ئەلكۈيى تورىدىكى بارلىق موسۇلمان قېرىنداشلارنىڭ روزى ھېيتىغا مۇبارەك بولسۇن!
ئەسسالامۇئەلەيكوم،ئەلكۈيى تورىدىكى بارلىق مۆھتىرەم تورداشلار،سۆيۈملۈك مۇسۇلمان قېرىنداشلار ئالدى بىلەن ھەممىڭلارنىڭ بۈگۈنكى قۇتلۇق رۇزى ھېيتىنى تورىمىز ۋە شىركىتىمىزدىكى بارلىق خىزمەتچى - خادىملار نامىدىن قىزغىن تەبرىكلەيمىز،ئايەم كۈنۈڭلارنىڭ بەخت - ئامەت ئىچىدە ئۆتىشىگە،توردىكى كۈنلىرىڭلارنىڭ ئەلكۈيى تورى ئارقىلىق تېخىمۇ مول مەزمۇنلارغا ئېگە بۇلىشىنى چىن دىلىمىزدىن ئۈمىد قىلىمىز ھەمدە بىزنى قوللاپ كەلگەن،ئەلكۈيى تورىنى ئۆزىنىڭ تۇرمۇشىنىڭ مۇھىم بىر قىسمى قىلغان بارلىق تورداشلارغا تۆۋەندىكى رۇزى ھېيتلىق ئالاھىدە سوۋغىمىزنى سۇنماقچىمىز.
2011-يىلى 1-ئايدا ئۆزبىكىستاننىڭ ئەڭ داڭلىق سەنئەتكارى ئازادبېك نەزەربېكوۋ دىيارىمىز شىنجاڭغا كىلىپ ناخشا كېچىلىكى ئۆتكۈزگەن ئىدى،بۇ قېتىملىق كىچىلىككە سۆيۈملۈك ئۇيغۇر ناخشىچى مۆمىنجان ئابلىكىممۇ ئازادبېكنىڭ ئالاھىدە تەكلىپ قىلىشى بىلەن بىرگە قاتنىشىپ ئىككەيلەن كىچىلىكتە بىرگە نومۇر ئورۇنداپ كېچىلىكنىڭ كەيپىياتىنى تېخىمۇ قاينام تاشقىنلىققا چۆمدۈرگەن.گەرچە بۇ قاينام تاشقىنلىق كەيپىيات تولىمۇ قىزغىن بولغان بولسىمۇ بۇ كىچىلىككە قاتنىشالمىغان نۇرغۇنلىغان دوستلارنىڭ قەلبىدە ئۆزىنىڭمۇ بۇ خۇشاللىق دەقىقىلىرىدىن ھۇزۇرلىنىش تۇيغۇسى ئارمان بوپ قالغان ئەلۋەتتە.
شىركىتىمىز رۇزى ھېيت مۇناسىۋىتى بىلەن مۇناسىۋەتلىك ئورۇنلار بىلەن ئالاقىلىشىپ، سابا مەدەنىيەت تارقىتىش شىركىتىنىڭ ئالاھىدە تەمىنلىشى بىلەن ئەلكۈيى تورىدىكى بارلىق تورداشلارغا 2011-يىللىق رۇزى ھيېتلىق سوۋغات سۈپىتىدە ئۆزبىكىستاننىڭ ئەڭ داڭلىق سەنئەتكارى ، پەخىرلىك ناخشىچىسى ئازادبېك بىلەن ھەممەيلەننى سۆيۈندۈرۈپ كىلىۋاتقان ناخشىچىمىز مۆمىنجان ئابلىكىم شۇ قېتىملىق كېچىلىكتە بىرگە ئورۇنلىغان ئىككى ناخشا(بۇ ئىككى ناخشىدا مۆمىنجاننىڭ ناخشىسىنى ئازادبېك ئورۇنلىسا،ئازادبېكنىڭ ناخشىسىنى مۆمىنجان ئورۇنلىغان ،ئىككى ناخشىچى نەق مەيداندا ماھارەت كۆرسىتىپ،تاماششىبىنلارغا تېخىمۇ كۆپلىگەن خۇشاللىق ئاتا قىلغان) ھەمدە مۆمىنجان ئابلىكىمنىڭ كېچىلىك جەريانىدا تاماششىبىنلار بىلەن سەھنىدىن چۈشۈپ ئەركىن -ئازادە بىرگە ئورۇنلىغان بىر ناخشىسىنى ئايەملىك سالامىمىز بىلەن ھۇزۇرىڭلارغا سۇندۇق،بىز تەييارلىغان بۇ سوۋغاتلار يېقىندا بازارغا سېلىنماقچى بولغان ئازادبېك نەزەربېك ئۈرۈمچىدە سەنئەت كېچىلىكىنىڭ پىلاستىنكىسىدىكى نومۇرلار ئىچىدىكى مۇھىم نومۇرلارنىڭ بىرى بولۇپ ،ئايەم مۇناسىۋىتى بىلەن كەڭ تورداشلارغا ھەقسىز تەمىن ئەتتۇق، ئايەم كۈنلىرىدە ئالاھىدە تەييارلىغان سوۋغىتىمىزنىڭ ھېيتىڭلارغا تېخىمۇ مول مەزمۇنلارنى ئاتا قىلىشىنى،ئەلكۈيى تورى ئارقىلىق ھېيت تەنتەنىسى قىلىۋاتقان بارلىق تورداشلارنىڭ ئايىمىنىڭ خۇشال_خوراملىق ئىچىدە ئۆتىشىنى چىن دىلىمىزدىن ئۈمىد قىلىمىز!
مۆمىنجان ئابلىكىم بىلەن ئازادبېك بىر- بىرى بىلەن ئالماشتۇرۇپ ناخشىلىرىنى ئوقىماقتا مۆمىنجان ئابلىكىم ۋە ئازادبېك سابا مەرىپەت مائارىپ تەربىلەش مەركىزىدە 
مۆمىنجان ئابلىكىمنىڭ سەھنىدىن چۈشۈپ ئوقىغان ناخشىسىغا تەڭكەش بولىۋاتقان تاماششىبىنلار
كامالىي ئېھتىرام بىلەن:
ئەلكۈيى تور بېكىتى
سابا مەدەنىيەت تارقىتىش چەكلىك شىركىتى
ئەلكۈيى تور تېخنىكا چەكلىك شىركىتى
2011-يىلى 8-ئاينىڭ 31-كۈنى |
