ئاڭلىۋىلىڭ كورۋىلىڭ

ئادىل

ئاڭلىۋىلىڭ كورۋىلىڭ
دۈشمىنىڭ سېنى ئاشكارا ماختىغان ۋاقىت دەل سېنىڭ يۈرىكىڭگە ئەجەل ياسىنىڭ ئوقى توغرىلانغان ۋاقىتتۇر .
سېنىڭ باشقىلار تەرىپىدىن ئاشكارا ماختىلىدىغان ۋاقتىڭ ئەڭ سەگەك ۋاقتىڭ بولسۇن .   
ئۆتكەننى بۈگۈنگە تەتبىقلاپ ياشىيالىغان ئاقىلدۇر ، بۈگۈننى كەلگۈسىگە تەتبىقلاپ ياشىيالىغان دانادۇر .
بىراۋغا سۆز قىلساڭ قىسقا ، مەنىلىك قىل ، چۈنكى مەرگەن بىر تال ئوق بىلەن نىشانغا دەل تەككۈزەلەيدۇ .
يىڭنىنى ياراتمىغان ئادەم نەيزە بىلەنمۇ ھېچقانداق ئىشنى ۋۇجۇتقا چىقىرالمايدۇ .
كىم ئۆزىنى زىيادە ئاشكارىلىۋېتىدىكەن ، ئۇ ، كىشىلەرنى چۆچىتىپ قويىدۇ .
ئادەمنىڭ ئېغىزىدىن چىققان سۆز يا تۆرگە باشلايدۇ ياكى گۆرگە .
دوستۇڭنىڭ بولماسلىقى سېنى غېرىپلىق باستۇرسا ، دۈشمىنىڭنىڭ بولماسلىقى سېنى غەپلەت باستۇرىدۇ .
ئۆزۈڭدىن يۇقىرىدىكىلەرگە ئەقىل كۆرسىتىشكە ئالدىرىما ، بولمىسا ئاسانلا دۈشمەنگە ئايلىنىسەن .
ئەڭ كۆپ داۋراڭ سالىدىغانلار ئەڭ تېز مەغلۇپ بولغۇچىلاردۇر .
ئۆز ۋاقتىغا ئىگە بولالىغان ئادەملەر - بەختلىكلەردۇر . ئۆز ۋاقتىنى ئۆنۈملىك خەجلىگەن ئادەم ئاقىلدۇر .
ئىككى خىل ئادەم ۋاقىتنىڭ قانداق ئۆتۈپ كېتىۋاتقانلىقىنى بىلمەيدۇ . بىرى ئەقىللىق ئادەم ، يەنە بىرى بىخۇدلاشقان ئادەم .
ئەگەر سەن ھەقىقىي مېھىر- مۇھەببەتكە ئېرىشەي دېسەڭ ھەقىقىي مېھىر- مۇھەببەتنى باشقىلارغا ئاتا قىلىشقا تەييارلان .   
بىر كىشى ئۆي سېتىپ پۇلغا شۇنداق بىر ئۆي ئالمىسا ، پۇلنىڭ بەركىتى بولماس .
ئەر-خۇتۇن بىر-بىرگە مەرھەمەت ۋە مۇھەببەت نەزىرى بىلەن قارسا ، بىر-بىرگە مۇھەببەت ئىزھار قىلشسا ، پۈتكۈل گۇناھلىرى بارماقنىڭ ئارسىدىن تۆكۈلۈپ كىتىدۇ .
ئاياللارغا ئەڭ قىممەتلىك كىشى ئۆزىنىڭ ئېرى ، ئەرلەرنىڭ ئەڭ قىممەتلىك كىشسى ئانىسدۇر .
بىر ئايالنىڭ يالغۇز ئۆز ئېرنىلا بەخىتلىك قىلىش بۇرچى بار .
بىر كىشنىڭ ئۆيدە تەدبىرلىك ۋە تەربىيلىك ئايالى بولمىسا ، ئۇنىڭ ھالى قورقۇنچلۇقتۇر .
ياخشى ئايال چوڭ ياكى كىچىك بولسىمۇ ، ئۈزىنڭ ئېرنىڭ سىرنى باشقىلارغا پاش قىلىشتىن ، سۆزلەپ يۈرۈشتىن ساقلىندۇ .
ئىپپەت ۋە ھايا ، ئاياللارنى ئەرلەرگە سۈيۈملۈك كۆرسىتىدۇ .
دۇنيادا ئەڭ بەخىتسىز كىشلەر - تەربىيلىك ئايال بىلەن تەربىيلىك پەرزەنتلەردىن مەھرۇم بولغانلار .
باللىرىنى كۈرۈپ ئانىسنىڭ ئاڭ سەۋيىسى ۋە تەربىيسىنى كۈرۋالغىلى  بۇلدۇ .
ئەرلەرنىڭ ئۆيدە ئۇلتۇرشى ، ئاياللارنىڭ كوچىلاردا يۈرشى ئائىلگە پېقىرلىق كەلتۈرگۈچى ۋاستىلەردۇر .
بىلىم چىقىش تەس ، چۈشۈش ناھايىتى ئاسان بولغان بىر تاغدۇر .
كىمنىڭ بالىسى بولساڭ بولغىنكى ، ئەدەپلىك بول . يۇقىرى نەسەپلىك بولغاندىن كۆرە ئەدەپلىك بولغىنىڭ ئەۋزەل . شۈبىھسىزكى ، «ئاتام بار » دېگەن ئەمەس ، « مانا مەن بار » دېيەلەيدىغان كىشى ھەقىقى ئەركەكتۇر .
مەيلى كىم بولىشى ، قەيەردە بولىشىدىن قەتئىينەزەر ، پىكىر قىلىشىنى ئۈگەنگەن كىشىلا ، بىر خىل يورۇق نۇرغا ئايلىنىدۇ ، كۈچ قۇۋەتكە تولىدۇ .
ئەقىللىق ئايال مۇھەببەتتىن يالقۇن ھاسىل قىلالايدۇ ، شۇنىڭدەك « ئوت ئاپىتى » يۈز بېرىشتىن بۇرۇن ئاۋال ئۆزىنى تارتىۋالالايدۇ .
سۆزلەر ئىچىدە شۇنداق سۆزلەر باركى ، ئۇ تاشتىن قاتتىق ، قىلىچتىن ئۆتكۈر ، زەھەردىن ئاچچىق ، ئوتتىن قىزىقتۇر ، قەلىبلەر تېرىلغۇ يەرگە ئوخشايدۇ . سەن ئۇنىڭغا ناھايىتى ياخشى سۆزلەرنى تېرىغىن ، ھەممىسى ئۈنمىدى دېگەندىمۇ بىر قىسمى ئۈنىدۇ ئەمەسمۇ؟
يالغانچىلىق ئېتىقادىڭنى بۇزىدۇ ، ئەل ئالدىدىكى ئابرويىڭىنى يوقىتىدۇ ، مەرتىۋەڭنى چۈشۈرۈپ ، يۈزىڭنى تۆكىدۇ ، كىشىلەر ساڭا ئىشەنمەس ، سۆزىڭنى ئاڭلىمسا بولىدۇ .
ئىلىمنىڭ ئۇلى قىزىقىشتۇر ، ئۇنىڭ مىۋىسى ئەمىلىيەتتۇر ، زاھىدلىقنىڭ ئۇلى قورقىشتۇر ، ئۇنىڭ مىۋىسى سائادەت ، ئادەمگەرچىلىكىنىڭ ئۇلى ھايادۇر ، ئۇنىڭ مىۋىسى ئىپپەتتۇر .
سىزنىڭ باشقىلارغا ئاتا قىلغىنىڭىز باشقىلارنىڭ سىزدىن كۈتكۈنىدىنمۇ كۆپ بولسۇن ، بۇنى ئۆزىڭىز چىن دىلىڭىزدىن خالاپ قىلىڭ .
ئاڭلىغاننىڭ ھەمىسىگە ئىشىنۋەرمەڭ ، ئارام ئالغۇدەك ۋاقىت چىقسىلا كۆپرەك ئارام ئېلىڭ .
باشقىلارنىڭ ئارزۇسىنى مازاق قىلماسلىق  ، باشقىلارنىڭ ئارزۇسىغا ھۆرمەت قىلىش ، سزنى باشقىلارغا سۆيۈملۈك قىلىپ كۆرسىتىدۇ .
باشقىلارنى چوڭقۇر مۇھەببەت بىلەن سۆيۈڭ ، بۇ جەرياندا بەلكىم ئازار يەپ قېلىشىڭىز مۇمكىن ، لېكىن بۇ كىشىلىك ھاياتتا مۇكەممەللىككە ئېرىشىشنىڭ بىردىنبىر يولى .
باشقىلار بىلەن پىكىر جەھەتتە ئوخشىماسلىق كېلىپ چىققاندا چىرايلىقچە رەت قىلىڭ ، ھەرگىزمۇ ئۆزۈمنىڭ توغرا دەپ ، قارشى تەرپنىڭ غورۇرىغا تېگىپ قويماڭ .
بۈيۈك سۆيگۈ ۋە ئۇلۇغ غەلبىنىڭ ھەمىشە زور خەۋپ - خەتەر بىلەن بىللە ئىكەنلىكىنى ئۇنتۇماڭ .
دوستلۇققا قۇللۇق قىلىش كەتمەيدۇ ، ئۇنىڭغا ھۆكۆمىرانلىقنىڭمۇ كېرىكى يوق . ئۇ ، تەڭ-باراۋەرلىككە ئەڭ خۇشتاردۇر .
بىر كىشىنى ھەقىقى چۈشىنەي دىسىڭىز ، ئۇنىڭ تارتىۋاتقان ئازابىنى ۋە شادلىقلىرىنى ئۇقۇپ قويۇڭ

ئامان

ساقلاپ قويۇشقا تېگىشلىك، قىممەتلىك ھىكمەتلەر ئىكەن، مەن بەك ياقتۇردۇم. رەخمەت سىزگە. بىراق مەنبەسىنى ئەسكەرتىپ قويۇشنى ئۇنتۇماڭ.

گۇلزار

ئادىل ئەپەندى ياخشىمۇسىز ؟   ئالدى بىلەن سىزنىڭ بايقاش  مۇنبىرىگە  كېلىپ بىزگە قوشۇلغانلىقىڭىزنى قىزغىن قارشى ئالىمەن  . ھەم سىزنىڭ بۇ ئېسىل  كۆرۈشۈش سوۋغاتلىرىڭىزغا چىن كۆڭلۈمدىن رەھمەت ئېيتىمەن . ناھايتى ئېسىل دۇردانىلاركەن بەكمۇ ياقتۇردۇم . سىزنىڭ داۋاملىق تېما يوللاپ بايقاشنىڭ تەرەققىياتى ئۈچۈن كۈچ چىقىرىشىڭىزنى ھەم بايقاشتا يىلتىز تارتىپ قېلىشىڭىزنى ئۈمۈد قىلىمەن . رەھمەت .  

دىلكەش

بەك ياخشى ھىكمەتلەركەن .