ياشلىق ھىكمىتى

saba007

ياشلىق ھىكمىتى
سابا

ھاياتنىڭ قۇدرەتلىك ئېھرامى ياشلىق،
مۇھەببەت بېغىنىڭ مىھمانى ياشلىق.
تەڭرىنىڭ ئىنسانغا ئىنئامى يشلىق،
تەپەككۇر،ئېقىلنىڭ ئىلھامى ياشلىق.

ھاياتنىڭ مۇنارى تىكلىنەر سەندە،
ئىنساننىڭ نە ھالى بىلىنەر سەندە.
سۆيگىنىڭ ۋىسالى يېتىلەر سەندە،
مۇھەببەت نۇرىنىڭ مىسرانى ياشلىق.

يۈرەكلەر ئۇقچىغان سېنىڭ پەسلىڭدە،
ئەجداتلار سىماسى يانار ئەسلىڭدە.
تاغ كەبى كۈچ-قۇۋەت ئايان بەستىڭدە،
قورقۇنۇش، قۇللۇقنىڭ زىندانى ياشلىق.

دەھشەتلىك مۈشكۈللەر يېڭەلمەس سېنى،
قەھرىڭدىن پۈكلىنەر رەقىبلەر تېنى.
خىسلىتىڭ ئەسىر قىپ ئالدىغۇ مېنى ،
باھادىر  روھىنىڭ ئىزھارى ياشلىق.

مەنبە: ئۆز قەلەم

ياشنار

قولىڭىزغا دەت كەلمىسۇن ياخشى تېمىلارنى يوللاپسىز رەھمەت سىزگە.

نۇرانە

باشقىلارنىڭلا شېئرىنى يوللامدىكىن دىسەم ئەسلى بىر شائىركەنسىز غۇ ؟ ناھايتى ياخشى يېزىپسىز . رەھمەت .

ئامان

شۇنداق ياخشى يېزىپسەن دوستۇم، نەۋقىران ياشلىققا شۇنداق ياخشى تەبىرلەرنى بېرىپسەن. مۇشۇنداق ئېسىل شېئىرلىرىڭ نى داۋاملىق يوللاپ تۇرغايسەن.

saba007

نۇرانە يوللىغان ۋاقتى  2012-9-19 15:56
باشقىلارنىڭلا شېئرىنى يوللامدىكىن دىسەم ئەسلى بىر شائ ...

خاتا كۆرۈپسىز، مەن باشقىلارنىڭ شىئېرىنى يوللىمىدىم.

ئالىم

تىمىڭىزغا تەشەككۈر!قىممەتتلىك بۇ ياشلىقنى ھەقىقەتەن ياخشى مەدھىيلەپسىز! ئىسىل شىئېرلىرىڭىغا تەشنا مىز!

umid0998

ھەقىقەتەن ياخشى يىزىلغان شىئىر ئىكەن، بۇندىن كىيىنكى ئىجادىيەتلرىىڭىزگە مۇۋەپپىقىيەت ياربولغاي.

گۇلزار

ياشلىق !!!
ھەممە ئىش قىلىشقا ئۈندەيدىغان ، كۈچ قۇۋۋەت ئۇرغۇپ تۇرىدىغان ياشلىق !!!
ناھايىتى ياخشى يېزىپسىز رەھمەت .

alahidin

مۇرەببەدىن ئىبارەت بۇ چىرايلىق شېئىرىي شەكىل بىلەن ياشلىقنى خېلى ياخشى تەسۋىرلەپسەن، بۇرادەر!
تەكلىپىم: ئەڭ ئاخىرقى بىر مىسراغا يەنە بىر قاراپ باقامسەن؟

مەرىپەت

شئېرنى ياخشى يازىدىكەنسىز جۇمۇ بارىكاللا...