رەسىمسىز مۇنازىرە: [-- ئۈمىد ھاجى- 2010-يىللىق ئېنگلىزتىلى نۇتۇق ۋە تالانت مۇسابىقە چېمپىيونى --]

ئەلكۈيى مۇنبىرى -> [ئىنگىلىزتىلى ۋە ئۇيغۇرلار] -> ئۈمىد ھاجى- 2010-يىللىق ئېنگلىزتىلى نۇتۇق ۋە تالانت مۇسابىقە چېمپىيونى [بېسىپ چىقىرىش] كىرىش -> ئەزا بولۇش -> ئىنكاس يوللاش -> تېما يوللاش

<<   1   2  >>  Pages: ( 2 total )

alip28 2010-09-22 02:47

مەركىزى تېلىۋىزىيە ئىستانسىسى 2010 - يىللىق ئېنگلىزتىلى نۇتۇق ۋە تالانت مۇسابىقىسىنىڭ ئالىي مەكتەپ گۇرۇپپىسىدا  شىنجاڭ مالىيە - ئىقتىساد ئونۋېرسىتىتى ئوقۇغۇچىسى ئۈمىد ھاجى چېمپىيونلۇقنى قولغان كەلتۈردى .

Umut Haji - The winner of the 2010 CCTV
English Speaking & Talant competition




بۇ خەۋەرنى كۆرۈپ شۇنداق خوش بولۇپ كەتتىم، ئۇنىڭدىن پەخىرلەندىم، ئۇنىڭ يېقىملىق ۋە ئۆلچەملىك تەلەپپۇزى ، ئوچۇق تەپەككۇرى ، ئەڭ مۇھىمى ئۇنىڭ دۆلەت ئىچىدىكى ئەڭ چوڭ سەھنە بولغان مەركىزى تېلىۋىزىيە ئىستانسىسى سەھنىسىدە ئۇيغۇر مەدەنىيىتىنى باشقىلارغا بىلدۈرۈش بىلەن بىللە ئاغرىق ئازابىدا قىينىلىپ ياتقان ساۋاقدىشى ئۈچۈن باشقىلارنى ياردەمگە چاقىرىشى ... مەندە تولىمۇ چوڭقۇر تەسىر قالدۇردى.
دېمەك ،بىزنىڭ مۇنەۋۋەر سىتودېنتلىرىمىز ھەقىقەتەن ئاز ئەمەسكەن، بۇلاردىن پەخىرلىنىش بىلەن تىرىشايلى ، داۋاملىق ئۆگىنىپ ئۆزىمىزنى مۇكەممەللەشتۈرەيلى .
ياشا خەلقىمىزنىڭ ئۈمىدلىك ئوغلانى - ئۈمىد !

جىن 2010-09-22 03:39
CCTVدىكى ئاۋۇ  مۇخبىر ئايالنىڭ تەلەپپۇزى بەك ياخشى ئىدى  بۇ يىگتىمىزگەبەرگەن ئالى  نۇمۇرمۇ بىرىنچى بۆلۈپ شۇ ئايالدىن باشلىنىپتۇ،

lukqvn 2010-09-22 04:06
مۇبارەك بولسۇن ! ئۈمۈدنىڭ تالانتىغا شۇنداقلا ئۈچ نەپەر باھالىغۇچىنىڭ ئادىللىقى ۋە ئەخلاقىغا قول قويدۇم .

uyghurbeg 2010-09-22 09:20
ئۈمۈتكامنىڭ مۇسابىقە باشلىنىش سۆزىدە ئۆزىنى ئەمەس خەلقىنى تونۇشتۇرغانلىقى ،مۇسابىقىنىڭ ئاخىرى،يەنى چىمپىيونلۇققا ئېرىشكەن چاغدىمۇ ئوڭ قولىنى كۆكسىگە قويۇپ،ھۆرمەت بىلدۈرۈشى مەندە ئاجايىب تەسىرلەرنى قالدۇردى. مۇبارەك بولسۇن ئۈمۈت ھاجى! سەن بىزنىڭ پەخرىمىز،سەن ھەممىمىزنىڭ پەخرى،سەن ئۇيغۇرنىڭ پەخرى!

serwan 2010-09-22 09:53
قارىسام چەتئەللىك سېرىق باھالىغۇچى قىز بالىنى تاللىدى...      

yalghuz 2010-09-22 10:33
يارايسەن ئۈمىد،ئىسمىڭغا لايىق جىسمىڭ بىلەن ،ئەمەلىي ھەركىتىڭ بىلەن ئۈمىدلىك ياش ئىكەنلىكىڭنى بىر قېتىم دادىل ئىسپاتلاپ چىقىپسەن،نەتىجەڭدىن سۈيۈنىمىز،خەلقىمىز سېنى قوللايدۇ ھەمدە مەدەت بېرىدۇ.

baharyamguri 2010-09-22 11:04
    ئادەم ئۈزلۈكسىز تۈردە ئۆزىنى مۇكەممەللەشتۈرىشى ، شۇنىڭ بىلەن بىرگە ئۆز خەلقى ، ئۆز مىللىتى ، ئۆز ۋەتىنى ئۈچۈن يېڭى - يېڭى نەتىجىلەرنى يارىتىش ئۈچۈن تىرىشچانلىق كۆرسىتىشى كېرەك . مەن ئۈمىد ھاجىنىڭ شۇنچە كەسكىن مۇسابىقە ئىچىدىمۇ ئۆزىنى ئۆز نەتىجىسىنى ئويلىماي ، بەلكى شۇ كىسەللىك ئازابىدا قېينىلىۋاتقان دوستى ئۈچۈن باشقىلارنى ياردەمگە چاقىرغانلىقىدىن ئالەمچە سۆيۈندۈم . ئۈمىد ھاجىغا رەخمەت ، بېقىپ چوڭ قىلغان ئاتا - ئانىسىغا ، تەربىيلىگەن ئۇستازلىرىغا ئالەمچە تەشەككۈر !!!

kamran406 2010-09-22 11:48
ئاللا سېنىڭ شۇ راۋان تىللىرىڭغا، قامىتىڭگە، روھىيتىڭگە دەرت بەرمىسۇن، باسقان ھەر بىر قەدىمىڭدىن گۇللەر ئۈنسۇن.
ياشا ئۇيغۇرنىڭ پەخىرلىك ئوغلانى ئۈمىد.

80halta 2010-09-22 12:07
تەلەپپۇزى شۇنداق پەيزى چىقىپتۇ. زادى ئىنگىلىزچىغا بىزنىڭ تىلىمىز بەك كىلەمدىكى دەيمە. بۇ بىزدىكى بىر ئارتۇقچىلىق. تىل ئۈگۈنۈڭلار تورداشلار. ياپۇنلارنىڭمۇ تىلى تازا ياخشى كەلمەيدۇ مۇشۇ ئىنگىلىزچىغا. ياپۇنغا چىقىپ ئوقۇشنى ئارزۇ قىلىدىغانلار ئاۋۋال ئىنگىلىزچىنى ياخشى ئۈگۈنۈڭ. ئىنگىلىزچە تەلەپپۇزى ياخشى باللانى ياپۇنلار بەك ئەتىۋارلايدۇ دەيدۇ.
ما بالىنىڭ ئۇچىسىدىكى كىيىم-كېچەك شۇنداق يارىشىپتۇ.

80halta 2010-09-22 12:51
بۇ فىلىمنى چۈشۈرگىلى بولمىدىيا ؟ بۇنىڭ بىرەر چارىسى بارمىدۇ؟

nimjan 2010-09-22 13:09
ھاياجان ئادەمگە مانا مۇشۇنداق چاغدا كېلىدىكەن، ھاياجاندىن چاناقلار نەملەندى !

parlak 2010-09-22 13:24
بەك ياخشى بوپتۇ ياشا ئۈمىد

aqqik 2010-09-22 13:24
ئاۋۇ ئەڭ ئاخىرىدىكى باھالىغۇچىنىڭ  بەرگەن باھا سۆزلىرى نېمە دېگەن توغرا ئېيتىلغان ھە!!!
توغرا ،ئىنسانلار ئوتتۇرىسىدىكى كۆيۈمچانلىق ۋە ساداقەت ھەر ۋاقىت ھەممىدىن ئۈستۈن ئورۇندا.
ئۈمىدمۇ ھەم ناھايىتى قەيسەركەن،ھەقىقەتەن تەرىپلەشكە ئەرزىگۈدەك،گۈزەل كېلەچەك ئۈچۈ ن ئالغا قەيسەر يىگىت!!!

yalghuz 2010-09-22 14:39
ئاڭلاشلارغا قارىغاندا بۇ بالا مەندىن بىريىل كىيىن شىنجاڭ مالىيە - ئىقتىساد ئۇنىۋېرېستېتىنىڭ كومپيۇتېر كەسپىنى پۈتتۈرۈپ ھازىر ئۈرۈمچىدە "غۇلام تىل تەربىيلەش مەركىزى"دە ئوقۇتقۇچىلىق قىلغاچ چەتكە چىقىپ ئوقۇشقا تەييارلىق قىلىۋېتىپتۇ،مېنىڭ يېقىن بىر دوستۇمنىڭ ساۋاقدېشى ئېكەن،قالغان تەپسىلاتلارنى مۇنبەردىكى شۇ سىنىپتا ئوقىغان مۇنبەرداشلاردىن ئۈمىد ھاجىنىڭ ئەمەلىي ئىش-ئىزلىرىنى ئىنكاس شەكلىدە يېزىپ قالدۇرسا ئاڭلاپ چىقايلى،سەل ئويغىنىشقا تىگىشلىك جۇمۇ،بىر يىل بۇرۇن ئالىي مەكتەپنى پۈتتۈردۇق،ئالىي مەكتەپتىمۇ ئۈزىمىز تىرىشماي قولغا كەلتۈرگەن نەتىجىمىز شۇنچىلىك ئەمدى ..ئۈمىد ھاجىنىڭ نەتىجىسىنى كۈرۈپ تېخىمۇ قىزىرىپ كەتتىم،ياشا ئۈمىد ھاجى ، تېخىمۇ تىرىشقىن بولسا مۇشۇ كەسىپتە يەنىمۇ ئىلگىرلەپ ھەقىقىي ئۈمىدلىك ياش بوپ يىتىشىپ چىققىن!

alip28 2010-09-22 14:56
نەقىل
بۇ 4قەۋەتتىكى80halta يوللىغان 2010-09-22 12:51 غا قارتىلغان  :
بۇ فىلىمنى چۈشۈرگىلى بولمىدىيا ؟ بۇنىڭ بىرەر چارىسى بارمىدۇ؟


  مەن سەل ئىپتىدائىراق ئۇسۇلدىن بىرنى تەۋسىيە قىلاي بىرزاتكا، مەن شۇ ئۇسۇل بىلەن كومپىيوتىرىمغا چۇشۇرىۋالدىم ، بەلكىم بۇنى بىلىدىغانلارمۇ جىق، بىلمىگەنلەر بىلىپ قالار .

ئۇسـتەل يۈزىدىكى IE نى ئوڭ چىكىپ تۇرۇپ属性 نى چىكىپ 浏览历史记录 دىن 查看文件  - 设置  ئارقىلىق كومپىيوتىرىمىزدىكى ۋاقىتلىق ھۆججەت مۇندەرىجىسىگە ( C:\Documents and Settings\Administrator\Local Settings\Temporary Internet Files ) كىرىمىز، مۇشۇنىڭدىن ۋاقىت ۋە  چوڭلۇقى ئارقىلىق ئۆزىڭىز مۇشۇ ۋىدىئو بولۇشى مۇمكىن دېگەن ھۆججەتنى تاللاپ باشقا يەرگە كۆچىرىۋالساقلا ئىش تامام.  
  مەنچە ياڭيو تورىدىكى مۇشۇنداق ۋىدىئولارنى چۈشۈرىدىغان مەخسۇس قورالى بار، ئۇنى سىناپ ئىشلىتىپ بولغىچە مۇشۇ ئۇسۇلمۇ ئەسقېتىپ قالىدۇ .

enwerjan 2010-09-22 15:29
ئۈمۈد...

alip28 2010-09-22 15:38
فىلىم چۈشۈرۈشنىڭ يەنە بىر خىل ئۇسۇلى :
http://download.tudou.com/itudou/download/iTudou_2.6.4.4_Release_Build.exe
ماۋۇ ئادرىستىن iTudou iTudou قورالىنى چۈشۈرۈپ تىزىملاتقاندىن كېيىن ياڭيو تور بېتىدىكى كۆرۈش كۆزنىكىنىڭ ئاستىدىكى 下载 دىگەن خەتنى بېسىپ ھەر قانداق فىلىمنى چۈشۈرىۋالساق بولىدۇ .

ھەل قىلغۇچ مۇسابىقىدىكى مۇناسىۋەتلىك يەنە بىر كۆرۈنۈش، بۇنىڭدا ئىككى خەنزۇ ماھىرنىڭ نۇتۇقى ۋە ئۇمىد نىڭ ئوينىغان ئۇسۇلىمۇ باركەن، ئاۋۇ چەتئەللىك باھالىغۇچىنىڭ  ئوينىغان ئۇسۇلىنى كۆرۈڭلارچۇ ! ھې ھې، شۇنداق قىزىقارلىق ھەم باشقا خەنزۇ باھالىغۇچىدىن جىق چىرايلىق ئويناپتۇ .

shadiman 2010-09-22 18:12
قالتىس، قالتىس،ئوغۇل بالا،ئەينى ۋاقىتتا قاسىمجانمۇ شۇنداق چىرايلىق سۆزلىگەنتى.بۇ قىتىممىۇ ئۇمىد جان شۇنداق سالماق،كەڭ -كۇشادە سۆزلەپتىغۇ.بارىكاللا! باھالىغۇچىلارمۇ ئادىل باھالاپتۇ.

80halta 2010-09-22 18:40
مەن سىلى دېگەن ئاۋۇ ئىپتىدائىي ئۇسۇلدىن پايدىلىنىپ چۈشۈرۋالدى. رەھمەت.
ئاۋۇ قىزنىڭ مەخسۇس سوزلىگەن نۇتۇق فىلىمىنى كۆرسەك بوپتىكەن. خىلى يامان ئەمەس سۆزلەپتۇ.  ئەگەر شۇ مەيدان مۇسابىقىدە بىزنىڭ ئۈمۈد ھاجى بولمىغان بولسا شۇ قىز 1-بولامدىكەنمۇ دەيمە.

مۇبارەك 2010-09-22 19:47
ئېنگىلىزچە تەلەپپۇزىنىڭ ئۆلچەملىك بولىشى بىلەن بىرگە، بېشىدىكى دوپپىسى بىلەن قولىدىكى راۋابى، مىللىي خاسلىقنى ئىپادىلىشى، كېسەلگە گىرىپتار بولغان ئادەمگە بولغان غەمغۇرلىقى ھەم مۇھەببىتىنى سەھنە ئالدىدا ئىپادىلەپ چىقالىغانلىقى...چىمپىيون بولىشىدا تۈرتكىلىك رول ئويناپتۇ دەپ قالدىم، ئەڭ ئاخىرقى باھالىغۇچىنىڭ سۆزىدىنمۇ بۇ نۇقتىنى ھېس قىلماق تەس ئەمەس.

يەنە بىر پەخرىمىز...بۇندىن كېيىنكى ئىشلىرىغا تېخىمۇ زور مۇۋاپىقىيەتلەر يار بولسۇن.

akiljan 2010-09-22 20:27
يەنىمو تىرىشقىن ئۇيغۇر ئۇغلانى،

durdana 2010-09-22 21:08
ھەرقېتىم مۇشۇنداق مۇسابىقىلەرنى كۆرسەملا تاشلىۋەتكەن ئېنگىلىز تىلىمنى تەكرارلايمەن دەپ قەتئىي ئىرادىگە كېلىمەن. ئېغىز تىلىم ھەرھالدا بولاتتى. ئەمما داۋاملاشتۇرمىغىنىم يامان بولدى. ما بالىنىڭ ساپاسى خېلىلا يۇقىرىكەن. قول قويدۇم، نوقۇل ئېنگىلىزچە ئۆگەنگەن بىلەنلا بولمايدۇ دە، قۇرۇق كاللىغا تاق سۆزلەر، ئۆلۈك گىرامماتىكىلارنى تىزىپ... ناھايىتى ھاياجانلىق ئىچىدە كۆرۈپ چىقتىم. قاسىمجان زامانىسىدا خېلى كۆرۈپ قوياتتىم بۇ پروگراممىنى...
گۇۋېننا نىڭ نۇتۇقى غەربلىكنىڭ تەپەككۇرى بويىچە چىقىپتۇ. ئۇنىمۇ ياقتۇردۇم.

tikan 2010-09-22 21:48
ئەجەپ تەسىرلەندىم،بۈگۈن ئەڭ خوشال بولغان ئىشىم مۇشۇ بوپتۇ،يارايسىەن ئۈمىدجان ئۇكام!بارىكاللا!ھاياجانلانغىنىمدىن يەنىمۇ كۆپ بارىكاللا سۆزلىرىنى يېزىشقا قەلىمىم ئاجىزلىق قىلدى.

maraldolan 2010-09-22 22:54
ياشاپ كەت

gulqi.biz 2010-09-22 23:12
ئەجرىنىڭ تېگى ئالتۇن ، ئەجىر قىلغانلار ياشىسۇن!

ياپراق 2010-09-23 01:48
مەن ساۋاقدېشىم قاتناشقان بۇ پروگراممىنى تۇلۇق كۆرەلمىگەن ئىدىم، مۇنبەردە بۇ تېمىنى كۆرۈپ تولىمۇ خۇشال بولدۇم. ئۇلۇغ اللا قولىڭىزغا دەرت كەلتۈرمىسۇن!
ئۈمىد ھاجى بىلەن مەن مالىيە-ئىقتىساد ئۇنىۋېرستىتىدا تۆت يىل بىر سىنىپتا ئوقۇغان. ئۆزى تولىمۇ ئاق كۆڭۈل، مەسئۇلىيەتچان، ئىسىل بالا! مەيلى قايسى جەھەتتىن بولمىسۇن ھەقىقەتەن قابىلىيەتلىك! ئۇنىڭغا ساۋاقداشلار ھەممىمىز قايىل ئىدۇق، ھەتتا ئۇستازلىرىمىزمۇ!!! كەسپىمىز ئىنگىلىز تىلى ئەمەس، شۇنداق تۇرۇقلۇق ئۇ نۇرغۇن قېتىم مۇشۇنداق ياخشى نەتىجىلەرنى قولغا كەلتۈرگەن! سۆزلىسەم ھاياجانلىنىپ بەك كۆپ سۆزلەپ قويغۇدەكمەن، ھازىرچە مۇشۇنچىلىك سۆزلەپ تۇراي.... (ئۈمىد كۈرۈپ قالسا خاپا بولۇپ كەتمىسۇن يەنە!)
ئۇلۇغ اللا ساڭا يەنىمۇ بەرىكەت ئاتا قىلسۇن،  يوللىرىڭنى يەنىمۇ داغدام قىلسۇن ساۋاقدېشىم! ياشا! ئۆرلە! سەن ھەممىمىزنىڭ پەخرى سەن!

sultann 2010-09-23 02:43
ئىنگىلىستىلنىڭ قاتىلى ئىكەن!

sefura 2010-09-23 06:26
ئەجەپ پەخىرلەندىم بۇ ئۇكىمىزدىن،بارىكاللا،ئاپىرىن!
بىز قانداقلا بىر تىل ئۆگەنسەك ۋايىغا يەتكۈزىۋېتەلەيدىكەنمىز،تەلەپپۇزدا قىينالمايمىز،خۇددى شۇ مىللەتنىڭ ئەزالىرىدەكلا سۆزلىيەلەيمىز.تىلىمىزدىكى 32ھەرپ بىلەن دۇنيادىكى مۇتلەق كۆپ قىسىم تىللاردىكى ئاھاڭلارنى ئىنتايىن توغرا تەلەپپۇز قىلالايدىكەنمىز،تىلى يۇمشاق دەپ قويىمىزغۇ ئۆزىمىزمۇ.ئىشقىلىپ تىل جەھەتتە ئاللاھ بىزگە بىر تۇغما تالانت بىرىپتىكەن.

hidayet 2010-09-23 14:24
يەنە بىر نۇقتا مېنىڭ دىققىتىمنى تارتتى.يەنى-ئۈمىد ھاجى بىلەن چېمپىيونلۇق تالاشقان ئاۋۇ قىز-بېيجىڭ چەتئەل تىلى ئۇنۋېرسىتېتىدا ئوقۇيدىكەن.بۇ دىگەنلىك ئۇنىڭ كەسپى ياكى ھەر كۈنى قىلىدىغان ئىشى شۇ ئېنگىلىز تىلى ئۆگىنىش بىلەنلا بولىدۇ دىگەنلىك،ھالبۇكى مىللىتىمىز ئوغلانى-ئۈمىد ھاجى بولسا شىنجاڭ مالىيە-ئىقتىساد ئۇنۋېرسىتىتىدا ئوقۇيدىكەن،ئۇ چاغدا مەخسۇس ئۇنىڭ كەسپى ئېنگىلىز تىلى بولۇشى ناتايىنغۇ.بىز ئەقىللىق مىللەت،تېگىمىزدىن چېچەن مىللەت.ئەگەر شارائىت تۇلۇق بولغان بولسا ...ھەي ھەي بىزدىكى تالانتلىقلار دۇنيانى بىر ئالاتتۇق-تە.

umitjan 2010-09-23 16:16
مىنىڭمۇ ئسمىم ئۈمىد بولغاندىن كىيىن بۇ تىمىنى كۆرۈپ خۇددى ئۆزۈمدەكلا ھىس قىلىپ كەتتىم!!!!

بارىكاللا ئوغلان ياشاپ كەت...

sumaya0999 2010-09-23 16:22
بەك ھاياجانلاندىم  ئۇنىڭ بۇندىن كىيىنكى ئىشلىرىغا ئۇتۇق تىلەيمەن

tarim-oghli 2010-09-23 19:45
قايتا قايتا كۆرۈپ ئۈمۈت ھاجىنىڭ مۇسابىقە مەيدانىدىكى ئالاھىدە ئىپادىسىدىن، تەمكىنلىگىدىن بەكلا سۆيۈندىم. 2- بولغان گوۋىننا مەخسۇس بېيجىڭ چەتئەل تىلى ئۇنۋىرسىتىنىڭ ئوقۇغۇچىسىكەن. ئۈمۈت ھاجى بولسا ئۆزلىگىدىن ئۈگەنگۈچى، مۇشۇنداق ئەھۋال ئاستىدا رەقىبىنى يېڭىپ چىقىشنى ئۇنداق ئاددى چاغلىغىلى بولمايدۇ. بۇنىڭغا زور روھى ساپا ( 心里素质) ( مۇشۇنداق تەرجىمە قىلىپ تۇردۇم توغرا بولماي قالسا دوستلار توغرىسى بويىچە چۈشىنەر) لازىم. 21 كوپچىلىك ئارىسىدىن تەكلىپ قىلىنغان باھالۇغۇچىدىن ، 16 قوللىغۇچى گوۋىننا تەرەپكە ئۆتىۋىدى. ئاپلا ئەمدى ئاز سانلىق، كۆپ سانلىققا بوي سۇنىمىز دەپ ئۈمۈت ھاجى زىيان تارتىپ قالمىسىدى دەپ تۇرسام،  باش باھالىغۇچىلار ئادىل ھۆكۈم چىقاردى.
"قىيىن ئىش يوق ئالامدە، كۆڭۈل قويغان ئادەمگە ." دىگەندەك، ئەلۋەتتە بۇ ئۈمۈت ھاجىنىڭ بوشاشماي تىرىشىپ ئۈگەنگەنلىگىنىڭ نەتىجىسى. تەۋرەنمەس ئىرادىسىنىڭ نەتىجىسى. بىزنىڭ مۇشۇنداق تۈرلۈك چىمپىيۇنلىرىمىزنىڭ كۆپلەپ چىقىشى ، بىزنىڭ ھەقىقەتەنمۇ يارىماسلاردىن ئەمەسلىگىمىزنى تېخىمۇ ياخشى ئىسپاتلايدۇ...
ئۇلار بىزنىڭ پەخرىمىز... مەن ئۈمۈت ھاجىنىڭ بۇنىڭدىن كېينكى ئوقۇش، خىزمەت ، تەتقىقات ئىشلىرىدا يولىنىڭ تېخىمۇ داغدام بولىشىنى، تېخىمۇ زور نەتىجىلەرنى قازىنىپ مىللىتىمىزگە، جەمىيىتىمىزگە زور شان شەرەپلەرنى كەلتۈرىشىنى ئۈمۈت قىلىمنەن! ئۈمۈت، توختىماي ئالغا !!!...

umidnure0998 2010-09-23 23:57
باھالىغۇچىلارنىڭ ئادىللىقى مىنى تەسىرلەندۇردى .ئۈمىد ھاجى مۇبارەك سىزگە .ئىسل يىگىت ئىكەنسىز .

xarkyultuzi 2010-09-24 01:13
بەكلا ھاياجانلاندىم...ئاپىرىن ساڭا ئۇيغۇر ئوغلانى!

پەخىرلەندىم ئۇيغۇرۇمدىن سۆيۈندى دىلىم،
قاينىدى قان ھاياجاندىن، تىترىدى تېنىم.
قالارمىدى بىرەر ئارمان پۈتكۈل ئۆمرۈمدە،
كۆپلەپ چىقسا مىللىتىمدىن<ئۈمۈد>تەك ئىنىم.

nuruzay0997 2010-09-24 01:38
بەك تولا قېتۋېلىپ بەكلا بىئارام قىلدى!   ئاللا سېزنىڭ شۇ راۋان تىللىرىڭغا، قامىتىڭگە، روھىيتىڭگە دەرت بەرمىسۇن، باسقان ھەر بىر قەدىمىڭزدىن گۇللەر ئۈنسۇن.
ياشا ئۇيغۇرنىڭ پەخىرلىك ئوغلانى ئۈمىد.

nime 2010-09-24 02:18
مۇبارەك بولسۇن! سىز تېخى ياشكەنسىز،يەنىمۇ تىرىشىڭ،
باھالىغۇچىلارغا رەھمەت،ئۇلاردىن تەسىرلەندىم.

lukqvn 2010-09-24 03:55
土豆网 غا يوللانغان فىلىمكەن . بۇ تورغا يوللانغان ھەرقانداق فىلىمنى چۈشۈرۋالغىلى بۇلىدۇ .بۇ تورغا ئەزا بۇلۇپ ، itudou  نى كومپىيوتېرغا چۈشۈرۈپ ئىشلەتكەندە ، بۇ تورغا فىلىم يوللىغىلى ، فىلىم چۈشۈرگىلى ، شۇنداقلا فىلىملەرنىڭ ھۆججەت شەكلىنى avi ， MP4  ， 3gp ， flv  ...  قاتارلىق شەكىللەرگە ئايلاندۇرغىلى بۇلىدۇ . يەنە تىخى فىلىملەرنى ساقلىۋالغىلى ، تەۋسىيە قىلغىلى ، بوشلۇققا چاپلىغىلى ، مەلوم بوشلۇققا ئىگە بولغىلى بۇلىدۇ .
优酷网 ， 56  قاتارلىق تور بېكەتلەرنىڭمۇ مۇشۇنداق رولى بار . ئەزا بولسىڭىزلا كۆپ پايدىسىنى كۆرىسىز .  

alip28 2010-09-24 11:28
http://bugu.cntv.cn/life/children/xiwangyingyu/classpage/video/20100806/100541.shtml

   ماۋۇ تور بەتتە مۇناسىۋەتلىك بىر قانچە كۆرۈنۈش باركەن ،قىززىققانلار كۆرۈپ بېقىڭلار !

arman505 2010-09-24 12:17
پاھ ھەققىقەتەن دىللارغا ھوزور ئېلىپ كەلگۈدەك،خۇش خەۋەركەن بۇ ...
مانا بىزگىمۇ مۇشۇنداق نەتىجىلەر،ئالتۇن ئۈزۈككە ياقۇت كۆز ياراشقاندەك يارىشىدۇ.
ھە دېسە ناخشا-ئۇسۇل ماكانى دەپ،تىتەم پەتە ناخشىلار بىلەن،يېرىم يالىڭاچ ئۇسۇل ئوينىمىساقمۇ،
ئۆزمىزنىڭ دۇنيا مىللەتلىرى ئىچىدىكى ئەڭ قابىل مىللەتلەر ئىچىدىكى ئورنىمىزنى نامايەن قىلالايمىز.

gul 2010-09-24 14:25
يارايسىز!سىزدىن پەخىرلەندۇق،غەلبىڭىزگە،خوشاللىقىڭىزگە جۆر بولدۇق

badir 2010-09-24 21:38
مۇنداقچە قىلىپ ئېيتقاندا ، بىر ئادەمنىڭ مۇۋەپپىقىيىتى مىڭ ئادەمنى خوشال قىپتۇ .

ayqin 2010-09-24 22:55
مۇبارەك بولسۇن !  بىزنىڭ پەخرىمىز

pariay 2010-09-24 23:25
تالانتىڭىزغا قول قويدۇم  !!مۇبارەك بولسۇن !! تالانىت ئىگىلىرىنىڭ كۆپلەپ مەيدانغا چىقىشىنى  ئۈمۈت قىلىمەن !!

pengiyar 2010-09-25 14:48
ھاياجانلىق مىنۇتلار تۈگەپ كەتتى.
ئاۋۇ باھالىغۇچىلارنىڭ ئادىللىقىغا ھەقىقەتەن قول قويدۇم. ئەگەر بۇ مۇسابىقە شىنجاڭدا ئېلىپ بېرىلغان ھەمدە ئەڭ ئاخىرىقى مىنۇتلار ئوخشاش بولغان بولسا مېنىڭچە ئاۋۇ قىزچاق چىمپىيۇن بولغان بولاتتى...

ehtiram 2010-09-26 10:00
بۇ نېمىدىگەن ياخشى ئىش . ئۈمىت ھاجى بىز ئۇيغۇرلارنى يەنىمۇ  بىر قەدەم ئىلگىرىلىگەن ھالدا تۇنۇتۇپتۇ.  بىز ياشلارئۇنىڭدىن ئۆگىنىپ ، بىللە تىرىشايلى! دۇنياۋى مۇۋەپپەقىيەتلەرنى قولغا كەلتۈرەلمىسەكمۇ، لېكىن مۇشۇ مۇنبەردە بولسىمۇ ، ئەدىبى  ئىجادىيەتكە ئاز-تولا  ھەسسە قوشايلى !
يەنىمۇ يۈكسەل ئۈمىدجان!  بىز سەندىن پەخىرلىنىمىز!

janiwar 2010-09-26 10:30
تولىمۇ ئەپسۇس ،كۆرىنىشى تولۇق ئاخىرلاشمىدى! ئۈمۈت ھاجىنىڭ يۇقىرى ناتىقلىق ۋە تىل سەنئىتىگە، شۇنداقلا، تىل ئۆگۈنۈشتىكى يوشۇرۇن تالانتىغا ھەقىقەتەنمۇ قايىل بولدۇم ۋە ھەۋەسلەندىم! شىنجاڭدىكى ئالى مەكتەپلەرنىڭ ۋە ئالى مەكتەپتە ئوقۇۋاتقان ئوقۇغۇچىللىرىمىزنىڭ مانا شۇنداق تالانت ئىگىسىنى كۆپلەپ يىتىشتۈرۈپ، مەملىكەت ئىچى ۋە سىرتىدا يۇقىرى ئابروي ۋە ئۇتۇق قازىشىغا تىلەكداشمەن، شۇنداقلا، ئۈمۈت ھاجىنىڭ كەلگۈسىنىڭ تېخىمۇ پارلاق بولىشىغا زور ئۈمۈتلەرنى تىلەيمەن! داۋاملىق ئالغا ئىلگىرلىگەيسىز!!!

ahu 2010-09-26 12:34
مەنمۇ بەك پەخرلەندىم،ھاياجاندا كۆزلىرىمگە ئىسسق ياش كەلدى.بۇ يىگىت بارلىق ياشلارنىڭ ئۈلگىسى بولۇشقا ئەرزىيدىكەن،ئۈمۈت ھاجىغا تېخىمۇ زور ئۇتۇقلارنى تىلەيمەن!

niran 2010-09-27 13:42
سىز بىزگە ئۈمىد ئاتا قىلدىڭىز ئاكا!!خەلقىمىز سىزدىن پەخىرلىنىدۇ،كەلگۈسى ئەۋلادلار تېخىمۇ تېرىشىدۇ!

serin 2010-09-27 19:34
بەكمۇ تەسىرلەندىم، شۇنداقلا ھەرقاچان ئۆز خاسلىقىنى ساقلاشنىڭ تولىمۇ مۇھىم ئىكەنلىكىنى يەنە بىر قېتىم چوڭقۇر ھېس قىلدىم.

uyghur0990 2010-09-30 04:37
تىخىمۇ زور ئۇتۇقلارنى قولغا كەلتۈرىشىگە تىلەكداشمەن!


رەسىمسىز مۇنازىرە: [-- ئۈمىد ھاجى- 2010-يىللىق ئېنگلىزتىلى نۇتۇق ۋە تالانت مۇسابىقە چېمپىيونى --] [-- top --]



Powered by PHPWind v7.3.5 Code © 2003-08 Guldiyar
Time 0.082628 second(s),query:3 Gzip disabled

You can contact us