كۈز نەزمىسى

alahidin

كۈز نەزمىسى

ئالاھىدىن ئابدۇرېشىت

بەردى قەلبىمگە سادا ئاھۇ بۇلاقلار كۈز كېلىپ،
تاشتى ئىلھامىم، جاراڭلاپ كۈي-قوشاقلار كۈز كېلىپ.

يۈتتى قەلبىمدىن پەسىللەر رەنجى شادلىقتا تامام،
يۈتتى ھەم ئەلۋەك سېغىنچىمدىن پىراقلار كۈز كېلىپ.

دالىلار سىنچىمدا رەڭلەر جىلۋىسىنى چاقنىتار،
بار گۈزەللىكنى قۇچۇپ كۈلدى قۇچاقلار كۈز كېلىپ.

ئېچىلىپ گۈل بەرگىدە ئەركە خىيالىم غۇچچىدە،
چاچتى روھىمغا ئىپارھىد گۈل سىياقلار كۈز كېلىپ.

تاۋلىنار تاڭغى شەپەقتەك بىپايان ئالتۇن دېڭىز،
ئەۋجىدە ياڭرار ئەجەم، ناۋا، ئوشاقلار كۈز كېلىپ.

كۈزدىكى دەرياسىمان قەكبىمدە تاشقىنلار بۇدەم،
ئانا سەھراغا مۇھەببەت-ئىشتىياقلار كۈز كېلىپ.

1994-يىلى، 10-ئاينىڭ 6-كۈنى، يېڭىسار.

بۇ شېئىر«شىنجاڭ گېزىتى»دە ئېلان قىلىنغان.

گۇلزار

ئالاھىدىن ئەپەندى سىزنىڭ شېئىرلىرىڭىز ئوقۇش بىزگە مەڭگۈ نېسىپ بولسۇن . رەھمەت .
قوللىڭىزغا اللا دەرت بەرمىسۇن !

ئالىم

رەھمەت ئالاھىدىن ئەپەندىم!ئىسىل سەترىلىڭىزدىن بەھىر ئېلىش پۇرسىتى يارىتىپ بەرگنىڭىزگە كۆپ تەشەككۈر!