| umidwar | 2011-08-17 12:26 |
|
ئەسسالامۇئەلەيكوم،ئەلكۈيى تورىنىڭ مۆھتىرەم ئىشتىراكچىلىرى ئالدى بىلەن تورىمىزدىكى بارلىق تورداشلارنىڭ تېنىڭلارغا سالامەتلىك،ئىشلىرىڭلارغا بەخت ۋە ئامەت تىلەش بىلەن بىرگە تورىمىز ۋە شىركىتىمىزدىكى بارلىق ئىشچى - خىزمەتچىلەر نامىدىن ئوتلۇق سالام يوللايمىز.باسقان ھەر بىر قەدىمىڭلار ئاسايىشلىق ئىچىدە ئۆتكەي،ئەلكۈيى تورىدىكى زىيارىتىڭلارنىڭ تېخىمۇ مول مەزمۇنلارغا ئېگە بولىشىنى چىن دىلىمىزدىن ئۈمىد قىلىمىز. ئۇيغۇر سەنئىتى جۈملىدىن ئۇيغۇر ناخشا - مۇزىكىلىرى چارچىغان قەلبىمىزگە مەلھەم بولسا،دىل ئارامىمىزغا ئىلھام بولۇپ ھەممەيلەننىڭ سۆيۈپ ئاڭلىشىغا ئەۋلادتىن ئەۋلاتقا داۋام ئىىتىپ كىلىۋاتىدۇ،مەنىۋى تۇرمۇشىمىزغا ئۆزىنىڭ ئاۋازى بىلەن ئىزچىل بىزگە ھەمراھ بولۇپ كىلىۋاتقان،مەيلى چوڭلار بولسۇن مەيلى كىچىكلەر بولسۇن ھەممەيلەن ناخشىلىرىنى ياقتۇرۇپ ئاڭلاپ كىلىۋاتقان شۇنداق بىر پەخىرلىك ئۇيغۇر ئوغلانىمىز بار، ئۇ بولسىمۇ ئابدۇللا ئابدۇرېھىم. بالىلىق ھاياتىنى قەدىمىي دولان موقاملىرى،دولان مەشرەپلىرى قوچىدا ئۆتكۈزۈپ،سەبى چاغلىرىدىن باشلاپلا مىللىي ناخشا - مۇزىكا سەنئىتىمىزگە ئوتتەك ئىشتىياق باغلىغان،ناخشا -مۇزىكا سەنئىتىنى تېگى ماھىيتىدىن چۈشىنىپ،ۋايىغا يەتكۈزۈپ ئېيتىش يولىدا نۇرغۇنلىغان قان - تەرىنى سىڭدۈرۈپ،پىشىپ يىتىلىپ ،ئوزۇندىن بويان ھەممەيلەننىڭ قەلبىنى تىترىتىپ كىلىۋاتقان تالانتلىق ئەل سۆيگەن ناخشىچىمىز ئابدۇللا ئابدۇرېھىمغا قىززىقمايدىغان ، ئۇنىڭ ئىش -ئىزلىرىنى بىلىشكە ئىنتىزار بولمايدىغان،ئابدۇللا ئابدۇرېھىم بىلەن تور ئارقىلىق سىردىشىشنى خالىمايدىغان تورداش بولمىسا كېرەك.ئەلكۈيى تورىدىمۇ ئابدۇللا ئابدۇرېھىمنى ئۆز ئىچىگە ئالغان نۇرغۇنلىغان ياخشى مۇنازىرەلەر بولۇپ تۇرىدۇ ئەلۋەتتە،ئەلكۈيى تورى كەڭ تورداشلارنىڭ بۇ ئارزۇسىنى ئىشقا ئاشۇرۇش مەقسىتىدە بۈگۈنكى ئەلكۈيى ئېكرانىنىڭ يېڭى سانىغا <<ئابدۇللا ئابدۇرېھىم بىلەن ئەلكۈيى ئېكرانىدا سۆھبەت>> نامىدىكى بىر مەيدان ياخشى سۆھبەت ئويۇشتۇرۇپ ھۇزۇرىڭلارغا سۇندۇق،ياقتۇرۇپ كۆرۈشىڭلارغا تىلەكداشمىز. كۆرۈش نوقتىسى (Medila player )ئارقىلىق كۆرۈش (قېتىۋالسا ياكى سۈزۈك چىقمىسا پەستىكىنى كۆرۈڭ) كۆرۈش نوقتىسى(flash player)ئارقىلىق كۆرۈش زىيارەت جەريانىدىكى رەسىملەردىن ئارىيەلەر ئەل سۆيگەن ناخشىچى،پەخىرلىك ئۇيغۇر ئوغلانى ئابدۇللا ئابدۇرېھىم ۋە ئەلكۈيى تور تېخنىكا چەكلىك شىركىتىنىڭ مەسئۇلى،ئەلكۈيى تورىنىڭ قۇرغۇچىسى مۇھەممەدجان ئۈمىدۋار بىرگە پەخىرلىك ئۇيغۇر ئوغلانى ئابدۇللا ئابدۇرېھىم ۋە ئۇنىڭ ئوماق قىزى شاھناز ئابدۇللا ،ئەلكۈيى تورىنىڭ قۇرغۇچىسى مۇھەممەدجان ئۈمىدۋار قاتارلىقلار بىلەن خاتىرە سۈرەتكە چۈشتى ئابدۇللا ئابدۇرېھمنىڭ قىزى شاھناز ئابدۇللا ئەلكۈيى تورىنىڭ زىيارىتىگە دادىسى ۋە ئۆزى ھەققىدە سۆزلەپ بەرمەكتە زىيارەت نەق مەيدانىدىن ئارىيە بۇ قېتىملىق زىيارەت شىنجاڭ مىللىي مۇزىكا ئۆمىكى ئابدۇللا ئانسامبىلىنىڭ ئىشخانىسىدا سۈرەتكە ئېلىندى،زىيارەت جەريانىدا ئەسلىدىكى سابا ئانسامبىلىنىڭ ئابدۇللا ئانسامبىلى قىلىپ ئۆزگەرتىلگەنلىكى بىلدۇق ھەمدە بۇ ھەقتىكى بەزى بايانلارنىمۇ كەڭ تورداشلارنىڭ ھۇزۇرىغا سۇندۇق،يەنە بىر تىلغا ئېلىشقا ئەرزىيدىغان ئىش شۇكى ئەل سۆيگەن ناخشىچىمىز ئابدۇللا ئابدۇرېھىم ئۆزىنىڭ ئوماق پەرزەنتى شاھناز ھەققىدە ئۆزىنىڭ قەلب ئىزھارىنى تىلغا ئېلىپ ئۆتتى شۇنداقلا بىزمۇ يېقىندىن بويان تورىمىزدا قىززىق نوقتا بولۇپ كىلىۋاتقان بۇ كىچىك چولپانىمىز بىلەنمۇ ھەمسۆھبەتتە بولدۇق. كەڭ تورداشلارنىڭ بۇ قېتىملىق زىيارەتنى چىن ئىخلاسى بىلەن كۆرۈپ چىقىشىنى شۇنداقلا ئابدۇللا ئابدۇرېھىم بىلەن تورىمىز ئارقىلىق كەڭ - كۇشادە سىردىشىشنى سەمىمىي ئۈمىد قىلىمىز ھەمدە شىركىتىمىز ۋە تورىمىز شۇنداقلا تورىمىزدىكى بارلىق تورداشلار نامىدىن پەخىرلىك ئۇيغۇر ئوغلانى،ئەل سۆيگەن ناخشىچى ئابدۇللا ئابدۇرېھىمنىڭ ئىجادىي ھاياتىغا مول مەزمۇنلارنى تىلەش بىلەن بىرگە يېقىندا ئۆتكۈزۈلۈپ،خەلقىمىزگە سوۋغا قىلماقچى بولغان 2011-يىللىق ئابدۇللا ئابدۇرېھىم ناخشا كېچىلىكىنىڭ ت ئوڭۇشلۇق ئۆتكۈزىلىشگە،مول مەزمۇنلارغا تۇلىشىغا چىن دىلىمىزدىن تىلەكداشمىز! ھارماڭ ئابدۇللا ئابدۇرېھىم ، خەلقىمىز سىزنى مەڭگۈ قوللاپ قۇۋۋەتلەيدۇ! كامالىي ئېھتىرام بىلەن : ئەلكۈيى تور بېكىتى ئەلكۈيى تور تېخنىكا چەكلىك شىركىتى 2011-يىلى 8-ئاينىڭ 17-كۈنى |
|