پۇتبولچىلار مارشى

رەئوپ

پۇتبولچىلار مارشى*
(«ئىكىساق لوڭقىسى» پۇتبول مۇسابىقىسى ماھىرلىرى تىلىدىن)

ئابدۇرەئوپ تەكلىماكانىي

خىسلەتلىكتۇر ئاجايىپ پۇتبول دېگەن،
ۋۇجۇد كۈچ ئېلىپ ئۇندىن چېنىقار بەدەن.
قىز-ئوغۇل ئەۋلادلار بولغاندا ساغلام،
ئانا يۇرت جانلىنىپ، گۈللىنەر ۋەتەن.

تەنتەربىيە، توپ ئويناش ئەزەلدىنلا،
ئۇيغۇرغا ئەجدادلاردىن ئۇدۇم ئىكەن.
ئىكىساقلىق دېھقانلار پۇتبول تېپىپ،
ئەجنەبىي كوماندىنى يەڭگەن ئىكەن.

رىقابەتلىك دۇنيانىڭ ئىنسانىغا،
ھەممىدىن زۆرۈرى ساغلاملىق ئىكەن.
پۇتبول تېپىپ، تەن دۇرۇس ئەۋلاد بولۇپ،
يۈز كېلىمىز زەر نامغا ئۇيغۇر دېگەن!
نەقرات:
خىسلەتلىك ئەل ئاجايىپ پۇتبول دېگەن،
پۇتبول بىلەن سۇباتلىق ئوغۇل دېگەن.
2014-يىل 9-ئۆكتەبىر، بېيجىڭ.
* بۇ مارش 2014-يىل، بېيجىڭدا ئۆتكۈزۈلگەن «ئۇيغۇر ستودېنتلار  27-نۆۋەتلىك ‹ئىكىساق لوڭقىسى› پۇتبول مۇسابىقىسى» نىڭ باشلىنىش مۇراسىمىدا غۇرۇر بىلەن ئوقۇلغان.

مىرزا ھەقىي سالاھىيەتلىك ئەزا

تېما ئىگسىگە رەھمەت ، ھەقىقىتەن روھنى ئۇرغۇتىدىغان تىكىست ئىكەن !

ئېكساق

پۇتبۇل ئشلىرى تەرەققىي قىلىپ پۇتبول كۆرۈرمەنلەرنىڭ سانى ئاشقانسىرى يۇرتىمىزنىڭ پۇتبول تارىخى قايتا ئەسلىنىدىغان بولدى . يۈز يىللىق پۇتبول كەنتى _ئېكساقنىڭ ئېلىمىزدىكى تۇنجى پۇتبول ھەركىتىنى ئېلىپ كىرگەن يۇرت بولۇشى ، ئېلىمىزگە ۋاكالىتەن تۇنجى چەتئەل كونسۇلخانىسى بىلەن يەنى چەت ئەللەر بىلەن مۇسابىقە ئوينىشى ۋە غەلبە قىلىشى قاتارلىق تارىخلار ،شان شەرەپلەر ئېكساقنىڭ نامىنى تېخىمۇ تونۇتۇپ تەنتەربىيە ئاخباراتچىلىرىنىڭ زىيارەت ئوبىيكتى بولدى ، شۇنىڭ بىلەن بىز ئۇيغۇرلارنىڭ تەنتەربىيە ئىشلىرى باشقا مىللەتلەردىمۇ تىلغا ئېلىنىشقا باشلىدى . بۇ ئەلۋەتتە بىز ھەممىمىز پەخىرلىنىشكە تىگىشلىك ئىش .
    مەن ئىچكىرىدىكى ئالىي مەكتەپتە تەييارلىق ئوقۇۋاتقاندا بىر دەرسلىك كىتابنىڭ ئوقۇشلۇق قىسمىدا ئېكساقنىڭ پۇتبولچىلىق ئىشلىرى ئاساسى مەزمۇن قىلىنغان ،بەك تەپسىلىي چۈشەندۈرۈلگەن بىر ماقالىنى كۆرگەن .
    مىللىتىمىزنىڭ ھەر قايسى جەھەتتە ئۇتۇق قازىنىشىنى ئۈمىد قىلىمەن  !
   

SAMIMI0998

بەك ياخشى يېزىلىپــتۇ .....

گۈلناز1

مۇئەللىم قەلىمىڭىزگە دەرد كەلمىسۇن! بۇ مارشىنى تەق مەيداندا ئاڭلاپ ئاجايىپ ھاياجانلانغان ئىدىم. رەھمەت  سىزگە!