رەسىمسىز مۇنازىرە: [-- ئاياللار ئاسانلىقچە دېسە بولمايدىغان 4 جۈملە سۆز --]

ئەلكۈيى مۇنبىرى -> [ خانىم - قىزلار سەمىگە ] -> ئاياللار ئاسانلىقچە دېسە بولمايدىغان 4 جۈملە سۆز [بېسىپ چىقىرىش] كىرىش -> ئەزا بولۇش -> ئىنكاس يوللاش -> تېما يوللاش

asma 2010-12-15 11:52

1.    باشقىلارغا قاراپ بېقىڭە!

ئاياللار ھەمىشە مۇشۇ گەپ بىلەن ئەرلەرنىڭ مەلۇم جەھەتتىكى ئىقتىدارسىزلىقدىن ئاغرىنىدۇ.بۇ ئىقتىدارسىزلىق بەلكىم تۇرمۇش ئىشلىرىدا، بەزىدە كەسپتە بولىشى مۈمكىن بىراق بۇ سۆز ئەرلەرنىڭ غورۇرىغا قاتتىق تېگىدۇ.
كەسپ ئەرلەر ئۈچۈن تۇرمىشىنىڭ مۇھىم بىر قسىمى ھېساپلىنىدۇ، ئىزچىل تۈردە بۇ جەھەتتىن مەسخىرە قىلىش ، زىتىغا تىگىش، ئۇلارنى ئۈمۈتسىزلىنىشنىڭ ئەجەللىك نۇقتىسىغا ئاپىرىپ قويىدۇ
.ھەربىر ئەرنىڭ كەسپى ئوخشىمايدۇ ، شۇنداقلا ئۇلارنىڭ كەسپىي ئىقتىدارىدىمۇ پەرق بولىدۇ.شۇڭا جەمئىيەتتىن قايتىدىغان جاۋاپتىكى پەرقمۇ ئالاھىدە چوڭ بولىدۇ. ئايال كىشى بولۇش سۈپتىڭىز بىلەن ئۇنى تاللىغان ئىكەنسىز ئۇنداقتا رىئاللىقا يۈزلىنىڭ. ئەرلەر پەقەت چامىنىڭ يېتىشىچە تىرىشقان بولسىلا  ئۇلاردىن ئاغرىنىشقا ھەققمىز يوق.
سىياسى بىلەن ھەپىلىشدىغان ئەرلەر ئۈچۈن ئېيتقاندا جۇڭگۇنىڭ ئەمەلدارلىق سورۇنى خۇددى پىرامىداغا ئوخشايدۇ.نۇرغۇن ئەرلەر پىرامىدانىڭ  ئوتتۇرىسىدا ھەتتا ئۇنىڭ ئاستى تەرىپىدە بولىدۇ،ئۈستىدىكىلەر ناھايىتىمۇ ئاز ساندا.
سودا ساھاسىدىكى ئەرلەر ئۈچۈن سودا گويا بىر جەڭگاھقا ئوخشايدۇ. غەلىبە بولغانىكەن چوقۇم مەغلۇبىيەتمۇ بولىدۇ. ئېرىشىش بولغان ئىكەن يوقۇتۇش بولىدۇ.  كىممۇ مال مۈلۈكنى ياخشى كۆرمىسۇن؟ بىراق ئۇنىڭ كېلىش يولى دۇرۇس بولۇشى كېرەك؟شۇڭا ھەددىدىن زىيادە يۇقۇرى تەلەپ قويۇپ ئۆز-ئۆزارا كۆڭۈلسىزلىق پەيدا قىلىشنىڭ ئەھمىيىتى يوقتۇر.
كەسپتە مەغلۇپ بولغان ئەرلەر ئۈچۈن ئەڭ زۆرۈر بولغىنى سىزنىڭ تەسەللى بېرىشىڭىز ھەم  رىغبەتلەندۈرىشڭىزدۇر.

2.نەگە باردىڭىز؟

ئەگەر بۇ سۆزنى ئايال كىشى مۇلايىملىق بىلەن سورىسا  ئەرلەر تەسىرلىنىشى مۈمكىن. چۈنكى بۇ سۆزگە << ئەنسىرەپ تۇرالماي قالدىم>> دىگەن مەنا يوشۇرۇنغان بولغانلىقتىن ئەرلەرگە بولغان كۆيۈنۈشنى ئىپادىلەيدۇ.
ئەگەر بۇ سۇئالنى قوشۇمىڭزنى تۈرۈپ سورىڭىز، ئەرلەر بىزارلىق ھىس قىلىشىدۇ.چۈنكى بۇ سۆزنى ساقچى جىنايەتچىنى سوراق قىلغاندا ئەڭ كۆپ ئىشلىتىدۇ.مەسلەن: << سائەت قانچىدىن قانچىگىچە قەيەردە ، نىمە ئىش قىلىۋاتقان؟>> دىگەندەك سۇئاللار بىلەن دىلو سادىر قىلىش ۋاقتىنى بېكىتىدۇ.
بەزى ئاياللار گويا ئەرلەر ئاياللىرىنىڭ كۆزىدىن يۈتسىلا يامان ئىش قىلىدىغاندەك ،سۇئال سورىغاندا ھەمىشە مۇشۇنداق پوزىتسىيىدە بولىدۇ.
ئەرلەرنىڭمۇ  ئۆزىگە چۈشلۈك ئىشلىرى، ئالاقىلىشىش دائىرىسى بولىدۇ.شۇڭا ئۇلارنىڭمۇ ئۆزىگە خاس ۋاقتى ۋە تۇرمۇش بوشلىقى بولۇش كېرەك.ئۇنى سۆيگەن ئىكەنسىز ئۇنىڭغا ئىشىنىڭ، ئۇنىڭغا ئەركىن نەپەسلىنىدىغان شەخسىي بوشلۇق بېرىڭ . ئاندا-ساندا بىر-ئىككى قېتىم سوراق قىلسىڭىز بولىدۇ، بىراق  جاسۇسلاردەك گۇمانلىق سوراق جىق بولۇپ كەتسە ئاراڭلاردا كېلىشمەسلىكنى پەيدا قىلىدۇ، ئۇنىڭ ئۈستىگە قانۇن نۇقتىسدىن ئالغاندىمۇ ئەرلەرنىڭ ئاياللارغا دوكىلات بېرىش مەجبۇرىيىتى يوق.
بەزى ئاياللار مېنىڭ ئېرىم بۇنداق سۇئاللارغا خاپا بولماي يۇۋاشلىق بىلەن جاۋاپ بېرىدۇ دەپ ئويلىشى مۈمكىن .بۇ ياخشى ئىش بولىشى ناتايىن ، ئەرلەرنىڭ چكەتىن ئاشقان دەرىجىدە  يول قويىشى:-مۇناسىۋەتنىڭ قىر ئۇچىغا بېرىپ قالغانلىقدىن، ياكى سىز بىلەن تاكاللىشىشقا ئەرزىمەيدۇ دەپ قارىغانلىقدىن، ياكى بولمىسا سىزگە تاقابىل تۇرۇش تەدبىرىنى ئۆزگەرتكەنلىكىدىندۇر،شۇڭا بۇنداق ئەھۋالدا ئاياللار ئالدىراپ  پەخىرلىنىپ كەتمەسلىك كېرەك .

3.ھەممىنى قىلغان سىز !

نۇرغۇن ئاياللار خاتالىقنى بوينىغا ئېلىشنى خالىمايدۇ، خاتالىقنى ئېتىراپ قىلىش ئەرلەرنىڭ پاتنىت ھوقۇقىغا ئايلىنىپ قالغان.بەزى ئاياللار ئۆزىدىن خاتا كەتكەن بولسا ئەركىلەيدۇ.ئەركىلەش بىلەن ئەرلەرنىڭ ھىسداشلىقى ۋە ئەپۇ قىلىشىغا ئېرىشىش ئەمىلىيەتتە خاتالىقىنى تونۇپ يەتكەنلىك ئەمەس، پەقەت كېيىنكى قېتىملىق خاتالىق سادىر قىلىشنىڭ مۇقەددىمىسىدۇر.
نۇرغۇن ئاياللار << ھەممىنى قىلغان سىز!>> دىگەن بىر جۈملە سۆز بىلەن گۇنانى  ئارتىپ قويىدۇ،ئاياللار نۇرغۇن ئىشلاردا ئۆز كۆز قارشىدا چىڭ تۇرماي قارار چىقىرىشتىن ئىلگىرى ئەرلەردىن :<< ئۇنداقمۇ ؟ مۇنداقمۇ؟>> دەپ سورايدۇ، ئەرلەر بېىشنى لىڭشىتقان ھامان دادىللىق بىلەن ئىشقا تۇتۇش قىلىدۇ-دە ، ئەگەر ئىشلىرى ئوڭدىن كەلسە خوشاللىقتىن ئۆزىنى قويىدىغان جاي تاپالماي قالىدۇ، ئەگەر ئىشلىرىدا مەغلۇپ بولسا مەسئۇلىيەتنى ئەرلەرگە ئارتىپ ، مۇشۇ چارىنى سەن تاپقاندىكىن ئۆزۈڭ مەسئۇل بول دەپ تۇرىۋالىدۇ. ئەمەلىيەتتە ئاياللار ئاندا-ساندا << خاتا قىپتىمەن>> دەپ خاتالىقىنى بوينىغا ئالسا ئەرلەرنىڭ ئالدىدىكى سېھرى كۈچى ئاشىدۇ.
4. كىمدىن كەلگەن تېلفۇن؟

ئەرلەرنىڭ تېلفونى سايراپ بولغىچە ئاياللار تەشەببۇسكارلىق بىلەن كىدىم كەپتۇ دەپ سوراشقا ئادەتلەنگەن. بۇندا چاغدا ئەرلەرنىڭ ئىنكاسى سەللا ئاستا بولسا تېخىمۇ چڭ گۇمانداارغا ئايلىنىپ ئەسلىدە نورمال كەلگەن تېلفۇنمۇ تۇتامغا چىقمايدىغان گۇناھقا ئايلىنىپ قالىدۇ.
بەزى ئاياللارنىڭ ئەرلەرنىڭ يانفونىنى ئاقتۇرۇپ كۆرىدىغان خۇيى بار،ناتۇنۇش نومۇرلارنىڭ سۆزلىشىش خاتىرىشنى جىقراق كۆرگەندىن كېيىنلا كىملىكىنى سۈرۈشتە قىلىدۇ، سەۋرىچانراق ئەرلار ئېرىنمەي چۈشەندۈرۈپ قويىدۇ.لېكىن قايتا-قايتا گۇمان قىلىۋەرسىڭىز زىددىيەتنى كەسكىنلەشتۈرۈپ قويسىز.
ئايال بولۇش سۈپۈتىڭىز بىلەن  ئەرلەرگە ئازراق مەخپىيەتلىك بوشلىقى قالدۇرۇڭ.  ئەر-ئاياللىق مۇناسىۋەتتە ئازراق سىرلىق تۇيغۇ بولغىنىمۇ ياخشى ئىش، بىر دوستۇم بولىدىغان دائىم ئېرىنىڭ يانفونىنى ئاقتۇرۇپ ناتۇنۇش نومۇرنى كۆرگەن ھامان نام –شەرىپىنى نىمە ئىش قىلىدىغىنىنى، قانداق تونۇشقانلىقىنى، قانداق مۇناسىۋەتتە ئىكەنلىكىنى كوچىلاپ سورايدىكەن. بىر كۈنى قارىسدا ئېرىنىڭ يانفونىدا بىرمۇ ئايال كىشىنىڭ نومۇرى قالماپتۇ. بۇنى كۆرۈپ ئۇ تېڭىرقاپ تۇرۇپ قاپتۇ.ئېرى كېيىن  ئۇنىڭغا  راستىنى دەپتۇ؛- ئەسلىدە ئېرى بارلىق ئاياللارنىڭ ئىسمىنى ئەرەنچە قىلىپ ئۆزگەرتىۋەتكەن ئىكەن.شۇ چاغدىلا  ئۇ ئېرىنىڭ ئۆزىگە مۇشۇنداق ئۇسۇل بىلەن ئۈن-تۈنسىز قارشىلىق كۆرسەتكەنلىكىنى چۈشىنىپ يېتىپتۇ.شۇنىڭدىن كېيىن ئۇ بۇ قاملاشماس مىجەزىنى ئۆزگەرتىپتۇ.


تېمىلىرىمنى ئەلكۈيى تورىدىن باشقا ھەرقانداق ئورۇنغا يۆتكەپ كىتىشكە بولمايدۇ.

saba 2010-12-15 13:53
ئادەمنىڭ كۆڭلىنى بەك چۈشىنىدىكەنىسىز  جۇما ئەسما ،

bella 2010-12-15 14:15
كىچىكلەرگە تەلىم بېرىپسىزدە.....
نەگە بادىلا غوجام ،تالادا نىمە باركەن دەپ سالاركەنمەن بولمىسا...ھې ھې ھې

abida 2010-12-15 15:30
رەھمەت ئەسكەرتكىنىڭزگە، بولمىسا توختىماي سۇئال سۇرايدىكەنمەندۇق.

nawa 2010-12-15 15:36
   بۇنىڭ ھەممىسى مەن سورايدىغان سوئاللار ئىكەن .ئەمدى دىققەت قىلسام بولغۇدەك.

arman1002 2010-12-15 15:48
تولا ئاڭلاپ بېشىمغا ئاغرىق كېرىپ كەتكەن گپلەركەنغۇ بۇ

aychiwer 2010-12-15 16:50
ئاياللار ئاسانلىقچە دىسە بولمايدىغان 4 جۈملە  سۆز --- نى <<  ئاياللار دېمىسە بولمايدىغان سۆز >> دەپ ئوقۇپ يۈرۈپتىمەن ، مەن  

nijad 2010-12-15 16:58
ئايال  كىشىنىڭ  تېلفۇن  قىلىپلا  بىرىنچى  بۇلۇپ  سورايدىغىنى  ،<سىز نەدە > .  
مەن  بەك  بىزار  مۇشۇ  گەپتىن  .

jula 2010-12-15 17:34
ئاياللار بۇ تۆت جۈملە گەپنى تۇلا دېسە ھەقىقەتەن بولمايدۇ، ئەمما بۇ گەپنىڭ دېيىلىش ۋاقتى، ئورنى ۋە سەۋەبىگە قاراش كېرەكمۇ قانداق؟

maryam 2010-12-15 17:42
ئاياللارنىڭ بۇ گەپلەرنى تولا دەيدىغىنى راست، لېكىن ئايال كىشى ئېرىدىن ئەنسىرەش، كۆيۈنۈش يۈزىسىدىن دەيدۇ، ھازىرقى جەمىئەت ئاياللارنى مۇشۇنداق ئەنسىرەيدىغان قىلىپ قويدى، بۇ تەبىئىي ئەھۋال دەپ قارايمەن، ئەرلەرمۇ بۇ جەھەتتىن يامان تەرىپىنىلا كۆزدە تۇتماي ياخشى تەرىپىنىمۇ ئويلاپ قويۇڭلار،قانداق دېدىم؟

atikam1 2010-12-15 19:03
راست  بۇ گەپلەرنى كۆپ دەيمىز ،بىراق ئەرلەر بىزار  بولمىسا  بولىدۇ  ،،،بەلكىم بىز ئايالارنى ئەرلەر چۇشەنمىسە كىرەك  ،،، بۇ بىزنىڭ كۆيۇنۇپ دەيدىغان گېپىمىز

zakira 2010-12-15 20:11
مەن بۇ گەپلەرنى ئاسانلىقچە دىمەيمەن ... بەك خاپا بولغان ۋاقىتلاردا چىقىپ قالمىسىلا  ئاساسەن دىققەت قىلىمەن .

dilhux2 2010-12-15 20:11
بىز مۇشۇ گەپلەرنى قىلمىساق بىر ئائىلە كىشىلىرىگە ئوخشىماي قالامىز.....بىراق شۇ تەلەپپۇزغا دىققەت قىلساقلا بولدى.-دەپ قارايمەن .

paxa111 2010-12-15 20:24
سورىمىسا بوممايدۇ ....5 ۋاق تەقۋا ئېرىڭىز بولغان بولسىدى سورىمىسىڭىز مەيلىتى ....تىمىدا دىيىلىپتۇ ئايالچە ئىسىملارنى ئەرەنچىگە ئايلاندۇرىۋاپتۇ ....بىر بالاسى بوممىسا قۇيرۇق تۇرامدا تاشتا دىگەن گەپ با ..ئايالى بىر نىمىنى سەزمىسە بۇنداق گەپلەرنى سوراپ ساراڭ ئەمەس .ئەر چاتاق ، شۇڭا سورايدۇ . مۇشۇ توت گەپنى تولا قىلىدىغان ئاياللارنىڭ ئەرلىرىدە چاتاق با ياكى گۇماندار ...ھى..ھى..ھى......     

axikjan 2010-12-15 20:26
بەك تەسىرلەندىم بۇ تىمىدىن، راسلا ئاياللار مۇشۇ 4 جۈملىگە دىققەت قىلسا ئەرلەر ئۇچۇن بۇ دۇنيانى يېرىم جەننەت قىلغان بولاتتى، ئەپســـــــــــــــــــــــــــــــــــــــۇس .....

urukjan 2010-12-15 21:52
ئىجتىمائىي تۇرمۇشقا مۇناسىۋەتلىك ئىجابىي تېمىلارنى مۇنبەر يۈزىدە كۆپرەك كۆرۈپ تۇرسامكەن دەيمەن.

مېنىڭ ئايالىم :
" ئاياقتىكى ئۆيگە بېرىپ كېلەيلى " دىگەن گەپتىن باشقىسىنى ئانچە قىلىپ كەتمەيدۇ.
خۇداغا شۈكرى.

ajam 2010-12-15 21:58
بۇلۇپمۇ سىز نەدە دېگەن گەپنى ئەنسىرەپ سورىسىغۇ مەيلى،ئەمما بەك سوراپ كەتسە ئالىدىغان جاۋاپ چىرايلىق بولماي قالىدۇ.

مۇبارەك 2010-12-16 20:31
دادام قىززىق، بەزىدە كىيىنرەك قايتىپ كەلسە، ئاپامنىڭ چاتىقى يوق ئولتۇرۇپ قالسا، ئۆزى پىلىككە ئوت ياقىدۇ، مېنى نېمىشقا نەگە باردىڭىز، دېمەيسىز دەپ.

paxa111 2010-12-16 20:53
نەقىل
بۇ 17قەۋەتتىكىمۇبارەك يوللىغان 2010-12-16 20:31 غا قارتىلغان :
دادام قىززىق، بەزىدە كىيىنرەك قايتىپ كەلسە، ئاپامنىڭ چاتىقى يوق ئولتۇرۇپ قالسا، ئۆزى پىلىككە ئوت ياقىدۇ، مېنى نېمىشقا نەگە باردىڭىز، دېمەيسىز دەپ.

بىشىغا قۇلاقچا ، ئۇچىغا جۇگا ، پۇتىغا پىما ساقال -پاقالار ئاق كىرگەن ئادەم تالادىن كىرسە " نەگە باردىڭىز " دىسە سەت تۇرامىكىن ........

tanhabayawan 2010-12-16 23:02
ئادەمنىڭ كۆڭلىنى بەك چۈشىنىدىكەنىسىز  جۇما ئەسما،        ئايال  كىشىنىڭ  تېلفۇن  قىلىپلا  بىرىنچى  بۇلۇپ  سورايدىغىنى  ،<سىز نەدە > .  
مەن  بەك  بىزار  مۇشۇ  گەپتىن  .

0991sumruh 2010-12-16 23:32
مەنمۇ پەقەت دېيىشنى خالىمايدىغان ،ئەمما بەزىدە ئامالسىز دىيىلىپ قالىدىغان گەپلەركەن

yegelmas 2010-12-16 23:49
      
     توغرا گەپ، ئۆزىنىڭ ھەمرايىغا ئىشىنىدىغان ئايالغا نىسبەتەن بۇنداق كۆپ سوراشنىڭ ھاجىتى يوق ، ئەلۋەتتە...

halqigul 2010-12-17 15:29
بەزەندە سورىمىسىمۇ پەقەت بولمايدۇ،سوراشقا مەجبۇر قىلىپ قويىدۇ تېخى...

oyqan.uyghur 2010-12-17 21:53
بۇنداق سوراپ كۆنۈپ قالغان ئاياللارغا تەربىيە بەرسىمۇ بىكار.بەزىلىرى تىخى بۇنداق ئىشلاردا ئەركىلەپ تۇرۇپ ئادەمنى دەھشەت چاقىدۇ جۇمۇ ئەر يولداشلار.ھەي................................

yaprah0999 2010-12-17 22:29
يۇقارقىلار ھەقىقەتەن دىيىلسە بولمايدىغان سۆز-جۈمىلىلەردۇر. ئەجىرىڭىزگە رەھمەت.
باشقۇرغۇچىلار: ئەلكۈيىدىكى تېمىلارنى باشقا مۇنبەرلەرگە يوللاش چەكلەنگەن ئىكەن سىلەر كۆچۈرسە بولمايدىغان قىلىپ تەھرىرلەپ قويساڭلار بولمامدۇ؟

ـــــــــــــــــــــ

«ئەلكۈيى» مۇنبىرىگە مەسئۇل ئورگان ياكى ئورۇننىڭ ھەم تېما يوللىغۇچىنىڭ  ئېنىق روخسىتىنى بىرگە ئېلىپ  مەنبە ھەم ئاپتۇرنى ئېنىق ئەسكەرتىپ يوللىسا، بىز بۇنىڭغا يول قويىمىز. بىراق شۇ تېمىنى يوللىغۇچى ئادەم ئۆزى نەچچە مۇنبەرگە تەڭ چاپلىسىچۇ؟! ئىلگىرى-كېيىن يوللىنىش ۋاقتىنىڭ قانداق بولىشىدىن قەتئىينەزەر (ئالاھىدە ئەھۋالدىن باشقا)، بۇنداق تېمىلار تەستىقتىن ئۆتۈپ بولغان ھالەتتىمۇ بىردەك ئۆچۈرىلىدۇ.    ــ  (باشقۇرغۇچى)

pariay 2010-12-18 00:21
نەقىل
بۇ 13قەۋەتتىكىpaxa111 يوللىغان 2010-12-15 20:24 غا قارتىلغان :
سورىمىسا بوممايدۇ ....5 ۋاق تەقۋا ئېرىڭىز بولغان بولسىدى سورىمىسىڭىز مەيلىتى ....تىمىدا دىيىلىپتۇ ئايالچە ئىسىملارنى ئەرەنچىگە ئايلاندۇرىۋاپتۇ ....بىر بالاسى بوممىسا قۇيرۇق تۇرامدا تاشتا دىگەن گەپ با ..ئايالى بىر نىمىنى سەزمىسە بۇنداق گەپلەرنى سوراپ ساراڭ ئەمەس .ئەر چاتاق ، شۇڭا سورايدۇ . مۇشۇ توت گەپنى تولا قىلىدىغان ئاياللارنىڭ ئەرلىرىدە چاتاق با ياكى گۇماندار ...ھى..ھى..ھى......      


ھا،،ھا،،،ھا،،،ئىنكاسلىرىڭىزنى ئوقۇپ قەشقەرلىك دوستۇمنى ئەسلەپ قالدىم ،

kokasman 2010-12-18 10:10
نەقىل
بۇ 13قەۋەتتىكىpaxa111 يوللىغان 2010-12-15 20:24 غا قارتىلغان :
سورىمىسا بوممايدۇ ....5 ۋاق تەقۋا ئېرىڭىز بولغان بولسىدى سورىمىسىڭىز مەيلىتى ....تىمىدا دىيىلىپتۇ ئايالچە ئىسىملارنى ئەرەنچىگە ئايلاندۇرىۋاپتۇ ....بىر بالاسى بوممىسا قۇيرۇق تۇرامدا تاشتا دىگەن گەپ با ..ئايالى بىر نىمىنى سەزمىسە بۇنداق گەپلەرنى سوراپ ساراڭ ئەمەس .ئەر چاتاق ، شۇڭا سورايدۇ . مۇشۇ توت گەپنى تولا قىلىدىغان ئاياللارنىڭ ئەرلىرىدە چاتاق با ياكى گۇماندار ...ھى..ھى..ھى......    
---------------------------------------------
شۇ ئەمەسمۇ، ئەرلەر ئمكان بار  ئۆزىدە مۇكەممەلرەك بولۇشقا تىرىشىشى كېرەك،كاچكىچە ئايالىدىن رەنجىپ!!




    

        

taranqi 2010-12-18 16:13
ھەقىچان بۇ  4 جۈملىلا  ئەمەسقۇ  دەيمەن ...  

aydingahxam 2011-02-22 23:28
بەزىدە سورىماي دىسمۇ ،بولمىغان،ئەمدى ئۇنىڭ ئورنىغا نىمە دىسەك بولار ھە،

aixa 2011-02-23 11:36
بەزىدە سوراپ قويمسا مەن بىلەن كارىڭ يوق، ماڭا ئازراقمۇ كۆيۇنمەيسەن دەپ تۇرغان

tuygu 2011-02-23 12:43
تېمىنى كۆرگەن قىز -ئاياللار ئەمدى دىققەت قىلساڭلا بولغۇدەك  جۇمۇ ....

tanha4667 2011-07-10 03:42
            

anixta 2011-07-10 11:47
ئەلۋەتتە ..مۇنبەردىكى توي قىلىپ بولغان ھەر قانداق بىر ئەركەك ئاڭلاپ باققان 4 سۆز ئىكەن. لىكىن بۇ گەپتىن قۇتۇلغىلى بولمايدۇ.....ھەممە ئاياللارنى يىغىپ مەخسۇس كېڭەيتىلگەن يىغىن ئېچىپ قارار ماقۇللىسىمۇ بىكار..

忘不了 2011-08-28 20:47
سورىماي دەيمەن '''ئاپلا   شۇ سورىغىم كىلىدىكەن ئەمەسما

awakkiz 2011-10-03 17:18
1.    باشقىلارغا قاراپ بېقىڭە!
ماۋۇگەپكە بەك دىققەت قىلسام بولغىدەك


رەسىمسىز مۇنازىرە: [-- ئاياللار ئاسانلىقچە دېسە بولمايدىغان 4 جۈملە سۆز --] [-- top --]



Powered by PHPWind v7.3.5 Code © 2003-08 Guldiyar
Time 0.038489 second(s),query:3 Gzip disabled

You can contact us