رەسىمسىز مۇنازىرە: [-- ئاياللار ۋە بوسۇغا --]

ئەلكۈيى مۇنبىرى -> [ خانىم - قىزلار سەمىگە ] -> ئاياللار ۋە بوسۇغا [بېسىپ چىقىرىش] كىرىش -> ئەزا بولۇش -> ئىنكاس يوللاش -> تېما يوللاش

55muslima 2011-08-20 12:26


( ئابدۇقادىر جالالىدىن )

تىجارەت، مائارىپ، مەدەنىيەت ئىشلىرى مەھەللە، رايون ۋە دۆلەت چېگرىلىرىدىن ھالقىپ دۇنياۋى مىقياستا گىرەلىشىپ كەتكەن بۈگۈنكى كۈندە، بىر تۈركۈم ئۇيغۇر ياشلىرى دۇنيانىڭ داڭلىق مائارىپ، مەدەنىيەت مەركەزلىرىدە ئىلىم تەھسىل قىلىشقا باشلىدى. ئۇلارنىڭ ناھايىتى ئاز بىر قىسمى ئۆزلىرىنىڭ نەزىرىدىكى چەت ئەل تۇرمۇشىنى قەلەمگە ئېلىپ، ئانا ۋەتىنىدىكى يېڭىلىققا تەشنا خەلقنى تۈرلۈك ئۇچۇرلار بىلەن تەمىنلەشكە باشلىدى. تەسەۋۋۇر ۋە ئىنتىلىشلەر ئاساسىدا قۇرۇپ چىقىلغان يات ئېقىملار بارغانسېرى رېئال تۈس ئېلىشقا باشلىدى. بۈگۈنكى ئۇيغۇر ياشلىرى دۇنيانى چۈشىنىش، تەتقىق قىلىش ۋە قۇرۇپ چىقىشقا ئۆزلىرىنىڭمۇ نېسىۋىسى بارلىقىنى ھېس قىلىشقا باشلىدى. بۇنداقلار كۆپەيگەندە، ئۆزىنىڭ ئانا خەلقىنىڭ ئېھتىياجىنى ھەقىقىي تونۇپ، خەلقنىڭ قەدرى قىممىتى ئۈچۈن كۆيۈپ، يانىدىغان ئەقىدىلىك ياشلارمۇ ئوتتۇرىغا چىقىدۇ، ئەلۋەتتە.
شۇنداق، يەر شارىدا بىزمۇ بار، شۇنداق ئىكەن، قەدىر – قىممەت، شان – شەرەپ مۇنبەرلىرىدە بىزمۇ بولۇشىمىز كېرەك. بىر قىسىم ياشلارنىڭ دۇنيانى كۆرۈپ يازغان ساياھەتنامىلىرىدە مۇشۇنداق ئىستەك بار.
بىزنى يېڭى بىر كىملىكنىڭ بايقىلىشى كۈتۈپ تۇرىدۇ، بىز ئۇنى تاپقاندا، ھەقىقىي ئۆزىمىزگە ئايلىنالايمىز. ساياھەتنامىلەردىن قىز -ئاياللار يازغان بەزى ساياھەتنامىلەر كىشىلەرنى جەلپ قىلدى، ئاياللار ئايرىم تەرەپلەردە ئىنچىكە ھەم سەزگۈر كېلىدۇ، شۇنداقلا خېلىلا رومانتىك كېلىدۇ.
ئارزۇ -ئارمانلار بىلەن سۇغىرىلغان يۇمران خاتىرىلەر قېلىپلىشىپ كەتكەن قاقشال، بىمەززە گەپلەردىن تويۇپ كەتكەن قەلبلەرنى سۆيۈندۈرمەي قالامدۇ ؟ ئايال ئوقۇرمەنلەر بۇنداق ئەسەرلەرگە خېلىلا ھېرىسمەن كېلىدۇ.
تېز سۈرئەتتىكى شەھەرلىشىش ئۇيغۇرلارنىڭ ئەخلاقى قاراشلىرىنى شىددەت بىلەن ئۆزگەرتىۋاتىدۇ، بازار ئىگىلىكى ئەمەلىي مەنپەئەتتىن باشقىنى نەزەرگە ئالمايدىغان قىلىۋەتتى. ئەنئەنىۋى ئىگىلىك شەكىللىرى خىرىسقا ئۇچراپ، ئىگىلىك ئەھلىنىڭ ئائىلىۋى تۇرمۇشىدىكى نورمال تەرتىپنى بىتچىت قىلىۋەتتى. ئەرلەر ئىش ئىزدەپ ياقا يۇرتلارغا چىقىپ كەتتى، ئۆيدە ئولتۇرۇشقا تاقىتى قالمىغان ئاياللارمۇ سودا قىلىش ئۈچۈن بوسۇغىدىن چىقىشتى. ئىشلەپچىقىرىش بىلەن ئائىلە ھاياتنىڭ بىرلىكىمۇ بەربات بولۇپ، ئەر ئايالنى باقىدىغان، ئايال پەرزەنتلەرنى باقىدىغان قۇرۇلما لىڭشىپ قالدى. ئەرلەرنىڭ سۆلىتىمۇ بۇرۇنقىدەك ھەيۋەتلىك بولماي قالدى. ئۇلارنىڭ نوپۇزى ساقال- بۇرۇتىنى پەش قىلاي دېسە، ئۇنىڭمۇ تايىنى قالمىدى، چۈنكى ساقال- بىلەن بۇرۇت مەسئۇلىيەت ۋە بۇرچ بىلەن بىرلەشمىسە، ئۇ پەقەت تۈكتىنلا ئىبارەت.
ئاياللارنىڭ بوسۇغىدىن چىقىپ كېتىشى بىزگە نۇرغۇن ئاقىۋەتلەرنى ئېلىپ كەلدى، بالىلارنىڭ تەربىيىلىنىشى باشقىلارنىڭ قولىغا قالدى، تەلىم – تەربىيە ئىشىنى بىر خىل ئەقىدە ئىشى دەپ قارىماي زىيادە تاۋارلاشتۇرۇۋەتتۇق، مائارىپنى پەقەت ئىمتىھاندىن ئۆتۈش ئىشى دەپلا قارىدۇق، بالىلىرىمىزمۇ ئاتا – ئانىلارنىڭ مېھىر سۈيىگە تۈزۈك قانمايدىغان بولۇپ قالدى. ئۇلار خۇددى ئانىسىنى بىلمەي چۇكۇلداپ يۈرۈشكە توك چۈجىسىگە ئوخشاپ قالدى، ئائىلە تەربىيىسى، يەسلى تەربىيىسى، جەمئىيەت تەربىيىسى دېگەنلەرنى باشقىلارغا ھاۋالە قىلىپ ئانىلار خىزمەت ھەلەكچىلىكىدە قالدى.
«ئەرلەر ئۆينىڭ تۈۋرۈكى!» مېنىڭچە بۇ گەپ ناھايىتى توغرا، ئەمما، بۇ گەپنىڭ سەلتەنىتىگە دەز كەتتى، شۇنىڭ بىلەن ئاياللارنىڭ يۈرىكىگىمۇ دەز كەتتى، چۈنكى، ئاياللار مەزمۇت ئەرلەردىن مۇستەسنا ھالدا ئۆزلىرىنىڭ ئاياللىقىنى يوقىتىپ، سەرسان بولۇپ كېتىدۇ، ئۇلار قەيسەر ئەرلەرنىڭ سايىسىدە ياشايدىغان سۇمبۇللار.
بىزنىڭ ئاياللىرىمىز بوسۇغىنىڭ ئىچىدىكى قىممەت بىلەن بوسۇغىنىڭ تېشىدىكى قىممەتنى سېلىشتۇرۇپ كۆرمىسە بولمايدىغان يەرگە كەلدى، ئوقۇغان ئاياللىرىمىزنىڭ ئىنكاسىدىن قارىغاندا ئائىلە ئىنتايىن مۇھىم، ئايالغا خاس تاكامۇللىقنىڭ كاپالىتى ئائىلىدە، ئۇلار بۇنى نەچچە يىللىق مۇساپىرلىقىنى ئىزغىرىن شاماللىرىدا تونۇپ يەتكەن، بىراق بۇنداق سادالار تازا ئومۇملىشىپ كېتەلمىدى، سەۋەبى، بىز ئائىلىنىڭ مۇقەددەسلىكىنى باشقىدىن چۈشىنىشكە ئۇرۇنۇپ باقمىدۇق، ئەكسىچە، ئۇنى مۇھىم ئەمەس دەپ قارىدۇق، مېنىڭچە ئائىلىنىڭ مۇقەددەسلىكىنى بىلمىگەن خەلق ئۈزۈل-كېسىل چۈشكۈنلەشكەن خەلق.
ئوقۇۋاتقان قىزلىرىمىزنىڭ كۆپىيىشى كىشىنى خۇشال قىلىدۇ. بىراق، ئانىلىققا سەل قارىشى كىشىنى ئەندىشىگە سالىدۇ. بىزدە ئانىلىقنىڭ ئىللىق ھەم تاتلىق مەۋسۇمىدىن خەۋەرسىز ھالدا سولۇپ كەتكەن گۈزەل قىزلار ئاز ئەمەس، ئۇلارنىڭ لاتاپىتى چارچىغان يىگىتلەرنىڭ تەسەللىسىگە ئايلانسا، ساغلام بالىلارنىڭ خۇش ھاۋالىق باغچىسىغا ئايلانسا نەقەدەر ئوبدان بولاتتى-ھە! تەدبىردىن خالى ھالدىكى ئارزۇ پەقەتلا بىرخىل ئاجىزلىق.
ئەي گۈزەل ئۇيغۇر قىزلىرى، ئوقۇڭلار، بىپايان جاھاننى چۈشىنىڭلار، لېكىن ئۆزۈڭلارنىڭ ئانا بولىدىغانلىقىڭلارنى ئۇنتۇپ قالماڭلار!
بۇرۇن بىر باتۇر يىگىت ئۆزىنىڭ شىرمەتلىكى بىلەن بىر شەھەرنى قوغداپ قاپتۇ. ئۇ جەڭدىن قايتىپ كەلگەندىن كېيىن، پادىشاھ ئۇنىڭغا: «مۇنداق ئۈچ نەرسىدىن بىرنى تاللىساڭ، تەڭرى ئۇنى ساڭا ئىنئام قىلغۇسى: ئۇلار، ئەقىل، گۈزەللىك، شەرمى-ھايالاردۇر.» دەپتۇ. باتۇر يىگىت ئازراق ئويلانغاندىن كېيىن: «ماڭا ئايال كېرەك» دەپتۇ. پادىشاھ ھەيران بولۇپ تۇرۇپ قاپتۇ، يىگىت:«ماڭا سىلى ئېيتقان ئۈچ نەرسىنى ئۆزىدە مۇجەسسەم قىلغان ئايال كېرەك» دەپ سۆزىنى تولۇقلاپتۇ، پادىشاھ قايىل بوپتۇ.
باتۇرلۇق ھەرگىزمۇ قارا كۈچ ئەمەس، بەلكى ئەقىل-پاراسەت بىلەن كۈچنىڭ بىرلىكى. ئەقىل، گۈزەللىك ۋە شەرمى-ھايانى ئۆزىگە جەم قىلغان ئايالنىڭ پۇشتىدىن يەنىلا باتۇر تۇغۇلىدۇ. ئۇ مەيلى قىز ياكى ئوغۇل تۇغسۇن، بۇنداق ئانىلاردىن قەيسەر ئەۋلادلار يېتىشىپ چىقىدۇ، بۇ مەنىدىن ئېلىپ ئېيتقاندا مۇكەممەل ئاياللىق دۇنياسىغا كىممۇ سەل قارىيالىسۇن، ئاياللارنىڭ قۇدرىتى ئەنە شۇ يەردە.
مەنبە: ( ئابدۇقادىر جالالىدىن ماقالىلىرى)

tumars 2011-08-21 11:47
مۇسلىمە، سىز ناھايتى ياخشى تىمىنى يوللاپسىز.بىزنىڭمۇ باللىرىمىزنى شۇنداق ياخشى تەربىيلىگىمىز،ئەرلىرىمىزگە ۋاپادار،ياخشى ئايال بولغىمىز بار.لىكىن يەنىلا خىزمەت دەپ باللىرىمىزنى ئانىلىق  مىھرىدىن تولۇق بەھرىمان قىلالمىدۇق.پۇل بولمىسا ئۇلارغا نىمە قىلىپ بىرەلەيمىز.ھازىر ھەممىمىز تۇرمۇش ئۈچۈن ياشايدىكەنمىز،شۇنىڭغا پۇل كىرەك بولىدىكەن.سىزمۇ بىر كۈنلەردە بۇنى بىلەپ قالىسىز.

nursima 2011-08-21 11:55
نەقىل
بۇ 1قەۋەتتىكىtumars يوللىغان 2011-08-21 11:47 غا قارتىلغان  :
مۇسلىمە، سىز ناھايتى ياخشى تىمىنى يوللاپسىز.بىزنىڭمۇ باللىرىمىزنى شۇنداق ياخشى تەربىيلىگىمىز،ئەرلىرىمىزگە ۋاپادار،ياخشى ئايال بولغىمىز بار.لىكىن يەنىلا خىزمەت دەپ باللىرىمىزنى ئانىلىق  مىھرىدىن تولۇق بەھرىمان قىلالمىدۇق.پۇل بولمىسا ئۇلارغا نىمە قىلىپ بىرەلەيمىز.ھازىر ھەممىمىز تۇرمۇش ئۈچۈن ياشايدىكەنمىز،شۇنىڭغا پۇل كىرەك بولىدىكەن.سىزمۇ بىر كۈنلەردە بۇنى بىلەپ قالىسىز.

كۆڭلۈمدىكى گەپنى قىپسىز،مەنمۇ ئوخشاش پىكىردە؛ئۆيدىكى ھېساپ تالاغا توغرا كەلمەيدۇ ئەمەسمۇ؟!

turditohti 2011-08-21 13:02
ياخشى ماقالە ئىكەن،زاماننىڭ تەرەققىيادى نۇرغۇن نەرسىلىرىمىزنى يوق قىلدى.بىراق كىشىلىرىمىزدىمۇ زامانغا ماسلاشماي ئامال يوق،شۇنداقتىمۇ ئەنئەنىمىزنى يوقۇتۇپ قۇيۇشقا بولمايدۇ.بۇ تەرەقىقاتتىكى ئەمەس ئەخلاقتىكى مەسىلىدۇر.شۇڭا ئەخلاقى تۇمارلىرىمىزنى ساقلاشقا تىرشىشىمىز لازىم.

uyghuraaa 2011-08-21 15:25
ئاياللار ئەجداد بىلەن ئەۋلادنى ئۇلاشتۇرۇپ تۇرغۇچى مۇھىم زەنجىر بولۇپ، مىللەتنى تۇغىدۇ، ئۆستۈرىدۇ، تەرەققى قىلدۇرىدۇ... شۇ سەۋەبدىن بولغاچقا، مەنچە قىزلارنى ھەر تەرەپتىن ياراملىق قىلىپ تەربىيلەپ چىقىش كېرەك...

jiuxing 2011-08-21 19:20
توغرا ئاياللار نى ھەر تەرەپتىن ياراملىق قىلىپ تەربىيلەپ چىقىش كېرەك... لىكىن ظاياللار ظأزىنىڭ بىلگىنىنى قىلىؤاتىدذ....

fayiza 2011-08-21 20:24
  ھەي يولداش ، ئاياللار ئۆزى بىلگەننى قىلىۋاتىدۇ دەپسىزغۇ؟
  بۇ ناھايىتى ياخشى تىمىكەن . بىز ئاياللار خىزمەت قىلمىساق ئەرلىرىمىز ئۆينى باقالمايدۇ . ئاز بىر قىسىم ئەرلەر بۇنىڭ سىرتىدا . 4 ئايلىق بوۋاقنى خەققە تاشلاپ بېرىپ ئىشقا چىقىشلىرىمىز ........، ئەسلى تۇغۇتلۇق ئايالغا ھىچ بولمىغاندا 1 يىل دەم ئېلىش بەرسە ياخشى بۇلاتتى !!!!!

hadisa 2011-08-22 16:50
ئەرلىرىمىز بىزنى باقالايتتى ئەسلىدە،گەپنىڭ نىگىزى بىز ئاياللاردا ئاشۇ ئەر تاپقانغا قانائەت قىلىمىزمۇ يوق دىگەن مەسىلىدە. ھازىرقى جەمىيىتىمىزدە ئۆز-ئارا ھەسەت قىلىشىپ ،سەندىن مەن قالامدىم ئىدىيىسىدە تۇرغان نادان ئاياللىرىمىز جەميىتىمىزدە 80%نى ئىگىلەيدۇ دىسەم يامان كەتمەس،بىز ئۆز مىللىتىمىز ئارىسىدا بۇنداق ناتوغرا رىقابەتكە چۈشۈپ ئەرلىرىمىزنىڭ ئەركەكلىك جاسارىتىگە شاپلاق سالماي،ئۆزىمىزنى دىننىي ھەم ئىلىم جەھەتتە يىڭىلاپ تويماس كۆڭلىمىزگە ئىنساپ تىلەپ،قانائەتچانلىق بىلەن ياشىساق،ئىشىنىمەنكى ئەرلىرىمىز بىز ئاياللار قىلماقچى بولغان،يەتمەكچى بولغان مۇددىئاغا تېزلا يەتكۈزەلەيدۇ بىزنى،ئەكسىچە بىز ئاياللاردىكى قانائەتسىزلىك ئاشقانسېرى ئەرلىرىمىز بېسىم ئىچىدەبىز بىلەن  ياخشى كەچۈرۋاتقان تۇرمىشىمىزنىمۇ  ساقلاپ قالالماسلىقى مومكىن،بولسا ھەممە ئۇيغۇر ئاياللىرىمىز مەنىۋىي ساپايىمىزنى يۇقىرى كۆتىرىپ ،توختىماي ئىزدىنىشىمىز،مىللىتىمىز دۇچ كىلىۋاتقان ھەرقانداق خىرىسنى يىڭەلەيدىغان پەرزەنتلەنى تەربىيلەپ چىقىش ئۈچۈن ئۆزىمىزنى كۈچەيتىپ بارساق بولىدۇ، بىز ئۇيغۇر ئاياللىرىغا ھەقىقى كېرىكى ھەقىقى ئىمان -ئىنساپ،ھەقىقى ئەقىل-ئىدراك،،،،،،،

barikat 2011-08-22 17:23
ئەرلىرىمىز بىزنى باقالايتتى ئەسلىدە،گەپنىڭ نىگىزى بىز ئاياللاردا ئاشۇ ئەر تاپقانغا قانائەت قىلىمىزمۇ يوق دىگەن مەسىلىدە. ھازىرقى جەمىيىتىمىزدە ئۆز-ئارا ھەسەت قىلىشىپ ،سەندىن مەن قالامدىم ئىدىيىسىدە تۇرغان نادان ئاياللىرىمىز جەميىتىمىزدە 80%نى ئىگىلەيدۇ دىسەم يامان كەتمەس،بىز ئۆز مىللىتىمىز ئارىسىدا بۇنداق ناتوغرا رىقابەتكە چۈشۈپ ئەرلىرىمىزنىڭ ئەركەكلىك جاسارىتىگە شاپلاق سالماي،ئۆزىمىزنى دىننىي ھەم ئىلىم جەھەتتە يىڭىلاپ تويماس كۆڭلىمىزگە ئىنساپ تىلەپ،قانائەتچانلىق بىلەن ياشىساق،ئىشىنىمەنكى ئەرلىرىمىز بىز ئاياللار قىلماقچى بولغان،يەتمەكچى بولغان مۇددىئاغا تېزلا يەتكۈزەلەيدۇ بىزنى،ئەكسىچە بىز ئاياللاردىكى قانائەتسىزلىك ئاشقانسېرى ئەرلىرىمىز بېسىم ئىچىدەبىز بىلەن  ياخشى كەچۈرۋاتقان تۇرمىشىمىزنىمۇ  ساقلاپ قالالماسلىقى مومكىن،بولسا ھەممە ئۇيغۇر ئاياللىرىمىز مەنىۋىي ساپايىمىزنى يۇقىرى كۆتىرىپ ،توختىماي ئىزدىنىشىمىز،مىللىتىمىز دۇچ كىلىۋاتقان ھەرقانداق خىرىسنى يىڭەلەيدىغان پەرزەنتلەنى تەربىيلەپ چىقىش ئۈچۈن ئۆزىمىزنى كۈچەيتىپ بارساق بولىدۇ، بىز ئۇيغۇر ئاياللىرىغا ھەقىقى كېرىكى ھەقىقى ئىمان -ئىنساپ،ھەقىقى ئەقىل-ئىدراك،،،،،،،


مېنىڭ كۆڭلۈمدىكى گەپنى قىلىپسىز، بىزنىڭ ئاياللىرىمىز ھەممىسى سىزدەك ئويلالىغان ۋە ئەمەلىيىتىدە كۆرسىتەلىگەن بولسا، بۇنداق مەسىلىلەر ئىنتايىن ئاسان ھەل بولغان بولاتتى، مەن مېنىڭ ئايالىمنىڭمۇ سىزدەك ئويلاپ ئەمەلىيىتىدە كۆرسىتىشىنى ئۇلۇغ ئاللادىن تىلەيمەن! ئاللا خالىسا مەن ئائىيلەمدىكىلەرنى بېقىپ كېتەلەيمەن، ئايالىم ئۆزىنى ھەر قايسى تەرەپلەردىن ياخشى تەربىيلەپ، بالىلىرىمىزنى تېخىمۇ ياخشى تەربىيلەش ئۈچۈن پۇختا ئاساس سالسا، مەن سېرتتا ھەرقانچە جاپا تارتساممۇ رازى، ئى ئۇلۇغ ئاللاھ ھەممىزگە ئىنساپ، ئىمان، ھىدايەت ، تەۋفىق ئاتا قىلغايسەن!!!

gul0996 2011-08-25 12:54
كذپ قئسئم ظاياللار شذنداق ظويلايدذ،شاراظئت يار بەرسئلا.......

tatleh 2011-08-25 18:29
ھەي! خىياللىرىمىز ،ئارزۇ -ئارمانلىرىمىز ئارمان پېتى قېلىۋىرەرمۇ؟ !

koygandengiz 2011-09-16 16:25
    شۇنداق سۆيۈنۈش ئىچىدە ئوقۇپ چىقتىم بۇ يازمىنى ." ئاياللات ئازاتلىقى" نىڭ " ئورنىغا " ئاياللار مائارىپى " كۈچەپ تەكىتلەنگەن بولسا  ئىشلار باشقىچە بولۇپ كېتەتتىمىكىن .......

3315 2011-09-16 23:55
بۇ تېما ئەرلەرگەئۆز بۇرچىنى ، ئاياللارغا ئاساسلىق مەسئۇليىتنى تونۇتالىسا نىمدىگەن ياخشى بولاتتى ھە ! لىكىن ..................................... ئەگەر ھەممەيلەن ئۆز مەسئۇلىيىتمىز ۋە بۇرچىمىز ئۈچۈن ياشايدىغان بولساق ، ئۇ ھالدا پەرزەنىت تەربىيسىدىمۇ ھازىرقىدەك قىيىن ئەھۋاللار كىلىپ چىقمىغان بولاتتى .......................

sanhun 2011-09-17 10:38
ئابدۇقادىر جالالىدىن-ئاككىمىزنىڭ قەلمىگە دەرت كەلمىسۇن خۇدايىم .

sanhun 2011-09-17 10:42
نەقىل
بۇ 10قەۋەتتىكىtatleh يوللىغان 2011-08-25 18:29 غا قارتىلغان :
ھەي! خىياللىرىمىز ،ئارزۇ -ئارمانلىرىمىز ئارمان پېتى قېلىۋىرەرمۇ؟ !

خىيالنى ،ئاززۇ-ئارماننى قىلىۋەرمەي،شۇلارۋۇجۇدقا چىقرىش ئۈچۈن ھەركەت قىلشىمىز كىرەك.

asmina 2011-09-17 11:04
مەنمۇ ئالى مەكتەپنى پۇتتۇرگەن بىر قىز .مەنمۇ ئۆزەم ياخشى كۆرگەن بىر يىگىت بىلەن خاتىرجەم ،كۆڭۈللۈك بىر ئائىلە قۇرسام .ئۆيدە ئولتۇرۇپ ئۇنىڭ ۋە ئىككى ئائىلىدىكى چوڭلارنىڭ ھالىدىن خەۋەر ئالسام بالىلىرىمنى بىر قوللۇق تەربىيلىسەم دەيدىغان ئۈمۈدۈم بار ئىدى (نۇرغۇنىغان  قىزلارنىڭ شۇنداق ئويلايدىغانلىقىغا ئىشىنىمەن)،بىراق ئۇمۇ خىزمەت قىلمىسا .....كېيىنكى تۇرمۇشىمىزنى كۈڭۈللۈك ئۆتكۈزىشىمىز قىيىن بولارمىكىن دەيمەن .

samiymi 2011-09-18 16:38
     ئەسسالامۇئەلەيكۇم،بەك ياخشى تىما ئىكەن.
ئىنسانىيەت تۇرمۇش يۇلىنىڭ بىر ھالەتتىن يەنە بىر ھالەتكە ئۇتىشى ئۇنداق ئاسان ئىش ئەمەس،شۇنداقتىمۇ  بۇگۇنكىلەر ئىلگىرى ئۇتكەنلەردىن ئاغرىنىپ بىر-بىر ىمىزگە تاپا-تەنە قىلماي،پەقەت كىيىنكىلەر ئۇچۇن ئۇل ھازىرلىيالىساقمۇ چوڭ ئىش قىلغان بۇلاتتۇق......
شۇنىڭ ئۇچۇن ئۇغۇل-قىزلىرمىزنى ياخشى تەربىلەپ چىقىش يۇقۇرقى ئارزۇ- ئارمانلىرمىزنى ئەمەلگە ئاشرۇشنىڭ ئاساسى (ھەر قەۋېم ئۇز ئەھۋالىنى ئۇزگەرتمىگۇچە ئاللاھ ئۇلارنىڭ ئەھۋالىنى ئۇزگەرتىۋەتمەيدۇ)ئاللاھ نىڭ مۇقەددەس سۇزى

awakkiz 2011-10-03 17:21
رەخمەت سىزگە


رەسىمسىز مۇنازىرە: [-- ئاياللار ۋە بوسۇغا --] [-- top --]



Powered by PHPWind v7.3.5 Code © 2003-08 Guldiyar
Time 0.036798 second(s),query:3 Gzip disabled

You can contact us