ھىجران دەقىقىلىرى

ئېېلنۇر

ھىجران دەقىقىلىرى

مەن نېمىشقا مۇنچە بىئارام ،
غەمكىنلىكتە چېكىمەن ھەسرەت .
سەن ئۇيەردە شادىمان يۈرۈپ ،
ئۆز كۆڭلۈڭگە تاپىسەن لەززەت .

بۇ ھالىمنى بىلمەيسەن بەلكى ،
يۈرىكىمنىڭ ئاغرىقىنى ھەم .
ئىشقى ئوتۇڭ قىينىدى مېنى ،
ھىجرانىڭدا بولدۇم بىئارام .

ئىزھار قىلسام ساڭا قەلبىمنى ،
« چاقچاق قىلما » دەيسەن دائىما .
مۇھەببىتىم ساختا ئەمەستى ،
پەقەت تەتۈر تەقدىر ماڭىلا

ئامان

شۇنداق ياخشى يېزىپسىز خانقىز، مۇشۇنداق لىرىك كۈيلىرىڭىز ئۈزۈلۈپ قالمىغاي!
(تېما يوللىغاندا مەنبەسىنى ئەسكەرتىشنى ئۇنتۇمىغايسىز.)

گۇلزار

ھېسىياتىڭىزنى ھەقىقى ياخشى ئىپادىلەپسىز . ئوقۇغان ئادەمنى ئويغا سالغىدەك .  سىزنىڭ كۈيلىرىڭىزنى داۋاملىق ئاڭلاپ تۇرۇش ھەممىمىزگە نېسىپ بولسۇن .
رەھمەت .

مەرىپەت

شئېر ياخشى يېزىلىپتۇ

tarhanbag

چىن ھىسيات، چىن سۆيگۈ دىگەن شۇنداق گۈزەل بولىدۇ-دە! ياشلىق ھەي! ياشلىق!

baykax001

بەك ياخشى يېزىلىپتۇ، قارىغاندا قەلەم قۇۋۋىتىڭىز يۇقۇرى ئىكەن، بولسا ئۈزۈلدۈرمەي داۋاملاشتۇرسىڭىز، بويتاقلار ئۈچۈن ياخشى تەسەللى بوپتۇ. مۇزىكا ئىشلەپ ناخشا قىلىپ ئوقۇغان بولسا تىخىمۇ ياخشى بولغان بولاتتى.

زەپەر

ھىجران دەقىقىلىرى

مەن نېمىشقا مۇنچە بىئارام ،
غەمكىنلىكتە چېكىمەن ھەسرەت .
سەن ئۇيەردە شادىمان يۈرۈپ ،
ئۆز كۆڭلۈڭگە تاپىسەن لەززەت .

بۇ ھالىمنى بىلمەيسەن بەلكى ،
يۈرىكىمنىڭ ئاغرىقىنى ھەم .
ئىشقى ئوتۇڭ قىينىدى مېنى ،
ھىجرانىڭدا بولدۇم بىئارام .

ئىزھار قىلسام ساڭا قەلبىمنى ،
« چاقچاق قىلما » دەيسەن دائىما .
مۇھەببىتىم ساختا ئەمەستى ،
پەقەت تەتۈر تەقدىر ماڭىلا .

كۈنلەر ئۆتۈپ ئۇزارغانسېرى ،
ۋىسال ئىشقى كەتتى ئۇلغىيىپ .
كۈندە تەنھا ماڭغان يولۇڭغا ،
ئولتۇرىمەن كۆزۈمنى تىكىپ .

شۇ سەۋەبتىن سالامىم يازدىم ،
ئوتلۇق كۆزى قاراقلىرىغا .
تاتلىق ھېس-تۇيغۇغا چۆمدۈرگەن ،
ئىپار ھىدى پۇراقلىرىغا .

جاۋابىڭنى كۈتىمەن نىگار ،
بەرگىن ئۇچۇر تاڭ ساباسىدىن .
تىنىقىمىز قالسۇن ئۇچرىشىپ ،
شوخ نەپەستە يۇرت ھاۋاسىدىن .

يالغۇزلۇققا بەرگىن خاتىمە ،
قارچۇقۇمدا سېنىڭ سۈرىتىڭ .
تۈن كېچىسى ئىسمىڭ يادلىسام ،
بۇزۇلغاندۇ بەلكى چۈشلىرىڭ .

تەلمۈرىمەن بوۋاقلار كەبى ،
غۇنچە بويۇڭ زىناقلىرىڭغا .
ھەر دۇئادا دەيمەن تەڭرىمگە ،
يەتكۈزسىكەن ئارمانلىرىمغا .


كەۋسەر يازمىسى


ئەسلى ئاپتورى كەۋسەر
يازما ئەسلى ئادرېسى :/bbs/forum. ... 4%D9%89%D8%B1%D9%89

زەپەر

سىز نومۇسسىزكەنسىز ، دائىملا باشقىلارنىڭ يازمىسىنى كۆچۈرۈپ يوللامسىز ؟ بۇ شېئىرنى ئەسلى ئىگىسى كەۋسەر ئەپەندىم بىر قانچە ئاي بۇرۇن مۇشۇ مۇنبەرگە يوللاپ بولغان .
ئالدىنقى ئىككى قېتىمدا سىز ئوخشاشلا باشقىلارنىڭ ئىجادىيىتىنى كۆچۈرۈپ يوللىغاندا مەنبەسىنى ئەسكەرتمىدىڭىز ، بۇ قېتىمقىسى بىلەن 3 قېتىم بولدى . ھايۋانمۇ پۇتى بىر قېتىم سېپىلغان يەرگە ئىككىنچى قېتىم ماڭمايدۇ . شۇڭا بۇ تېمىڭىزنى دەرھال ئۆچۈرۈڭ !
بارلىق باشقۇرغۇچىلار تېما تەستىقلىغاندا تېما تەكرارلىقى ۋە ئاپتورلۇق مەسىلىسىنى ئالاھىدە كۆزدە تۇتساڭلار ! بولۇپمۇ مۇشۇ ئېلىنۇر دېگەن ئەزانىڭ يازمىلىرىغا ئالاھىدە دىققەت قىلىشىڭلارنى سورايمەن . مۇنبەرنىڭ مۇقىملقىنى بۇزۇۋاتىدۇ بۇ ئەزا .

baykax001

مۇنداقمۇ ئىش بار دەڭلار، بىز دائىم باشقىلارنى چەتئەلنىڭكىدىن ياكى باشقا مىللەتتىن كۆچۈرگەن دەپ ئەيىپلەيتتۇق. بۇ قېرىندىشىمىز ئۆزىمىزنىڭكىنى كۆچۈرۈپتۇ ئەمەسمۇ؟ ھىچقانچە قىينالماپتۇ، ئۇنىڭدىن كۆرە باشقا مىللەتنىڭكىنى تەرجىمە قىلسىمۇ بولاتتىغۇ؟