كىتابقا باغلانغان رىشتە

مۇنىرە

كىتابقا باغلانغان رىشتە

مەن بىر كىتابخۇمار قىزمەن . قاچاندىن باشلانغىنىنى بىلمەيمەن، مەن كىتابقا ئوتتەك ئىشتياق بىلەن كىرىشىپ كەتتىم، كىتاب ئوقۇشنى شۇنچىلىك ياخشى كۆرىمەن. ئۆيدە ئاپام ئۇچاققا ئوت قالاڭ دېسە، كىتاب ئوقۇپ ئولتۇرۇپ ھەمشە ئوتنى ئۆچۈرۈپ قويىمەن .دەرس ۋاقتىدا مۇئەللىم سۆزلىگەن دەرسنى ئاڭلىغۇم كەلمىسە،  كىتابنى جوزىنىڭ ئاستىغا تىقىپ قۇيۇپ ئوقۇيمەن. ئاپامدىن ئىزا ئىشىتىپ، مۇئەللىمدىن مۇسادىرە قىلىنغان كىتابنى ئالالماي، يەرگە تەلمۈرۈپ تۇرغان چاغلاردىمۇ كىتابقا بولغان قىزىقىشىم  قىلچە سۇسلاپ قالمىدى.
مەن ئوقۇغان ھەر بىر پارچە كىتاب ماڭا ئۆزگىچە ھېس-تۇيغۇلارنى ئاتا قىلىدۇ. كىتاب ئوقۇش ئارقىلىق مەن نۇرغۇن بىلىملەرگە ئېرىشتىم. ھېكايە-رومانلاردىكى پېرسۇناژلار بىلەن خىيالەن پاراڭلىشىپ نۇرغۇنلىغان كىشلىك تۇرمۇش قائىدىلىرىنى  خۇلاسىلەپ چىقتىم. يازغۇچىلارنىڭ قەلىمى ئاستىدا يارىتىلغان ھەر بىر  پېرسۇناژ ۋە شەيئى مېنىڭ كۆز ئالدىمدا پەيدا بولىدۇ-دە، ئۇلار بىلەن ئۆزۈمنى سېلىشتۇرۇپ، ۋىجدان تارازىسدا ئۆلچەپ باقىمەن. ئەپسۇسلىنىش ۋە پەخىرلىنىش ئىلكىدە يەنە باشقا بىر كىتابنى ئوقۇشقا تۇتۇش قىلمەن. بىر ئالىي مەكتەپ ئوقۇغۇچسى بولغانلىقىم ئۈچۈن ئالىي مەكتەپ تۇرمۇشى ۋە مۇھەببەت تېمىسدىكى  ئەسەرلەر مېنى ئۆزىگە بەكرەك جەلپ قىلدۇ.
«يىغلما قىز» پوۋېستىدىكى  خوتەننىڭ چەت يېزىسىدىن شىنجاڭ يېزائىگىلىك ئونۋېرسىتىتى چارۋا مال دوختۇرلۇق كەسپگە ئوقۇشقا كېلىپ، پۇلنىڭ قىزىقتۇرۇشى بىلەن يېقىن دوستنىڭ ئارقسغا كىرىپ، جەمئىيەتتىكى كىشلەر بىلەن ئارلىشىپ، ئەڭ ئاخىرىدا مەكتەپتىن قوغلىنىپ كېتشتەك  كەچۈرمىشى بىلەن «قەدىر كوچىسى» رومانىدىكى خوتەننىڭ چەت يېزىسىدىن شىنجاڭ ئونۋېرستىتىغا ئوقۇشقا كەلگەن  مەريەمگۈلنىڭ پۈتۇن ۋۇجۇدى بىلەن تىرىشىپ ئۆگىنىپ،  نەچچە قېتىم ئوقۇش مۇكاپات پۇلىغا ئېرىشىپ، ئاخىرىدا مەكتەپنى ناھايتى ياخشى نەتىجە  بىلەن پۈتتۈرگەنلىكىدەك كەچۈرمىشلىرىنى سېلىشتۇرۇپ، ئالىي مەكتەپ ھاياتىمدىكى پۇشايمانلاردىن يىراق تۇرۇشقا نىيەت قىلىمەن. «قىيىن ئىش يوق ئالەمدە كۆڭۈل قويغان ئادەمگە» دېگەن ھېكمەتلىك ئىبارىنىڭ مەنىسنى تېخمۇ چوڭقۇرلاپ چۈشىنىش پۇرسىتىگە  ئىگە بولىمەن.
كىتاب - بىلىم بۇلىقى، مەدەنىيەت خەزىنىسى،تارىخنىڭ گۇۋاھچسى. مەن ئوقۇغان كىتابلىرىم ئارقىلىق قىز بالا بۇلۇشنىڭ نەقەدەر ئۇلۇغ ئىش ئىكەنلىكىنى، ئۆزەمنىڭ تولىمۇ بەختلىك  ئىكەنلىكىمنى ھېس قىلىپ يەتكىنمدە قەدىردان ئاتا-ئانامدىن تولىمۇ پەخىرلىنمەن . ھەر بىر كىتاب بەتلىرىدە يېزىلغان تارىخى ھېكايىلەر، ئەدىبلىرىمىزنىڭ ئوبرازلىق تەپەككۈرى، پىشقان قەلىمى ئاستىدا يارىتىلغان غېنى باتۇر،تۆمۈر خەلپە، سەيئىدئەلى ئالىپ....دەك قەھرىمانلىرىمىزنى ھۆرمەت ۋە سېغىنىش ھېسياتى بىلەن ئەسلەيمەن . « قەھىرىمان» دەپ ئاتالغان شۇ كىشلىرىمىزنىڭ ئىش-ئىزلىرىنى ئېسىمدە مەھكەم ساقلىۋېلىشقا تىرىشمەن. بوغدا ئابدۇللا شېئىرلىرىدىكى «يالغۇزلۇقتا كۆڭۈل شۇنداق ساپ، ئۆزۈڭنىڭ دۇنياسى گۈزەل نەقەدەر» دېگەن مىسرالار  قەلبىمنىڭ چوڭقۇر قاتلاملىرىدىن ئورۇن ئالغان خىياللىرىمغا خىيال قوشقان بۇنداق شېئىرىي مىسرالارنى يادلىۋېلىش مېنىڭ ئەڭ زور خۇشاللىقىم. قىسقسى«ھەر گۈلنىڭ پۇرىقى ئۆزگىچە» بولغىندەك ئوقۇغان ھەر بىر كىتابىمدىن خىلمۇ-خىل ھوسۇللارغا ئېرىشىمەن.
تەندىكى زەئىپلىك روھقا كۆچكەندە ئىنسان بۇ دۇنيادا تۇرۇپ تىرىك مۇردىغا ئايلىنىدۇ. ئىنسان قەلبىدە ئارزۇ-ئارمانلار بولىدىكەن تاغدەك قىيىنچىلىق يولىڭىزنى توسىۋالسىمۇ ياشاش ئستىكى ئۈستۈن ئورۇندا تۇرىدۇ. خوتەن شەھىرىدە قۇرۇلغان «ئىنساپ ۋە ئىزدىنىش» كىتابخانىسىنىڭ قۇرغۇچىسى تۇرسۇن ھاجىم ئېيتقىنىدەك «مەنىۋىي نامراتلىق ئىنساننى ناھايىتى تېزلا ھالاك قىلىدۇ. بىر مىللەتنىڭ ساپاسىنى يۇقىرى كۆتۈرۈشتە كىتابنىڭ رولىغا سەل قاراشقا بولمايدۇ». ئۈرۈمچى شەھىرىدە «مېھىر-شەپقەت كۈتۈپخانىسى»نى قۇرغان ئىززەت مۇئەللىم ئېيتقاندەك «كىتابنى سۆيگەن، كىتابقا كۆيگەن كىشىلەرگە يۈرىكمىزنىڭ چوڭقۇر يېرىدىن ئورۇن بېرىمىز». بەرھەق ئۇلارنىڭ ئىش-ئىزلىرىدىن تولىمۇ تەسىرلەندىم، قىلغان سۆزلىرىنى قەلب خاتىرەمگە كۆچۈرۋالدىم.

بىر دانا توختىماي قىلاتتى خىتاب،
بىلىمسىز كىشلەر ئەما ۋە بىتاب.
سورىدىم، ئەملەشنىڭ دورىسى نىمە؟
ئۇ دېدى كىتابتۇر، كىتابتۇر كىتاب.
كىتابقا بولغان قىزىقىشم  ھەمىشە مېنى بۇ روبائىنى  ئۇنتۇماسلىققا دەۋەت قىلدۇ. كىتاب ئارقىلىق مەن ئېرىشكەن نۇرغۇن بىلىملەر مېنى خام –خىياللار دۇنياسدىن رېئاللىققا قايتىپ، ئۆزلۈك ھەققىدە ئويلىنىشقا، كەلگۈسىمنى پىلانلاشقا چاقىرىدۇ. كىتاب ئوقۇش ماڭا نىسبەتەن ۋاقىت ئۆتكۈزۈش ياكى ئىچ-پۇشۇقىمنى چىقىرىشنىڭ ۋاستىسى ئەمەس، بەلكى قېنىمغا يۇغۇرۇلۇپ، روھىمغا سىڭىپ كەتكەن بىر خىل ئادەت، پۈتمەس-تۈگمەس سىرلىق خەزىنىلەرنى ئېچىشنىڭ ئالتۇن ئاچقۇچى. بەزى چاغدا ئەتراپىمدىكىلەر مېنى مەسخىرە قىلىپ «كىتاب خالتسى » دېگەندە كۈلۈپ قويىمەن خالاس. ئۇلارغا چۈشەنچە بېرىشىم زۆرۈر ئەمەس. چۈنكى كىتاب ئوقۇش ئارقىلىق روھىي دۇنياسى باي ئادەم بۇلۇش- مېنىڭ ئۆمۈرلۈك ئارزۇيۇم. چۈنكى مەن كىتاب ئوقۇشنى ياخشى كۆرىمەن.

anatil8

رەھمەت سىزگە مۇنىرە ،مەن كىتاپخۇمار قىزلارنى تۇلۇمۇ ياختۇرىمەن،،،،خىزمەت ئورنۇمدا ماڭىمۇ كىتاپ سارىڭى دەپ نام سىڭىپ قالدى،،كىتاپقا بۆلەكچىلا مىھرىم بار،،،،                      ھازىر سەن كىتاپ خالتىسى دەپ مەسخىرە قىلۋاتقانلار دەل سىنىڭ كەلگۈسىدىكى خوجايىنلىرىڭلاردۇر،،،،

anatil8

گەرچە كىتاپ ئوقۇش ئارقىلىق ھەممە بىلىمنى ئىگەللەپ كەتكىلى بولمىسىمۇ كىتاپ ئادەمنىڭ نەزەر دائىرىسىنى كەڭەيتىدۇ،ئەقلى تەپەككۇرىنى ئاشۇرىدۇ،،،ساپالىق،ئەخلاقلىق قىلىدۇـــ

tograk001

كىتاب بىز ئۈچۈن ھەقىقەتەن ياخشى بىر دوسىت ....يەنە كىلىپ  بىر سىرداش دوست.....مەنمۇ كىتابتىن ئايرىلىپ باققىنىم يوق ھەم ئايرىلمايمەن دەپ قارايمەن..كىتاب ماڭا  نۇرغۇن نەرسىلەرنى ئۆگەتتى....ماڭا يول كۆرسەتتى ....كىتابقا شۇنچىلىك مىھرىم بار ..بۇ كىتاب ئوتى ماڭا قاچاندىن باشلاپ پەيدا بولدى ئېنىق ئىسىمدە يوق ....تاكى ھازىرغىچە كىتابنى سۆيۈپ كىلىۋاتىمەن.......ياخشى كىتابلارنى ساقلايمەن ..ئىشكابىمدىكى ئەنە شۇ ئىسىل كىتابلىرىم  مىنىڭ چوڭ بىر بايلىقىم ....مەن ئەنە شۇ ئىسىل  كىتابلارنى ساقلايمەن ئوقۇيمەن دەپ  تاماق يەيدىغان پۇلۇمغا كىتاب ئېلىۋېتىپ ئاچ قالغان ۋاقىتلىرىممۇ بولغان....كىتاب ئىزدەپ كونا بازار ،،كوچىلارنى ئايلىنىپ جاپا تارتقىنىممۇ ھېلىھەم ئىسىمدە....باشقىلار جاپا تارتىپ كىتاب يىغىپ   ساقلاپ  نىمە قىلىسەن    دىگىنىگە     كۈلۈپلا قۇيۇۋاتىمەن خالاس ... ...........ئىشقىلىپ ئەنە شۇ ئىسىل كىتابلىرىم مەندىن ئايرىلمايدۇ مەنمۇ ھەم كىتابلىرىمدىن ئايرىلمايمەن......شۇ كىتابلار ئارقىلىق نۇرغۇن ئىشلار نى چۈشەنگەنمەن...بىلگەنمەن.....كىتابخۇمارلقىم مىنى يېڭى ھاياتقا باشلاپ كىرىدۇ ...كىتاب ئوقۇسام كىتاب ئىچىگە كىرىپلا كىتىمەن....كىتابخۇمارلار بىلەن پىكىر ئالماشتۇرۇشقا ، مۇڭدىشىشقا ئامراقمەن....كىتابخۇمارلارنىڭ پىكىرى  بىر يەردىن چىقىدۇ ھەم   كىتابخۇمارلارنىڭ ئىدىيىسىمۇ شۇنچىلىك ئوچۇق بولىدۇ....ئويلايدىغىنىم ھەممىمىز كىتابخۇمار بولساقكەن...كىتاب ئوقۇش يىلىدىلا ئەمەس  ھەرۋاقىت ھەممىمىز كىتابخۇمار بولساقكەن.......  ياخشى تىما يوللاپسىز.. تىمىڭىزغا رەھمەت  كىتابخۇمار قىز.......

مۇنىرە

tograk001 يوللىغان ۋاقتى  2015-3-23 12:06
كىتاب بىز ئۈچۈن ھەقىقەتەن ياخشى بىر دوسىت ....يەنە كىلىپ ...

ئەسىرمنى    ياقتۇرۇپ  ئوقۇغانلىقڭىزغا   رەھمەت!  

amira

ھارمىغايسىز بەك ياختۇردۇم ئەسىرىڭىزنى ، مەنمۇ بىر كىتاپ خۇمارى ، كىتاپنى شۇنچىلىك ئەتىۋارلايمەن .   كىتاپ  ئەڭ ياخشى دوستىمىز بولالاليدۇ  ئۇ ئىنساننى مەڭگۈ يالغۇزلۇق ھىس قىلدۇرمايدۇ .

sadakatguli

چالىقۇشى،لېيىغان بۇلاق،جاللات خېنىم،نازىنىن قىزلار ئەڭ تەسىر قىلغان كىتاپلارنىڭ جۈملىسىدىندۇر.

kilinqak

净颜梅دىگەن نىمە ؟ بولسا بىر تەبئىي ئورۇقلىتىش مېۋىسى .ئالۇچا دەپ ئاڭلىغان بولغىيتتىڭلار ،دەل ئۆزى شۇ .
ئادەمنىڭ ئۈچىيىنىڭ ئومۇمىي ئۇزۇنلۇقى8—10مېتىر ئەتراپىدا كىلىدۇ ،سىزنىڭ ھەر كۈنى يېگەن نەرسىلىرىڭىزدىن ئاز بىر قىسىمى چوڭ تەرەت ئارقىلىق سىرتقا چىقىقاندىن سىرت قالغىنى نەگە كېتىدۇ ؟دەل ئۈچەيدە چاپلىشىپ قالىدۇ.ھەمدەقېلىنقىقى 3-4سانتېمىتىر  5-6كىلوغىچە قارا ،سېسىق ھەم زەھەرلىك ماددىلار ئۈچەيدۇ تۇرۇپ قلىدۇ شۇنىڭ بىلەن قورسىقىڭىز بىردىنلا يوغىناپ كىتىدۇ .
ئۇنداق بولسا مەھسۇلاتىمىزنى تونۇشتۇرۇپ ئۆتەيلى :
بىر قاپتا 15تال بار.ئورۇقلىماقچى بولغانلار ،بىر قېتىمدا ئىككى تال،زەھەر تازلىماقچى بولغانلار ھەر قېتىمدا بىر تال ،ھەرگىز ئاچ قوساق يېمەڭ.ئەڭ ياخشىسى تاماقتىن كىيىن.

بىر قاپ 198يۈئەن ،ۋاكالەتچىلىك باھاسىنى ئۈندىداردىن سۈرۈشتۈرۈڭ.

净颜梅مەخسۇس ئۈندىدارىم :3233240462

nurqi

ناھايىتى ياخشى ئادىتىڭىز باركەن.