رەسىمسىز مۇنازىرە: [-- توۋۋا، مەنمۇ ئاجراشماقچى(ھېكايە) --]

ئەلكۈيى مۇنبىرى -> [ئەلكۈيى قەلەمداشلار سالونى] -> توۋۋا، مەنمۇ ئاجراشماقچى(ھېكايە) [بېسىپ چىقىرىش] كىرىش -> ئەزا بولۇش -> ئىنكاس يوللاش -> تېما يوللاش

<<   1   2  >>  Pages: ( 2 total )

winira 2011-03-01 06:04

                                                                                
      بۇگۈن كەچ يەنە ئۇخلىيالمىدىم..كاللامدا نۇرغۇن خياللار ... بالامنىڭ يىنىك-يىنىك پۇشۇلدىغان ئاۋازى گەرچە مىڭەمگە ئازراق  ئارامچىلىق بەرگەن بولسىمۇ،ئىلگىرىكىدەك خاتىرجەم ،تاتلىق ئۇخلىشىمغا سەۋەپ بولالمىدى.قۇلاقلىرىم ئىنتايىن سەزگۈر كىچىككىنە ئاۋازدىمۇ<< ئۇنى كەلدىمىكىن>> دەپ قالىمەن.بىراق بۇخياللىرىم بىردەمدىلا غايىپ بولىدۇ.يۈرىكىمنىڭ سىقىلىشىنى دىمەيلا قوياي،نەچچە كۈندىن بۇيانقى ئۇيقۇسىزلىق پۇت-قوللىرىمنى ماغدۇرسىزلاشتۇرۇپ مادارىم قالمىدى.ئىچىمدىكى ئاچچىقلارچۇ تىخى....مەن نىمە گۇناھ ئۆتكۈزگۈنىمگە بۇنچە ئازاپ ئىچىدە ياشىغۇدەكمەن....


      ئالى مەكتەپ ھاياتى نىمىدىگەن كۆڭۈللىك ،غەمسىز چاغلار ھە؟....ئۇنى تۇنجى قىتىم دوستۇمنىڭ تۇغۇلغان كۈن ئولتۇرىشىدا ئۇچراتقان ئىدىم.ئولتۇرۇش ئاياغلىشىپ قىزلار ياتاققا قايتىپ كەلگەندە ئۇ توغرىسىدا بىرمۇنچە ەەپ سۆزلەر بولۇنغان.ئەزەلدىن قاملاشقان يگىىتلەرنى ئۇچراتقاندا ئاغزى بىسىقمايدىغان قىزلار بۈگۈنمۇ ئوخشاشلا چۇڭۇلدىشىپ كەتتى،يۈز-كۆزلىرىمنى يۇيۇپ ئەمدىلا ياتاي دەپ تۇرۇشۇمغا،دوستۇم ئايگۈل:
-ھەي ئاداش ئۇ بالىچۇ سەن بىلەن بىر يۇرتلىقكەن،ساڭا پۇرسەت بار،بۈگۈن خىلى ئوبدان تونۇشىۋالغانسىلەر؟ قارىسام ئۇمۇ ساڭا قىزىقىپ قالغاندەك قىلىدۇ.،دىدى،
ئۇنىڭ ئارقىدىن ئۇلاپ باشقا قىزلارمۇ بەس-بەستە چۇڭۇلداشىلى تۇردى.بۇلارنىڭ گپىگە شۇنداقلا كۈلۈپ قويۇپ كۆزۈمنى يۇمۇپ،ئۇنى ئەسلەپ باقتىم.دىگەندەك ئاپئاق چىرايىغا قاملاشقان بۇرۇن.كۆز،ئىغىزلىرى شۇنچىلىك خوپ كەلگەن ،كىيىنىشلىرىچۇ تىخى،ئاق مايكا ،قارا شىم قاراشتىنلا تەربىيە كۆرگەن پاكىز يىگىتلىكى بىلىنىپ تۇراتتى....بىراق بىز ئالى مەكتەپ ھاياتىنى باشلىغىلى تىخى بىر يىلمۇ بولمىغان تۇرسا قانداقمۇ بۇنداق بالدۇر مۇھەببەتلەشكۈدەكمەن. ۋاي -ۋوي نىمىلەرنى ئويلاپ كەتتىم،ئۇماڭا قانداق قارىدى بۇنى بىلمەي تۇرۇپ نىمە خىياللار بۇ ؟بىر كۆرۇپلا ئاشىق بوپقالىدىغانلاردىن ئەمەستە مەن؟ئۇنىڭ ئۈستىگە مەنمۇ باشقىلار ئاسانلا ئاشىق بولۇپ قالىدىغان ئۇنچە گۈزەللەردىن ئەمەس،...  دىگەندەك خياللار بىلەن ئۇخلاپ قاپتىمەن.
ئەتىدىن تارتىپ ئوقۇشىمىز نورمال،تۇرمۇشىمىز شۇنداق كۆڭۈللۈك ئۆ تىۋەردى.ئۇ بالىنى پات-پات ئوقۇتۇش بىناسى،ياتاق بىناسى ئالدىدا ئۇچىرتىدىغان بوپ قالدىم،شۇنداق ئۇچىرشىپ قالغان كۈنلەردەبىر-بىرىمىزگە قارىشىپ قوياتتۇق.ھەتتا بىرقانچە قىتىم ئۆتۈپ كىتىپ بولۇپ ئارقىمىزغا قارىغان بولدۇق.
     شۇنداق كۈنلەرنىڭ بىرىدە دوستۇم ئىككىمىز كەچلىك مۇزاكىرىدىن يىنىپ مەكتەپ سىرتىغا نەرسە كىرەك سىتىۋالغىلى مىڭىۋاتاتتۇق،تۇيۇقسىز كەينى تەرىپىمىزدىن،
-رەشىدە...دەپ توۋلىغان ئاۋاز ئاڭلاندى،
ئىتتىك كەينىمىزگە ئۆرۇلدۇق،ئۇ راستىنلا بىزنى توۋلاپتۇ،
-ياخشىمۇ سىلەر؟دىدى ئۇ دەسلىپىدىلا يىنىمىزغا چاققانلىق بىلەن يىتىپ كىلىپ،
-ياخشى،ئۆزىڭىزچۇ؟
-ياخشى،قانچە قىتىم كۆرۈشەي دەپ ئويلىغان بولساممۇ،،بىراق......ئۇشۇنداق دەپ تەمتىرەپ بولغىچەمەن ئەسلىدىنلا شوخلۇق ،تەمكىنلىك ھالىتىم بويىچە ،-ھە ھىلىقى دوستىڭىز ئەسقەر ياخشى تۇرغاندۇ ؟كۆرۈنمەيلا كەتتى،دەپ ئارىدىكى ئوڭايسىزلىقنى تىزلا يوق قىلدىم.
-بۇ مىنىڭ تىلفون نۇمۇرۇم..مۇمكىن بولسا سىزمۇ دەپ بەرگەن بولسىڭىز بىر يۇرتلىق بولغاندىكىن ئىزدىشىپ ئۆتسەك...
تونۇشۇش ئەنە شۇنداق باشلانغان.
پات-پات كۆرۈشۈپ ئۇزاق ئۆتمەيلا ئۇ ئىنتايىن ساددىلىق بىلەن،
-سىزنى پات-پات ئىزدىگۈم،كۆرۈشكۈم كىلىدىغان بوپ قالدىم ئويلاپ باقسام سىزنى ياخشى كۆرۈپ قاپتىمەن ئەمەسمۇ؟-دىدى.
بۇ گەپنى ئاڭلاپ منى كۈلكە قىستاپ قاقاھلاپ كۈلۈپ كەتتىم،ئۇ بىر خىل ئوڭايسىزلانغان ھەم كۈلۈمسىرىگەن ھالدا ،
-ئىشقىلىپ كۆڭلۈمدىكى گەپنى سىزگە دىۋالدىم، ئوبدانراق ئويلىشىپ جاۋابىنى بىرەرسىز.دىدى دە،كىتىپ قالدى.......
شۇنداق قىلىپ قانچە قىتىملاپ كۆڭۈل ئىزھار قىلىشى ،دوسلىرىمنىڭمۇ مىنى خىل ئوبدان قىزىقتۇرىشى تۈپەيلى ئىككىمىز يۈرۈپ قالدۇق،كۈنلىرىمىز شۇنداق مەنىلىك ئۆتەتتى.ئالى مەكتەپ ھاياتىمغا يەنە بىر يىڭىچە مەنا قوشۇلغاندەك تۇيغۇدا بولىۋاتاتتىم،ئۇ داۋاملىق مىنى ئركىلىتىپ تۇرۇپ؛
-رەشىدە سەن بەك ئوماق جۇمۇ؟مەن سىنىڭ شۇ ئويماقتەك ئىغىزلىرىڭغا  ئاشىق،دەپ چىڭ قۇچاقلىغىنىچە مىنى دەممۇ نەپەس ئالدۇرماي سۆيىۋالاتتى،ئۇنىڭ ئەشۇ ئوتلۇق سۆيشلىرىدىن مەستخۇش بولۇپ ئۇنىڭغا تىخىمۇ چىڭ چاپلىشاتتىم،مەن بارا-بارا ئۇنى ياخشى كۆرۈپ قىلىۋاتاتتىم،بىزنى كۆرگەن بىلگەنلەر بىزگە ھەۋەسلىنىپ قارايىتتى،ھەتتا بەزى قىزلار  ھەسەت ۋە ھەۋەس ئارلاشقان ھالدا:-يۈرۈۋاتامسىلەر؟يىگىتىڭىز بەك قاملاشقان جۇمۇ؟دەپ كىتەتتى، بۇنداق چاغلاردا مەن سۆزمەن چۈرۈك تىللىرىم ئارقىلىق:- ۋوي مەن سەت ئوخشىمامدىم،دەپ چاخچاق قىلاتتىم.
باشقىلارنىڭ ھەۋەسلىك سۆزلىرى بىلەن مەن ئۇنىڭغا تىخىمۇ چىڭ يىپىشتىم،مۇھەببىتىمىز شۇنچە شىرىن،لەززەتلىك ئۆتىۋاتىدۇ،بۇ جەرياندا بىرەر قىتىممۇ ئۇرۇشۇپ قالمىدۇق،بىر-بىرىمىزنىڭ كۆڭلىگە ئالدىراپ ئازار بەرمەيتۇق،بولۇپمۇ ئۇ كۆپ ئىشلاردا ماڭا يول قوياتتى.مۇھەببەت تارىخىمىزدا قانداقتۇر ئۇقۇشماسلىق،باشقىلارنىڭ ئارىغا كىرىۋىلىشى قاتارلىق ئىشلار يۈز بەرمىدى،خۇددى بىر-بىرىمىز ئۈچۈنلا يارالغاندەكلا..

داۋامى ئىنكاس شەكلىدە مۇشۇ تېما ئاستىغا يوللىنىدۇ.

ظاەذ 2011-03-03 11:32
شۇنداق رۇمانتىك تارىخ تۇرۇپ نىمىشقىمۇ بۇنداق خىيالغا  كەلگەنسىز... شۇ چاغلارنى ئەسلەپ ئۆتسىڭىزمۇ بىر ئۆمۈر يەتكۈدەك. ئاخىرغا تەقەززامەن.

sadakat520 2011-03-03 12:30
بۇ زادى نىمە  ،ئەسەر ياخشى يېزلىپتۇ ، بىراق تېمىسى بىلەن ئانچە ماس كەلمەپتۇ ،

sadakat520 2011-03-03 12:31
ئاخىرى قېنى بۇنىڭ ،  قىززىقىپ ئوقۇۋاتاتتىم.

halimang 2011-03-03 12:47
ئەسىرىڭىز بەك ياخشى يېزىلىپتۇ، داۋاملىق تىرىشىڭ، ھارمىغايسىز!

nazira81 2011-03-03 16:08
جانىم..بۇلدى قىلغىن...مەن بۇ ھىكايەڭنىڭ كەينىنى دىمىسەڭمۇ  ھىس قىلدىم..خۇددى سەنمۇ مەندەك   شۇ ئويلاردا بۇلىۋېتىپسەن.شۇنداق قىلىپ ئۇ چاغلاردا سىنى تاتلىق گەپلەر بىلەن ئۈزىگە مەپتۇن قىلدى.ئەلۋەتتە،سەن توي قىلىشتىن ئىلگىرى بىر گۈل ئىدىڭ،ھەممە ساڭا ھەۋەس قىلاتتى،ئارقاڭدىن نۇرغۇن-يىگىتلەر تەلمۈرىشەتتى.كىمنىڭ ئەزىزلىرى كىمگە خار بولدى دىگەندەك،ئۇنى-بۇنى دەپ سەن مىھرىڭنى ئۈزەلمەي،باشقا تاللىشىڭ يوق ئۇنىڭ بىلەن توي قىلدىڭ.......كۈنلەر ئۈتۈپ...ئاراڭلاردا بالا بولدى......بەلكىم بالاڭ 1ياشتىن ئاشقاندۇ؟؟؟چۈشۈنىمەن جانىم  چۈشۈنىمەن...سىنىڭ   پەقەت سىنىڭلا ئەمەس   مەن ۋە ساڭا ئوخشاش  نۇرغۇن بىزدەك ئاجىزەلەرنىڭ كىچىلىرىلا ئەمەس   كۈنلەپ ئايلاپ ھەسرەت چىكىۋاتقىنىنى،شۇ ھەسرەتلىرىنى ئىچىدە سىغدۇرۋاتقانلىقىنى بىلىمەن....مەنمۇ مانا 30نىڭ قارىسىنى ئىپ قالدىم.....بالام 2 بولدى.....،باشقىلار بالا ئىككى بولغاندا ئاجراشماق تەس دەيدىكەن...سەنمۇ شۇنداق ئويلىغانسەن بەلكىم.......مەن بالام 1لا ۋاقتىدىمۇ،بالامغا 5ئايلىق ھەتتا بالام تۇغۇلۇپلا   ئۇنىڭ بىلەن ئاجرىشىپ كىتەي دىگەن......ئەمما  سەنمۇ ھىس قىلدىڭمىكىن......قورقىدىكەنسەن......بىرىنچى بۇلۇپ كۆز ئالدىڭدىكىسى ئۈزۈڭنىڭ بىچارە ھالىتى..يەنە بىرسى  بالاڭ.......ئۇنىڭدىن قالسا    سەن   سەۋدايىلەرچە ئاشىق بولغان شۇ يولدۇشۇڭ.....شۇنداق ئەمەسمۇ؟؟؟؟     خۇددى سەن بۇ سەھىپىلەرگە ھالىڭنى تۈككىنىڭدەك مىنىڭمۇ تورداشلارغا ھال ئېيتقۇم كەلگەن ئىدى.....ئەمما   ....................................     ساڭا دوستانە مەسلىھىتىم   سەن يەنىلا بۇ    ئويلىرىڭدىن كەچ...سەن  مەيلى يامانلاپ ئاتا-ئاناڭنىڭ قېشىغا كەتكەن بول....مەيلى ئۇ ساڭا يۈز كىلەلمىگۈدەك ئىش قىلغان بولسۇن....مەيلى سالىۋات.....سەن يەنىلا مەيلى دىگىن.......مۇمكىن بولسا   سەن  خوتەنلىك "ھايات نۇپۇس مۇھەممەت"يازغان "قىزلىق دوقمۇشىدىن ئانىلىق سەپىرىگىچە"،نەزىرە مۇھەممەت سالىھ يازغان "شەرق يۇلتۇزىنى ئىزلەپ"ناملىق كىتاپنى تېپىپ بىر قىتىم ئۇقۇپ كۆرگىن......ساڭا ئالەمچە خۇشاللىق تىلەيمەن...كۈنلىرىنڭنى مەنىلىك ئۆتكۈزگىن...ئاللاھتىن ئۇنىڭغا ئىنساپ تىلە..........................

dilsirim 2011-03-03 18:13
ھىكايىڭىزنىڭ داۋامى قانداق ئاخىرلىشىدۇ،سىز زاداى نىمىە ئۈچۈن ئاجىراشماقچى،بۇنىسى ماڭا قاراڭغۇ،لىكىن مىنىڭ سىزگە دوستانە نەسىھىتىم،ئامالنىڭ بارىچە ئاجىراشماڭ،كەچۈرۈشكە تىگىشلىك بولسا كەچۈرۋىتىڭ،

birkiz 2011-03-03 23:36
جىنىم ھىكايىڭىزنىڭ قانداق ئاخىرلىشىدىغىننى بىلمىدىم ، لېكىن ئايال كىشى بۇلۇپمۇ بالا بۇلۇپ قالغاندا سەۋىر چان ، ئەپۇچان ، كەڭ قورساق بۇلۇشى كېرەككەن. كىچىك بىرنەرسىنىڭ ئاچچىقىدا چاپاننى ئوتقا سالغىلى بولماس. ئالدىراڭغۇلۇق پۇشايماندىن باشقىسى ئەمەس.

winira 2011-03-04 00:49
كۈنلەر بىرىنىڭ كەينىدىن بىرى ئۆتۈپ قىزغىن مۇھەببەتكە تولغان ئالى مەكتەپ ھاياتىمىز ئاخىرلاشتى.مەكتىۋىمىزدىكى  باشقا ئاشىق-مەشۇقلاردەك باشقا-باشقا يۇرىتتىن بولۇش سەۋەپلىك ئازاپلىق ياش تۆكۈشلەردىن،ھىجرانغا تولغان ئايرىلىشلاردىن  بىز خالى ئىدۇق.مەن تولىمۇ خۇشال ئىدىم.ئەمدى ياخشى خىزمەت تىپىپ توي قىلساق،ئۇنىڭ ئايالى بولسام،بالىمىز بولسا....،نىمىدىگەن شىرىن خىياللار بۇ،ھە.......كىيىنكى كۆنلەرنى ئويلاپ شىرىن سىزىملارغا تولاتتىم.
ئىككىمىز نۇرغۇن ئارزۇ ئارمانلارنى كۆڭلىمىزگە پۈكۈپ ئالى مەكتەپ ھاياتى بىلەن خوشلاشتۇق.خىزمەت تىپىش ئىشىمىز ئۆزىمىز ئويلىغاندىنمۇ ئوڭۇشلۇق بولدى.ھەر ئىككىمىز ئىمتىھانغا قاتنىشىپ خىزمەت ئىھتىياجى تۈپەيلى شەھرىمىزدىن 200كىلومىتىر يىراقلىقتىكى ناھىيگە تەقسىم قىلىندۇق. بۇيەرگە كەلگەندىن كىيىنمۇ تەقدىرنىڭ ئورۇنلاشتۇرىشى بىلەن بىر مەكتەپكە تەقسىم قىلىنغىنىمىز مىنى ئالەمچە خوشاللىققا چۆمدۈرگەن ئىدى .
مەكتىۋىمىزمۇ گەرچە ناھىيە بازىرىدىن 30كىلومىتىر يىراقلىقتا بولسىمۇ،شارائىتى ئانچە ياخشى بولمىسىمۇ،مىنىڭ يىنىمدا ئۇ بار ،ئۇنىڭ يىنىدا مەن بولغاچقا،جاپالىق تۇرمۇش شارائىتى بىزگـە بەك بىلىنىپ كەتمىدى..........خىزمەتكە ئورۇنلىشىپ بىر يىل بولغاندا توي قىلدۇق....

       تاراق -تۇرۇق قىلغان ئاۋازدىن يەنە ئۇنى كەلدىمىكىن دەپ چاچراپ ئورنۇمدىن تۇرۇپ ئىشىك تۈۋىگە كەلسەم يەنىلا ئەمەس ئىكەن.سائەتكە قارىسام سەھەر سائەت تۆت بوپتۇ.ئەتە يەنە ئىشقا بىرىشىم ،بالامنى يەسلىگە ئاپىرشىم كىرەك دىگەنلەرنى ئويلاپ ئۇيقۇ دورىسىدىن بىر تال يەپ تىزلا ئۇيقۇغا كەتتىم.


  تىلفونۇمنىڭ قاتتىق چىرقىرىغان  ئاۋازىدىن چۆچۈپ  ئويغىنىپ سا ئەتكە قارىسام ئىشقا بىرىشقا ئازراقلا ۋاقىت قاپتۇ،چالا-پۇلا جاپتۇنۇپ،بالامغا ناشتىلىق بىرىپ ئۆزۇم ناشتىسىز ھالدا ئۆيدىن چىقتىم.نەچچە كۈندىن بىرى ئۇيقۇم ۋە تامىقىم جايىدا بولمىغاچقا بىشىم قىيىپلا تۇراتتى.قورودىن ئەمدى چىقىشىمغا تۈنۈگۈن كەچ يولدۇشۇمنى ئىزدەپ كەلگەن ئىككى نەپەر ئوقۇغۇچىسى بىلەن دوقۇرشۇپ قالدىم.ئۇلارنى كۆرۈپ خۇددى ئەرۋاھقا يولۇقۇپ قالغاندەك ھۇدۇقۇپ ئۆزۈمنى چەتكە ئالاي دەپ قايرىلىشىمغا:
-رەشىدە مۇئەللىم! دىگەن ئاۋاز بىلەن تەڭ ئورنۇمدا تۇرۇپلا قالدىم.
-رەشىدە مۇئەللىم،ياخشىمۇسىز،خالمۇرات مۇئەللىمنى يەنە ئىزدەپ كەلگەن ئىدۇق،
-ئاخشام ئۇ ئۆيگە كىرمىگەن ئىدى،ئالاقىلىشاي دىسەم  ئۇنىڭ يىنىدا تىلفۇنمۇ يوق،سىلە خاپا بولماي ئۇنى مەكتەپتىن ئىزدەڭلار،بۈگۈن مەكتەپكە بارارمىكىن،
ئۇلار گىپىمنى ئاڭلاپ ئىنتايىن خجىلچانلىق بىلەن تەسلىكتە:
-بىزمۇ تۈنۈگۈن ئىزدەپ مەكتەپكە چىققان ئىدۇق،بىراق خىزمەتكە چىقمىغىلى ئىككى كۈن بوپتۇ،بىزگە بۇ پۇل بەك لازىم بوپكەتكەن ئىدى،بولمىسا بىزمۇ سىزنى خجىل قىلمىغان بولاتتۇق،مۇمكىن بولسا سىز بىرىۋەتكەن بولسىڭىز.
بۇ گەپ نىرۋامغا تەگدى،نىمىدەپ ئۇنىڭ قەرىزىنى يەنە مەن تۆلىگۈدەكمەن.نەچچەيىلدىن بىرى قەرىزىنى ئاز تۆلىدىممۇ؟ نەچچە كۈندىن بىرى قەرىز سۈيلەپ تولا تىلفون كىلىپ بىشىمنى ئاغرىتقىنى ئاز كەلگەندەك مونۇ ئۇششاق شۇمتەكلەرنىڭمۇ مىنى بوزەك قىلىۋاتقىنىنى دىگەن خىياللارنى قىلغاچ ئۇلارغا:
-ماڭا قاراڭلا ئۇكىلىرىم مەندە بولغان بولسا بىرەتتىم، بىراق ھازىر مەندىمۇ ئۇنچىلىك پۇل يوق،ئەڭ ياخشىسى مىنى ئىزدىمەي ئۇنىڭ ئۆزىنى ئىزدەڭلار،دەپلا خوشلىشىشقىمۇ ئۈلگۈرمەي كىتىپ قالدىم.يولدا كىتىۋاتقاچ  بىرى يۈرۈكۈمنى ئامبۇر بىلەن قىسىۋاتقاندەك بەكلا بىئارام بولدۇم.ھەر ئايدا تاپقان ئىككى تۆت تال مۇئاشىمنى يەتكۈزەلمەي ئاران تۇرغاندا ،بۇ ماڭا نىمە كۈن ئەمدى.

winira 2011-03-04 00:56
جىددى ئىشىم چىقىپ قالغاچقا ئازراقلا يوللاپ سالدىم.تولىمۇ خىجلىمەن.

dilkax71 2011-03-04 11:44
ئەسىرىڭىزنىڭ مۇۋاپىقىيەتلىك ئاخىرلىشىىشىنى ئۈمىد قىلىمەن. رەھمەت، سالامەتلىك خوشاللىق سىزگە يار بولغاي!

halimang 2011-03-04 12:37
ئۇخلىيالمايدىغان كېسەلگە گىرىپتار بوپسىزمىنە، قاراڭ، دورا يەۋەرسىڭىز ئەستە تۇتۇش قابىلىيىتىڭىز تۆۋەنلەپ كېتىدۇ.

winira 2011-03-04 16:24
   خىزمەتكە كىلىپلا ئولتۇرغان جايىمدا نەچچە سائەت ئولتۇرۇپ كىتىپتىمەن،يىقىنقى كۈنلەردىن بىرى كۈنلىرىم مانا مۇشۇنداق بۇرۇقتۇمىلىق ئىچىدە ئۆتىۋاتىدۇ،يا زىھنىمنى يىغىپ ماتىرىيال كۆرەلمەيمەن،قولۇم ئىشقا بارمايدۇ .ئولتۇرسام قوپسام قىيىنئانامنىڭ ماڭا يازغان خەتلىرى ،يۈز تۇرانە دىگەن گەپلىرى، ئىرىمنىڭ قىلمىش ئەتمىشلىرى كاللامغا كىرىۋىلىپ مىنى دەممۇ ئارام تاپقۇزمايدۇ.
مەن ئىرىمنى قانچىلىك ياخشى كۆرگەن قانچىلىك سۆيگەن ئىدىم ھە؟
  خىياللىرىم يەنە ئۆزۈمگە بويسۇنماي يىراقلارغا پەرۋاز قاقماقتا.............

   توي قىلىپ ئۇزۇن ئۆتمەيلا بويۇمدا قالغانلىقىنى بىلىپ خالمۇرات ئىككىلىمىز بەكلا خوش بولدۇق. ئاتا-ئانىمىزنىڭ ئۆيىگە بارغاندا ئۇ بۇ خەۋەرنى ئاتا- ئانىسىغا ئىيىتتى. بىراق قىيىنئانامنىڭ:
-بەكلا تىزغۇ...ھە... بوپتۇ ،دەپ ماڭا گۇمانى نەزىرىدە بىر خىل قارىشىدىن بىئارام بولدۇم.بىر قاراشتا ئۇلارنىڭ بىرلا بالىسى بولغاچقا تۇنجى نەۋرە يۈزى كۆرىدىغىنىغا خۇ شالدەك كۆرىنەتتى.
قورساق كۈتۈرۈپ بەش ئايلىق بولغاندا بىر كۈنى قىيىنئانام مەندىن قەستەن قۇسۇر چىقىرىپ تايىنى يوق ئىشلاردا مىنى ئەيىپلىگىلى تۇردى، ئۆزى خاپا بولۇپ قالغان ئىش بىر ياندا قىلىپ تويدىن ئاۋال بىزنىڭ مۇھەببەتلەشكىنىمىزنى،توي كۈنى ۋە تويدىن كىيىن بىزنىڭ ئۆيدىكىلەرنىڭ چىرايلىق يارىشىقىمنى قىلمىغىنىنى،مىنىڭ ھىچقانداق ئىش قىلىشنى بىلمەيدىغان تەربىيە كۆرمىگەن قىز ئىكەنلىكىم توغرىسىدا ئاغزى -ئاغزىغا تەگمەي سۆزلىگىلى تۇردى . شۇ قىتىم ئۇنىڭ گىپىدىن ئوغلىنىڭ كەينىگە مەن كىرىۋىلىپ ئۇنىمىسا ئۇنىماي زورلاپ توي قىلغان قاتارغا چىقتىم،بۇگەپلەرنى ئاڭلاپ بىر ئىغىز مۇ گەپ قىلالماي ياتاق ئۆيدە بىركىچە يىغلاپ چىقتىم.ئىرىم :
-ئانامنىڭ مىجەزى شۇنداق ئىتتىك، ئاچچىقى كەلسە ئۆزىنىڭ نىمە دىگەنلىكىنى بىلمەيدۇ،سەن ھەرگىزمۇ كۆڭلۈڭگە ئالمىغىن. دەپ تەسەللى بەرگەن بولسىمۇ  يەنىلا ئۆپكەم ئۆرۈلۈپ ئىسەدەپ يىغامنى توختىتالمىغان ئىدىم .
بىز نىڭ خىزمىتىمىز ناھىيدە بولغاچقا ھىيىت-بايرام،دەم ئىلىش كۈنرىدىلا ئايدا بىر-ئىككى قىتىم كىلەتتۇق،تۇرىدىغان ۋاقتىمىز كۆپ بولمىغاچقا مەنمۇ ئامالنىڭ بارىچە قىيىنئانامغا ياخشى كۆرىنىشكە تىرىشاتتىم ،ئۇنىڭ ئۈستىگە ئۆزۈم ياخشى كۆرۈپ تەگكەن تۇرسام نىمىلا قىلسام ئەرزىيدۇ دەپ ئويلايتىم.بىراق ئىشلار بولۇپمۇ توي قىلغاندىن كىيىنكى ئەر-خوتۇنلۇق مۇناسىۋەت،چوڭلار بىلەن بولغان مۇناسىۋەت ئۇنچە ئاددى ئەمەسكەن.
بالام تۇغۇلغاندىن كىيىن ھەر قايسى قائىدە رەسمىيەتلەر قىيىنئانامنىڭ دىگىنى بويىچە بولدى .ھەتتا بالامنىڭ ئىسمىنى قويۇشقىمۇ كۈچۈم يەتمىدى. ئانامنىڭ كۆپ قىتىم نەسىھەت قىلىشى بىلەن بۇنداق ئاددى ئىشلارغا ئىسلىۋالماسلىق قارارىغا كەلدىم.ئەر خوتۇن ئىككىمىز ياخشى بولساقلا بولىدىغۇ دەپ ئويلايتىم. چۈنكى مەن ئۇچاغلاردا ئىرىمنى چىن قەلبىمدىن ياخشى كۆرەتتىم.
  يەنە بىر ئازاپلىق ئىش شۇ بولدىكى بالام تۇغۇلۇپ بەش ئاي بولا بولمايلا قىيىنئانامنىڭ گىپىنى يىرالماي بالىنى ئىمىتىشتىن توختۇتۇپ قىيىنئانامنىڭ يىنىدا قويۇپ كىتىشكە مەجبۇر بولدۇم. ئۇنىڭ دىيىشىچە بىر كۈن ئەممىگەن بالىمۇ چوڭ بولارمىش.مەن بالىنى تۈزۈك ياخشى باقالمايدىكەنمەن.بىر تۇرۇپ قىيىنئانامنىڭ ماڭا ياردەم قىلىپ بالىنى بىقىپ بىرىدىغىنىدىن خۇشال بولسام بىر تۇرۇپ ئوغۇل بالا تۇرۇپ ئانا سۈتىگە تولۇق قانمىغان بالامغا قاراپ ئىچىم سىرىلاتتى. شۇ سەۋەپتىنمىكىن بالام ئوروق، ۋىجىكرەك چوڭ بولدى.
شۇندىن تارتىپ ئەر- خوتۇن ئككىمىز يەنە بۇرۇنقىدەك شىرىن ئايلارنى ئۆتكۈزىۋەردۇق.ئاتاقتا بالىمىز بولغان بىلەن يىنىمىزدا بولمىغاچقا ھەر ئىككىمىز ئەركىن ئازادىلىشىپ قالغان ئىدۇق. .بولۇپمۇ ئىرىم بەك ئەركىنلىشىپ كەتتى.ئۆي بىلەن تۈزۈك كارى يوق تاپقان پۇلىنى خالىغانچە خەجلەپ بۇزۇپ چاچىدۇ.كۆپ قىتىم دىسەممۇ گەپ قۇلىقىغا كىرمەيدۇ.بەزىدە تىخى ئۆيگە كىرمەي ماجاڭ ئويناشنى ئۈگۈنىۋاپتۇ.

ay-turuk 2011-03-04 17:29
شۇنداق ياخشى داۋاملشۋاتدۇ ئاخىرنىڭ مۇۋاپىقىيەتلك چىقىشغا تىلەكداشمەن!!!

nuerbiya 2011-03-04 18:12
ئاخىرنىڭ مۇۋاپىقىيەتلك چىقىشغا تىلەكداشمەن

abida 2011-03-04 19:01
تېخىمۇ ياخشى يېزىشىڭىزنى، ھەم تىز بولۇشىنى ئۈمىد قىلىمەن. (يوللاش سۈرئىتىنى دېمەكچى)

faiza 2011-03-04 20:18
تىزراق يوللاۋىتىڭ..............

wolverine 2011-03-05 01:24
ئاخىرنىڭ مۇۋاپىقىيەتلك چىقىشغا تىلەكداشمەن

turkinaz 2011-03-06 13:05
ئىنكاس ئارقىلىق ساقلىۋالاي،

kiroran1019 2011-03-06 14:13
مەنمۇ خەتكۈچ ئارقىلىق ساقلىۋالاي  ...  

tikan 2011-03-06 14:55
   ئاخىرىنى ۋاقتى-ۋاقتىدا يېزىڭلارچۇ يولداشلار، سىزنىڭ سۈرئىتىڭىز بەك ئاستىكەن تېما ئىگىسى. بۇنداق بولغاندا دوستلار تولا ساقلاپ ئىڭىكى چۈشۈپ قالىدۇ جۇمۇ.

kayyum123 2011-03-06 15:43
بەك ياخشى يىزىپسىز  ئاللا قولىڭىزغا دەرىت بەرمىسۇن.

zilkalb 2011-03-06 17:34
نىمانداق ھەممىسى دىيىشۋالغاندەك ئاخىرى يوق ئەسەر يازىدىغاندۇ؟يا بىراق يېزىپ بىراق سۇنمايدىكەنسىلەر ئادەمنى  جىلە قىلىپ!

kamalbag 2011-03-06 17:49
ئاجراشماڭلار ئاتا -ئانىلار،يىتىم بولمىسۇن سەبئى بالىلار،،،،،

winira 2011-03-06 19:41
نەقىل
بۇ 20قەۋەتتىكىtikan يوللىغان 2011-03-06 14:55 غا قارتىلغان  :
   ئاخىرىنى ۋاقتى-ۋاقتىدا يېزىڭلارچۇ يولداشلار، سىزنىڭ سۈرئىتىڭىز بەك ئاستىكەن تېما ئىگىسى. بۇنداق بولغاندا دوستلار تولا ساقلاپ ئىڭىكى چۈشۈپ قالىدۇ جۇمۇ.

ئالدى بىلەن ئالاھىدە ۋاقىت چىقىرىپ تىمامنى كۆرگىنىڭىزگە رەھمەت ،كەچۈرۇڭلار.ماۋسۇم بىشى بولغاچقا خىزمەت ناھايىتى ئالدىراش،شۇڭا ۋاقتىدا يازالماي قالدىم،كۆپ ۋاقىت ئاجىرتىپ تىزراق تۈگۈتۈشكە تىرىشىمەن.

ezizan 2011-03-06 20:19
سەۋر قىلىڭلار كۆپچىلىك،تىما ئىگىسىمۇ ئالدىراشكەن، تىما ئىگىسىمۇ ھەر قېتىم يوللىغاندا يەنە ئازراق غەيرەت قىلىپ نەچچە ئابزاس قۇشۇۋەتكەن بولسىڭىز تېخىمۇ ياخشى بولاتتى.

winira 2011-03-06 21:16
بىر كۈن مانا مۇشۇنداق ئۆتكەن كۈنلەرنى ئەسلەپ ۋاقىت ئۆتكۈزدۈم.قۇرۇق خىياللار بىلەن بىردەمدىلا ئىشتىن چۈشىدىغان ۋاقىت بوپ قاپتۇ.يالغاندىن كۆرۈش ئۈچۈن يىيىپ قويغان ماتىرياللىرىمنى يىغىشتۇرۇپ بالامنى ئەكىلىۋىلىش ئۈچۈن يەسلىگە قاراپ  يولغا چىقتىم...
  ئۆيگە كەلسەك ئۇ يەنىلا قايىتماپتۇ.بالام ھەممە ئۆيلەرنى بىرەر قۇر ئاختۇرۇپ چىققاندىن كىيىن چىرايىنى پۈرۈشتۈرۈپ:
-دادام يانا يوككۇ؟ئاپا دادام نەگە كەتتى؟ دىدى.
-مەن نەدىن بىلەي داداڭنى،دىدىم قوپاللىق بىلەن.
بالام ماڭا قاراپ بىر خىل بويون قىسىپ كۆزۈمنىڭ ئىچىگە قاراپلا قالدى.
  بەزى چاغلاردا ئۆزۈممۇ بىلمىگەن ئاساستا بالىغا ئاچچىقلاپ ئۇنىڭدىن دەردىمنى ئالاتتىم.بۇنداق قىلىشنىڭ خاتالىقىنى بىلىپ تۇرساممۇ پەقەتلا ئۆزۈمنى كونتىرول قىلالمايتىم.ئارقىدىن سەل ئوڭشۇلۇپ ئۇنى بەزلەيتىم.كىچىك بالا دىگەن ئاتا-ئانىسىغا بەكلا كۈيۈك بولىدىكەن سەۋەپسىزلا ئۇنىڭغا ئاچچىقلاپ بىردەمدىن كىيىن تاتلىق قوزام دەپ قويسىڭىز يەنىلا سىزگە چاپلىشىپلا تۇرىدىكەن.  بالامنى گەرچە تۆت ياشتىن ئاشقۇچە قىيىئانام باققان بولسىمۇ ئۇيەنىلا ماڭا باشقىچە ئامراقلىق قىلىدۇ .ئانا دىگەن يەنىلا ئانا ،دە!
بالامنىڭ ئالدىمغا كۆتۈرۈپ كەلگەن بىرقانچە ۋاراق قەغىزى خىيالىمنى بۆلدى.
-ئاپا مانىڭغا خەت يازسام بولامدۇ؟خانىم تاپشۇرۇق بەگەنتى،مۇشنىڭغا ئىشلىسەم بولامدۇ؟
-ۋاي بۇنى نەدىن تاپتىڭ ؟ مەن ساڭا يىڭى دەپتەر بىرەي،شۇنىڭغا يازغىن جىما تاتلىق بالام. دەپلا قولىدىن ئۇ ۋاراقچىلارنى ئىلىۋالدىم،دە قولىغا دەپتەر تۇتقۇزۇپ ،چىرايلىق خەت يازغىن بالام، دەپ قويۇپ،يەنە بىر ئۆيگە كىرىپ بالام نەلەردىندۇ تىپىپ چىققان قەغەزلەرنى ۋاراقلاشقا باشلىدىم.
بۇ مىنىڭ قىيىنئانامنىڭ ئۆتكەن يىلى بىزنىڭ ئۆيگە كەلگەندە يىزىپ ماڭا قالدۇرۇپ قويغان خىتى ئىدى،خەت مۇنداق يىزىلغان ئىدى.......

   -  رەشىدە ،ياخشىمۇ سەن؟(مەن ئۈچۈن ئەمدى سىلى دىيىشكە ئەرزىمەيدىغان ئىنسان) ئەسلى بۇ خەتنى يازماي كىتەي دىگەن ئىدىم ،سەن يىزىشقا مەجبۇر قىلدىڭ..بالام ئىككىڭلار يىڭى خىزمەتكە ئورۇنلىشىپ بىر مەكتەپتە ئىشلەيدىغان چىغىڭدا سىنىڭ بالامنىڭ پاك،غۇبارسىز چاغلىرىڭلار ئىدى.ئۇچاغلاردا قىياپىتىڭدىن ئازراق بولسىمۇ ياۋاشلىق،سەمىمىيلىك جىلۋە قىلاتتى.قاچانلاردا سىنىڭ سەۋەبىڭدىن ناھىيە ئىچىدە ئىشلەيمىز  ،دەپ ئىككىڭلار ئايرىم-ئايرىم ئىككى مەكتەپكە يۆتكۈلۈپ كىردىڭلار. بۇ قىياپىتىڭدىن ئەسەرمۇ قالماپتۇ،ئەسلى قىياپىتىڭنى بىشەملىك ،يۈزسىزلىك ،چوڭلارغا ھۆرمەتسىزلىك قاپلاپتۇ.سەن بارغانسىرى شەخسىيەتچى بوپ كىتىپسەن،دەسلىپىدىلا سىنى كۆرۈپ ياقتۇرمىغان،ئوغلۇم بىلەن توي قىلىشىڭغا قوشۇلمىغان ئىدىم،بۇنداق بولىشىدىكى سەۋەپ، سەن ئانچە قائىدە يوسون يوق شەھەر سىرتىدا چوڭ بولغان،سىلەر بەش قىز ئىكەنسىلەر،بىرمۇ ئوغۇل چوڭ قىلمىغان ئاناڭ قانداقمۇ قائىدە بىلسۇن،تويدىن ئاۋال سۈرۈشتۈرسەم ئاناڭ قوپال، قائىدە دىگەننى ئانچە بىلىپ كەتمەيدىغان ئايال ئىكەن.شۇ سەۋەپتىن مەن تويۇڭلارغا قەتئى قارشى ئىدىم .بىراق ئوغلۇم ساڭا كۆيۈپلا قاپتۇ، بوپتۇ قائىدە بىلمىسە ئۈگىتىۋالارمەن دەپ ئاخىرى تويۇڭلارنى قىلدىم.تويۇڭدا ئاناڭ ئانچە ئىززىتىڭنى قىلمىدى،تويدىن كىيىنمۇ تۈرلۈك ئىشلاردا مىنىڭ كۈتكەن يىرىمدىن چىقالمىدى بۇنىڭغىمۇ بوپتۇ دىدىم، بالاڭ تۇغۇلغاندىن كىيىن ئۆزۈم بىرقوللۇق بىقىپ چوڭ قىلدىم، شۇنچە قىلساممۇ سەن يەنە ئۆيۈڭگە كەلسەم يىراقتىن كەلدى دىمەكتە يوق مەن بىلەن ئۇرۇشتۇڭ،ئىسىڭدە بولسۇن مەن ئوغلۇمنى ساڭا ياخشى تەربىيلەر ئاستىدا چوڭ قىلىپ تاپشۇرغان ،ئۇنىڭ قىمار ئويناشنى ئۈگۈنۈپ قىلىشىغا ، بۇنچىۋالا قەرىزگە بوغۇلۇپ كىتىشىگە پۈتۈنلەي سەن سەۋەپچى،، ئەگەر سەن ئائىلە تەربىيسى كۆرگەن، ئىمان- ئىتقاتلىق ئايال بولغان بولساڭ ئۇ بۇنچىۋالا بولۇپ كەتمەيتى.گەرچە مىنىڭ  قەرىزنى قايتۇرۇپ بىرىش مەجبۇرىيتىم بولمىسىمۇ يەنىلا بۇ قىتىم ئوتتۇز مىڭ يۈەندىن ئارتۇق قەرىزىنى قايتۇردۇم.ئۆي ئالىدىغان چىغىڭلاردا يىگىرمە مىڭ يۈەن پۇل بەردىم.بالاڭنى بىقىپ بەردىم بۇمۇ يەتمىدىمۇ؟ سەن تىخى ئاجىرىشىش -ئاجراشماسلىقنى سىلى بەلگىلىيەلمەيلا ،دەيسەن شۇنداق مەن بەلگىلىمەيمەن،بىراق ئۆيۈڭلارنى بۇزۇپ بالىنى يىتىم قىلغۇم يوق.خەنزۇلاردا  ئون بۇتخانىنى بۇزساڭ بۇز،بىر ئۆينى بۇزما دىگەن گەپ بار .بىز ئۇيغۇرلار  بالىنى يىتىم قىلىپ ئوتنىڭ تىشىدا كۆيگىچە ئىچىدە كۆي . دەيمىز.بىراق بۇندىن كىيىن يەنە  يوغانچىلىق قىلىپ ئۆينى ئۆي قىلماي ،چىرايلىق ئەرنى مايىل قىلىشنى بىلمەي يۈرسەڭ بارلىق ئاقىۋىتىڭگە ئۆزۈڭ مەسئۇل بولىسەن،ئۇچاغدا مەن ساڭا ھۇجۇم قىلىمەن.يەنە ئاناڭنىڭ ،ئاچىلىرىڭنىڭ گپىنى ئاز ئاڭلا.سەندە يەنە قانداق ئىللەتلەر بار بۇنى بىلەمسەن ؟ مەن دەپ بىرەي سەن ئاڭلا. سەندە مەكتەپ تەربىيسى بولغان بىلەن ئائىلە تەربىيسى دىگەندىن ئەسەرمۇ يوق. سەندە ھەيران قالارلىق دەرىجىدە قوپال (ئاناڭغا ئوخشاش)،شەخسىيەتچى،جاھىل مىجەز بار، چوڭلارنى ھۆرمەتلەشنى ئەسلا بىلمەيسەن چۈنكى ئاناڭ ساڭا بۇلارنى ئۈگەتمىگەن ئۇندىن باشقا سەن ئۇچىغا چىققان يۈزسىز،...ھەي ئىنسان دۇنيادىكى ئەڭ قورقۇنۇچلۇق نەرسە نىمە بىلەمسەن؟ ئۇ بولسىمۇ يۈزسىزلىك،ھايۋان يۈزسىز بولسا سىتىۋەتكىلى بولىدۇ ،ئادەم يۈزسىز بولسا ھىچقانداق قىلغىلى بولمايدۇ!
بەك كۆپ سۆزلەپ كەتتىپ ساڭا يازغان بۇ خەتنى ئوغلۇمغىمۇ يىزىشىم مۇمكىن بەلكى بۇنىڭدىن قاتتىق.ئاخىرىدا شۇنى ئەسكەرتىپ قوياي،بۇنداق قىلىپ تۇرمۇشنى بىر باشقا ئىلىپ چىققىلى بولمايدۇ،گەپنى چايناپ قىل ياشلىقىمدا قىلىپ قويغىنىم بولغاچقا مەن تارىتمىغاندىمەن سىنىڭ قىلغان ئەتكەنلىرىڭ ئوغلۇمنى باسقاندۇ.مەن ئوغلۇمغا گەپ ئۆتكۈزەلەيمەن،بىراق سەنمۇ ئاقىۋىتىڭنى ئويلاپ قوي.سەنمۇ بىر ئوغۇل بىقىپ چوڭ قىلىپ جەميەتكە ئۇلاشتۇرۇپ بىقىپ چوڭ سۆزلە،ئوغۇل بالىنى بىقىپ چوڭ قىلماق ئۇنچىۋالا ئاسان ئەمەس،ئوغلۇم مىنىڭ ئائىلە تەربىيەمدە تۇرغان بولسا ھەرگىزمۇ بۇنداق ئىشلار يۈز بەرمەيتى.خەيىر -خوش مەن كەتتىم ،ئەمدى كەلسەم سىنى كۆزۈم كۆرمىسۇن.ئۆيۈمگىمۇ دەسسىگۈچى بولما.سىنى ھىچيەردە كۆرۈپ قالماي!.........

winira 2011-03-06 22:00
    خەتنى تۇتقىنىمچە كۆزلىرىمدىن تارام -تارام ياشلار ئاققۇزۇپ ئولتۇرۇپلا قالدىم .قۇلاق تۈۋىمدە قىيىنئانامنىڭ :<ئاناڭ  ئۇنى قىلدى ،ئاناڭ بۇنى قىلدى.سىنىڭ ئاناڭنىڭ ئانا بولۇش سالاھىتى يوق> دىگەن گەپلىرى......توۋا قىلدىم ئانام بۇخوتۇنغازادى نىمە قىلغان بولغىيتى؟ توي قىلغاندىن بىرى قولىدىن كىلىشىچە قىلدى .بۇخوتۇن ئۆمرىدە بىر ئوغۇل ئۆيلىگەن بولسا ئانام مەن بىلەن جەمئى تۆت قىز چىقاردى،شەھرىمىزنىڭ ئۇششاق قائىدىلىرى بەك كۆپ بولغاچقا بىچارە دادام- ئاناملار قىزلىرىنىڭ ئىززىتىنى قىلىش ئۈچۈن قۇدىلارنىڭ ئالدىغا چىرايلىق چىقتى.قىز چوڭ قىلماق ئاسان ،ئوغۇل چوڭ قىلماق تەسمىكەن،بىزنىڭ بۇيەردىكىلەرنىڭ قارىشىدا ئوغلى بار ئادەم بەك چوڭ. خۇدى قىز تۇغۇلىشى بىلەنلا تالاغا تاشلاپ قويسا ئۆزلىكىدىن چوڭ بوپقالىدىغاندەك.
توي قىلىپ شۇ ئۆيگە كىرگەندىن بۇيان قىيىنئانامنىڭ ئاغزىدىن ئانامنىڭ يامان گىپىنى ئاڭلاپلا كەلدىم .يۈزۈمدىن يۈزۈمگە ئانىلىرى تاماق ئىتىشنى بىلمەيدۇ. ئانىلىرى تويدا ئانداق قىلغان، تويدىن كىيىن مانداق قىلغانەي  دەپ سۆزلەپلا كىتىدۇ.بىقىپ چوڭ قىلغان ئانىسىنى ئۇنى بۇنى دىسە ھەرقانداق نورمال ئادەمنىڭ ئاچچىقى كىلىدۇ.توي قىلىپ بىر ئىككى يىل نىمىلا دىسە سۈكۈتتە تۇرۇپ دەردىمنى ئىچىمدىلا بىلىپ كەلدىم .ھەتتا:
ئوغلۇمنى يامان يولغا باشلاپ ئازدۇرۇپ تىگىۋىلىپ يۈزۈڭنى ئىچىۋىلىپ يوغان سۆزلەۋاتامسەن؟ دەپ غورۇرۇمغا تەگكەن ۋاقىتتىمۇ يىغىدىن دەردىمنى چىقىرىپ ئۆ تۈپ كەلگەن ئىدىم. نىمىمۇ دىيەلەيتىم، ئۆزۈم مۇھەببەتلىشىپ ئۆزۈم خالاپ تەگكەن تۇرسام . يۈرۈپ توي قىلغان بۇنچە گۇناھلىقىنى بىلگەن بولسام  يۈرمەيلا قوياركەنمەن .ھەر قىتىم قىيىنئانامدىن يەتكۈچە ئازار يەپ ئانامنىڭ ئۆيىگە كەلسەم ئۆيدىكىلەرگە ھەرگىزمۇ خاپىلىقلرىمنى دىمىدىم.بىراق ئاشۇ قىتىم قىيىنئانام ئىككىمىز قاتتىق ئۇرۇشۇپ قالدۇق دەسلىپىدىلا ئۇ يەنە مىنىڭ ئوغلىنى ئازدۇرغانلىقىمنى سۆزلەپ كىلىۋىتىپ يەنە ئانامغا ئۆتتى ئاۋالقى گەپلىرىگە لىۋىمنى چىشلەپ تۇرغان بولسام :
- سەندەكمۇ تەربىيسىز قىزنى بىقىپ چوڭ قىلغان شۇ ئاناڭنىڭ ئانا بولۇش سالاھىتى يوق! دىگەن گەپ بىلەنلا مەنمۇ ئەسلىدىكى ياۋاش قياپىتىمنى تاشلاپ ئۇنىڭ بىلەن تەڭ تۇردۇم.
-مىنىڭ ئانامنىڭ ئانا بولۇش سالاھىتى بولمىسا سىلىنىڭ بەك بار ئوخشايدۇ ؟
- مىنىڭ بار قانداق ؟ بولغاچقا چىرايلىق بىر ئوغۇلنى بىقىپ چوڭ قىلىپ ساڭا قوش قوللاپ تۇتقۇزۇپ قويغان .
-مىنىڭ ئاناممۇ بەش قىزنى گۈلدەك بىقىپ چوڭ قىلغان .ئانامنى ئۇنداق دەيدىغانغا ھەققىلىرى يوق!
.........
ئىشقىلىپ ئىككەيلەننىڭ ئىغىزىدىن ياخشى گەپلەر چىقمىدى.
ئەسلى ئۇچاغدا ئىرىمنىڭ قەرىزگە بوغۇلۇپ مۇئاش كارتىسىنى بانكىدىن توڭلىتىۋەتكەنلىكىنى ئۇققان قىيىنئانام شۇ ئىشنى بىر تەرەپ قىلغىلى كەلگەن ئىدى . بىراق قىيىنئانامنىڭ يەنە مۇناسىۋەتسىز گەپلەرنى سۆرەپ چىقىشى بىزنىڭ ئارىمىزغا مۇشۇنداق ئوڭشىغىلى بولمايدىغان زىددىيەتلەرنى سالدى .
مانا شۇندىن تارتىپ بىر يىلدىن ئاشتى مەنمۇ قىيىنئانامنىڭ دىگىنى بويىچە ئۇ ئۆيگە دەسسىمەپتىمەن.

داۋامى بار  

umidlik 2011-03-07 08:29
ظەسسالامۇئەەيكۇم!
مۇشۇ تاپتا تۇرۇۋاتقان يىرىمدە يىرىم كىچە بولغان بولسىمۇ،نىكاھلانماقچى بولغان ئادىمىم بۈگۈن مەكتىپىگە يىتىپ بارماقچى بولغاچقا خەت قالدۇرۇپ تۇرۇشۇم،
تىمىنى يوللىغۇچى بۇ ئائىلىۋى مەسلىنى ئوتتۇرىغا قويۇپتۇ،بۇنداق مەسلىلەر يەنە قانچىلىغان ئائىلىلەردە باردۇ؟سىلەر ئۆزۈڭلار ياخشى كۆرۈشۈپ ،مۇھەببەتلىشىپ توي قىلىپسىلەر،نىمىشقا نەچچە يىلدىلا يولدىشڭىز بۇنداق بولۇپ قالىدۇ؟ يازمىڭىزنى ئوقۇسام قىيىن ئاپىڭىز بىلەن چىقىشالمايدىكەنسىز، ئەمىسە يولدشڭىزچۇ؟ سىزگە گۇناھ قويغىنىم ئەمەس،مەيلى ئوقۇۋاتقان چىغىڭلار بولسۇن ياكى تويدىن بۇرۇنقى چاغلار بولسۇن،ئۆزۈڭلارنى بىز مۇسۇلمان دەديغان بولساڭلار،شۇ مۇسۇلمانلىقنى قانچىلىك ئەمەلگە ئاشۇرالىدىڭلار،كۆپ قىتىم يالغۇز كۆرۈشۈش بولدىمۇ،قول،بەدەن تىگىشىىپ قىلىشى بولدىمۇ؟ نىكاھ ئوقۇلمىغان ئىكەن مەيلى قانچە يىللىق مۇھەببەت بولسۇن ئوخشاشلا نامەھرەم،بۇرۇنقى چاغلاردىمۇ مۇھەببەت بار،لىكىن ئۇلار نىكاھىغچە چىگرانى ياخشى ساقلاپ كەلگەن.ھازىر سىز بىلەن يولدىشىڭلار،ئۆي ئىچىدە قانچلىك ئىبادەت قىلىسىلەر؟ھەر ئىككىڭلارنىڭ ئۆيىدىكىلەر ئىبادەتنى تولۇق قىلامدۇ؟ قېيىن ئاپىڭىز بۇ ئىشقا ئاۋال خۇدا رازلىقىنى ئويلىغان بولسا،بىر ئائىلىنىڭ بۇزۇلىشىنى، بالىنىڭ يىتىم قىلىشىدىن ساقلىنىشى كىرەك.يىتىم بالىلارنىڭ كۆپىنچىسى دىلى سۇنۇق چوڭ بولىدىكەن،ئاندىن سىز كىيىنكى تۇرمۇشڭىزنى قانداق قىلىسىز،خىزمىتڭىز بولغان بىلەنمۇ ھامان بىر ئائىلىگە ئىھتياجىڭىز بولىدۇ، سىز نىكاھدىن ھازىرغىچە ئائىلىدە يۈز بەرگەن كۆڭۈلسىزلىكلەرنى بىر قۇر ئەسلەپ تەھلىل قىلىپ بىقىڭ. ئاندىن ئۇ كۆڭۈلسىزلىكلەرنىڭ ئوڭۇشلۇق ھەل قىلىنغانلىرىدىن ساۋاق يەكۇنلەپ ھازىرقى مەسلىنى ھەل قىلىشتا پايدىلنىڭ،كىچىلىك ناماز ئوقۇپ خۇداغا توۋا قىلىپ ،ئارزۇلىرىڭىزنى تىلەڭ،بۇ مەسلىنى ھەل قىلىش ئۈچۈن خاتا بولمىغان ھەممە ئۇسۇللاردىن پايدىلنىڭ.ئامال بار ئائىلىنى ساقلاپ قىلىڭ.

ئەزىز دوستلار مۇنبەرلىرىمىزدە ئاتالمىش توقۇلما ،ئاشۇرۇلما ئەخلەت يازمىلارنىڭ ئورنىغا مۇشۇنداق تۇرمۇشتىكى ئەمەلى ئىشلارنى ئوتتۇرىغا قويۇپ ھەل قىلساق نىمىدىگەن ياخشى.
شۇ ئەخلەت يازمىلارغا ئىنكاس قايتۇرغانلار ئىچىدە ئايال ئىسمىدەكلەرمۇ خىلى كۆپ ساندىكەن.تىخى بەزىلارنىڭ باش سۈرىتىدە ئىسلامى رەسىملەرمۇ بار.  بىر يامانلىقنى كۆرسەك ئۇنىڭغا قاراپ تۇرماسلىقىمىز كىرەك.بولمىسا ئۇ يامانلىقلار بىزنىڭ بىىشمىزغىمۇ كىلىپ قىلىشى
مۇمكىن.نىمە ئۇ  < تىزرەك يوللاڭ داۋامىنى ،تەقەززا بولدۇم .> مۇشۇ گەپ بىزنىڭ ئاغزىمىزدىن چىقامدۇ ئەسلى،شۇ ھىكايدىكى تىتىقسىز ،سېرىق گەپلەرنى ئوقۇش سىلەرگە بەك خۇشياقامدۇ؟ كۆڭلۈڭلار ئىچىلىپ قالامدىكەن؟ كۆز كۆرگەندە مايىل ،ئەمەلى مىسالىنى دىسەم،باشقا مۇسۇلمانلار ياشايدىغان رايونلاردىكى ئەخلاقى كىرزىسلار ئاۋال مۇشۇنداق باشلانغان،كۆڭۈل مايىل بولۇپ بولغاندا ئەسكى نەرسىلەر ئاشكارا ئوتتۇرىغا قويۇلغان ،قانۇنلاشتۇرۇلغان،
ھازىر بىز يەنىلەر ئەخلاقى جەھەتتە ئارقىدا ئەمەس، ۋىجدانلىق،ئەخلاقلىق قىزلىرىمىزنىڭ سانى مەنچە ۋىجدانلىق ،ئەخلاقلىق ئوغۇللىرمىزنىڭ سانىدىن ئارتۇق... شۇڭا ھازىر ياخشى قىز ئاز قالدى ئەمەس، ياخشى ئوغۇللار ئاز قالدى دىسەك توغرا بولىدۇ،مۇنبەرلەردىمۇ نەسىھەت خاراكتېرلىق تىما-ئىنكاسلار ئەزىز كەلگۈسى ئانىلىرمىزنىڭ قوللىرى بىلەن يىزىلىۋاتىدۇ.
بۇرۇن مەشرەپلەر ئىلىم-ئەخلاق تارقىتىش سورۇنىكەن، مۇنبەرلىرمىزمۇ بۇنىڭ ۋارىىسى ئەسلى،
قالغىنى ئۆزىمىزگە قالدى،سىز بىر بىرسىگە ياخشلىق قىلسىڭىز،قۇتقۇزسىڭىز كىچىك ئىش دەپ قارىماڭ،بۇ ئالەمشۇمۇل بىر ئىش ،ئۇ ئىشڭزنىڭ مۇكاپاتىنى چوقۇك تولۇق ئالالايسىز،مۇكاپات ئىلىپلا قالماي سىزنىڭ بۇ ياخشى ئىشىىڭزنىڭ ئەجرى بىلەن جەمەتىڭىزدىن بىرەر ئازغان كىشى توغرا يولغا قايتىىشى مۇمكىن.
خەير،ئامان بولۇڭىزلار

iffat 2011-03-07 14:16
يازمىڭىزنى ئوقۇپ مەنمۇ گۇناھنى قېينانىڭىزغا ئەمەس،سىزگە قويدۇم.سىزگە يازغان خىتىگە قارىغاندا قېينى ئانىڭىزمۇ  ئۇسال ئاياللاردىن ئەمەسكەن.سەۋەپسىز ئىش بولماس.چوڭلار ئالدىدا يۈرۈش-تۇرۇشىڭىزغا،گەپ-سۆزىڭىزگە دىققەت قىلىپ،پاكىز،ئىدىتلىق،يۈزى تۈۋەن،ئىشچان بولغان بولسىڭىز،بەلكىم قېينىئانىڭىز سىزگە ئۇنچە ئېغىر گەپلەرنى قىلىپ،ھەتتا بۇسۇغۇسىغا دەسسەتمىگۈدەك دەرىجىگە بارماس ئىدى.ئەقىللىق ئايال بولسىڭىز ئېرىڭىزدىكى ئۆزگىرىشلەرنى ۋاقتىدا بايقاپ،تۈزۈتۈشكە تىرىشچانلىق كۆرسىتەتتىڭىز.

winira 2011-03-07 20:02
نەقىل
بۇ 29قەۋەتتىكىiffat يوللىغان 2011-03-07 14:16 غا قارتىلغان  :
يازمىڭىزنى ئوقۇپ مەنمۇ گۇناھنى قېينانىڭىزغا ئەمەس،سىزگە قويدۇم.سىزگە يازغان خىتىگە قارىغاندا قېينى ئانىڭىزمۇ  ئۇسال ئاياللاردىن ئەمەسكەن.سەۋەپسىز ئىش بولماس.چوڭلار ئالدىدا يۈرۈش-تۇرۇشىڭىزغا،گەپ-سۆزىڭىزگە دىققەت قىلىپ،پاكىز،ئىدىتلىق،يۈزى تۈۋەن،ئىشچان بولغان بولسىڭىز،بەلكىم قېينىئانىڭىز سىزگە ئۇنچە ئېغىر گەپلەرنى قىلىپ،ھەتتا بۇسۇغۇسىغا دەسسەتمىگۈدەك دەرىجىگە بارماس ئىدى.ئەقىللىق ئايال بولسىڭىز ئېرىڭىزدىكى ئۆزگىرىشلەرنى ۋاقتىدا بايقاپ،تۈزۈتۈشكە تىرىشچانلىق كۆرسىتەتتىڭىز.

مەن تىخى بۇنىڭ داۋامىنى چۈشۈرمەي تۇرۇپ بۇنداق ئىنكاس يىزىشىڭىزنى پەقەت ئويلىماپتىمەن.سىزنىڭ ئىشنىڭ ماھىيتىنى بىلمەي تۇرۇپ گۇناھنى ئۇنىڭغا بۇنىڭغا قويىدىغانغا ھوقوقىڭىز يوققۇ دەيمەن!خەتنى ھىچكىم ئۆزىنىڭ ئەيىپلىرىنى ئىچىپ يازمايدۇ.سىزنىڭچە ئۆي ئالسىڭىز پۇل بەرسە،بالىڭىزنى بىقىپ چوڭ قىلىپ بەرسە ئاندىن نىمىلا دەپ يامان گەپلەرنى قىلسا، زەھىرىنى سانجىسا بولىدىكەندە!بۇ خۇددى ئاغزىڭىزغا بىر لوقما گۆش سىلىپ مۇش بىلەن قويغاندەكلا ئىش ! مىنىڭچە بىر ئىشلارغا ئالدىراپ ھۆكۈم چىقىرىپ باشقىلارنىڭ كەيپىياتىغا سوغۇق سۇ سەپمەيلى!!!!!!

yipek 2011-03-07 21:30
سەۋىرچان بولۇڭ ئەگەر مۇشۇ ۋەقە راست بولسىلا...، مېنىڭ پەقەت سىزگە ھېسداشلىق قىلغۇم كەلدى!غەيرەتلىك بولۇڭ، ئالدىراپ ئاجراشماڭ، ۋاقىتنى سوزۇڭ، قېينانىڭىزغا ياراش ئۈچۈن ھەتتا بارلىق ئادەم سىزگە قايىل بولغۇدەك ياشاش، ئازابلىرىڭىزنى ۋاقىتلىق ئۇنتۇش ئۈچۈن كەسپىڭىزنى تېخىمۇ ياخشى قىلىڭ، ئىلمىي ماقالا ئېلان قىلىڭ، تەرجىمە بىلەن شوغۇللىنىڭ، بىرەر ماھارەت ئۆگىنىڭ...سىزگە غەيرى قارشتىكى ئادەملەرنى قايىل قىلىشتىكى ئەڭ ياخشى ئۇسۇل مۇۋەپپەقىيەت قازىنىش، توختىماي مۇۋەپپەقىيەت قازىنىش...بۇنداق چاغدا ئادەم تەسەللىيگە بەك مۇھتاج بولىدۇ.سىزمۇ بىر ئوقۇغان قىزكەنسىز. ئۆزىڭىز توغرا دپ قارىغان يولدا باتۇرلۇق بىلەن مېڭىڭ.ئەمما ئالدىراپ ئاجراشماڭ، ئىمكان بار ئائىلىڭىزنى قوغداپ قېلىڭ.ئۆز ئۆزىڭىزنى روھلاندۇرىدىغان ئىشلار بىلەن شۇغۇللىنىڭ.مۇھەببەت ئازاۋى تەس ئازاب، بېشىغا كەلمىگەن ئادەم بىلمەيدۇ. مۇھەببىتىڭىز، ئەقىدىڭىز، ھالال ئەجرىڭىز بىلەن ئېرىڭىزنى قايتۇرۇپ كېلىڭ، قېينانىڭىزنى ئەپۇ قىلىڭ. چوڭلارنىڭ ئاتتىن چۈشۈۋېلىشىغىمۇ پۇرسەت بېرىپ كەمتەر، ئەپۇچان بولۇڭ.سىڭلىم قەددىڭىزنى رۇسلاپ، كۈلۈپ ياشاڭ. بۇ كۈنلەرمۇ ئۆتۈپ كېتىدۇ. بۇ جاھان بەك كەڭرى ئەمما ھايات بەك قىسقا، ياشلىقىڭىزنى بىھۇدە، ئورۇنسىز جىدەل بىلەن تۈگەشتۈرۈۋەتمەڭ چۈنكى سىز يەنە ئۆز ئاتا-ئانىڭىزنىڭمۇ ئارزۇلۇق بالىسى، ئاچا-سىڭلىسى... بۇنداق خاپىلىق نۇرغۇن ئائىلىلەردە ئوخشىمىغان ھاللاردا بولۇشى مۇمكىن. شۇلارمۇ مەردانىلىق، ئۈمىدۋارلىق، كەچۈرۈمچان پوزىتسىيىدە ياشاۋاتىدۇ، ئائىلىسىنى قوغداۋاتىدۇ. سىزمۇ تىرىشىپ ئائىلىڭىزنى قوغداپ قېلىڭ. خەيىر، سالامەت بولۇڭ، خوشال بولۇڭ، بەختلىك بولۇڭ.

yipek 2011-03-07 21:37
ھازىر دۆلەتنىڭ ئوقۇتقۇچىلارغا بولغان غەمخورلۇق سىياسەتلىرى ياخشى. سىز رەھبەرلىككە ئىلتىماس قىلىپ قىسقا مەزگىللىك بىلىم ئاشۇرۇشقا بېرىپ مۇھىت ئالماشتۇرۇپ كەلسىڭىزمۇ بولىدۇ.ئەمما بۇ جەرياندا بىخەتەرلىككە، ئەخلاققا قاتتىق دىققەت قىلىڭ.

yipek 2011-03-07 21:44
ئاندىن سىزگىمۇ تەكىتلەيدىغىنىم ئۆزىڭىزنىڭ قىلغان ەگپ-سۆز، ئىش-ھەرىكەتلىرىنىمۇ بىر  قۇرتەكشۈرۈپ كۆرۈڭ.ئۆزىڭىزنى ئېرىڭىزنىڭ، قېينانىڭىزنىڭ ئورنىغا قويۇپمۇ ئائىلىدىكى زىددىيەتلەرنى ئويلۇنۇپ بېقىڭ. ئۆزىڭىزدىن كەتكەن يەر بولسا تەن ئېلىڭ.سىز پەرىشتە ئەمەس، بىر نورمال ئادەم.سىز كەچۈرۈم سورىسىڭىز ئۆز ئېرىڭىزدىن، بالىڭىزنىڭ دادىسىدىن سورايسىز، ئاپىڭىزغا ئوخشاش ئايالدىن سورايسىز.بۇنىڭ نومۇس قىلغۇچىلىكى يوق. تەربىيە كۆرگەن ئادەملا ھەم سۆيەلەيدۇ، ھەم كەچۈرەلەيدۇ ھەم كەچۈرتەلەيدۇ.سىز چوقۇم بۇ مەسىلىنى ياخشى بىر تەرەپ قىلالايسىز. ھارقى مەسىلە ئاساسلىقى ۋاقىت ۋە چۈشىنىش مەسىلىسى.

boxuk 2011-03-08 01:00
نەقىل
بۇ 33قەۋەتتىكىyipek يوللىغان 2011-03-07 21:44 غا قارتىلغان :
ئاندىن سىزگىمۇ تەكىتلەيدىغىنىم ئۆزىڭىزنىڭ قىلغان ەگپ-سۆز، ئىش-ھەرىكەتلىرىنىمۇ بىر  قۇرتەكشۈرۈپ كۆرۈڭ.ئۆزىڭىزنى ئېرىڭىزنىڭ، قېينانىڭىزنىڭ ئورنىغا قويۇپمۇ ئائىلىدىكى زىددىيەتلەرنى ئويلۇنۇپ بېقىڭ. ئۆزىڭىزدىن كەتكەن يەر بولسا تەن ئېلىڭ.سىز پەرىشتە ئەمەس، بىر نورمال ئادەم.سىز كەچۈرۈم سورىسىڭىز ئۆز ئېرىڭىزدىن، بالىڭىزنىڭ دادىسىدىن سورايسىز، ئاپىڭىزغا ئوخشاش ئايالدىن سورايسىز.بۇنىڭ نومۇس قىلغۇچىلىكى يوق. تەربىيە كۆرگەن ئادەملا ھەم سۆيەلەيدۇ، ھەم كەچۈرەلەيدۇ ھەم كەچۈرتەلەيدۇ.سىز چوقۇم بۇ مەسىلىنى ياخشى بىر تەرەپ قىلالايسىز. ھارقى مەسىلە ئاساسلىقى ۋاقىت ۋە چۈشىنىش مەسىلىسى.


orunluk.........

mary 2011-03-08 11:07
داۋامىغا تەشىنا مەن، داۋامىلىق تىرىشىڭ!

halimang 2011-03-08 17:53
توۋا، ئۇ ئايالغا بارلىق گۇناھنى ئارتىپ قويدىڭىزلارغۇ، سىلەر دەپ بېقىڭلار، سىلەرنى تۇغۇپ چوڭ قىلغان ئاناڭلارنى بىر نەرسە دىسە چىداپ تۇرالامسىلەر، ئۇ ئايالنىڭ قىزلىرى يوقمىكەن، بەزى گەپلەرنى بەك چەكتىن ئاشۇرۋېتىپتۇ.

gulxat 2011-03-08 18:19
تورداشلىرىمىزدىن ئۈمۈدلىك بىلەن يىپەك نىڭ سوزلىرى ھەممىمىزگە بىر تەربىيە ۋە ئويلىنىش ، تېما ئىگىسى سىڭلىم ، ھەممىدىن مۇھىمى ئۆزىڭىزنى ئاسراڭ ، ئادەم باشقىلارنى سۈيۈش ئۈچۈن ھەممىدىن بەكرەك ئۆزىنى سۆيۈشى كېرەك ، ئۆزىنى سۆيۈشنى بىلىشمۇ بىر بىلىم ، تىنىڭىزنى ئاسراڭ ،ئوزۇقلىنىش ۋە ئارام ئېلىشقا ئەھمىيەت بېرىڭ،  ئۆزىڭىزنى روھى جەھەتتىن تۇلۇقلاڭ ، خىزمىتىڭىزنى ياخىشى ئىشلەڭ ، بالىڭىزغا كۈلۈپ قاراڭ ، بالىلار ئانا كۈلكىسىدىن ئوزۇق تاپىدۇ،چوڭلارنىڭ شەخسىيەتچىلىكىدىن بالىلار زىيان تارتىپ قالىدۇ،بالا شەخسىيىتىمىزنى قۇربان قىلىشقا ئەرزىيدۇ . ئۆزىڭىزگە ئىشىنىڭ ، ئاللاھنى كۆپ ياد ئىتىڭ ، ئاللادىن ، ئاندىن قالسا ئۆزىڭىزنىڭ غەيرىتىدىن مەدەت تىلەڭ، ئاجراشماڭ ، ئۆي ئىچىدە ئىللىق ، ئازادە كەيپىيات يارىتىشقا تىرىشىڭ، تاپا- تەنە سۆزدىن ساقلىنىڭ ، باشقىلارنى كەچۈرۈڭ ...ھەممە ئىشنى بىر- بىرلەپ ياخشى قىلىشقا تىرىشسىڭىز چوقۇم ياخشى قىلىپ كىتەلەيسىز ، سىزگە بەخىت تىلەيمەن.

qinar 2011-03-08 21:12
مەن سىزگە نىمە دىيىشىمنى بىلمەيۋاتىمەن.لىكىن سىزنىڭ ئانىلىق ھۇقۇقىڭىزنى تارتىۋالغانلىغى ئىككى سەۋەپتىن بولغان .بىرى قېينى ئانىڭىز نىڭ يۇلدىشىڭىزنى بەك ياخشى كۇرىدىغانلىغى،يەنە بىرى سىزنىڭ بالا تەربىيەلىشىڭىزگە ئىشەنمىگەنلىكى.
سىزنىڭ بۇ جەرياندىكى ئازاۋىڭىزنى چۇشۇنىمەن ھەم ھىسىداشلىق قىلىمەن.مىنىڭچە يۇلدىشىڭىزنىڭ بۇزۇلىشىدا ئۈچىڭلارنىڭ ھەممىسىنىڭ مەسئۇلىيىتى بار .بالاڭلارنى ئۈزۇڭلار باققان بۇلساڭلار بۇ جەرياندا يۇلدىشىڭىز ئائىلە ئىللىقلىقىنى ،مەسئۇلىيىتىنى چۇشۇنىشى،ئۇيۇنغا ۋاقىتمۇ چىقىرالماس بولىشى مۇمكىن ئىدى.
بۇ جەھەتتە قېينى ئانىڭىز خاتا قىلغان .بەزىلەر بالىسىنى بېقىپ بەرسە خۇشال بولمامدۇ دىيىشى مۇمكىن.بۇ ھەرگىز خۇشال بۇلغىدەك ئىش ئەمەس .مىنىڭ قېينى ئاپاممۇ كىچىك بالامنى مەجبۇرى ئۇزى باققان،شۇ ۋاقىتتا يۇلدۇشۇمنى ۋە ئائىلەمنى ئۇيلاپ قۇشۇلغان .بىراق كىيىن ھىس قىلدىمكى بۇنداق قىلسام بالامنىڭ سەبى قەلبىدە ئانىلىقىمغا نەپرەت ،ئىشەنمەسلىك ،مۇھتاجلىقتەك ئاجايىپ ھىسيات پەيدا بۇلىدىكەن .چوڭ ئۇيدىن قىزىمنى ئېلىپ قايتىدىغان ۋاقتىمدا ئوغلۇمنىڭ كۇزلىرىگە قاراشقا پېتىنالمايتتىم.گەرچە ئاپام بالىنى مەن باققاندىنمۇ ياخشىراق  باققان بۇلسىمۇ ،يۇرۇگۇم ئچىشىپ كىتەتتى(مەجبۇرى بولغاچقىمىكىن).
ئاخىرى بالام تۇت ياشقا كىرگەندە يۇلدۇشۇم بىلەن بۇ مەسىلە ئۇستىدھ پىكىر بىرلىكىگە كىلەلمەي .ئۇ يا ئانىلىرىغا دىيەلمەي  بەك قىينالدۇق.
بىر قېتىم بالامنىڭ (مەن سزنىڭ گپىڭىزگە ئىشەنمەيمەن  مىنى بىللە ئېلىپ چىقىپ كەتمىدىڭىز؟)
دىگەن بىر گىپى مىنى قەتئى قارارغا كەلتۇردى .شۇنىڭ بىلەن ئاجرىشىپ كەتسەم كىتىمەنكى بالامنى قانداق بەدەل تۇلىشىمدىن قەتئىنەزەر ئۇزۇم باقىمەن دەپ بىشەملەرچە قايتۇرۇپ چىقتىم..
بىر مەزگىل كۇڭۇلسىزلىك بۇلغان بۇلسىمۇ ئاپام پەزىلەتلىك بولغاچقا ھازىر ھەممە ئىشلار ياخشىلىنىپ كەتتى.
تۇرداشلارنىڭ قىينالسىمۇ باللىرىنى ئۇزلىرى بېقىشىنى تەشەببۇس قىلىمەن .مۇۋاپىق دەرجىدە قارىشىپ بەرسە بۇ ئايرىم ئەھۋال.
ئەمدى بۇتۇردىشىمغا ئاجرىشىڭ ياكى سەۋىر قىلىڭ دىمەيمەن .ياخشى ئويلۇنۇپ ئۇزىڭىز ھەم بالىڭىز ئۈچۈن قايسى يۇل ياخشى بۇلسا شۇنداق قىلىڭ.ئىلاھىم بۇ بىر ھىكايە  بۇلۇپ قالسۇن .
ئەگەر راس ۋەقە بۇلسا يۇلدىشىڭىزدىن ئۈمۈت قالمىغانلىغىغا ئىشەنسىڭىز  بۇ مەسئۇلىيەتسىز ئەر ئۈچۈن ئازاپلىنىپ يۇرۇۋەرمەسلىگىڭىزنى ئۈمۇت قىلىمەن.

iffat 2011-03-10 09:55
مەن بۇ مەسلىدىكى قارىشىمنى بايان قىلدىم خالاس.قۇشۇلمىسىڭىز پىكرىڭىزدە قالسىڭىز بۇلىدۇ.قېينى ئاپام زەھەردەك گەپ-سۆزلەرنى قىلىپ مىنىڭ كۈڭلۈمنى ئاغرىتقان يەرلىرىمۇ بولغان.لىكىن مەن ئەزەلدىن ئۇنىڭ بىلەن جاۋاپلىشىپ،زۇكۇنلىشىپ باقمىدىم.چۇنكى ئۇ مەن سۆيگەن كىشىنىڭ ئانىسى،مىنىڭمۇ ئانام ئىدى.مىنىڭ قېينى ئاپامنى ھۆرمەتلىشىم ئەقەللى ساۋات ئىدى.ئۈيۈمگە كەلسە ھۈرمىتىنى ئاشۇرۇپ قىلاتتىم.تەنبىھلىرىنى قۇلاق سىلىپ ئاڭلايىتىم.كەتسە يولدىشىمغا يىغلىۋىلىپ ئىچىمنى بۇشىتاتتىم.يولدىشىمنى ئائىلىسىدىكىلەرنىڭ ئالدىدا يەرگە قارىتىدىغان،تىلىنى قىسقا قىلىدىغان ھەر قانداق قىلىق،گەپ سۆز قىلىشتىن ھەزەر ئەيلەيىتتىم.مانا مۇشۇنداق ئۆزلۈكسىز تىرىشچانلىق كۆرسىتىش نەتىجىسىدە ناھايتى بەخىتلىك بىر ئائىلىگە ئىگە بولدۇم.قارىسام بارلىق بەخىتسىزلىكىڭىزنىڭ مەنبەسىنى قېينى ئانىڭىزغا قارىتىۋالغاندەك تۇرىسىز .شۇڭا پىكرىمنى سۆزلەپ قويدۇم.ئانداق-مانداق دىيىش ھوقوقىڭىز يوق دىيىش كەتمەيدۇ.چوڭلارنى ھۆرمەتلىمىسىڭىز ئۆزىڭىزنىڭ ئىشى.لىكىن ھۆرمەت قىلساڭ ھۆرمەت تاپارسەن دىگەن ھېكمەتلىك سۆزنى ئىسىڭىزدىن چىقارماڭ.

lale 2011-03-10 10:22
ياخشى يېزىۋىتىپتىكەنسىز، مەن ھەممىنى ئوقۇپ بولۇپ ئاندىن ئىنكاس يازاي.

nazira81 2011-03-10 12:17
مەن يەنىلا      سىزنىڭ    ھايات نۇپۇس يازغان:"قىزلىق دوقمۇشىدىن ئانىلىق سەپىرىگىچە"  دىگەن كىتاپنى ئۇقۇپ بېقىشىڭىزنى تەۋسىيەقىلىمەن.....مىنىڭمۇ نۇرغۇن ئىسسىق سۇغۇقلارغا بەرداشلىق بىرىپ،ئائىلەمنى ساقلاپ قېلىشىمغا شۇ كىتاپ  سەۋەپ بولغان دەپ قارايمەن..........سىز  ئاجرىشىشنىلا ئويلىماي...بولسا   ئالدىڭىزدىكى بۇ رىياللىقنى قۇبۇل قىلىپ  ئائىلىڭىزنى ساقلاپ قېىلىشنىڭ ئامالىنى قىلىڭ................................   مىنىڭ چىن سەمىمى تەۋسىيەرىم   بالىڭىزنى  يىتىم قىلماڭ...ئانا ۋە داداسىز قويماڭ................   بالىڭىزنىڭ قوربانى بۇلۇڭ.................  مەيلى ئەمەسمۇ...

winira 2011-03-10 20:31
    
     ئىشىكنىڭ چىكىلگەن ئاۋازى بىلەن تەڭ ياشلىرىمنى سۈرتۈپ ،خەتلەرنى يىغىشتۇرىۋىتىپ كىم ؟ دىگەچ ئىشىكنى ئىاچاي دىيىشىمگە مەندىن چاققان كەلگەن بالام :
-ئاپا دادام كەلدىمىكىن،مەن ئاچاي ،دەپلا ئىشىكنى ئاچتى ۋە دادو! دىگىنىچە دادىسىنىڭ مۈرىسىگە ئىسىلدى،دە سۇئاللارنى ياغدۇرىۋەتتى،
-دادا نەگە كەتتىڭ؟ھەجەپ ئۆيگە كەممىدىڭغۇ؟ سىنى بەك سىگىنىپ كەتتىم،ماڭا نىمە ئاغاچ كەلدىڭ؟
-مىنى راس سىغىندىڭمۇ؟ مەن مەكتەپتە قونغان بالام،شۇڭا كىلەلمىدىم. دىگىنىچە ماڭا لەپپىدە بىر قاراپ قويدى.
بۇنداق چاغلاردا مەن  نىمىشقىكىن ئۇ يوق چاغلاردا كۆڭلۈمدە نىمىلەرنى دىيىش توغرىسىدا كۆپ قىتىم ئويلىنىۋالىدىغا ن بولساممۇ ئۇ كەلگەندە بولسا بىر ئىغىزمۇ گەپ قىلالمايتىم . ئۇ چاپىنىنى سىلىۋاتقاچ ماڭا:
-نىمە تاماق ئىتەي دىدىڭ؟ قورسىقىم ئىچىپلا كەتتى تىزراق بولغىن ھە، دەپ كومپىيوتىر ئالدىدا ئولتۇرۇپ يەنە ئويۇن ئويناشقا تەمشەلدى.
- يا گۆش ئالغاچ كىرمەپسىز؟ئۆيدە گازمۇ تۈگىگەن نىمىگە تاماق ئىتىمەن ؟مەن  غۇتۇلدىغانچە ئاشخانا ئۆيگە كىرىپ كەتتىم،كاللامدا  ئۇنىڭ بىلەن ئاجىرشىپ كىتىشتىن باشقا خىيال يوق .بايىقى قىيىنئانامنىڭ خىتىنى قايتا ئوقۇپ تىخىمۇ شۇنداق خىيالغا كەلگەنىدىم.ئۇ ئاشخانا ئۆيگە كەينىمدىن كىرىپ توڭلاتقۇنى بىرەر قۇر ئاختۇرۇپ چىققاندىن كىيىن،
-سەنمۇ بىر ئايال كىشى بولغاندىن كىيىن بازاردىن ئۇنى بۇنى ئىلىپ كىرىپ ئاش ئەتسەڭ بولمامدۇ ؟قاچاندا قارىسا ماڭىلا قاراپ ئولتۇرغىچە.
-بۇ نىمە دىگىنىڭىز؟مەندە پۇل بولسا ئالارمەن، يىنىمدا بار پۇلنى ئىككى كۈن ئاۋال بۇ قىتىم قەرزىمنى تۆلىۋەتسەم ئەمدى قەرىز تۆلىمەيمەن دەپ ئىلىۋالمىدىڭىزمۇ؟
-سەندە پۇل يوق دىسىە مەن ئىشەنمەيمەن ؟ھىچ بولمىسا سىنىپىڭدىكى ئوقۇغۇچىلاردىن يىغقان پۇلنى ئىشلىتىپ تۇرۇپ مائاش بەرگەندە قايتۇراتتۇق ئەمەسمۇ؟
-ۋاي- ۋوي ئالدىنقى قىتىم ئىشلىتىپ تۇرغان پۇلنى قايتۇردىڭىزمۇ؟داۋاملىق شۇنداق دەيسىز، بىراق بىرەر قىتىم پۇلنى خەجلەشكە ئالدىرىغاندەك قەرىز قايتۇردىغانغا ئالدىرىغىنىڭىزنى بىلمەيمەن.
-بۇنچىلا دەپ كەتمە ھىلىمۇ ئالغان مائاشىم سىنىڭ سىنپىڭنىڭ پۇلىنى تۆلەشكە كىتىۋاتىدۇ.
-خەجلىگەندىكىن تۆلىمەي قانداق قىلاتتىڭىز؟مەن تۆلەي دىسەم مىنىڭ مائاشىم بانكىدا قەرىز تۇرسا.ئۇ گەپلىرىمنى ئاڭلاپ چاپىنىنى قايتا كىيىپ سىرىتقا چىقىپ كەتتى .گەپ سۆزسىز چىقىپ كەتكىنىگە قاراپ تىخىمۇ جۇدۇنۇم تۇتتى.
  يىقىندىن بىرى ئۇنىڭ بىلەن گەپ سۆزلىرىمىزنىڭ تىمىسى پەقەت پۇل توغرىسىدىلا بولىۋاتاتتى.ئۇنىڭ كىچىلىرى نەدە تۇرۇپ نەدە يۈرگەنلىكىنى سورىسام بەزىدە بالىلار بىلەن ئولتۇرۇپ قالدۇق دىسە بەزىدە باشقا سەۋەپلەرنى كۆرسىتەتتى.يەنە ھىلىقىدەك ئويۇنچۇقخانىلارغا بارمايۋاتقانسىز؟دەپ سورىغاندا بولسا توۋا دىگىنە خوتۇن مەن ھازىر بەك ياخشى بوپ كەتتىم جۇمۇ،مەندەك ئەرگە تەگكىنىڭ سىنىڭ بەختىڭ.دەيتى.
    ئالاھەزەل يىرىم سائەت ئۆتكەندىن كىيىن ئۇ سۇلياۋ خالتىدا بىر نەرسىلەرنى كۆتۈرۈپ كىرىپ كەلدى،ۋە رەشىدە بۇياققا چىقىپ قورسىقىڭغا بىر نەرسە يىگەچ بالىنىڭ قورسىقىنى تويغۇزغىن دىدى.

suzuk 2011-03-22 14:48
ئاخىرى يوللانمامدۇ؟

ظاەذ 2011-03-22 15:34
كذتذش........بذنداق ظذزذن داإاملاشسا زىركىشكە ظورون بىرشى مومكىن.

batur2008 2011-03-22 18:20
ھىكايىنىڭ ماۋزۇسىنى،ئەڭ ئاخىرقى سۆزلەردىن چۈشەندىم،ناھايىتى ئۇستىلىق بىلەن ئاخىرلىشىپتۇ،يەنە بامۇ يا

ehtiram 2011-03-23 13:31
ۋەقەلىكى چولتا بولۇپ قاپتۇ، تويدىن كېيىن ئەھۋالنىڭ بۇ دەرىجىگە بېرىشى زادى نىمىدىن؟ قانداق ئىشلار يۈز نەرگەن؟ ئەرنىڭ ،قېينانىنىڭ، ئايالنىڭ كۆڭلى زادى نەدە چىگىلىپ قالغان؟ سەۋەب نەتىجە ئېنىق ئەمەس، بايان تەپسىلى بولسا بوپتىكەن،ئىچكى ھېسسىيات چىن ئىپادىلەنگەن بولسىمۇ ،لېكىن ۋەزىيەتنىڭ بۇنچىلىك دەرىجىگە كېلىشىنىڭ جەريانىنى ئېنىق يېزىڭ، ۋەقەلىگى گۇڭگا ئىكەن.........ۋەقەلىكىنى يەنە ئازراق پىششىقلاپ ئاندىن مەتبۇئاتلارغا بارسىڭىز بولىدىكەن....... يېشىمىنى كىتابخانلارنىڭ ئويلىنىشىغا قالدۇرۇڭ.........تېمىسىنى، توۋا مەنمۇ ئاجراشماقچى دەپ ئەمەس،< ئەمدى قانداق قىلاي؟> دېسىڭىز ياكى <مەن ئاجرىشامدىم؟> دېسىڭىز قانداق بولار . ھازىر ئالدىراپ قالغاچقا كاللامغا تازا ياخشى پىكىرلەر كەلمەيۋاتىدۇ، قاراب بىر ئىش قىلارسىز.........

yiganagul-2 2011-03-23 14:21
نەقىل
بۇ 20قەۋەتتىكىtikan يوللىغان 2011-03-06 14:55 غا قارتىلغان  :
   ئاخىرىنى ۋاقتى-ۋاقتىدا يېزىڭلارچۇ يولداشلار، سىزنىڭ سۈرئىتىڭىز بەك ئاستىكەن تېما ئىگىسى. بۇنداق بولغاندا دوستلار تولا ساقلاپ ئىڭىكى چۈشۈپ قالىدۇ جۇمۇ.


خەقمۇ خىزمەت قىلىدىكەن  ئەمەسمۇ .

tikan 2011-03-23 15:45
   مۇشۇ تور دۇنياسىدا ئاجايىپ بىر ئىش بار، كىم تېما يازسا، تېما مەزمۇنىنى ئاپتورغا باغلاپلا مۇلاھىزە قىلىدىغان. بىرىنچى شەخس تىلىدا يېزىلسىلا ئاپتورنىڭ سەرگۈزەشتىسى بولامدۇ؟ تېمىغا چۈشكەن ئىنكاسلارنى كۆرۈپ ھەيران قالدىم، تېما ئىگىسىگە بىۋاستىلا ئۇنى-بۇنى دەپ ئىش ئۆگەتمەي، بەك ئۆگەتكۈڭلار كەلسە <ئۇ ئايال مۇنداق قىلسۇن، ياكى ئۇنداق قىلسۇن...>دەپ يازمامسىلەر.
    داۋامىغا قاراپ قالدۇق ئەمىسە.

مۇبارەك 2011-03-23 15:58
   مۇشۇ قېيىنئانا، كىلىن مەسىلىسى بەكلا تەس مەسىلىكەن. مەن چوڭلارنىڭ پاراڭلىرىدىن ئاڭلاپ قالىمەن، قېيىنئانىسى ناچار ئايال بولغاچقا، بۇلار ئاجىرىشىپ كەتتى. ياكى بولمىسا كىلىنى خۇيى سەت بولغاچقا، قېيىن ئانىسىنى ھۆرمەت قىلماي، ئاجىرىشىپ كەتتى، دېگەندەك گەپلەر...
   بەلكىم ئاساسى قۇرۇلمىسى پۈتۈپ بولغان ھېكايىدۇ. مەن ئاۋۇ كۈنى ئوقۇغان ۋاقتىمدىمۇ تۇيۇقسىزلا ئەر-ئايال ئىككىسىنىڭ مۇناسىۋىتىنىڭ يامانلىققا يۈزلىنىشى، قېيىن ئانىسىنىڭ نېمىشقا كىلىنىگە يۈزدىن-يۈز ئۇنداق قوپال تېگىدىغانلىقلىرىنىڭ سەۋەبىنى ئېنىق ئۇقالماي قالدىم. چاۋاك ئىككى قولدىن چىقىدۇ. بەزىدە قارشى تەرەپنىڭ مەقسىتىنى ياكى قارشى تەرەپ بىزنىڭ مەقسىتىمىزنى ئېنىق چۈشۈنەلمەي ئۇقۇشماسلىق كېلىپ چىقىدىغان ئەھۋاللارمۇ مەۋجۇت. ناۋادا بىز قارشى تەرەپنىڭ مەيدانىدا تۇرۇپ، شۇلارنىڭ ئورنىدا ئويلاپ بېقىشقا تىرىشساقچۇ؟
   بىر ھەقىقىي ئەدەبىي ئەسەر قىلىپ يازىمەن دەپ ئويلىسىڭىز، شۇ تەرەپلەردىنمۇ ئىزدىنىپ يەنە ئازراق تۈزىتىش كىرگۈزۈپ يازسىڭىز تېخىمۇ ياخشى چىقىدىكەن دەپ ئويلاپ قالدىم. ئەمدى مۇنداقچىلا يېزىۋاتىمەن دېسىڭىزمۇ مەيلى. ھاززىرمۇ ئادەمنىڭ ئوقۇغۇسى كەلگۈدەك يېزىۋاتىسىز. نەتىجىسى قانداق بولاركىن، قاراپ قالدۇق...


رەسىمسىز مۇنازىرە: [-- توۋۋا، مەنمۇ ئاجراشماقچى(ھېكايە) --] [-- top --]



Powered by PHPWind v7.3.5 Code © 2003-08 Guldiyar
Time 0.041894 second(s),query:3 Gzip disabled

You can contact us