نۇرخاندا نېمە بار، نېمە يوق [ئانا تىلىم جان تىلىم] ئەلكۈيى مۇنبىرى

رەسىمسىز مۇنازىرە: [-- نۇرخاندا نېمە بار، نېمە يوق --]

ئەلكۈيى مۇنبىرى -> [ئانا تىلىم جان تىلىم] -> نۇرخاندا نېمە بار، نېمە يوق [بېسىپ چىقىرىش]

كىرىش -> ئەزا بولۇش -> ئىنكاس يوللاش -> تېما يوللاش

<< 1 2 >> Pages: ( 2 total )

gulen

2011-09-07 14:59

نۇرخاندا نېمە بار، نېمە يوق

نۇرغا تولسۇن نۇرخاندا دىللار!
نۇرخان تەكرارلاش مەكتىپى قۇرۇلغان ئىككى يىلدىن بۇيان ئالى مەكتەپكە تۈرلۈك سەۋەبتىن بارالماي قالغان ئوقۇغۇچىلارنى قايتا ئوقۇتۇپ ئاتا-ئانىلارنى غەمدىن خالاس قىلىپ كەلدى. 2011-يىلى ئالى مەكتەپكە ئۆتكۈزۈش نىسبىتىنى 100% گە يەتكۈزۈپ جەمئىيەتنىڭ ئىتىراپ قىلىشغا ئېرىشتى. بۇ قېتىم مەكتەپ، قايتا ئوقۇيدىغانلار ئۈچۈن پۈتۈن كۈنلۈك ئالى مەكتەپ تەكرار سىنىپى، تولۇق ئوتتۇرا مەكتەپ ھەرقايسى يىللىقلار ئۈچۈن كەچلىك كۈچەيتمە سىنىپى، تولۇقسىز ئوتتۇرا مەكتەپ ئوقۇغۇچىلىرىغا كەچلىك يېتەكچىلىك سىنىپى، قاتارلىق سىنىپلارنى ئاچتى. دەرسلەرنى شەھرىمىزدىكى ھەرقايسى پەنلەرنىڭ مۇتەخەسىس ئوقۇتقۇچىلىرى ئۆتىدۇ. مەكتەپ يەنە ئامېرىكىدىن يېقىندا قايتىپ كەلگەن ئابدۇۋەلى ئايۇپ، مېھرىگۈل مۇئەللىم، ياپۇنىيەدە ئوقۇغان پاتىمە ۋە ئالىمجان مۇئەللىملەرنى تەكلىپ قىلىپ شەنبە يەكشەنبىلىك ۋە كەچلىك ئېنگىلىزچە، ياپۇنچە ۋە تۈركچە كۇرۇسلارنى ئورۇنلاشتۇردى. ئاسپىرانتلىق ئىمىتىھانى بەرمەكچى بولغانلار ئۈچۈن ئېنگىلىزچە، سىياسەت تەييارلىق سىنىپى، خەنزۇچىدا ئوقۇۋاتقانلارغا ئېنگىلىزچىدىن باشلانغۇچ ۋە ئوتتۇرا مەكتەپ كۈچەيتىش سىنىپلىرىنى داۋاملىق ئاچماقچى. مەكتەپ ئوقۇتۇشتا دەرس ئارقىلىق يېتەكلەش، پائالىيەت ئارقىلىق رىغبەتلەندۈرۈش، تەنتەربىيە ئارقىلىق تاۋلاش قاتارلىق شەكىللەرنى بىرلەشتۈرۈپ تەربىيىلەيدۇ.
مەكتىپىمىزدىكى تۈركىيەدە تەتقىقات بىلەن شۇغۇللانغان، ئامېرىكا كانزاس ئۇنۋېرىستىتىتىنى يېقىندا پۈتۈكۈزگەن ئابدۇۋەلى ئايۇپ مۇئەللىم ئاتا-ئانىلارغا پەرزەنتلەردىكى دىققتىنى يىغالماسلىق، ئۆزلىگىدىن ئۆگەنمەسلىك، جىمغورلۇق، جۈرئەتسىزلىك قاتارلىق پېسخىك يېتىشسىزلىكلەر ھەققىدە ھەقسىز مەسلەھەت بېرىدۇ.
ئوقۇيلى، ئوقۇتايلى، كەلگۈسىزىمىز نۇرلۇق، مەنزىلىمىز نۇرخان بولسۇن.

ئورنى: قەشقەر شەھەر پەن-تېخنىكا سارىيى 4- قەۋەت. يەنى يۈسۈپ خاس ھاجىپ مەقبەرىسى ئۇدۇلىدىن كىرىسىز.
تېلىفون: ، 2877997، ، 15199300236، 15352587782

kalgen	2011-09-07 17:46
كەلگۈسىڭىز نۇرغا تولسۇن نۇرخان.

iffat	2011-09-07 17:50
قەشقەردە بۇلۇپ قالمىغانلىغىمدىن تۇلىمۇ ئەپسۇسلىنىمەن.

baburhan

2011-09-07 19:28

     مەن چەت ناھىيدە بولغاچقا بۇنداق تەربىيلەش ئورنىغا بىرىپ ئۈگۈنۈش پۇرسىتى يوق.
بىزدە ئۈگۈنۈش ئارقلىق كەلگۈسىمىزنى يارىتىشتىن ئارتۇق باشقا يول يوق بولغاچقا ئوغلۇمغا ئۈگۈتۈش ئۈچۈن مەن ئۆزلىكىمدىن ئىنگىلىز تىلى ئۈگۈنىۋاتىمەن، لىكىن جاپالىق ئىكەن، بىراق بۇنىڭغا چىداش كىرەكتە،باللىرىمىزنىڭ كەلگۈسىگە بىز ئىگە بولمىساق كىم ئىگە بولاتتى.ئۈگۈنۈش قىلىشقا ۋاقىت كەملىك قىلمايدۇ،كەملىك قىلىدىغىنى پەقەت تىرىشچانلىق.بىز ھەممىمىز تىرىشساق ھامان بىر كۈنى روھىمىزدا ئۆزگىرىش بولىۋاتقانلىقىنى ھىس قىلىپ يىتەلەيمىز.

    ئۈگۈنۈش ھاياتنىڭ بارلىق تەرىپى ئەمەس لىكىن شۇ ئۆزلىكىسىز ھاياتنىڭ بىر قىسمى بولغان ئۈگۈنۈشنىمۇ قىلغىلى بولمىسا يەنە قايسى ئىشنى قىلغىلى بولسۇن.

taxbalik	2011-09-07 19:37
ئۈگۈنۈش ھاياتنىڭ بارلىق تەرىپى ئەمەس لىكىن شۇ ئۆزلىكىسىز ھاياتنىڭ بىر قىسمى بولغان ئۈگۈنۈشنىمۇ قىلغىلى بولمىسا يەنە قايسى ئىشنى قىلغىلى بولسۇن. بۇ سۆزنىڭ ھەقىقەتەن ئاساسى بار ئىكەن .

taxbalik	2011-09-07 19:43
ئەسسالامۇ ئەلەيكۇم نۇرخانا دىگەن سۆزنىڭ مەنىسنى نۇرغا تولدىغان ئورۇن دەپ چۈشەنسەك بولدىكىندە . خۇددى ئاشخانا ، كومپىيۇتىرخانا ....دىگەندەك

80halta

2011-09-07 20:49

ئۆزگىچە ئەندىزە بىلەن ئويۇن ئارقىلىق بالىلارغا خاس تەپەككۈر يېتىلدۈرۈش، ئاتا-ئانىلار بىلەن بالىلار بىللە ئوينايدىغان يەسلى قۇرۇش ھەققىدىكى پاراڭلار بەك تېتىغان ئىدى. چوڭ ئوغلۇمنى ئاپىرىپ بىللە <<ئويناپ>> كىلەمىز دېسەم، بۇ خىل تەربىيە ئۇسۇلىنى توغرا كۆرىدىغان ئاتا-ئانىلار چىقمىغانمۇ قانداق، بالىلىرىنى ئاپىرىدىغان ئاتا-ئانىلارنىڭ تايىنى بولمىغاچقا بۇ پىلان ئارزۇ پېتىچە قالدى. بەلكىم 10 دىن ئارتۇقراق بالىلار بولغان بولسا باشلاپ كېتەر بولغىيدى. بۇ جەھەتتە ئاتا-ئانىلارغا تەشۋىقات يېتەرسىز بولدىمۇ يا باشقا سەۋەب بارمۇ، بۇ ئىش قوللاش يىتەرلىك بولمىغان سەۋەپ رىئاللىققا ئايلىنالماپتۇ.

تۈرك كىنولىرىنى كۆرۈپ ھوزۇرلىنىش ئۈچۈن تۈركچە ئۈگۈنەي دەپ نىيەت قىلىپ بەلنى باغلىسام گۈلەننىڭ باشلىۋالغان تۈرك تىلى سىنىپىغا بىرە يېرىم ئاي بولغاندەك. بالىلارنىڭ كەيپىياتى شۇنداق جۇشقۇن. لىكىن مەن بۇ سىنىپنى يېڭىدىن باشلىغاندا ئوقۇساممىكىن دەپ بىر كۈن بىرىپلا توختاپ قالدىم.

ھازىر ئۇيغۇرچە نەشىر قىلىنغان تۈرك تىلى دېگەن كىتابنى ئانچە - مۇنچە كۆرۈپ قويىۋاتىمەن.
مېنىڭچە نۇرخان مەكتىۋىنى تەخىمۇ كەڭ تەشۋىق قىلسا بولغۇدەك. ھەر قانچە ئوبدان نەرسىنىمۇ كىشىلەر تونىمىسا قىممىتىنى ھېس قىلالمايدۇ.

zilnur	2011-09-07 21:33
ئەجەپ بەلەن بوپتۇ.

abdukorax

2011-09-07 22:45

ياشاپ كەتسۇن نۇرخانغان نۇر ياققانلار ...
ئادەمنى ئەجەپ خۇشال قىلىۋەتتىيا،ئاسپىرانتلىق ئىمتاھانى بەرمەكچى بولغانلار ئۈچۈن ئىنگىلىزتىلى،سىياسەت تەييالىق سىنىپى،ۋاي نىمە دىگەن بەلەن گەپ بۇ .
دەرس باشلاش ۋاقتى قاچاندۇ مانا .
ھاياجنىمنى باسالمايۋاتىمىنا خۇشاللىقتىن ...
رەھمەت ،گۈلەن

turkinaz0992	2011-09-07 22:53
بەك ياخشى بوپتۇ ، ئېسىت قەشقەردە بولغان بولسامچۇ ! نۇرخانغا پارلاق كېلەچەك تىلەيمەن !!!!

kanyax	2011-09-07 23:43
ۋاقىت ۋە باشقا شارائىتلار يار بەرسە تور دەرىسخانىسى تەسىس قىلىنغان بولسا بەك ياخشى بولاركەنتۇق........

tarim-oghli

2011-09-07 23:45

باشقا شەھەر ، ۋىلايەت ، ناھىيەلەرگىچە شۆبىسى قۇرۇلسا تېخىمۇ ياخشى بولاركەن ئەسلى.
ئالدى بىلەن قەشقەردىكىسى گۈللەپ روناق تاپسۇن!
گۈلەننىڭ باسقان قەدەملىرى تېخىمۇ نۇرلانسۇن! ئامەت ، خوشاللىقلار سىزگە يار بولسۇن!ھارمىغايسىز!!!...

kanyax	2011-09-07 23:51
توغرا دەيسىز ،تارماق مەكتەپلىرىمۇ بولسا-ھە~~~~~باشقا ۋىلايەتتىكىلەرمۇ ئوقۇيالىسا گۈلەن ئەپەندىنىڭمۇ كوڭلىدە بۇ جەھەتتە سان بامىكىن دەپ ئويلايمەن

nursima

2011-09-08 00:47

نەقىل
بۇ 6قەۋەتتىكى80halta يوللىغان 2011-09-07 20:49 غا قارتىلغان :
ئۆزگىچە ئەندىزە بىلەن ئويۇن ئارقىلىق بالىلارغا خاس تەپەككۈر يېتىلدۈرۈش، ئاتا-ئانىلار بىلەن بالىلار بىللە ئوينايدىغان يەسلى قۇرۇش ھەققىدىكى پاراڭلار بەك تېتىغان ئىدى. چوڭ ئوغلۇمنى ئاپىرىپ بىللە <<ئويناپ>> كىلەمىز دېسەم، بۇ خىل تەربىيە ئۇسۇلىنى توغرا كۆرىدىغان ئاتا-ئانىلار چىقمىغانمۇ قانداق، بالىلىرىنى ئاپىرىدىغان ئاتا-ئانىلارنىڭ تايىنى بولمىغاچقا بۇ پىلان ئارزۇ پېتىچە قالدى. بەلكىم 10 دىن ئارتۇقراق بالىلار بولغان بولسا باشلاپ كېتەر بولغىيدى. بۇ جەھەتتە ئاتا-ئانىلارغا تەشۋىقات يېتەرسىز بولدىمۇ يا باشقا سەۋەب بارمۇ، بۇ ئىش قوللاش يىتەرلىك بولمىغان سەۋەپ رىئاللىققا ئايلىنالماپتۇ.

تۈرك كىنولىرىنى كۆرۈپ ھوزۇرلىنىش ئۈچۈن تۈركچە ئۈگۈنەي دەپ نىيەت قىلىپ بەلنى باغلىسام گۈلەننىڭ باشلىۋالغان تۈرك تىلى سىنىپىغا بىرە يېرىم ئاي بولغاندەك. بالىلارنىڭ كەيپىياتى شۇنداق جۇشقۇن. لىكىن مەن بۇ سىنىپنى يېڭىدىن باشلىغاندا ئوقۇساممىكىن دەپ بىر كۈن بىرىپلا توختاپ قالدىم.
ھازىر ئۇيغۇرچە نەشىر قىلىنغان تۈرك تىلى دېگەن كىتابنى ئانچە - مۇنچە كۆرۈپ قويىۋاتىمەن.
مېنىڭچە نۇرخان مەكتىۋىنى تەخىمۇ كەڭ تەشۋىق قىلسا بولغۇدەك. ھەر قانچە ئوبدان نەرسىنىمۇ كىشىلەر تونىمىسا قىممىتىنى ھېس قىلالمايدۇ.

تۈرك تىلى دىگەن بۇ كىتاپنى نەدىن سېتىۋالىغىلى بولىدۇ؟ بىزنىڭ بۇ يەردىكى (ئاقسۇ)كىتاپخانىلاردىن تولا ئىزدەپ قېزىۋەتتىم،تۈركچىگە ئائىت كىتاپ ماتىريال يوق،ياردەم قىلساڭلارچۇ؟

narazi

2011-09-08 12:04

بىز ئاغىنىلەردىن ئۈچىمىز باللىرىمىزنى شۇ ئېچىلغۇچى يەسلىگە بىرىشنى نىيەت قىلىۋاتىمىز
ئۆز-ئارا تەشۋىقاتنى تېخىمۇ ياخشى قىلساق ئاللا خالىسا پات يېقىندا ئېچىلىپ كەتكۈسى
بالىلار كۆپرەك بولغاندىلا يەسلى ھەققى بەك يۇقىرى بوپ كەتمەسلىگى مۇمكىن

binava

2011-09-08 12:05

نۇرغۇن مىللەتلەر خەلقى تارىختىن بۇيان خان-پادىشالارنى قوغداش يولىدا جېنىنى سېلىپ كەلدى.يەھۇدىلار بولسا،بىر مەكتەپنى،ئۇمەكتەپ ھەتتا ناھايىتى ئاددى،كۆرۈمسىز بولسىمۇ،نامى مەكتەپ بولغانلىقى،ئەمەلى ئىشىمۇ مەكتەپ مەزمۇنىدا بولغانلىقى ئۈچۈن ئۇنىڭۇغا جېنىنى پىدا قىلدى، قوغدىدى.

مۇبارەك	2011-09-08 12:16
ئەڭ يۈكسەك دەرىجىدە قەدىرلەشكە تېگىشلىكى، ھەربىر كۈننىڭ قىممىتىدىن ئارتۇق بولمىسا كېرەك. كەلگۈسىمىز نۇرلۇق بولسۇن.

xamxar901	2011-09-08 13:21
ئەجەپ بەلەن بوپتۇ.رەھمەت .

haliktash	2011-09-08 16:52
باسقان ئىزىڭلاردىن گۈل ئۈنسۇن!! مەن بۇ كۇرۇسنى كۈچۈمنىڭ يىتىشىچە باشقىلارغا تونۇشتۇرىمەن..............................

koygandengiz	2011-09-08 18:28
" گۈلەن " نىڭ يازمىلىرىنى كۆرۈپ ئىزچىل ئۇنىڭدىن پەخىرلىنىپ كەلگەن ئىدۇق . بۈگۈن يازمىنى كۆرۈپ تېخىمۇ خوشال بولدۇم ، ئىشلىرىڭىزغا نەتىجە تىلەيمەن !

sadakat0996

2011-09-08 19:01

     بۇ مەكتەپ ياخشى قۇرۇلۇپتۇ ،  بۇ مەكتەپ ھەقىقەتەن  ئاتا-ئانىلارنى غەمدىن خالاس قىلغىدەك .بۇمۇ  ئۇيغۇر  مائارىپىنى راۋاجلاندۇرۇشتىكى ئۈنۈملۈك ۋاستە . مەكتەپ قۇرغۇچىسىغا ئاپىرىن .
    نۇرخان تەكرارلاش مەكتىپىگە تەكلىپ قىلىنغان ئوقۇتقۇچىلارنىڭ  بىلىم سەۋىيىسىدىن  گۇمان قىلۋاتىمەن چۈنكى بۇ ئوقۇتقۇچىلارنىڭ ئېرىشكەن ئىلمى ئونۋانى تىلغا ئېلىنماي قايسى دۆلەتتە ئوقۇغانلىقى تىلغا ئېلىنىپتۇ ، ھەممىگە مەلۇم ھازىر ئىلىم ساھەسىدە بىر كىشىنىڭ بىلىم سەۋىيىسىنى  قايسى دۆلەتتە ئوقۇغانلىقىغا ئەمەس بەلكى قانداق ئىلمى ئۇنۋانغا ئېرىشكەنلىگىگە قارىلىدۇ . ئوقۇتقۇچىلارنىڭ ئېرىشكەن ئىلمى ئونۋانى تىلغا ئېلىنغان بولسا بۇتېمىنىڭ جەلىپ قىلىش كۈچى ھەم شۇ ئوقۇتقۇچىلارنىڭ جەمىيەتتىكى ئابرۇيى يەنىمۇ ئاشاركەن .

tannaz

2011-09-09 00:10

ناھايىتى ياخشى بوپتۇ.يەنىمۇ قوللايمىز.تەتىللىك كۇرۇسقا قىزىمنى تىزىملاتقان ئىدىم.ساۋات چىقىرىش سىنىپى بىلەن ئۆگەنچ ئېنگىلىز تىلى كۇرسىغا،ئۈنىمى ناھايىتى ياخشى بولغان ئىدى. ئەپسۇس ئاران 15كۈن قاتنىشالىدى.

ئاللا نىسىپ قىلسا بۇ قىتىم يەنە تىزىملىتىمەن .ئەمدى تولۇق قاتنىشىدۇ.ئابدۇۋەلى مۇئەللىم رەنجىپ قالمىغانلا ھە؟!

zumret	2011-09-09 02:12
ماۋۇ ئۈرۈمچى تەرەپلەردىمۇ ئاچمامسىز مەكتەپنى گۈلەن ؟

adidas777	2011-09-09 02:27
ھە بۇندىن كىيىكى ئىشلىرىغا ئۇتۇق تىلەيمەن.... 777

gulen

2011-09-09 13:42

نەقىل
بۇ 20قەۋەتتىكىsadakat0996 يوللىغان 2011-09-08 19:01 غا قارتىلغان  :
     بۇ مەكتەپ ياخشى قۇرۇلۇپتۇ ،  بۇ مەكتەپ ھەقىقەتەن  ئاتا-ئانىلارنى غەمدىن خالاس قىلغىدەك .بۇمۇ  ئۇيغۇر  مائارىپىنى راۋاجلاندۇرۇشتىكى ئۈنۈملۈك ۋاستە . مەكتەپ قۇرغۇچىسىغا ئاپىرىن .
    نۇرخان تەكرارلاش مەكتىپىگە تەكلىپ قىلىنغان ئوقۇتقۇچىلارنىڭ  بىلىم سەۋىيىسىدىن  گۇمان قىلۋاتىمەن چۈنكى بۇ ئوقۇتقۇچىلارنىڭ ئېرىشكەن ئىلمى ئونۋانى تىلغا ئېلىنماي قايسى دۆلەتتە ئوقۇغانلىقى تىلغا ئېلىنىپتۇ ، ھەممىگە مەلۇم ھازىر ئىلىم ساھەسىدە بىر كىشىنىڭ بىلىم سەۋىيىسىنى  قايسى دۆلەتتە ئوقۇغانلىقىغا ئەمەس بەلكى قانداق ئىلمى ئۇنۋانغا ئېرىشكەنلىگىگە قارىلىدۇ . ئوقۇتقۇچىلارنىڭ ئېرىشكەن ئىلمى ئونۋانى تىلغا ئېلىنغان بولسا بۇتېمىنىڭ جەلىپ قىلىش كۈچى ھەم شۇ ئوقۇتقۇچىلارنىڭ جەمىيەتتىكى ئابرۇيى يەنىمۇ ئاشاركەن .

gulen

2011-09-09 13:46

نەقىل
بۇ 22قەۋەتتىكىzumret يوللىغان 2011-09-09 02:12 غا قارتىلغان :
ماۋۇ ئۈرۈمچى تەرەپلەردىمۇ ئاچمامسىز مەكتەپنى گۈلەن ؟

ئاللاھ خالىسا يەنە بەش-ئالتە يىلدىن كېيىن ئاچارمىز. لېكىن قەشقەر بىلەن ئۈرۈمچىنىڭ ئارىسىدىكى ھاڭ تەسەۋۋۇرۇمدىكىدىن مىڭ ھەسسە چوڭكەن. ئەسلى ئۈرۈمچىدە قىلىدىغان ئىشكەن بۇ.

gulen

2011-09-09 13:49

نەقىل
بۇ 21قەۋەتتىكىtannaz يوللىغان 2011-09-09 00:10 غا قارتىلغان :
ناھايىتى ياخشى بوپتۇ.يەنىمۇ قوللايمىز.تەتىللىك كۇرۇسقا قىزىمنى تىزىملاتقان ئىدىم.ساۋات چىقىرىش سىنىپى بىلەن ئۆگەنچ ئېنگىلىز تىلى كۇرسىغا،ئۈنىمى ناھايىتى ياخشى بولغان ئىدى. ئەپسۇس ئاران 15كۈن قاتنىشالىدى. ئاللا نىسىپ قىلسا بۇ قىتىم يەنە تىزىملىتىمەن .ئەمدى تولۇق قاتنىشىدۇ.ئابدۇۋەلى مۇئەللىم رەنجىپ قالمىغانلا ھە؟!

ياقەي، موھىت شۇنداق بولۇپ قالدى. جاپاكەشلىك ھەممىنى ھەل قىلالمايدۇ، بولۇپمۇ ئۇ چاغلاردىكى ۋەھىمىلىك موھىت تاس قالدى ئۈمىدلەرنى بەربات قىلغىلى.

mahbus

2011-09-09 13:59

گۈلەن ئەپەندىنىڭ خاسىيەتلىك ئىشلارغا دادىل قەدەم قويغىنىغا ئاپىرىن ئېيتىمەن .
تۇزۇم ۋە ئادەملەرنىڭ مائارىپ تەربىيىسىگە بولغان قارىشىدا قەشقەر بىلەن ئۈرۈمچى ئوتتۇرىسىدا غايەت زور پەرق بار . بۇ جەرياندا ئۆزىڭىز ئويلاپمۇ باقمىغان مۈشكۇلاتلارغا ، توسالغۇلارغا دۈچ كېلىشىڭىز مۇمكىن . لېكىن ئەۋلاتلار ئۈچۈن قىلىۋاتقان بۇ خاسىيەتلىك ئىشىڭىزنى قوللايدىغان ۋە سىزگە مەدەت بېرىدىغانلار يەنىلا كۆپ . ئىشنىمەنكى ئۆزىڭىزدىكى جاسارەت ۋە ئىزدىنىش روھى بىلەن توسالغۇلاردىن چوقۇم ئۆتۈپ كېتەلەيسىز .
ئىشلىرىڭىزغا بەرىكەت تىلەيمەن.

jamalidin	2011-09-09 19:09
نۇرخانا ياىشېكەن

ozkan

2011-09-10 10:26

«نۇرخان»نىڭ نۇرغا تولۇشىنى، ئىلىم نۇرلىرى بىلەن دىللارنى تېخىمۇ نۇرلۇق قىلىشىنى، باسقان ئىزلىرىدىن گۈل ئۈندۈرۈپ، ئۆزىگە ئىشەنگەنلەرگە جاۋاب قايتۇرىشىنى ئۈمىد قىلىمەن.
ئەسلىدە بۇ يەردە بىزنىڭ پاتىمە مۇئەللىم باركەن ئەمەسمۇ! پاتىمە مۇئەللىمنىڭ ئوچۇق- يورۇق، چىقىشقاق، كەمتەر مىجەزىنى ياقتۇرىمەن. دەۋرىمىزدە سىزدەك يۈكسەك غايىسىگە يېتىش يولىدا ئۈزلۈكسىز تىرىشچانلىق كۆرسىتىپ كېلىۋاتقان ئىرادىلىك قىزلار سانىمىزغا نىسبەتلەشتۈرگەندە تولىمۇ ئاز...، مۇبارەك بولسۇن، پاتىمە مۇئەللىم! 5-ئوتتۇرىدىكى قارا كۆزلەرنى ئۇنتۇپ قالماڭ!

sadakat0996

2011-09-11 12:28

مەكتىپىمىزگە قەدەم تەشرىپ قىلىڭ، بىر تاغار دېپلۇم بار. خالىغانچە كۆرۈپ تەكشۈرسىڭىز بولىدۇ. بۇنىڭ ئۈچۈن ئېنگىلىزچە، تۈركچە، ياپۇنچە بىلىشىڭىز كېرەك. بولمىسا دېپلۇممۇ باشقا قەغەزمۇ ئۇقالماي قالىسىز.
مەكتىپىڭلارغا تەكلىپ قىلىنغانلىقىمدىن ئىنتايىن خۇرسەنمەن ،رەخمەت سىزگە . ھېلى ھەم مەكتىپىڭلارنىڭ روناق تېپىشىغا تىلەكداشمەن ،ئەلۋەتتە بىر مەكتەپنىڭ قۇرۇلغىنى مىڭ يۇرۇش مېھمان ساراينىڭ قۇرۇلغىنىدىن كوپ ياخشى ئىش . مەكتىپىڭلارنىڭ جەمىيىتىمىزگە كوپلەپ ئىقتىساسلىقلارنى تەربىيلەپ چىقىشىغا تىلەكداشمەن .
ئەلگە مەلۇم ،ھازىر ئىلىم ساھەسىدە بىر كىشىنىڭ بىلىم سەۋىيىسىنى ئېرىشكەن ئىنۋانىغا قاراپ باھالاش بىر ئەقەللى ساۋات . ئاتا -ئانىلار پەرزەنتنى قايسى مەكتەپكە بېرىشتە شۇ مەكتەپتىكى ئوقۇتقۇچىلارنىڭ بىلىم قۇرۇلمىسىغا دىققەت قىلماي قالمايدۇ، مەلۇم بىر ئائىلە باشلىقى سىزدىن ئوقۇتقۇچىلارنىڭ بىلىم قۇرۇلمىسىنى سورىسا سىز ئۇلارغا :- ئۇلار ئامىرىكا ياپۇنىيەدە ئوقۇغان دەپ ،ئۇلارنى قايىل قىلامسىز ؟، ياكى سىز ئولارغا :-ئېنگىلىزچە، تۈركچە، ياپۇنچە تىللارنى ئۆگىىنىپ كېلىپ ئولارنىڭ دېپلومىنى كۆرۈپ بېقىڭلار دىسىڭىز ئولارنىڭ رايى يانمامدۇ؟! ئۇلار بۇ تىللارنى بىلسە سىلنىڭ مەكتىپىڭلاردا ئوقۇمدۇ؟ ،مەكتەپ قۇرغىنىڭىزغا قارىغاندا سىز بىر ئوقۇنۇشلۇق كىشى بولىشىڭىز مومكىن ،شۇڭا سىز تورداشلارنىڭ ئىكاسىنى توغرا يۇسۇندا قوبۇل قىلىڭ، ئىشلىرىڭىزدىن خۇسۇر تېپىش غەرىزىمىز يوق. رەخمەت.

nazari	2011-09-11 17:42
پۇرسەت بولغان بولسا ئۇقاركەنمەن.

nazari

2011-09-11 17:54

بەزى ئىنكاسلارنى كۆرۈپ سەل بىئارام بولۇۋاتىمەن.ئىلىم ئەھلىلىرى تۇرۇپ،بۇنداق بىراۋنىڭ دىلىنى ئاغرىتىدىغان گەپلەرنى قىلساڭلار قانداق بولىدۇ.
ئوقۇپ باقماي تۇرۇپ ،بىلىم قۇرۇلمىسىنىڭ قانداقلىقىنى بىلگىلى بولمايدۇ.
پەرەزگە ئاساسلىنىپلا گۇمان قىلساق ياخشى بولمايدۇ.
بىراۋغا چۈشەندۈرۈش بەرگەندىمۇ ئىلمىي يۇسۇندا چۈشەندۈرۈش بېرىش كېرەك.كۆڭۈلنى ئاغرىتىدىغان قاتتىق-قورۇق گەپ-سۆزلەردىن ئامال بار ساقلىنايلى.

بىلىم باشقا.ئەخلاق-پەزىلەت باشقا.

nazari

2011-09-11 18:04

بىر ئادەمنىڭ بىلىم قۇرۇلمىسىغا،بىلىملىك كىشلەر تەكشۈرۈپ باھا بېرىدۇ.

بىر ئادەمنىڭ بىلىمىنى ئالغانلار ،ئۇ ئادەمنىڭ شۇ جەھەتتىكى بىلىم قۇرۇلمىسىغا پەقەت يۈزەكى جەھەتتىنلا باھا بېرەلەيدۇ.

شۇڭا بۇ جەھەتتە تالاش-تارتىش قىلىنمىسا.
ئەسلىي تېما بىر ياقتا قېلىپ،تېما مەقسىتى بۇرۇلۇپ كەتمىسۇن.

sadakat0996

2011-09-11 23:14

مەن تورداشلارنىڭ تەكلىبىنى خوشاللىق بىلەن قۇبۇل قىلىمەن ، كۆرۈپ تۇرۇپسىلەر مېنىڭ ئىنكاسلىرىمدا ھىچقانداق كىشىنىڭ دىلىنى ئاغرىتىدىغان سۆز ئىبارىلەر يوق ، مۇنازىردە بەزى قاراشلىرىمىزنى يېزىپ قويىدىكەنمىز ،بۇ نۇرمال ئىشقۇ، ئەگەر ئىنكاسلىرىمدا سىلەر ئويلىغاندەك قاتتىق -قۇرۇق سۆزلەر بولسا مەن كەڭ تورداشلاردىن ئەپۇ سۇرايمەن . رەخمەت

otoken

2011-09-12 13:30

گۈلەن ئەپەندى، سىز سىزدىن ئىلىم تەلەپ قىلىپ كەلگەن كۆزلەرنىڭ ھەممىنى رازى قىلالىدىڭىزمۇ؟
مەن سىزنىڭ دەرسىڭىزنى ئاڭلىغاندىن كىيىن ئىرىشكەن ئەڭ چوڭقۇر بىر ھىكمەت "ئادەم ئامېركىدا ئوقىسىلا بولمايدىكەن....................." دىگەندىن ئىبارەت. سىزدىن سورىغان نۇرغۇن سۇئاللىرىم جاۋابسىز قالدى، ئۈمىدسىزلەندىم، ئىلان تاختىسىغا چىقىرىپ قويۇلغان گەپلەرنىڭ بىر شۇئار ئىكەنلىكىنى بىلدىم. كۇرۇس يېرىملاشقاندا ئوقۇشتىن چىكىندىم.
چۈنكى سىز ئىككى سائەتلىك دەرسنىڭ بىر يېرىم سائىتىدە قۇرۇق گەپ ساتتىڭىز. بىز بۇنداق قۇرۇق گەپلەرگە ئىھتىياجلىق ئەمەس. ئويلاپ بېقىڭ سىز دەسلەپ دەرس باشلىغاندا قانچە ئادەم قاتناشقان، كىيىن قانچە ئادەم قالدى؟ تۆلىگەن پۇلغىغۇ ئىچىم ئاغرىمايدۇ، ئەمما ۋاقتىمغا ئىچىم ئاغرىيدۇ.... ئىسىت....
ئەگەر ھەقىقىي ئىلىم ئىگىسى بولسىڭىز ئوقۇغۇچىلارنى ئالدىماڭ، ئۇلارغا نەپ بىرىڭ. مەكتەپ ئاچقان ئىكەنسىز نوقۇل پايدىنىلا كۆزلىمەڭ.

haliktash

2011-09-12 17:21

جاھالەت سەمەرەسىدىن بىزگە بىر كۈن كۆپ جاپا باردۇر،
ئېيتىڭىزچۇ، بۈگۈنكى ھالىمىزنىڭ قايسى بىرىدە ساپا باردۇر.

تەئاۋۇنۇ — تەناسۇر ئورنىغا بىزلەردە بىر ئادەت،
يېڭى باشنى كۆتۈرگەننى ئۇرۇپ يىغقانمىز باردۇر.

بىرسى بىر ياخشىلىق قىلسا، ئۇنىڭ يادىنى قىلماق يوق،
ئېپى كەلسە بېرىپ ئەۋرەتلىرىن ئاچقانمىز باردۇر.

خاتائەن دوستىمىزدا بىر ئەيىب زاھىر بولۇپ قالسا،
يوشۇرماي بىرگە ئوننى تېپىپ قاتقانىمىز باردۇر.

قىزىل كۆزلۈك، كۆرەلمەسلىك ۋە يا ئۆزى قىلالماسلىق،
قىلاي دەپ بەل باغلىغانلارغا تۈرلۈك – تۈمەن بوھتانىمىز باردۇر.

ئەل – يۇرتنىڭ دەردىگە قىلچىمۇ دەرمان بولمىدۇق بىزلەر،
كېلۇر بىر كۈن ئاشۇ چاغدا ئورنىغا كەلمەس پۇشايمانىمىز باردۇر.

ئابدۇخالىق بەس، يېتەر ئاۋارە بولما، قاقشىما،
شۇ چاغ كەلگەندە بىزلەردە ئازابقا تەييار ۋىجدانىمىز باردۇر.

ئابدۇخالىق ئۇيغۇرى... "باردۇر" شېئىرىدىن ئىلىندى

nijatkurban	2011-09-13 11:20
مەمۇرلۇق تەكرارلاش سىنىپى يوقما؟

zulpehar	2011-09-13 21:09
ئۈگۈنۈش ئۈگۈنش يەنە ئۈگۈنىش نۇرغا تولسۇن نۇرخان

koygandengiz

2011-09-14 01:20

نەقىل
بۇ 35قەۋەتتىكىotoken يوللىغان 2011-09-12 13:30 غا قارتىلغان :
گۈلەن ئەپەندى، سىز سىزدىن ئىلىم تەلەپ قىلىپ كەلگەن كۆزلەرنىڭ ھەممىنى رازى قىلالىدىڭىزمۇ؟
مەن سىزنىڭ دەرسىڭىزنى ئاڭلىغاندىن كىيىن ئىرىشكەن ئەڭ چوڭقۇر بىر ھىكمەت "ئادەم ئامېركىدا ئوقىسىلا بولمايدىكەن....................." دىگەندىن ئىبارەت. سىزدىن سورىغان نۇرغۇن سۇئاللىرىم جاۋابسىز قالدى، ئۈمىدسىزلەندىم، ئىلان تاختىسىغا چىقىرىپ قويۇلغان گەپلەرنىڭ بىر شۇئار ئىكەنلىكىنى بىلدىم. كۇرۇس يېرىملاشقاندا ئوقۇشتىن چىكىندىم.
چۈنكى سىز ئىككى سائەتلىك دەرسنىڭ بىر يېرىم سائىتىدە قۇرۇق گەپ ساتتىڭىز. بىز بۇنداق قۇرۇق گەپلەرگە ئىھتىياجلىق ئەمەس. ئويلاپ بېقىڭ سىز دەسلەپ دەرس باشلىغاندا قانچە ئادەم قاتناشقان، كىيىن قانچە ئادەم قالدى؟ تۆلىگەن پۇلغىغۇ ئىچىم ئاغرىمايدۇ، ئەمما ۋاقتىمغا ئىچىم ئاغرىيدۇ.... ئىسىت....
ئەگەر ھەقىقىي ئىلىم ئىگىسى بولسىڭىز ئوقۇغۇچىلارنى ئالدىماڭ، ئۇلارغا نەپ بىرىڭ. مەكتەپ ئاچقان ئىكەنسىز نوقۇل پايدىنىلا كۆزلىمەڭ.

بۇ تورداشنىڭ پىكرىنىڭ تەنقىدىي يۇسۇندا قوبۇل قىلىنىشىنى ، " نۇرخان تەربىيىلىش مەركىزى" بۇندىن كېيىنكى ئىشلىرىنىڭ يەنىمۇ يۈكسىلىشى ئۈچۈن ئارتۇقچىلقلارنى جارى قىلدۇرۇپ ، كەمچىلىكلىرىنى مانا مۇشۇنداق تەكلىپ پىكىرلەر ئاساسىدا تۈزىتىپ مېڭىشىنى ئۈمىت قىلىمەن ......يېقىندا قەشقەر تەرەپكە ئۆتۈش خىيالىم بار ، ئەگەر ئىمكانىيەت يار بەر سە بۇ مەركەزنىڭ قۇرغۇچىسى ئابدۇۋەلى مۇئەللىمنى زىيارەت قىلىش خىيالىم بار ، خۇدا بۇيرىسا .

gulen

2011-09-14 19:54

نەقىل
بۇ 30قەۋەتتىكىsadakat0996 يوللىغان 2011-09-11 12:28 غا قارتىلغان بۇ 24 قەۋەتتىكى   (gulen) نىڭ يازمىسىغا قارتىلغان :
مەكتىپىمىزگە قەدەم تەشرىپ قىلىڭ، بىر تاغار دېپلۇم بار. خالىغانچە كۆرۈپ تەكشۈرسىڭىز بولىدۇ. بۇنىڭ ئۈچۈن ئېنگىلىزچە، تۈركچە، ياپۇنچە بىلىشىڭىز كېرەك. بولمىسا دېپلۇممۇ باشقا قەغەزمۇ ئۇقالماي قالىسىز.
     مەكتىپىڭلارغا تەكلىپ قىلىنغانلىقىمدىن ئىنتايىن خۇرسەنمەن ،رەخمەت سىزگە . ھېلى ھەم مەكتىپىڭلارنىڭ روناق تېپىشىغا تىلەكداشمەن ،ئەلۋەتتە بىر مەكتەپنىڭ  قۇرۇلغىنى مىڭ يۇرۇش مېھمان ساراينىڭ قۇرۇلغىنىدىن  كوپ ياخشى ئىش . مەكتىپىڭلارنىڭ جەمىيىتىمىزگە كوپلەپ ئىقتىساسلىقلارنى تەربىيلەپ چىقىشىغا تىلەكداشمەن .
     ئەلگە مەلۇم ،ھازىر ئىلىم ساھەسىدە بىر كىشىنىڭ بىلىم سەۋىيىسىنى ئېرىشكەن ئىنۋانىغا قاراپ باھالاش بىر ئەقەللى ساۋات . ئاتا -ئانىلار پەرزەنتنى قايسى مەكتەپكە بېرىشتە شۇ مەكتەپتىكى ئوقۇتقۇچىلارنىڭ بىلىم قۇرۇلمىسىغا دىققەت قىلماي قالمايدۇ، مەلۇم بىر ئائىلە باشلىقى سىزدىن ئوقۇتقۇچىلارنىڭ بىلىم قۇرۇلمىسىنى سورىسا  سىز ئۇلارغا :- ئۇلار ئامىرىكا ياپۇنىيەدە ئوقۇغان دەپ ،ئۇلارنى قايىل قىلامسىز ؟، ياكى سىز ئولارغا :-ئېنگىلىزچە، تۈركچە، ياپۇنچە تىللارنى ئۆگىىنىپ كېلىپ ئولارنىڭ دېپلومىنى كۆرۈپ بېقىڭلار دىسىڭىز ئولارنىڭ رايى يانمامدۇ؟!  ئۇلار بۇ تىللارنى بىلسە سىلنىڭ مەكتىپىڭلاردا ئوقۇمدۇ؟ ،مەكتەپ قۇرغىنىڭىزغا قارىغاندا سىز بىر ئوقۇنۇشلۇق كىشى بولىشىڭىز مومكىن ،شۇڭا سىز تورداشلارنىڭ ئىكاسىنى توغرا يۇسۇندا قوبۇل قىلىڭ، ئىشلىرىڭىزدىن خۇسۇر تېپىش غەرىزىمىز يوق. رەخمەت.

ئەسسالامڭ ئەلەيكۇم
ۋاقتىم قىس بولسىمۇ جاۋاپ بېرەي، ئوقۇتقۇچىلىرىمىزنىڭ ئەڭ تۆۋەن ئۇنۋانى ماگىستىرلىق، مېنىڭ ئۇنۋاننى تىلغا ئالماسلىقىم، سىزدەك "ئەلگە مەلۇم ،ھازىر ئىلىم ساھەسىدە بىر كىشىنىڭ بىلىم سەۋىيىسىنى ئېرىشكەن ئىنۋانىغا قاراپ باھالاش بىر ئەقەللى ساۋات ." دەيدىغان قاراشقا مەستانە كىشىلىرگە بولغان بىپەرۋالىقتىن. مۇشۇ سۆزىڭىزدىن چىقىپ تۇرغان ساپا مېنى سىزگە بىپەرۋا بولۇشقا مەجبۇرلىدى. مېنىڭ ئەڭ ئۆچ كۆرىدىغىنىم ئالغان ئۇنۋانىنى بىلىم سەۋىيىسىنى ئۆلچەيدىغان ۋاستە قىلىۋالىدىغان كىشىلەر. شۇڭا مەن ئۆزەمنىڭ ۋە ئوقۇتقۇچىلىرىمىزنىڭ ئۇنۋانىنى داۋراڭ قىلمىغان ھەم قىلمايمەن. ئۇنۋان بىلىمگە تەڭ ئەمەس، ھۆرمەتلىك ساداقەت ئەپەندىم.

gulen

2011-09-14 20:01

نەقىل
بۇ 35قەۋەتتىكىotoken يوللىغان 2011-09-12 13:30 غا قارتىلغان :
گۈلەن ئەپەندى، سىز سىزدىن ئىلىم تەلەپ قىلىپ كەلگەن كۆزلەرنىڭ ھەممىنى رازى قىلالىدىڭىزمۇ؟
مەن سىزنىڭ دەرسىڭىزنى ئاڭلىغاندىن كىيىن ئىرىشكەن ئەڭ چوڭقۇر بىر ھىكمەت "ئادەم ئامېركىدا ئوقىسىلا بولمايدىكەن....................." دىگەندىن ئىبارەت. سىزدىن سورىغان نۇرغۇن سۇئاللىرىم جاۋابسىز قالدى، ئۈمىدسىزلەندىم، ئىلان تاختىسىغا چىقىرىپ قويۇلغان گەپلەرنىڭ بىر شۇئار ئىكەنلىكىنى بىلدىم. كۇرۇس يېرىملاشقاندا ئوقۇشتىن چىكىندىم.
چۈنكى سىز ئىككى سائەتلىك دەرسنىڭ بىر يېرىم سائىتىدە قۇرۇق گەپ ساتتىڭىز. بىز بۇنداق قۇرۇق گەپلەرگە ئىھتىياجلىق ئەمەس. ئويلاپ بېقىڭ سىز دەسلەپ دەرس باشلىغاندا قانچە ئادەم قاتناشقان، كىيىن قانچە ئادەم قالدى؟ تۆلىگەن پۇلغىغۇ ئىچىم ئاغرىمايدۇ، ئەمما ۋاقتىمغا ئىچىم ئاغرىيدۇ.... ئىسىت....
ئەگەر ھەقىقىي ئىلىم ئىگىسى بولسىڭىز ئوقۇغۇچىلارنى ئالدىماڭ، ئۇلارغا نەپ بىرىڭ. مەكتەپ ئاچقان ئىكەنسىز نوقۇل پايدىنىلا كۆزلىمەڭ.

ئەپەندىم يالغانچىلىق زىناخورلۇقتىمۇ ئېغىر گۇناھ، ئەگەر مۇسۇلمان بولسىڭىز يالغان گەپ قىلماڭ، ئادەم بولسىڭىز يالغانچىلىق ئىنسانىي ئەخلاققا يات. دەرسىم شۇنداق قىزغىن داۋام قىلىۋاتىدۇ. ئوقۇغۇچىلار بارغانچە جىقلاۋاتىدۇ. ئەگەر گېپىڭىزدە سەمىمىي بولسىڭىز راست ئىسمىڭىزنى دەپ بېرىڭ، سىز ئۇنداق قىلالمايسىز. چۈنكى سىز دەرسكە كەلگەن ئەمەس. مېنىڭ يېرىم مىنۇت دەرسكە ئالاقىسىز گەپ قىلىدىغانغا ۋاقتىم يوق. سىزدەكلەرنىڭ مۇشۇنداق دەيدىغانلىقىنى، ھەتتا قولىدىن ئاجايىپ ھۈنەرلەر كېلىدىغانلىقىنى بىلىمەن.

abdukorax	2011-09-15 22:18
دىمەيدىغان گىپى يوقكەن بەزىلارنىڭ.راسىتنى يالغانغا ئارلاشتۇرۇپ سۆزلەۋەرگەن ئادەمنىڭ غەزىپىنى كەلتۈرۈپ... ئالدىلىرىغا قاراپ ماڭسىلا گۈلەن مۇئەللىم .

baburhan

2011-09-16 17:06

نەقىل
بۇ 35قەۋەتتىكىotoken يوللىغان 2011-09-12 13:30 غا قارتىلغان :
گۈلەن ئەپەندى، سىز سىزدىن ئىلىم تەلەپ قىلىپ كەلگەن كۆزلەرنىڭ ھەممىنى رازى قىلالىدىڭىزمۇ؟
مەن سىزنىڭ دەرسىڭىزنى ئاڭلىغاندىن كىيىن ئىرىشكەن ئەڭ چوڭقۇر بىر ھىكمەت "ئادەم ئامېركىدا ئوقىسىلا بولمايدىكەن....................." دىگەندىن ئىبارەت. سىزدىن سورىغان نۇرغۇن سۇئاللىرىم جاۋابسىز قالدى، ئۈمىدسىزلەندىم، ئىلان تاختىسىغا چىقىرىپ قويۇلغان گەپلەرنىڭ بىر شۇئار ئىكەنلىكىنى بىلدىم. كۇرۇس يېرىملاشقاندا ئوقۇشتىن چىكىندىم.
چۈنكى سىز ئىككى سائەتلىك دەرسنىڭ بىر يېرىم سائىتىدە قۇرۇق گەپ ساتتىڭىز. بىز بۇنداق قۇرۇق گەپلەرگە ئىھتىياجلىق ئەمەس. ئويلاپ بېقىڭ سىز دەسلەپ دەرس باشلىغاندا قانچە ئادەم قاتناشقان، كىيىن قانچە ئادەم قالدى؟ تۆلىگەن پۇلغىغۇ ئىچىم ئاغرىمايدۇ، ئەمما ۋاقتىمغا ئىچىم ئاغرىيدۇ.... ئىسىت....
ئەگەر ھەقىقىي ئىلىم ئىگىسى بولسىڭىز ئوقۇغۇچىلارنى ئالدىماڭ، ئۇلارغا نەپ بىرىڭ. مەكتەپ ئاچقان ئىكەنسىز نوقۇل پايدىنىلا كۆزلىمەڭ.

ئۆتۆكەن ئەپەندىنىڭ بۇ يازمىسى مىنى ئويلاندۇرۇپ قويدى.ئۇنىڭ يازمىسىدىن گۈلەن ئەپەندىدىن رەنجىگەنلىكى مانا مەن دەپ چىقىپ تۇرىدۇ. ئەلۋەتتە ئۇنىڭ گۈلەندىن رەنجىشىگە سەۋەپ بولغان نۇرغۇنلىغان سۇئاللىرىنىڭ جاۋاپسىز قىلىشى ھەمدە ئىككى سائەت دەرىسنىڭ بىر يىرىم سائىتىدە قۇرۇق گەپ ساتقانلىقى ئىكەن. بىراق ئۇ ئۆزىنىڭ گۈلەن ئەپەندىدىن قايسى سۇئاللارنى سوراپ جاۋاپقا ئىرىشەلمىگەنلىكىنى ئىيىتمىغان.
گۈلەن ئەپەندى ئىشلەۋاتقان نۇرخان تەربىيلەش مەركىزى ئىنگىلىز تىلى،ياپۇن تىلى ۋە تۈرك تىلى دەرىسى ئۈگۈتىدىغان ۋە ئوتتۇرا مەكتەپ دەرىسلىرىنى تەكرار قىلىدىغان مەكتەپ ئىكەن(مەن بۇلارنى ئىلاندىن بىلدىم)ئەجىبا گۈلەن ئۆتۈكەننىڭ تىل توغىرىسىدىكى  سۇئاللىرىغا جاۋاپ بىرەلمىدىمۇ ياكى تاغدىن باغدىن سورىغان سۇئاللىرىغا جاۋاپ بەرمىدىمۇ؟ئۆتۈكەننىڭ نۇرغۇن سۇئاللىرىغا جاۋاپ بىرىشنىڭ ئورنىغا كۆپچىلىككە ئىلىم بەردىمۇ؟ بۇ ئەھۋاللار ئىنىق ئەمەس.ئۇنىڭ ئۈستىگە تىل كەسپىدە ئۆتۈكەننىڭ سۇئاللىرىغا جاۋاپ بىرەلمەيدىغان گۈلەن مىنىڭچە مەكتەپ ئىچىپ ئولتۇرمايدۇ.
  ئۆتۈكەن گۈلەننىڭ نىمە توغىرىسىدا قۇرۇق پاراڭ سالغانلىقىنى ئىيتىپ بەرمىگەن ئەھۋالدا ئۇنىڭ بۇ قاخشاشلىرىنىڭ ئاساسى يۇق دەپ قارايمەن.ئۇ پەقەت ئۆزىنىڭ كۇرىسنى داۋاملاشتۇرالمايدىغانلىقىدىن ئىبارەت ئاجىزلىقىنى ئەنە شۇنداق باھانىلەر بىلەن يۆگىمەكچى بولغان.چۈنكى كورس ئاخىرلاشماستا كۇرىستىن چىكىنىپ چىققان ئادەم ئۆزىنىڭ ئۈگەنمەكچى بولغان كەسپىنى ئىگەللەش ئىشەنچىسىدىن مەھرۇم بولغان بولىدۇ.ئەلۋەتتە تىل ئۈگۈنۈش دىگەن ئوقۇتقۇچى ئۈگەتكەنلىك بىلەنلا ئۈگۈنۈپ كىتىدىغان ئىش ئەمەس.
  ئۇنىڭدىن باشقا ئۆتۈكەن كورستا ئوقۇش ئۈچۈن پۇل تۆلەپ كىرىپ كۇرىس يىرىم بولغاندا يىنىپ چىقىشىغا ئىشەنمەيمەن.
چۈنكى بىرىنچىدىن، سىلەر قەشقەرلىكلەر پۇلغا چىڭ كىلىسىلەر،ئۇنىڭ ئۈستىگە قەشقەر ئىچىۋىتىلگەن شەھەر بولغاندىن بىرى پۇل دىگەن باشقىچە تاتلىق بولۇپ كەتتى.ئۇنىڭ قاراپ تۇرۇپ گۈلەنگە نەچچە يۈز يۈەننى بىكارلىققا بىرىۋىتىشىگە تازا ئىشنىپ كىتىشكە بولمايدۇ.
ئىككىنچىدىن،ئۆتۈكەن نىمىشقا دەرىس ۋاختىدا قۇرۇپ گەپ ساتقان(ئۆتۈكەننىڭ دىگىنى) گۈلەنگە ئۇچۇق يۇرۇق ھالدا پىكىرىنى ئوتتۇرغا قويمايدۇ. ئەلۋەتتە ئۇ پۇل تۆلەپ كۇرىسقا قاتناشقان ئىكەن تەكلىپ پىكىر بىرىش ھوقۇقى بار تۇرسا.چۈنكى ئۆتۈكەن دىگەن بىر ئستىمالچى،ئۇ ئۆزىنىڭ ھوقۇقىنى نەق مەيداندا قوغدىماي ئەمدى بولغاندا تورغا چىقىپ غەيۋەت قىلسا قانداق بولىدۇ.
         ھەي سىزگە گۈلەندىن ھىچنىمە يۇقمىغاندەك قىلىدۇ.
مەن ئۆتۈكەننىڭ يازمىسىنى ئوقۇغاندىن كىيىن پۇرسەت چىقسا قەشقەرگە بىرىپ ئوغۇرلۇقچە گۈلەننىڭ دەرىسىنى ئاڭلاپ بىقىش كويىدا بولىۋاتىمەن.ئەگەر ئۆتۈكەننىڭ دىگىنىدەك بولسا قالدى گەپنى شۇ چاغدا دىيشەرمىز.چۈنكى كۆرمەي تۇرۇپ ئاڭلغانلىق بىلەن ئۇنداق ياكى مۇنداق دىيىش،پاكىتسىز پىتنى-پاسات تارقىتىش كۇپارلىقتىن باشقىسى ئەمەس.

binava

2011-09-17 06:41

<<مىللىتىم -مىللىتىم دەيسەن،مىللىتىڭ ئاتقان ئوقتا ئۆلىسەن!>> --دېگەن ئىكەن داغىستان ئاۋار شائىرى رەسۇل ھەمزەتوف.
نۇرخان تەربىيىلەش مەركىزى ئۇيغۇرنىڭ ۋىجدانلىق زىيالىلىرى تەرىپىدىن ئالى مەقسەدلەر بىلەن قۇرۇلغان.يېڭى دۇنياغا كۆز ئاچقان بۇ مەدەنىيەت بۆشۈكىنى ئاسرامدۇق ياكى پىتنە-ئىغۋا بىلەن يوقىتامدۇق؟ 36-قەۋەتتىكى تورداش يوللىغان ئابدۇخالىق ئۇيغۇرنىڭ مىللەتنىڭ ھەسەتخورلۇقىدىن دىلى رەنجىپ يازغان شېئىرىغا 80يىللارچە بولدى. پىتنىچىلەر بۇ شېئىرنى قايتا-قايتا ئوقۇپ،نۇرخانغا بەتلىگەن مىلتىقىڭلارنى يىغىشتۇرۇڭلار.
ئابدۇۋەلى، سىزگە مېھرى-مۇھەببەتلىك قېرىنداشلىق سالام،قوبۇل قىلغايسىز!

gulen	2011-09-21 14:34
ۋەئەلەيكۇم ئەسسالام مېنى قوللىغان قېرىنداشلاردىن ئاللاھ رازى بولسۇن.

hijret

2011-09-21 16:51

نەقىل
بۇ 40قەۋەتتىكىgulen يوللىغان 2011-09-14 19:54 غا قارتىلغان Re:بۇ 24 قەۋەتتىكى (gulen) نىڭ يازمىسىغا قارتىلغان :

ئەسسالامڭ ئەلەيكۇم
ۋاقتىم قىس بولسىمۇ جاۋاپ بېرەي، ئوقۇتقۇچىلىرىمىزنىڭ ئەڭ تۆۋەن ئۇنۋانى ماگىستىرلىق، مېنىڭ ئۇنۋاننى تىلغا ئالماسلىقىم، سىزدەك "ئەلگە مەلۇم ،ھازىر ئىلىم ساھەسىدە بىر كىشىنىڭ بىلىم سەۋىيىسىنى ئېرىشكەن ئىنۋانىغا قاراپ باھالاش بىر ئەقەللى ساۋات ." دەيدىغان قاراشقا مەستانە كىشىلىرگە بولغان بىپەرۋالىقتىن. مۇشۇ سۆزىڭىزدىن چىقىپ تۇرغان ساپا مېنى سىزگە بىپەرۋا بولۇشقا مەجبۇرلىدى. مېنىڭ ئەڭ ئۆچ كۆرىدىغىنىم ئالغان ئۇنۋانىنى بىلىم سەۋىيىسىنى ئۆلچەيدىغان ۋاستە قىلىۋالىدىغان كىشىلەر. شۇڭا مەن ئۆزەمنىڭ ۋە ئوقۇتقۇچىلىرىمىزنىڭ ئۇنۋانىنى داۋراڭ قىلمىغان ھەم قىلمايمەن. ئۇنۋان بىلىمگە تەڭ ئەمەس، ھۆرمەتلىك ساداقەت ئەپەندىم.

بۇنداق مۇتلەقلەشتۈرىۋەتكىلىمۇ بولماس، گۈلەن ئەپەندى.
ئۇنۋان بىر كىشىنىڭ ئالغان بىلىمىنى مەلۇم دەرىجىدە بولسىمۇ ئەكىس ئەتتۈرۈپ بېرەلەيدۇ.
ھېچ بولمىسا چەت ئەللەردە ئۇنۋان، شۇ ئۇنۋانغا لايىق بىلىمى يوقلارغا بېرىلمەيدۇ.
شۇڭا، بۇنچىۋالا چېچىلىپ، باشقىلارنىڭ بىر ئېغىز سوراپ قويغان سۇئالىغا بۇنداق قوپاللىق
بىلەن جاۋاپ بېرىش بىر بىلىم ئىگىسىنىڭ قىلىدىغان ئىشى ئەمەس!

قوسۇغۇڭنىڭ ئاغرىقى بولمىسا تاۋۇز يىيىشتىن قورقما، دەپتىكان كونىلار.
بۇنچىلا كىبىر بىلەن گەپ قىلغۇچە، چىرايلىقچە چۈشەنچە بېرىپلا ئۆتۈپ كەتسىڭىز بولاتتىغۇ؟!

گۈلەن ئەپەندى، مەن سىزنىڭ مەكتەپ قۇرۇشىڭىز ۋە باشقا ئىلمى ئىشلار بىلەن شۇغۇللىنىشىڭىزنى
قوللايمەن. بىراق، ئامېرىكىدىن ئەمدى كېلىپلا، ئۆز قېرىنداشلىرىڭىزنى كەمسىتكەندەك گەپ سۆزلەردە
بولسىڭىز، ھەر قانچە ئالەمنىڭ ئۇ چېتىدە ئوقۇپ كەلگەن بولسىڭىزمۇ، بىر ئەرزىمەس ئادەملا بولىسىز خالاس.
سىزمۇ يەنە بىرەر يىل ياشاپ بېقىڭ شۇلار ياشىغان مۇھىتتا، شۇ ۋاقىتتا كۆرىسىز، ئامېركىدىكى ئىللەتلىك
ئۇيغۇر ئەپسانىسىنىڭ، جۇڭگۇدىكى ئىللەتلىك ئۇيغۇر ئەپسانىسىغا ئايلانمىغىنىنى!

قىسقىسى، باشقىلارنىڭ پىكرىنى ھۆرمەتلەش سىزگە ئامېرىكىدىن يۇقماپتۇ، لېكىن، ئۇيغۇردىن يۇقسۇن!
بۇ سەمىمى تەۋسىيەم!

hijret

2011-09-21 18:12

نەقىل
بۇ 24قەۋەتتىكىgulen يوللىغان 2011-09-09 13:42 غا قارتىلغان :

مەكتىپىمىزگە قەدەم تەشرىپ قىلىڭ، بىر تاغار دېپلۇم بار. خالىغانچە كۆرۈپ تەكشۈرسىڭىز بولىدۇ. بۇنىڭ ئۈچۈن ئېنگىلىزچە، تۈركچە، ياپۇنچە بىلىشىڭىز كېرەك. بولمىسا دېپلۇممۇ باشقا قەغەزمۇ ئۇقالماي قالىسىز.

نىمىدىگەن قوپال جاۋاپ بۇ؟!

گۈلەن ئەپەندى، سىزمۇ ئۇيغۇر جەمىيىتىگە قەدەم تەشرىپ قىلىڭ. بىر تارغار سۇئاللار بار.
خالىغانچە ئاڭلاپ تەكشۈرسىڭىز بولىدۇ. بۇنىڭ ئۈچۈن ئۇيغۇرنىڭ تىلىنى، ئېتىقادىنى، مەدىنيىتىنى
بىلىشىڭىز ۋە سۆيۈشىڭىز كېرەك. بولمىسا ئۇ سۇئاللار ئىلمى يولىدا سورالغان سۇئاللارمۇ ياكى
سىزنى بىئارام قىلىدىغان سۇئاللارمۇ ئۇقالماي قالىسىز.

erki

2011-09-21 20:37

قىممەتلىك خىجرەت ئەپەندى:
"ئەلگە مەلۇم ،ھازىر ئىلىم ساھەسىدە بىر كىشىنىڭ بىلىم سەۋىيىسىنى ئېرىشكەن ئىنۋانىغا قاراپ باھالاش بىر ئەقەللى ساۋات ."
بۇ جۈملىدىن مەلۇمكى سۇئال سورىغۇچىنىڭ كاللىسى جۇڭگۇچە مائارىپنىڭ ئېغىر زىيانكەشلىكىگە ئۇچىرغان، ئادەتتە ئەقلى قابىليەتى تۆۋەن ياكى ئائىلە تەربىيسى ياخشى بولمىغان كىشىلەردە بۇ خىل ھادىسە كۆپ ئۇچىرايدۇ. "ئىنۋان" غا قاراپ بىر كىشىنىڭ بىلىم سەۋىيەسىنى بەلگىلەش تولېمۇ ھاماقەتلىك.گۈلەن ئەپەندىنىڭمۇ بۇنداق كىشىلەرگە تەپسىلى چۈشەندۈرۈش بىرىش ۋەزىپىسى يوق. بىلىمنى بىلىم ئېلىش قىزغىنلىقى بار، كاللىسى ئوچۇق ئادەمگە بىرىش لازىم.
گۈلەن "ئۆز قېرىنداشلىرى"دىن كىمنى كەمسىتتى؟ سىز كۆپچىلىككە ۋەكىل بولۇپ سۆزلەيدىغان "خەلق ۋەكىلى"ما ؟ گۈلەن ئامرېكىدا ئوقۇپ كەلدىم دەپ كىلىپلا كىمنى كەمسىتتى؟ ئاساسلىق، پاكىتلىق گەپ قىلسىڭىزچۇ!
خەق ئەرزىمەس ئادەممۇ ياكى ئەرزىيدىغان ئادەممۇ سىز باھالامسىز ئۇنى؟ سىز ئۆلچەپ كېسىدىغان سەيپۇللا ئۇستام شۇ ئوخشىمامسىز؟ كېسىپ بولغاننىمۇ كېسەمسىز يەنە؟
ئامېركىدا ھەممە كىشىنىڭ پىكىرىگە ھۆرمەت قىلىنامدىكەن ياكى ئورۇنلۇق پىكىر تەلەپكە ھۆرمەت قىلىنامدىكەن؟ سىز بېرىپ كۆرۈپ باقتىڭىزما؟
بەك ماز ئىنسانلاركەنسىلەر. گۈلەننىڭ توردا ھەقسىز ئىلان قىلىۋاتقان ماقالىلىرىدىن گۈلەننىڭ مەخسىتى پۇل تېپىشمۇ ياكى باشقىمۇ چۈشەنگەنسىلەر؟ چۈشەنمىگەنلەر بولسا كاللاڭلاردىن تۆشۈپ ئېچىپ بىر نەرسە قۇيۇشنىڭ ئورنى يوق ئەمدى.
ئەقلى جايىدا، پىكىرى ئوچۇق ياشلىرىمىزغا بىلىم بىرەلىسە بولدى مەكتەپ دېگەن. سىلەر ئاستا بىرىپ گۈرۈچكە موما چىلاپ يەۋىرىڭلار.

2012

2011-09-21 23:37

بەك ناچار خەقكەنمىز جۇما ،ئابدۇخالىق ئۇيغۇرنى ئۆلتۈردۇق، تەۋپىق ،ئابدۇقادىر داموللىنى قەستلىدۇق ، ئۆلگەندىن كېيىن يۈرىكىمىز ئارام تېپىپ ،ئاندىن كۆككە كۆتۈرۈپ مەدھىيلىدۇق .... گۈلەننىڭ مىللەتكە بولغان ئوتلۇق يۈرىكىنى يازمىلىرىدىن كۆرۈۋالالايمىز ، بىر گۈپۈلدەپ تۇرىدىغان ئوتلۇق يۈرەك ، ئۆزگىچە ئىستىدات ۋە بىلىم بولمىسا شۇ ماقالىلارنىڭ پۈتۈپ چىقىشى مۈمكىن ئەمەسلىكىنى ئوقۇغان ھەرقانداق ئادەم بىلەلەيدۇ....قاچانمۇ بىلىم ئىگىلىرىنىڭ قەدرىنى قىلىدىغان ،ئۇلارغا كەڭ قورساق مۇئامىلە قىلىپ ،بېشىمىزدا كۆتىرىدىغان جەمىيەت شەكىللەنمەي تۇرۇپ ، مۇشۇنداق ئۆزىمىزنى خار قىلغىنىمىز قىلغان ........ئەپسۇس ...لۇتپۇللا ،ئابدۇخالىق ،تەۋپىق ياشىغان دەۋردىكى ئۇيغۇرلارنى ئاغزىمىزدىن كۆپۈك چىقىرىپ ،نادان دەپ تىللايمىز ،ھازىرقى ئۆزىمىز قانچىلىك؟؟؟؟؟؟ دەۋرلەردىن دەۋرلەرگە ئۇلىشىپ ئۇدۇم بولۇپ كېلىۋاتقان كۆرەلمەيدىغان ، پىتنە پاسات تارقىتىدىغان ، ئىلغارلارنى قەستلەيدىغان پىسخىكىمىز قاچان ئاخىرلىشىدۇ؟؟؟؟؟؟

رەسىمسىز مۇنازىرە: [-- نۇرخاندا نېمە بار، نېمە يوق --] [-- top --]

Powered by PHPWind v7.3.5 Code © 2003-08 Guldiyar
Time 0.043936 second(s),query:3 Gzip disabled

You can contact us