باھار كېچىسى

ئايتۇغ

	باھار كېچىسى سائادەت ساتتار گۈل ئۈچۈن مەستانە بۇلبۇل گۈلشەنىنى ھەردەم ياد ئېتۇر، ئىشقىنى ئەيلەپ باياندا ،كۆڭلىنى زەپ شاد ئېتۇر. . ئۆتتى يىللار،ئۆتتى كۈنلەر،ئالمىشىپ كەلدى باھار. بىلمىدىم ياردىن خەۋەر يوق،ئىشقىمنى ئۇ بەرباد  ئېتۇر. . تاقىتىم تاق بولدى غەمدە،مۇڭلۇنار ئارمانلىرىم. ھېسلىرىم ھالسىز سۈكۈتتە،ھەسرەت بىلەن پەرياد ئېتۇر. . ئۆز-ئۆزىنى ئۇنتۇغاندەك، يەر جاھان غەمكىن بۇدەم. شۇنچە پەرۋاسىز ماڭا ئاھ،قايغۇمنى زەپ قاتقاد ئېتۇر. . بەك خىرە مىسكىن ئۈمۈدۈم،ھالىم خاراپ بىمارىمەن. ئويلۇرۇم چەكسىز ئۇپۇقتەك،تۇيغۇلۇرۇمنى ماد ئېتۇر. . لال بۇلۇپ بارماقتا ئەقلىم،ئويلىغانچە شەكلىنىپ. بۇ ئەلەمدىن بۇ ئازاپتىن، يار قاچان ئازاد ئېتۇر. 2011.3.18

enwerjan

	ھەۋەس قىلدىم ھەم ھەسەت قىلدىم... بەك ياخشى ئەسەركەن...تەشەككۈر.

yiltiz

	بۇ شېئىر ئۇسلۇپ جەھەتتىن بولسۇن، مەزمۇن جەھەتتىن بولسۇن ھەقىقەتەن ياخشى يېزىلىپتۇ. قولىڭىزغا دەرت كەلمىسۇن، ياخشى ئەسەرلىرىڭىزنى بىزدىن ئايىماي داۋاملىق يوللاپ تۇرغايسىز. رەھمەت سىزگە!!!!!!!!!!!!!!!

tiwip

	بۇ شىئىرنى ئوقۇپ، مەرھۇم ئىنقىلابچى ۋە شائىر ئابدۇخالىق ئۇيغۇرنىڭ "غەزەپ ۋە زار " دىگەن شىئىرى ئىسىمگە كىلىپ قالدى .   شائىرلىرىمىز ۋە شىئىرخۇمارلىرىمىز گۇلشەنىدىن شۇنداق گۇللەر ئىچىلسۇنكى :بۇ گۇللەرنىڭ خۇشپۇرىقىدىن بارچە ئاۋام ھۇزۇر تاپسۇن !

pariay

	چىن قەلىبتىن چىققان نىدالىرىڭىز يۈرەككە نەق تەگدى دەڭا ! زىمىستان كۆرمىگەن بۇلبۇل ، باھارنىڭ قەدرىنى بلمەس . جاپانى چەكمىگەن ئاشىق ، ۋاپانىڭ قەدرىگە يەتمەس .

atikam1

	بۇ غەزەللەر  ھەقىقەتەن  ئاشىق قەلىبلەرگە مەلھەم بولغۇدەك يېزىلىپتۇ،،، گۈل ئۈچۈن مەستانە بۇلبۇل گۈلشەنىنى ھەردەم ياد ئېتۇر، ئىشقىنى ئەيلەپ باياندا ،كۆڭلىنى ئەجەپ شاد ئېتۇر.

zakira

	باھار چېچەكلىرىنى ئارىلاپ يۈرۈپ ، سەلكىن شاماللاردىن  سېنىڭ ھېدىڭنى پۇراۋاتىمەن ، ئىسمىڭنى ئاتاپ چاقىرۋاتىمەن ، سەن قەياردە باھار !

ئايتۇغ

	باھار كېچىسى گۈل ئۈچۈن مەستانە بۇلبۇل گۈلشەننى ھەردەم ياد ئىتۇر، ئىشقىنى ئەيلەپ بايان ،ئۆزكۆڭلىنى خوپ شاد ئىتۇر. . ئۆتتى يىللار،ئۆتتى كۈنلەر،ئالمىشىپ كەلدى باھار،. بىلمىدىم ياردىن خەۋەر يوق،ئىشقىمنى ئۇ بەرباد  ئىتۇر. . تاقىتىم تاق بولدى غەمدە،مۇڭلۇنار ئارمانلىرىم،. ھېسلىرىم ھالسىز سۈكۈتتە،ھەسرىتم پەرياد ئىتۇر. . كىمنى كىملەر ئۇنتۇغاندەك، يەر جاھان غەمكىن بۇدەم، شۇنچە پەرۋاسىز ماڭا ،قايغۇمنى ھەم قات - قات ئىتۇر. . پەرىشان كۆڭلۈم ئەجەپ،ھالىم خاراپ بىمارىمەن، ئويلۇرۇم توزغاقسىمان،تۇيغۇمنى ھەردەم مات ئىتۇر. . بولدى ئايتۇغ تۈگىمەس غەم – شۇبھىلەرگە مۇپتىلا، بۇ جۇدالىق دەردىدىن يارىم قاچان ئازات ئىتۇر...؟