| adila |
2009-02-16 00:16 |
ھەممىسى سەن ئۈچۈن ئىدى،بۇنى بىلدىڭمۇ ؟
سەن بىلەن تۇنىشىشتىن ئاۋۋال غەمسىز،ئوقۇشتىن باشقىنى بىلمەيدىغان قىز ئىدىم، سەن بىلەن تۇنىشقاندىن كىيىن دائىم سىنى ئەسلەيدىغان، سىنىلا ئويلايدىغان بولۇپ قالدىم .
مەن ئۇنىڭ بىلەن تاسادىپىي بىر پۇرسەتتە تۇنىشىپ قالغان، ئادەتتە ئاسانلىقچە ئادەم ياراتمايتتىم، سەن بىلەن تۇنجى قىتىم تېلىفۇن پاراڭلاشقان چېغىمدىلام ياخشى كۆرۇپ قالدىم، نىمە ئۇچۇنلىكىنى بىلمەيمەن، سىنىڭ ئۇرۇنلۇق سۆزلىرىڭ، مېھرىبانلىقىڭ مىنى تەسىرلەندۇردى، بىز كۆرۇشتۇق، 5مىنۇتلام پاراڭلاشتۇق، بىراق شۇ ۋاقىتتىن باشلاپ ،سىنى ياخشى كۆرۇپ قالدىم، مانا بۇنىڭغىمۇ بىر يىرىم يىل بوپتۇ،بىراق مۇشۇ كەمگىچە ساڭا بولغان كۆڭلۇم قېلچىلىك ئۆزگىرىپ باقمىدى، سەندىن باشقا بالىنى قىلچىلىك ياقتۇرۇپ باقمىدىم، سەن بىلەن تۇنىشقان چاغدىن باشلاپ ،ئۆزەمنىڭ باشقا ئوغۇل دۇستلىرىنى يوق قىلىۋەتتىم، چۇنكى ،سەن سادىقلىقنى ياخشى كۆرەتتىڭ، مەنمۇ ساڭا سادىق بولۇپ ئۆتۇشنى ،ساڭىلام ئىتائەت قىلىشنى ، سەندىن باشقىلارغا قارىماسلىقنى ھەم ياخشى كۆرۇپ قالماسلىقىنى نىيەت قىلدىم، مىنىڭ نىيىتىمدە :مەن ساڭا سەمىمىي مۇئامىلە قىلساملا ، سەنمۇ ماڭا سەمىمىي مۇئامىلە قىلىسەن دەپ ئويلايتتىم، مەن سىنى چىن دىلىمدىن ياخشى كۆرسەم ، مىنىمۇ چىن دىلىڭدىن ياخشى كۆرىسەن دەپ ئويلايتتىم.
ساڭا شۇقەدەر سادىق ئىدىمكى، ئىسىڭدىمۇ ؟بىز سۇقىشىپ قالغان چاغلاردا ، سەن مىنى چولپان يۇلتۇزنىڭ سائەت قانچىدە چىققىنىنى دەپ بەرگىن دىسەڭ ، -11ئايدا سائەت 12گىچە تالادا تۇرۇپ ،ئايغا قارىغانتىم، بىزيېڭىدىن تۇنىشقان چاغلاردا ، سىنىڭ نۇرغۇن قىز دوستلىرىڭ بارئىدى، مەن بىلەن بۇگۈن كۆرۇشسەڭ ، چۈشتىن كىيىن ياكى كەچتە، باشقا بىرى بىلەن كۆرۇشەتتىڭ، بىراق ،شۇ ئىشلارنى ئىغىر ئالمايتتىم، چۈنكى ،سىنى ياخشى كۆرەتتىم، بۇنى بىلدۇرۇپ قويغىم، ساڭا چاندۇرۇپ قويغىم يوق ئىدى، ئۇ قىزلارنىڭ سىنى ياخشى كۆرىدىغانلىقىنى سۆزلەپ بىرەتتىڭ، مەن بۇگەپلەرنى پەقەت ئۇن-تىنسىز ئاڭلاپ بىرەتتىم، ھامانىم بىركۈنى مىنى ياخشى كۆرۇپ قالىدىغانلىقىڭنى بىلەتتىم، بىز تۇنىشپ يېرىم يېلدىن كىيىن ،سەن ماڭا توي قىلىش تەكلىۋى قويدىڭ، بۇ ناھايتى ئاددىي توي قىلىش تەكلىۋى بولسىمۇ ، مەن ئىنتايىن خۇشال بولدۇم، مەن توي قىلىشقا ئىنتايىن ئۆش ئىدىم، بىرەرسى توينىڭ گىپىنى چىقارسا ،قاتتىق ئاچچىغىم كىلەتتى، بىرەر ئوغۇل بالا توي قىلىشنى ئېيتسا ، خۇددى ھازىرلام مىنى ئەكىتىدىغاندەك، ئۇبالىدىن جىندىن قاچقاندەك قاچاتتىم، بىراق ،سەن ماڭا توي قىلىش تەكلىۋى قويغان چاغدا ئىنتايىن خۇشال بولدۇم، سەن بىلەن ئۇزاقراق بىللە ئايلىنىشنى ئويلىدىم، بىراق ، كۈن قېرىشقاندەك ،ئىتتىكلام كەچ كىرىپ كەتتى، سىنىڭ غەمكىن چىرايىڭنى كۆرۇپ ، كۆڭلۇم يېرىم بولدى، بىراق پەقەت سىنى خۇشال قىلىشنىلام ئويلايتتىم.
ئەتىسى ساڭا تېلېفۇن قىلدىم،سەن ماڭا ناھايتى سۇس مۇئامىلە قىلىدىڭ، بىز ئازراق پاراڭلىشپلام قۇيىۋەتتۇق، چۈشتىن كىيىن يەنە پاراڭلاشتۇق، بىز داۋاملىق پاراڭلىشپ تۇردۇق، مەن ھازىرچە توي قىلالمايدىغانلىقىمنى ئيتتىم، سەن ماڭا مەن بىلەن يېڭىدىن تۇنىشقان چاغدا ،باشقا بىرقىزنى ياخشى كۆرىدىغانلىقىڭنى، بىراق ،مەن بىلەن تۇنىشىش جەريانىدا ، ئۇقىزنى ئاستا -ئاستا ئۇنتۇپ كىتىپ ، مىنى ياخشى كۆرۇپ قالغانلىقىڭنى ئېيتتىڭ،(ئەپسۇس،ئىشلار سەن دىگەندەك ئەمەسكەن،سەن پەقەت مىنى توي قىلىشقا لايىق قىز دەپلام ئويلايدىكەنسەن،)بۇچاغدا شۇنداق ئاچچىغىم كەلدى، چۈنكى سەن ئۇقىزغا بولغا ن مۇھەببتىڭنى تەسۋىرلەپ بەردىڭ ، بەلكىم ،كۈندەشلىكىم كەلگەندۇ ؟ مەن شۇكۈنى كىچىچە يېغلاپ چىقتىم، ئۇخلىمىدىم دىسەممۇ بولاتتى، ئەتىسى ساڭا تېلېفۇن قىلىپ ،بولدى قېلىۋىتىشنى ئېيتتىم ،بىراق ،سەن مىنىڭمۇ ئېلگىرى باشقا ئوغۇللار بىلەن تۇنىشقىنىمنى ئېيتىپ تۇرىۋالدىڭ، مەن سەن بىلەن يېرىم كۈن سوقاشتىم، سەن شۇ چاغدا ،مىنى ئەمدى بولدى قىلىدۇ دەپ ئويلاپسەن، بىراق چۈشتىن كىيىن ،سىنى كەچۇرۋەتتىم ،ھەيرانمەن ئۆزەمگە، مۇھەببەت ئالدىدا ئادەم بەكمۇ ئاجىز بولۇپ قالىدىكەن، شۇ چاغدا سەنمۇ خۇش بولۇپ كەتتىڭ،بىراق ،مىنىڭ كۆڭلۇم شۇنداق يېرىم ئىدى، سىنى خۇشال قىلىش ئۈچۈن ،ھەممىلام نەرسىدىن ۋازكەچتىم، پەقەت ئاتا-ئانامدىنلام ۋاز كەچمىدىم.
ساڭا شۇقەدەر ئامراقتىمكىن ،بىرەر قىتىم تېلېفۇن قىلسام ئالمىساڭ، كۆڭلۇم يېرىم بولاتتى، ساڭا ئۈن -تىنسىز مېھرىبانلىق كۆرسىتىشنى، ھەم شۇنداقلا يېنىڭدا تۇرۇپ بىرئۆمۇر سىنى خۇشال قىلىشنى ئويلاتتىم، ئەمدى بىلىدىمكىن، مەن سىنى ھەرگىزمۇ خۇشال قىلالمايدىمەن، چۇنكى ،سەن باشقا بىرسىنى ياخشى كۆرەتتىڭ، ئۇ قىزغا ھەسەت قىلاتتىم، ئۇقىزنى ئۆش كۆرمەيتتىم، ئەگەر قولۇمدىن كەلسە ،ئۇقىزنى يىنىڭغا ئەكىلىپ قويۇشنى خالايتتىم، ئۇقىزنىڭ ساڭا قىلغانلىرى ئالدىدا مىنىڭ ھېچقانچىلىك قىلمىغانلىقىمنى بىلەتتىم، سىنى ھەقىقەتەن بەكمۇ ياخشى كۆرەتتىم، ساڭا قىلغانلىرىمنى بىلىشىڭنى ئانچە بەك خالاپ كەتمەيتتىم،سىنى دەپ توردىكىلەر بىلەنمۇ پاراڭلاشمايتتىم، ئوغۇللار ئۇچۇر يېزىپ قالسا،كەچۇرۇڭ، مىنڭ ئوغۇل دۇستۇم بار، ئۇنىڭغا سادىق بولمىسام بولمايدۇ، ئۇ مىنىڭ باشقىلار بىلەن ئۇچۇر يېزىشىمنى خالىمايدۇ،دىگەندەك ئۇچۇرلارنى يېزىپ قوياتتىم، توردىكى بالىلارمۇ ئاڭلىقلىق بىلەن سىز بەك بەخىتلىككەنسىز دەيتتى،مەن بۇ چاغدا ئۆزەمدىن بەكمۇ سۆيىنىپ كىتەتتىم، سىنىڭ مىنى سۆيدىىغانلىقىڭغا ئىشىنەتتىم،سەن ماڭا يالغان سۆزلىمەيتتىڭ، مىنى ئالدىمايتتىڭ ،ھەرقانداق ئىچ سىرىڭنى ئېيتىپ بىرەتتىڭ،بۇ مىنىڭ ئەڭ چوڭ بەختىم ئىدى، بىراق ،سەن مىنى سۆيمەيسەنكەن، بەلكىم بىر پىرسەنتمۇ ياخشى كۆرمەسسەن؟ ماڭا دىگەن گەپلىرىڭنىڭ ھەممىسىنىڭ يالغانلىقىنى بىلگەن چىغىمدا سەندىن نەپرەتلەندىم، مىنى ياخشى كۆرىدىغانلىقىڭنى، مىنى چىن دىلىڭدىن سۆيىدىغانلىقىڭنىڭ يالغانلىقىنى بىلگەن چىغىمدا، مەن ئاللىبۇرۇن كىچىككەنىدىم، ياق ،كىچىكمىدىم، يەنىلام سىنىڭ يىنىڭدا تۇرۇپ ، سىنى ياخشى كۆرۇشنى ، سەن مىنى ياخشى كۆرمىسەڭمۇ ،ساڭا ئىزچىل كۆيىنىشنى، ساڭا سادىق بولىشنى، ئىشقىلىپ نۇرغۇن ئىشلارنى قىلىشنى ئويلىدىم، بەزىدە ئۇقىزنى ئويلىساملام، سەندىن ۋاز كىچىشنى ئويلىدىم، بىراق يەن ۋاز كەچمىدىم، بۇنىڭ سەۋەبى بىرلا ؛سەن قاچان ئۆزەڭ چىن دىلىڭدىن ياخشى كۆرگەن ئادىمىڭنى تاپساڭ، ئاندىن سىنىڭ يىنىڭدىن ئۈن -تىنسىز غايىپ بولىمەن، ساڭا ھېچقانداق ئىز قالدۇرمايمەن، چۈنكى سەن ئۆزەڭ سۆيىدىغا ن،سىنىمۇ سۆيىدىغان ئادەمگە ئېرىشكەن بولىسەن ، سەن مەندىن قاچان ۋاز كەچسەڭ ، ئاندىن كىتىمەن، سەن «چۈشتىكى تاماققا قورساق تويامدۇ؟»دىدىڭ، سەن نىمە دىگەن ئاجىز ، ئەگەر مەن سىنىڭ ئورنىڭدا بولغان بولسام ، ئۇقىزنى ئىزدەپ ئۆزەمنىڭ مۇھەببىتىمنى ھەم ئويلىغانلىرىمنى ئېيتىپ بىرەتتىم، سەن يەنىلام مەن بىلەن توي قىلىشنى ئويلاۋاتامسەن؟ ئۆزەڭ ياخشى كۆرمەيدىغان ئادەم بىلەن بىللە بولىشنى خالىمايدىغانلىقىڭنى بىلىمەن، نېمە ئۇچۇن بۇنداق قىلىدىغانلىقىڭنى پەقەتلام چۇشەنمىدىم، مەن سىنى ياخشى كۆرىمەن، چىن دىلىمدىن سۆيىمەن، سىنى دائىم خۇشال قىلىشنى ئويلايمەن، ئۇقىزنى تىپىشىڭنى ، ھەقىقىي خۇشال بولىشىڭنى ، ھەقىقىي بەختلىك بولىشىڭنى ئۇلۇغ اللەدىن تىلەيمەن!
تەستىقلىغۇچى : ئۈمىدۋار |
|
