۈشىنىپ ئاللاھنىڭ:[بىز ئۇلارنىڭ تىرىكچىلىكىنى ھاياتى دۇنيادا تەقسىم قىلدۇق]دېگەن سۆزىنى ئويلاپ بىلدىمكى،تەقسىمات ئەزەلدىن ئاللاھ تەرىپىدىن قىلىنغان .شۇنىڭ بىلەن مەن ھېچكىمگە ھەسەت قىلماي ئاللاھنىڭ تەقسىماتىغا رازى بولدۇم.
x(UOt; 6.مەن ئادەملەرنىڭ بىر-بىرىنى قانداقتۇر غەزەر ۋە مەقسەتلەر تۈپەيلى ئۆچ كۆرىدىغانلىقىنى كۆرۈپ ئاللاھنىڭ:[چوقۇمكى شەيتان سىلەرگە دۈشمەندۇر،سىلەر ئۇنى دۈشمەن كۆرۈڭلار]دېگەن سۆزىنى ئويلاپ بىلدىمكى،شەيتاندىن باشقىسىنى دۈشمەن بىلگىلى بولمايدىكەن.
$kM8E@x2 7.مەن ھەركىمنىڭ تىرىشىپ-تىرمىشىپ،قاتتىق جاپا چېكىپ،شۈبىھي ۋە ھارامغا يېقىن كىلىپ دېگۈدەك تىرىكچىلىكنىڭ غېمىنى قىلىۋاتقانلىقىنى،ئۆزىنى خار قىلىپ،قەدىر قىممىتىنى يەرگە ئۇرۇۋاتقانلىقىنى كۆرۈپ ئاللاھنىڭ:[يەر يۈزىدىكى جانلىقنىڭ ھەممىسىگە رىزىق بېرىشنى ئاللاھ(مەرھەمەت يۈزىسىدىن)ئۈستىگە ئالغاندۇر]دېگەن سۆزىنى ئويلاپ رىزقىمنى ئاللاھنىڭ بېرىدىغانلىقىنى،ئۇنىڭغا ئاللاھنىڭ كېپىل بولىدىغانلىقىنى بىلدىم-دە،ئاللاھنىڭ ئىبادىتى بىلەن مەشغۇل بولۇپ،ئاللاھتىن غەيرىدىن كۈتىدىغان ئۈمىدىمنى ئۈزدۈم.
#!n"),3 8.مەن ھەركىمنىڭ مەلۇم بىر شەئىيگە تايانغانلىقىنى كۆردۈم.بەزىلەردىنار-دەرھەمگە،بەزىلەر مال-ھوقۇققا،بەزىلەر ھۈنەر-سانائەتكە،يەنە بەزىلەر ئۆزىگە ئوخشاش مەخلۇققا تايىنىدىكەن.مەن ئاللاھنىڭ:[كىمكى ئاللاھقا تەۋەككۇل قىلىدىكەن،ئۇ كىشىگە ئاللاھ ئۆزى كۇپايە.ئاللاھ ئۆز ئىشىنى ۋايىغا يەتكۈزۈپ قىلغۇچىدۇر.ئاللاھ ھەر بىر شەئىيگە ئۆلچەم بېكىتكەندۇر]دېگەن سۆزىنى ئويلاپ ئاللاھقىلا تەۋەككۇل قىلدىم.ئاللاھ ماڭا كۇپايە،ئۇ ناھايىتى ياخشى ۋەكىلدۇر.
> dTJ شەقىق دەپتۇ:ئاللاھ ساڭا مۇۋەپپەقىيەت ئاتا قىلغاي!مەن تەۋرات،ئىنجىل،زەبۇر ۋە قۇرئانلارغا قاراپ يۇقىرقى سەككىز مەزمۇننىڭ بار ئىكەنلىكىنى بىلدىم.يۇقىرقى سەككىز مەزمۇنغا ئەمەل قىلغان ئادەم مۇشۇ تۆت كىتابقا ئەمەل قىلغان بولىدۇ.
FlP Pz Wxxnc#;lv ;J)8#| BW61 WH? مەنبە:«ئەي قەدىرلىك بالام»ناملىق كىتابتىن ئېلىندى.
