شىنجاڭ تېلىۋىزىيە ئىستانسىسى مۇشۇنداق كاتتا خەۋەرلەرنى خەۋەر قىلماي نېمە ئىش قىلىدۇ،بىزگە ناۋا پروگراممىسى ، مەشرەپت پروگراممىسىلا بولسا بولمايدۇ،پۈتۈن دۇنيادىكى ئەڭ نوپۇزلۇق تاراتقۇلار جۈملىدىن مەركىزىي تېلىۋىزىيە ئىستانسىسىمۇ مەخسۇس خەۋەر بەردى،بۈگۈن ئەتتىگەن،شىنجاڭ تېلىۋىزىيە ئىستانسىسى شۆھرەت مۇتەللىپ ھەققىدە مەخسۇس بىر تېما قىلىپ ئىشلىشى كىرەك دەپ ئويلايمەن.
ئامېرىكا ئورېگون ساغلاملىق پەنلىرى ئۇنىۋېرسىتىتىدىكى بىر تەتقىقات گۇرۇپپىسى 15-ماي ئامېرىرىكىدىكى ئىلىم-پەن ژۇرنىلى بولغان‹ھۈجەيرە›ژۇرنىلىنىڭ تور نۇسخىسىدا ماقالە ئېلان قىلىپ، ‹بەدەن ھۈجەيرىسى(زوماتوپلازما)نى كىلونلاش تېخنىكىسى›دىن پايدىلىنىپ، تۇخۇم ھۈجەيرىسى ئىچىگە باشقىلارنىڭ تېرە ھۈجەيرىسىنىڭ ھۈجەيرە يادروسىنى كىرگۈزۈش ئارقىلىق، بۆلۈنۈپ ھەرخىل توقۇلمىلارنى شەكىللەندۈرەلەيدىغان تۆرەلمە غول ھۈجەيرىسىنى تۇنجى بولۇپ مۇۋاپىقىيەتلىك ياساپ چىققانلىقىنى جاكارلىدى.
بۇ تۈرلۈك تەتقىقات نەتىجىسىنىڭ ياشانغانلاردىكى دېۋەڭلىك كېسىلى قاتارلىق كۆپ خىل كېسەللىكلەرنى خاسلىقى بويىچە داۋالاشقا نىسبەتەن ياردىمى زور.
تۇخۇم ھۈجەيرىسىنىڭ يادروسىنى چىقىرىۋېتىش جەريانى
بۇ تېخنىكا ئارقىلىق كاردىن چىققان ھۈجەيرە ۋە توقۇلمىلارنى ئالماشتۇرغىلى بولىدۇ
ئىنسانلارنىڭ تۆرەلمە غول ھۈجەيرىسىنى ياساشتا قوللىنىلغان كىلون تېخنىكىسى 1996-يىلى ئەنگىلىيەدە تۇغۇلغان دۇنيا بويىچە تۇنجى كىلون قوي ‹دوللىي›نىڭ بارلىققا كەلتۈرۈش تېخنىكىسى بىلەن ئوخشىشىپ كېتىدۇ. ‹بەدەن ھۈجەيرىسىنى كىلونلاش تېخنىكىسى› بولسا تەمىنلىگۈچى تەنچە ھۈجەيرىسىنىڭ ھۈجەيرە يادروسىنى ئېلىپ، يادروسى چىقىرىۋېتىلگەن تۇخۇم ھۈجەيرىسىنىڭ ئىچىگە كۆچۈرۈدىغان مۇھىم تېخنىكا. بۇ تېخنىكىدىن پايدىلىنىپ، ئالىملار تەمىنلىگۈچى تەنچە ھۈجەيرە ئېرسىيىتى بىلەن ماس كېلىدىغان تۆرەلمىگە ئېرىشەلەيدۇ.
پەخىرلىك ئۇيغۇر ئوغلانى، ئالىمىمىز شۆھرەت مۇتەللىپShoukhrat Mitalipov
بۇ يازمىنى ئاخىرىدا مۇبارەك تەھرىرلىگەن. ۋاقتى 2013-5-17 15:14
يوللىغان ۋاقتى 2013-5-17 15:08:16
