زاۋۇتى يوق مىللەت قانداق كۈنگە قېلىشقا تېگىشلىك؟

ئەزىزى

زاۋۇتى يوق مىللەت قانداق كۈنگە قېلىشقا تېگىشلىك؟

بۇ 2013- يىل.
20 مىليوندىن ئارتۇق نوپوسقا ئىگە بىر مىللەتنىڭ ئىچكى ئىستېمال مىقدارى، ئوتتۇرىچە ئىستېمال سەۋىيەسىگە نىسبەتەن، زادى قانچىلىك زاۋۇتلارنى قۇرۇش تەننەرخ كۆتۈرىدۇ؟ قايسى قۇرۇلۇشلار تەننەرخ كۆتۈرمەيدۇ؟
قانداق مەھسۇلاتلارنى ئىشلەپچىقىرىدىغان زاۋۇتلىرىمىز بولسا ئاندىن نورمال ئەھۋال بولغان بولىدۇ؟ ھېچ بولمىسا ئەڭ ئەقەللىي ئەھۋال بولغان بولىدۇ؟
يانچۇقىمىزدا باشقىلارنىڭ ئىشلىگەن مەھسۇلاتىنى سېتىۋىلىشقا پۇل بولسىلا ھەممە ئەھۋال نورمال بولغان ھېساپلىنامدۇ؟

ئىستاتىستىكىلاشقا ئېنىق سان يوق، شۇنداق بولسىمۇ ئاددىي، لېكىن ئېچىمىزنى ئاچچىق قىلىشقا يېتىدىغان مىساللارنى ئالايلى:
ھەممىمىز ئاياق كېيىۋاتىمىز: تەخمىنەن ۋە ئاز دېگەندىمۇ 10 مىليون ئادەم (ئايىغى چىققان بوۋاقلاردىن باشلاپ ئۆلەي دىگەنلەرگىچە..) يىلدا بىر جۈپ ئاياق ئالىدۇ، بۇ ئاياغلارنىڭ ئوتتۇرىچە باھاسى تۈۋەن ھېساپلانغاندىمۇ (بالىلارنىڭ 40، چوڭلارنىڭ 160 تىن، ياش نىسبىتى كىرگۈزۈلگەندە) 110يۈەن بولىدۇ، دەيلى، يىللىق كىرىمنىڭ ئۆزىلا: 10 مىليون جۈپ ئاياغ×110 يۈەن = بىر مىليارد 100 مىليون يۈەن بولىدۇ!

تىرناق ئالغۇچ: 20 مىليون كىشىنى ھەر بىر ئائىلىدە 4 جان ياشاۋاتىدۇ، دەپ ئالساق، ئۈچ يىلدا بىر تىرناق ئالغۇچ سېتىۋالدى، 4 يۈەندىن 10 يۈەنلىككىچە، ئوتتۇرىچە باھاسى 7 يۈەن بولدى، دېگەندىمۇ: بۇ مەزمۇن ئىلقۇت تورىدىن كۆچۈرۈلگەن
5 مىليون ئائىلە×7 يۈەن= 35 مىليون يۈەن، بۇنى ئۈچ يىلغا بۆلسەك، يىلغا 11 مىليون يۈەن بولىدۇ!

چايدان: ھەر بىر ئائىلىدە ئىككىدىن بەشكىچە چايدان بولىدۇ، بوپتۇ، ئوتتۇرا ھېساپ بىلەن ئىككى چايدان دەپ تۇرايلى، بۇ چايدانلار، ئەگەر سۇلياۋ بولسا، بەشىنچى يىلى قېپى كاردىن چىقىدۇ، باھاسى 12~15 يۈەن، ئەگەر مېتال قاپلىق بولسا، 10 يىلدىن 15 يىلغىچە تۇتقىلى بولىدۇ، داتلىشىپ سەتلىشىدىغىنى بولمىسىلا، باھاسى 30~120 يۈەن دەپ تۇرايلى. يەنە شۇ 5 مىليون ئائىلە بار دېگەن ھېساپ بويىچە، ھەر بەش يىلدا بىر چايدان ئالىدۇ، ئوتتۇرا ھېساپ بىلەن (مېتالدىن بىر، سۇلياۋدىن بىر بويىچە) 35 يۈەن بولىدۇمۇ دەيلى:
بۇ مەزمۇن ئىلقۇت تورىدىن كۆچۈرۈلگەن


5 مىليون×35 يۈەن = 175 مىليون يۈەن بولىدۇ، بۇنى بەش يىلغا بۆلسەك، ھەر يىلىغا 35 مىليون يۈەنلىك كىرىم بولىدۇ!

يۇقىرىقىلاردىن باشقا، يەنە قايسى خىل تاۋارلارنى ئىستاتىستىكىلاشقا بولار؟ سىز ئىستاتىستىكىلاپ باقتىڭىزمۇ؟ باشقىلارنىڭ بۇ ھەقتىكى ئىستاتىستىكىسىغا قىزىقامسىز؟ قېنى ئەمىسە دىققتىڭىز داۋاملىق يازمىنىڭ كېيىنكى بېتىدە بولسۇن!

زەپەر

بىلىۋالساق بولغۇدەك بۇ ئىنچىكە ھىساۋاتلارنى رەخمەت سىزگە ئەزىز جان

نونى

بۇ يازمىڭىز ھەقىقەتەن كىشىنى ئويغا سالىدىكەن. 1900-يىللاردىلا ئاكا -ئۇكا مۇسابايۇفلار گېرمانىيەدىن كالا ھارۋىسىدا زاۋۇت ئۈسكۈنىلىرىنى توشۇپ ئەكىلىپ ،ئەكەلگۈچە  100 نەچچە يەرگە كۆۋرۈك سېلىپ تاغدەك جاپالارنى يېڭىپتىكەن .  ھازىرقى بايلىرىمىزدا شۇنىڭ يېرىمىدەك ئىرادە بولغان بولسا ، مىللىتىمىزنىڭ نۇرغۇن كىشىلىرى ئىشسىز قالمىغان بولاتتى !

تورچى

يوقارقى سانلىق مەلۇماتلار ھەقىقەتەن كىشىنى ئويغا سالىدىكەن.
مېنىڭچە زاۋۇتى يوق مىللەت بىر ئۆمۈر ئىشلەپ،تاپقان پۇلى بىلەن زاۋۇت قۇرغان مىللەتنى بېقىشتىن باشقا يەنە نېمىمۇ قىلسۇن؟

گۇلزار

نونى ئەپەندىم ىلەن تورچى ئەپەندىم ناھايتى توغرا ئېيتىدۇ   بۇرۇن مىللىتىمىزدىن چىققان كارخانىچىلار يوق بولغاچقا  باشقىلار ئىشلەچىقىرىپ بەرگەن ئاتالمىش «ھالال » يىمەكلىكلەرنى ئىستىمال قىلىپ ئىمانىمىزنى بۇلغاپ كەلگەن ئىدۇق دىمەك   زاۋۇتى يوق مىللەت ئىقتىسادى جەھەتتىنلا ئەمەس بەلكى روھى جەھەتتىنمۇ زىيان تارتىدۇ .
رەھمەت .

سىرداش

ياخشى  تىمىدىن بىرنى يوللاپسىز.     رەھمەت  سىزگە.

umid0998

بۇ كۇنلەرمۇ ئوڭشىلىپ قالار، بىزدىكى سودىگەرلەرنىڭ نەزەر دائىرىسى سەل تار، ئىدىيدە ئۆز ئائىلىسىنىڭ ئىقتىسادى ئەھۋالىنى ياخشىلاپ، ئۇلارنى ئەتراپىدىكىلەردىن ياخشىراق كىيىندۇرۇش، ياخشىراق يىدۇرۇشتىن نىرىغا ئۆتەلەيدىغانلىرى ئاز. كۆپ قىسىم سودىگەرلەر سودا قىلىپ، ئاز-تولا پۇل تاپقاندىن كىيىن ،ھەشەمەتلىك ئۆيلەرنى سىلىپ، كاتتا، ئالىي دەرىجىلىك ماشىنلاردا ئولتۇرۇپ جاھاننىڭ راھىتىنى كۆرىدۇ. ئۇلاردا سىز يۇقىرىدا ئىيتقان ئەھۋاللارنى ئويلاپ كۆرۇپ «بىرەر ئىش قىلسام بولاتتى »دەپ ئويلىيالايدىغان كاللا يوق. ئەڭ ئاددىيسى بىز ئۇيغۇرلاردا «سودىگەرلەر ئۇيۇشمىسى» ،«سودىگەرلەر جەمىئىيتى» دىگەندەك سودىگەرلەرنىڭ ھوقۇق-مەنپەئىتىنى قوغدايدىغان، ئۇلارنى بىريەرگە ئۇيۇشتۇرىدىغان ئاممىۋى تەشكىلاتلار يوق. ئەگەر مۇشۇنداق تەشكىلاتلار بارلىققا كەلسە،سودىگەرلىرىمىزنىڭ ئاڭ-سەۋىيسى ئۆسسە بىزلەرنىڭمۇ زاۋۇتىمىز باربولىدۇ ئەلۋەتتە.

مەرزىيە

بۇ يازمىلىرىڭىزدىن بەكمۇ سۆيۇندۇم،ئەقلىنى جايىدا ئىشلىتەلەيدىغانلار چوقوم تۈگەپ قالمايدۇ،......