رەسىمسىز مۇنازىرە: [-- توققۇز نېمە ئۈچۈن --]

ئەلكۈيى مۇنبىرى -> [ئەلكۈيى تەرجىمە ئەسەرلىرى] -> توققۇز نېمە ئۈچۈن [بېسىپ چىقىرىش] كىرىش -> ئەزا بولۇش -> ئىنكاس يوللاش -> تېما يوللاش

qeqan 2011-09-10 16:30

توققۇز نېمە ئۈچۈن
بىر كىشى بەش ياشلىق جىيەنىنى باغچىغا ئاپىرىپتىكەن، بىر نەچچە جۈپ ئاشىق –مەشۇقنىڭ قىزغىن مۇھەببەتلىشىۋاتقانلىقىنى كۆرۈپ،جىيەنى ھەيران بولۇپ،بىر نەچچە سوئال سوراپتۇ.
سوئال:ئۇ ھەدەش نىمىشقا ئاۋۇ تاغامنىڭ قۇچىقىدا ئولتۇرۇدۇ؟
جاۋاپ:چۈنكى ئۇ ئايال تازىلىققا بەك ئەھمىيەت بېرىدىكەن،ئاۋۇ ئورۇندۇق بەك مەينەت بولغاچقا ،ئىشتىنىم پاسكىنا بولۇپ كەتمىسۇن دەپ،ئۇ تاغاشنىڭ قۇچىقىدا ئولتۇرۇپتۇ.
سوئال:تاغاش نېمە ئۈچۈن ئۇ ھەدەشنى سۆيىدۇ؟
جاۋاپ:چۈنكى ئۇ كۈندە ئىككى قېتىم چىشىمنى چوتكىلايمەن دەپتىكەن،ھەدەش بەك ئەستايىدىل بولغاچقا،ئۇنىڭ ياغان سۆزلىگەن سۆزلىمىگەنلىكىنى تەكشۈرۈپ بېقىۋاتىدۇ.
سوئال:ئاۋۇ تاغاش نېمىشقا ھەدەشنى قۇچاقلاپ ماڭىدۇ؟
جاۋاپ:ھەدەش بەك ئېگىز پاشنىلىق ئاياغ كىيىۋېلىپ جەزمەن پۇتى قايرىلىپ كەتكەن گەپ.ئېگىز پاشنىلىق ئاياغ كېيىش نېمە دېگەن خەتەرلىك-ھە!
سوئال:ئاۋۇ ھەدەش نىمىشقا تاغاشنىڭ پۇتىنى چىمدىۋالىدۇ؟
جاۋاپ:ئۇ ھەدەش دوختۇر،شۇڭا ئۇ تاغاشنىڭ تەن سالامەتلىكىنى تەكشۈرۈپ قويىۋاتقان گەپ.
سوئال:مەن بىزنىڭ سىنىپتىكى ساۋاقداشلىرىمنىڭ تازىلىقىنى،تەن سالامەتلىكىنى تەكشۈرۈپ باقسام بولامدۇ؟
جاۋاپ:بولمايدۇ.ھەر بىر ئادەمنىڭ بەدىنىدە نۇرغۇن كېسەللىك مىكروبى بولىدۇ،يېقىنلاشسا يۇقۇملىنىپ،كېسەل بولۇپ قېلىپ ،ئوكۇل ئۇردۇرۇپ،دورا ئىچىدىغان گەپ.شۇنىڭ ئۈچۈن باشقىلار بىلەن بولغان ئارىلىقنى چوقۇم ساقلاش كېرەك.
سوئال:ئاۋۇ تاغاش بىلەن ھەدەش نېمىشقا يېقىنلاشسا بولىدۇ؟
جاۋاپ:چۈنكى ئۇلار مۇھەببەتلىشىۋاتىدۇ.مۇھەببەتلىشىپ بولۇپ توي قىلىدۇ،توي قىلغاندىن كېيىن بىر ئائىلە كىشىلىرىدىن بولىدۇ.بىر ئائىلە كىشىلىرى بولۇپ كۈنۈپ كەتكەندىن كېيىن يۇقۇملانمايدۇ.ئەمما ئاممىۋى سورۇنلاردا بۇنداق قىلىقلارنى قىلىش ئەدەپسىزلىك!
سوئال:مۇھەببەتلەشكەننىڭ نېمە پايدىسى بار؟
جاۋاپ:توي قىلىشتىن ئىلگىرى قارشى تەرەپنىڭ پۇتى پۇرامدۇ،پۇرىمامدۇ،ئۇخلىغاندا خورەك تارتامدۇ تارتمامدۇ،تاپقان پۇلى ئۆي سېتىۋېلىشقا ،ھامبورگ بولكىسى يىيىشكە يېتەمدۇ يەتمەمدۇ ،بالىلارنى باقالامدۇ باقالمامدۇ قاتارلىق ئەھۋاللىرىنى چۈشىنىشكە پايدىلىق.
سوئال:نېمە ئۈچۈن توي قىلغاندىلا ئاندىن بالا بولىدۇ؟
جاۋاپ:چۈنكى بالا بېقىشقا ھەم خراجەت،ھەم كۈچ كېتىدۇ،بىر ئادەم يىتىشىپ بولالمايدۇ.شۇڭا ئىككى ئادەمنىڭ ھەمكارلىشىشىغا توغرا كېلىدۇ.
سوئال:بىزنىڭ سىنىپتىكى ئىككى ساۋاقداشمۇ سۈيۈشتىغۇ،ئۇلار مۇھەببەتلىشىۋېتىپتۇ دە؟
جاۋاپ:(تەرلەپ كېتىپ)قالايمىقان سۆزلىمە!كىنو كۆرۈش ئۈچۈن بىلەت كېتىدۇ،خىزمىتى بولۇش ئۈچۈن ئوقۇش تارىخى كېتىدۇ.مۇھەببەتلىشىشتىمۇ سالاھىيىتى بولىشى كېرەك.سىلەرنىڭ سىنىپتىكى ئۇ كىچىك بالىلار ئۆزى تاماق ئېتەلەمدۇ؟ئۆزى پۇل تېپىپ ئۆي سېتىۋالالامدۇ؟ نېمە ئۇ سۆيۈشكەنلىك مۇھەببەتلەشكەنلىك دېگەنلىك؟ئۇ تازىلىققا رۇئايە قىلمىغانلىق بولىدۇ.
«مىكرو ھېكايىلەردىن تاللانما»ژورنىلىنىڭ 2006-يىللىق 8-سانىدىن تەرجىمە قىلىندى.

berna 2011-09-11 13:59
جاۋاپ بېرىشكە نىمدا ئۇستا...

zulal07 2011-09-11 15:49
شۇ تەرجىمە ئەسەركەن راس. ئوقۇسام تازا ماس كەلمىگەندەك بەزى يەرلىرى. ھازىرقى بالىلارغا تەربىيە ئىشلىمەك قىيىن بولۇپ كەتتى. چۈنكى بالىنى ئائىلە، مەكتەپ، جەمئىيەت تەربىيلەيدۇ ئەمەسمۇ. قايسى ھالقىدىن مەسىلە كۆرۈلسە تىرىشچانلىق نەتىجسىگە تەسىر يېتىدۇ. شۇڭا ، ھەممە تەرەپ ئىگىلىرى مەسئۇلىيىتىنى بىلىشى كېرەك.

nazari 2011-09-11 16:08
شۇڭلاشقا كىچىك بالىلارنى ئۇنداق ئېچىلىپ كەتكەن باغچىلارغا قالايمىقان ئاپارماسلىق كېرەك.
ئاتا-ئانا بولغۇچى،بالىلارغا ئائىلە تەربىيسىنى ئىلمىي يۇسۇندا،كىچىكىدىن تارتىپ قەتئىي بوشاشتۇرۇپ قويماي ئېلىپ بېرىشى لازىم.
"بالا ئاتا-ئانىغا بېرىلگەن ئامانەت.بالىنى ياخشى تەربىيلىمىگەنلىك ئامانەتنى زايا قىلىۋەتكەنلىك"بولىدۇ.
بىر جەمىيەتنىڭ تۈزۈلىشى ئۈچۈن ،شۇ جەمىيەتنىڭ ھەربىر ئەزالىرى ئورتاق كۈچ چىقىرىشى لازىم.

nursima 2011-09-11 18:34
نەقىل
بۇ 3قەۋەتتىكىnazari يوللىغان 2011-09-11 16:08 غا قارتىلغان  :
شۇڭلاشقا كىچىك بالىلارنى ئۇنداق ئېچىلىپ كەتكەن باغچىلارغا قالايمىقان ئاپارماسلىق كېرەك.
ئاتا-ئانا بولغۇچى،بالىلارغا ئائىلە تەربىيسىنى ئىلمىي يۇسۇندا،كىچىكىدىن تارتىپ قەتئىي بوشاشتۇرۇپ قويماي ئېلىپ بېرىشى لازىم.
"بالا ئاتا-ئانىغا بېرىلگەن ئامانەت.بالىنى ياخشى تەربىيلىمىگەنلىك ئامانەتنى زايا قىلىۋەتكەنلىك"بولىدۇ.
بىر جەمىيەتنىڭ تۈزۈلىشى ئۈچۈن ،شۇ جەمىيەتنىڭ ھەربىر ئەزالىرى ئورتاق كۈچ چىقىرىشى لازىم.

مەنمۇ سىز بىلەن ئوخشاش كۆز قاراشتا.

zilnur 2011-09-11 18:35
ئۇنداق قازانغا مۇنداق چۆمۈچ دىگەندەك ،كاللا ئىشلىتىپ چۈشەندۈرۈپتۇ.

qeqan 2011-09-11 20:03
شۇ تەرجىمە ئەسەركەن راس. ئوقۇسام تازا ماس كەلمىگەندەك بەزى يەرلىرى. ھازىرقى بالىلارغا تەربىيە ئىشلىمەك قىيىن بولۇپ كەتتى. چۈنكى بالىنى ئائىلە، مەكتەپ، جەمئىيەت تەربىيلەيدۇ ئەمەسمۇ. قايسى ھالقىدىن مەسىلە كۆرۈلسە تىرىشچانلىق نەتىجسىگە تەسىر يېتىدۇ. شۇڭا ، ھەممە تەرەپ ئىگىلىرى مەسئۇلىيىتىنى بىلىشى كېرەك.
ماس كەلمىگەن يەرلىرىنى كۆرسىتىپ بېرىپ،تۈزىتىۋېلىشىمغا ياردەم بەرسىكەن دېگەن ئۈمىدتىمەن.

tiltumar 2011-09-11 23:00
مىنىڭ بالامدەك"ئاپا توي رەسىمىدە نىمىشقا مەن يوق "دىگەندەك سوئال سوراپتۇ بۇ بالىلار.

harakux 2011-09-12 17:56
ئادەمنىڭ كىچېكى قالمىدى .ھازىر قورساقتىكى بالېنى تەربىيلەۋاتسا.

otyurakohlan 2011-09-12 18:11
بالىلارنىڭ بەزى سۇئاللىرى ئاتا ئانىلارنى ھەقىقەتەن تەمتىرتىپ قۇيىدۇ

tumaris107 2011-09-12 18:31
بەكمۇ ئۇستىلىق بىلەن جاۋاپ بىرىپتۇ.

xamurat 2011-09-12 23:19
    بۇ بالىنىڭ ئاپىسى بولمايدېكەن  ئۇ يەرنڭە شۇنداق ئېكەنلىكىنى بىلىپ تۇرۇپ ئاپارغىنى نېمىسى  ئىشنى بۇزغاننىڭ ھەممىسى  ئاپىسىكەن \ ياكى بالىسى بويتاق  قېلىشتىن  قوققان ئوخشايدۇ

qeqan 2011-09-13 00:36
ئەستايىدىل ئوقۇپ ئېنكاس يازغىنىڭىزدىن تولىمۇ سۆيۈندۈم.لېكىن ئېملاغا دىققەت قىلسىڭىز.

uzunomur 2011-09-13 01:08
ھەي..  قانداق  بوپ كەتتى  بۇ ئىشلار  ئەمدى...

zulal07 2011-09-13 02:52
مەن تەرجىمە قىلىنغانلىقىنى ئىسپاتلايدىغان يېرىنى دېگەن ئىدىم. سىز تۈزىتىۋالىدىغان بولسىڭىز دېمەك تەرجىمان سىز ئىكەنسىزدە.
،ھامبورگ بولكىسى يىيىشكە يېتەمدۇ يەتمەمدۇ .  
بۇ جۈملىلەر بىزگە ماس كەلمەيدۇ دېمەكچى. باشقىچە ئويلاپ قالماڭ. لېكىن يازمىنىڭ تەربىيىۋى ئەھمىيىتى جەھەتتە باشقا قاراشتا بولمىدىم.
   تېخىمۇ ياخشى يازمىلارنى يوللاپ تۇرىشىڭىزنى ئۈمىد قىلىمەن.

qeqan 2011-09-13 05:11
سەمىمىي تەكلىۋىڭىزنى خوشاللىق بىلەن قۇبۇل قىلىمەن.
بۇندىن كېيىن ئاشۇنداق يەرلەردە بەكرەك دىققەت قىلسام بولغىدەك.
رەھمەت سىزگە.

otyak 2011-09-13 11:16
بالىلار كىچىك ۋاقتىدا ناھايىتى كۆپ سۇئال سورايدۇ.( ئەقىللىق بالىلار)ئۇلارغا نىسبەتەن ئاتا-ئانا بولغۇچى ھەم چوڭلار كىچىك بالىلارنىڭ سورىغان سۇئاللىرىغا زىرىكمەي-تىرىكمەي ئىلمى پوزۇتسىيە بىلەن جاۋاپ بىرىش كىرەك. قالايمىغان، يالغان ... جاۋاپلارنى بىرىپ قويسا ، بالىلارنىڭ ساغلام ئۆسۈپ يىتىلىشىگە زىيىنى بار.
بۇ تىما ئاتا-ئانىلار ھەم چوڭلار ئۇچۇن بىر تەربىيىۋى ئەھمىيەتلىك تىما ئىكەن. ئەجرىڭىزگە رەھمەت !

555rikabatqi 2011-09-13 17:39
ھازىرقى بالىلار كارامەت دىگەن شۇدە

zulal0999 2011-09-13 18:27
ۋەھشىلا پاراڭلاكەنغۇ بۇ.....ئادەمنى قۇقۇتۇپ...بالىنىڭ كىچىكى قالماپتۇ جۇمۇ؟

555rikabatqi 2011-09-13 20:10
ھازىر جاۋاپ ئاتا ئانىللار  كارامەت ھە ...........

zulpehar 2011-09-13 20:59
بالىلىارنى زادى  قانداق تەربىيلەش  كىرەك  
قايسى  جەھەتتىن يىتىلدۈرۈش  كىرەك بۇ  ئەڭ ئىنچىكە  بىر  مەسىلە  

tarimwadisi 2011-09-14 02:07
باللار باغچسىغا كىرىپ ئاشۇنداق ئولتۇرۋالىدىغان نوچىلار كۆپ،ياشلار باغچىسنى بىلمەمدىكىن دىسە تېخى،بىلدىغان ئوخشايدۇ تېخى.ئەلۋەتتە كىچىك بالا ئاشۇنداق سۇئال سورايدۇ.

winira523 2011-09-14 17:11
    

مۇبارەك 2011-09-15 10:25
كىچىك داداملارنىڭ بۇرۇنقى ئۆيلىرى تۆمۈر يول تەرەپتىكى ھويلىلىق بىر تۇتاش سېلىنغان ئۆيلەردە ئىدى. باشلانغۇچتىكى چاغلاردا مەن دائىم مومام بىلەن بىللە بولاتتىم تەتىللەردە. ئەتىراپىدىلا بىر بەكمۇ ئىگىز ئەمەس تال-دەرەخلەر بىلەن قاپلانغان يەر بولىدىغان. بىر قېتىم شۇ يەردە بىر قىز-ئوغۇلنىڭ(خەنزۇ)كۇسۇرلىشىپ ئولتۇرغىنىنى كۆرۈپ، جىق ئويلىمايلا چەتكە توختۇتۇپ قويغان ۋېلىسىپىتىنىڭ يىلىنى چىقىرىۋېتىپ قېچىپ كەتكەنىدىم. ئەمدى ئويلىسام كۈلگۈم كېلىۋاتىدۇ...

kadirlik 2011-09-15 16:13
ھازىرقى بالىلار زاكىسىدىلا قىرىپ كەتتى. بىز ئاتا-ئانىلار خىلى ھۆشىمىز بىلەن تۇرمىساق ئۇلارغا جاۋاپ بىرىپ بۇلالمايمىز ، قايىل قىلالمايمىز .

arafat1234 2011-09-15 18:32
ئۇنداق قازانغا مۇنداق چۆمۈچ دىگەندەك ،كاللا ئىشلىتىپ چۈشەندۈرۈپتۇ.

saba. 2011-09-15 22:13
مىنىڭ ئالتە ياشقا كىرگەن قىزىم قايسى كۈنى ئولتۇرۇپ ، ئاپا ئادەمنىڭ تېلى نېمىشقا بىرەر نەرسە دەرھال تېگىشى بىلەنلا ئۇ نەرسىنىڭ ، سوغۇق ، ئىسسىق ، ئاچچىق  ، تاتلىق ياكى ئاجايىپ باشقا بىر تەم ئىكەنلىكىنى  سىزەلەيدۇ ؟
دەپ مەندىن سۇئال سورغان ئىدى ، دەماللىققا بىر نەرسە دىيەلمەي ، ئاللاھ بەندىلەرنىڭ ھەر بىر ئەزاسىنى ئاشۇنداق سەزگۇر ياراتقان .
مەسلەن ، كۆزنى مەيلى كىچىك ياكى چوڭ نەرسىلەر بولسۇن ، دەرھال قارغان ئىكەنمىز كۆرەلەيمىز .
قۇلقىمىز بىز ئاڭلىيالىغىدەك ئەھۋالدا ھەر قانداق سۆز بولۇشتىن قەتئىنەزەر ئاڭلاپ  تۇرىمىز .
بۇرنىمىز مەيلى خۇش - پۇراقلىق نەرسە بولسۇن ، ياكى بەد - بۇي نەرسە بولسۇن دەرھال  پۇراپ سىزەلەيمىز ................مانا بۇ ئۇلۇغ ئاللاھنىڭ بىز بەندىللىرىگە ئاتا قىلغان موجىزلىرى.
دەپ مۇشۇنچىلىكلا چۈشەندۇردۇم .
قىزىم تۇرۇپ كىتىپ ، ھە -..........دەپ باشقا گەپ قىلمىدى .
ھازىرقى باللارنىڭ سورغان كېچىككىنە سۇئالى بولسىمۇ ، ئاتا - ئانىلار شۇ سۇئالغا ئويلۇنۇپ جاۋاپ بەرمىسە ، باللارنىڭ ئىڭىدە شۇ جاۋاپ مەڭگۈ خاتىرە بولۇپ قالىدۇ .
بالىلار بىر پارچە ئاق قەغەزگە ئوخشاش ،دەسلەپ شۇ قەغەزگە ئاتا - ئانا بولغۇچىنىڭ قەلىمى تېگىدۇ ، شۇ قەغەزگە نېمىلەرنىڭ يىزىلىشى ،  ئاتا - ئانىلارنىڭ باللارغا بەرگەن تەسىرى ۋە سانسىز نېمە ئۈچۈنلىرى بىلەن ئاق قەغەزگە سىزىلىپ ماڭىدۇ .

3315 2011-09-16 23:45
ئەشۇنداق بىئەدەپ - ھاياسىزلارنىڭ پەرزەنىتلىرى ئاشۇلاردىن شۇنداق سۇئاللارنى سورىسا نىمە دەر شۇلار ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

mamtimin288 2011-09-21 12:36
4-قاتار دىكى  نۇرسىمە نىڭ  3-قاتار دىكى دوستىمىزنىڭ  يازغان ئېنكاسىغا
شۇڭلاشقا كىچىك بالىلارنى ئۇنداق ئېچىلىپ كەتكەن باغچىلارغا قالايمىقان ئاپارماسلىق كېرەك.
ئاتا-ئانا بولغۇچى،بالىلارغا ئائىلە تەربىيسىنى ئىلمىي يۇسۇندا،كىچىكىدىن تارتىپ قەتئىي بوشاشتۇرۇپ قويماي ئېلىپ بېرىشى لازىم.
"بالا ئاتا-ئانىغا بېرىلگەن ئامانەت.بالىنى ياخشى تەربىيلىمىگەنلىك ئامانەتنى زايا قىلىۋەتكەنلىك"بولىدۇ.
بىر جەمىيەتنىڭ تۈزۈلىشى ئۈچۈن ،شۇ جەمىيەتنىڭ ھەربىر ئەزالىرى ئورتاق كۈچ چىقىرىشى لازىم.
ھەر بىر ئاتا ئانىلارنىڭ مەجبۇرىيتى بۇنىڭ دىن ھىچبىر ئاتا ئانا قىچىىپ قۇتلالمايدۇ
پەرزەنىت تەربىيسى شۇ ئائېلىنىڭ كونىلار7ئەۋلدادىنىڭ ئائېلە تەربىيسىگە بىرىپ ياتىدۇ

jiuxing 2011-09-23 14:29
كىچىك بالىلارغا  يالغان گەپ قىلىپ خاتا يولغا باشلىماسلىق لازىم ئەگەردە يۇقارقىدەك بىمەنە سۇئال سورىسا سىلىق ھالدا بۇنداق سۇئال سورىسا بولمايدىغانلىقىنى، قاراشقىمۇ، ئۈگۈنۈشكە بولمايدىغانلىقىنى ئېيتىش كىرەك...

tograk001 2011-09-30 11:30
ئاجايىپ جاۋاپكەن....كىچىكلەرنىڭ بەزى سۇئاللىرى ئادەمنى بەكلا ئويغا سېلىپ قويىدۇ...

8885008 2011-10-14 06:46
    

hadisa 2011-10-14 14:23
راستلا ئەقىللىق ئىكەن!


رەسىمسىز مۇنازىرە: [-- توققۇز نېمە ئۈچۈن --] [-- top --]



Powered by PHPWind v7.3.5 Code © 2003-08 Guldiyar
Time 0.050736 second(s),query:3 Gzip disabled

You can contact us