قەشقەرچە يۇمۇر سۆزلەمدۇق؟

ئەزىزى

ئەسسالامۇ ئەلەيكۇم جامائەت، قارىسام كۆپىنچەڭلار مۇنبەر توپىنى قىشلىق ئۇۋا سىلىپ بەرگەندەك تىنماي ۋىچىرلىشىپ قىزىتىۋاتىسىلەر، مۇنبەرگە كىرىپ ئۇ تامغا بۇ تامغا قارىسام ھىچقايسىڭلارنىڭ قارىسىمۇ يوق، خۇددى مەن بىر يەرگە ئاپىرىپ ھاشارغا سلىپ ئىشلىتىپ يەيدىغاندەك، ئۇنىمۇ  دىيىشتۇق ، بۇنىمۇ دىيىشتۇق، نەق گەپنى لۇگۇت لۇگۇت سۆزلەي، قىزىقارلىق بولسۇن ئۈچۈن ھەم كەچلىك كۈلكە ئۈچۈن ھىيىتگاھ پۇراقلىق (ئەمدى قەشقەرنىڭ گەپلىرى ھىيىتگاھ پۇرىماي چۇخەي پۇراپ بەرسە قايلىمايدا ھىچكىم ) يۇمۇرلاردىن ئازراق ئىلىپ كەلدىم.


بىر خىزمەتدىشىمىزنى يوقلاپ 2-دوختۇرخانىغا كىردۇق، دوختۇرخانا ئىچىدە ئادەم شۇنداق كۆپ، دوختۇرخانا ئىچىدىن سىرتغا ماشىنىلار چىقالماي سىرتىدىن ئىچىگەكىرەلمەي ، ھىچكىمنىڭ ھىچكىمگە يول بەرگۈسىمۇ يوق،شۇنىڭ بىلەن ئالدى تەرەپتىن ماشىنىدىن ئوتتۇرا ياشلار چامسىىدىكى بىر ئاكىمىز چۈشۈم شوپۇلارغا قاراپ دىدى:
__ماڭا قايلاشسىلا غوجۇرۇۇۇۇۇۇۇۇۇۇم، بۇ يەردە قەۋزىيەتتەك قاپلىشىپ تۇرماي بىر بىرىمىزگە ئازراق يول بىرىپ قويىلى.


قەشقەر خەلىق مەيدانىدا بىر كۈنى ئويۇن قويىلىپتۇ،پاكارراق كەلگەن بىر ئادەم  تەمبەل شىلەپە كەيگەن بىر ئادەمنىڭ كەينىدكى ئورۇنغا كەپ قاپتۇ، ھىلىقى شىلەپىلىك ئادەم بويىنىڭ ئىگىزلىكىنى ئاز دەپ شىلەپىسىنىڭ ئاستىدىن بىشىنى قاشلاپ پاكار ئادەمنى پەقەتلا ئويۇن كۆرگىلى قويماپتۇ، ھىلىقى پاكار ئادەمنىڭ ئاچچىقى كىلىپ دەپتۇ:
_ ھەي ھەي ئاكا، شىلەپىنى ئىلىۋىتىپ قاشلىساڭ بولمامدۇ بىشىڭنى؟
__ ئۇكاھۇي، سىنىڭ كۆتۈڭ قىچىشسا ئىشتاننى سىلىۋىتىپ قاشلايدىغان ئوخشىمامسە ؟!!! دىگۈدەك.


ئۈچ ئاغىنە بالا  پويىزدا سەپەرگە بىللە چىقىپتۇ، بىرى قورسىقى بەك ئىچىپ كەتتىمۇ قانداق تنماي بىر نەرسە يەپلا ئولتۇرۇپتۇ، يىنىدىكى باللا پات پات قاراپ قويسىمۇ يەنە تىنماي يەۋىرىپتىكەن ئاچچىقى كەلگەن بىرى دەپتۇ:
__ۋاي ۋاي ئەجەب تولا بىر نىمە يىدىڭا خۇددى ۋاگوننى سەن سۆرەيدىغاندەك





بىر قەشقەرلىق يايمىچىنىڭ ئالدىغا بىر چوكان كىلىۋىلىپ ئۇ يايمىچىنى يامان تولا گەپكە سىلىپ كىتىپتۇ،يايمىچى:
_خىنىم ماۋۇ تىجارەت قىلىدىغان يەر، سىلى بۇنداق تۇرىۋالسىلىرى تازا ئوبدان بولمايدۇ. دىسە، ھىلىقى ئايال:
__قايلىسىلا مەن بۇ يايمىلىرىغا كەلمىسەم بۇ يەرگە بىر تال چىۋىنمۇ كەلمەيدۇ دىيىشىگە يايمىچى:
_قايلىغاندا ئۆزلىرى چىۋىن دورىسى ئوخشىماملا خىنىم؟ چىۋىنمۇ كەلمەيۋاتىدا دىگۈدەك.




بىر كۈنى بىر ئادەم گۆش ئالغىلى كىرىپتىكەن، قاسساپ بىر كىلو تارتتىم دەپ تارتسا 200 گىرام كەملەپ قاپتۇ، ياغدىن ئازراق ساپتىكەن يەنە كەملەپ قاپتۇ، جىگەردىن ئازراق ساپتىكەن يەنە كەملەپتۇ، شۇنىڭ بىلەن ھىلىقى ئادەم تۇرۇپ :
_ ئۇكاموي، ئەمدى ئىي تىرىسىدىن پىشكى سالمامسە ؟ دىگۈدەك.



بىر كۈنى بىر قەشقەرلىق ئاكاش ئۈرۈمچدىن بورتالاغا بارماقچى بولۇپ بىر كىچىك ماشىنىنىڭ يىنىغا كىلىپ شوپۇردىن كىراسىنى سوراپتۇ ، شوپۇر:
_ئالدى ئورۇندۇق 180 يۈەن، كەينى ئورۇندۇق 150 يۈەن دىسە ھىلىقى ئاكاش:
_ قايلىغاندا ماشىنىڭىزنىڭ ئالدى چاقى بالدۇرراق بارىدىغان ئوخشىمامدا دىگۈدەك

  
مەنبە : قەشقەر مۇنبىرى

◤pari◥

مەن يىلاندىن بەك  قورقاتتىم ئاۋۇ يىلاننى كۆرۈپ يۇمۇرلارنىمۇ ئوقالمىدىم .

◤pari◥

بەك قىزىق يۇمۇرلاركەن ئاران تەستە ئوقىۋالدىم .
ئەزىز ئەپەندىم كېلەر قېتىم يۇمۇر ئەكەلسىڭىز يىلاننى تاشلاپ قوياپ يۇمۇرنىلام ئېپ كېلەرسىز . قورققىنىمدىن پەقەت كۈلەلمىدىم .( چاقچاق )

ئەزىزى

كېلەر قېتىم يۇمۇر ئەكەلسىڭىز يىلاننى تاشلاپ قوياپ يۇمۇرنىلام ئېپ كېلەرسىز

سىز نىمىگە ئامراق پەرى قىز؟ شۇنىلا ئېلىپ كىلەي.

نونى

ئالامەت يېڭى يۇمۇرلاركەن . كۆڭلۈم ئېچىلىپ قالدى. ئەزىز ئەپەندىگە رەھمەت !

تورچى

ياخشى يۇمۇرلارنى ئېلىپ كەپسىز ،رەھمەت سىزگە.

گۇلزار

بۇ ھەقىقەتەن قىزىقارلىق يۇمۇرلاركەن ئوقۇپ خېلى كۈلىۋالدىم  ،   بېزىلىشمۇ قىزىقارلىق بوپتۇ . قارىغاندا قەشقەرلىقلەر مۇشۇنداق يۇمۇرلۇق سۆزلەمدۇ نىمە ؟
. رەھمەت سىزگە

ئەزىزى

قارىغاندا قەشقەرلىقلەر مۇشۇنداق يۇمۇرلۇق سۆزلەمدۇ نىمە ؟

قەشقەرگىمۇ كىلىپ قۇيۇڭ  .

سىرداش

كۈلۈۋاتىمەن................  ئۇزۇن بپتىكەن كۈلۈپ  تېلىقىپ  باقمىغىلى...........

گۇلزار

سىرداش يوللىغان ۋاقتى  2013-1-14 17:30
كۈلۈۋاتىمەن................  ئۇزۇن بپتىكەن كۈلۈپ  تېلىقىپ  باق ...

« ئۇزۇن بوپتىكەن كۈلۈپ باقمىغىلى » ...
كۈلۈلمەسلىكىڭىزگە نىمە سەۋەپ بولغانتى سىرداش ئەپەندى؟