ئىسىل فىليەتونلار

نۇرزىبا

ھۆرمەتلەش بىلەن قائىدە

خەي شىڭ

بۆرە بىر توشقاننى قوغلاپ ،ئاسانلا تۇتىۋېلىپ،بىر ھازا ساۋىدىغاندىن كېيىن:
-مېنى ھۆرمەتلىمىگىنىڭنى قارا، مېنى ھۆرمەتلىمىگىنىڭنى قارا،ئۇرۇپ ئۆلتۈرۈۋىتىمەن ،ئۇرۇپ ئۆلتۈرۈۋىتىمەن!-دەپتۇ.
توشقان ئۇنىڭ قولىدا تىپىرلاپ تۇرۇپ:
-سەن قاچان مېنى ھۆرمەتلەپ باققان؟-دەپ قايتۇرۇپ سوراپتۇ.
بۆرە تېخىمۇ غەزەپلىنىپ:
-ئەگەر سەن مېنى يەۋىتەلىسەڭ،مەن سېنى ھۆرمەتلەي.
ئۇنداق بولمايدىكەن،سەن مېنى ھۆرمەتلىشىڭ كېرەك.بۇ دېگەن قائىدە،ئەزەلدىن تارتىپ داۋاملىشىپ كېلىۋاتقان قائىدە،-دەپتۇ.

بىر تاشيولدىكى چوڭ ئىشلار خاتىرىسى

يى يەن فېي

5-ئاينىڭ 1-كۈنى: ھاكىم كەڭرى يول ياساپ ،ئەمگەكچى خەلققە سوغا قىلىش ئۈچۈن،يول قۇرۇلۇشىغا لىنتا كىسىپ ئۇل بېسىپ بەردى.
6-ئاينىڭ 20-كۈنى:قۇرۇلۇش ئەترىتى ئىش مەيدانىغا كېلىپ،يول ياساش قۇرۇلۇشىنى باشلىدى.
7-ئاينىڭ 12-كۈنى:ھاكىم يول ياساش قۇرۇلۇشىغا قاتناشقان بىر قىسىم كادىرلاردىن ھال سورىدى.
9-ئاينىڭ 10-كۈنى:قۇرۇلۇش تاماملاندى.
9-ئاينىڭ 30-كۈنى:ھاكىم يولدا قاتناش باشلاش مۇناسىۋىتى بىلەن لىنتا كەستى.
10-ئاينىڭ 29-كۈنى:يولنىڭ كۆپ قىسىم يەرلىرى بۇزۇلۇپ بولدى.

بىخەتەرلىك

خۇاڭ دىڭ خۇا

بىمار بالنىسىتتا ياتقاندا ئۈچ ئادەم ھەمراھ بوپتۇ.سېستىرا بۇنىڭدىن ھەيرانلىق ھېس قىلىپ:
-نىمانچە كۆپ ئادەم بۇ؟-دەپ سوراپتۇ.
بىمار:
-بىرسى دوختۇرنىڭ ئاكىسى،بىرسى ئادۋۇكاتنىڭ ئىنىسى،
يەنە بىرسى بۇغالتىرنىڭ ئاپىسى؛بايلىقتىن قۇرۇق قېلىپ، خانىۋەيران بولماسلىق ئۈچۈن....،-دەپ جاۋاپ بېرىپتۇ.

بىر كىشىنىڭ ئولتۇراق رايۇنى

رېن شى شىياڭ

ئىدارە باشلىقى كۆچۈپ كىلىشتىن ئىلگىرى،بۇ ئولتۇراق رايۇن ئىنتايىن قالايمىقان،چىملىقتا بىرەر تال ئوت-چۆپنىمۇ كۆرگىلى بولمايدىغان،ماشىنىلار قالايمىقان توختىتىلغان ، ھەممە يەر ئەخلەت بولۇپ،دائىم ئوغرىلىق ئەنزىسى يۈز بېرىپ تۇراتتى.
ئىدارە باشلىقى كەلگەندىن كېيىن،ئولتۇراق رايۇن باشقۇرۇشنى كۈچەيتىپ،بوش يەرلەرگە گۈل-گىياھلارنى تېرىپ،ئەخلەت ساندۇقى ئورناتتى.ئامانلىقنى ساقلاش كۈچەيتىلگەچكە،بىر قېتىممۇ ئوغرىلىق ئەنزىسى يۈز بەرمىدى.
ئىدارە باشلىقى كۈچۈپ كەتكەندىن كېيىن،ئولتۇراق رايۇن يەنە ئەسلىدىكى ھالىتىگە قايتتى:چىملىقلار دەسسەلدى،ماشىنىلار قالايمىقان توختىتىپ قويۇلدى،ھەممە يەر ئەخلەت بىلەن توشۇپ كەتتى،ئوغرىلىق ئەنزىسى دائىم يۈز بىرىپ تۇرىدىغان بولدى.
كىشىلەر يېڭى ئىدارە باشلىقىنىڭ تىزرەك كۆچۈپ كىرىشىگە ئىنتىزار بولدى.

مەلۇم يېزا تەنھەرىكەت يىغىنىنىڭ كۈنتەرتىپى

جوۋ شىن

1.ھەيۋەتلىك باشلىنىش مۇزىكا ساداسى ئىچىدە ناھىيە،يېزا رەھبەرلىرى ئورۇن ئالىدۇ.(20مىنۇت)
2.ھەر قايسى رەھبەرلەر تونۇشتۇرىلىدۇ.(10مىنۇت)
3.ناھىيە رەھبەرلىرى سۆزگە تەكلىپ قىلىنىدۇ.(30مىنۇت)
4.يېزا رەھبىرى تەنتەربىيە خىزمەت خۇلاسىسىنى ئوتتۇرىغا قويىدۇ.(30مىنۇت)
5.ناھىيە رەھبىرى كېلەر بىر يىلدا پۈتۈن ناھىيىدە قانات يايدۇرۇلىدىغان تەنتەربىيە خىزمەتلىرىنى ئوتتۇرىغا قويىدۇ.(40مىنۇت)
6.يېزا رەھبىرى ئېچىلىش نۇتقى سۆزلەيدۇ.(25مىنۇت)
7.مەلۇم كەنتنىڭ كەنت باشلىقى بارلىق تەنھەرىكەتچىلەرگە ۋەكالىتەن سۆز قىلىدۇ.(15مىنۇت)
... ... ... ... ... ... ...
چۈشتىن كېيىن سائەت ئۈچتە ،باشلاش بۇيرۇقى ئاخىرى چۈشتى.

بايرام كۈنى

لى يوڭ لىياڭ

3-ئاينىڭ 5-كۈنى لېيفىڭدىن ئۆگىنىش كۈنى.كوچىلاردا سۈپۈرگە كۆتۈرگەن قىزىل گالىستۇكلۇقلار يەنە كۆپەيدى.
3-ئاينىڭ 15-كۈنى ئىستىمالچىلارنىڭ ھوقۇق –مەنپەئەتىنى قوغداش كۈنى،خېرىدارلار خۇدالىق تەسىراتىنى باشتىن ئۆتكۈزدى.
6-ئاينىڭ 1-كۈنى بالىلار بايرىمى،ئۇزۇن ۋاقىت يوقاپ كەتكەن كۈلكىلەر بالىلارنىڭ چېھرىدە ئەكىس ئەتتى.
9-ئاينىڭ 10-كۈنى ئوقۇتقۇچىلار بايرىمى،كەينىگە سۈرۈلگەن ئىش ھەققى تولۇقلاپ بېرىلدى.
ھەر يىلى باھار بايرىمى خەلق ئىشچىلىرنىڭ بايرىمى بولۇپ قالدى،ئۇلار ئىش ھەققىلىرىنى ئېلىپ يۇرتىغا بايرام ئۆتكۈزگىلى مېڭىشتى.
«فىليەتونلاردىن تاللانما»ژورنىلىنىڭ2006-يىللىق 10-سانىدىن ئاق گۈل تەرجىمىسى

مائارىپ

ھەقىقەتەن ئېسىل فىليەتۈنلەركەن. مەن فىليەتۈنگە بەك ئامراق. يەنە يوللاپ تۇرۇشىڭىزنى ئۈمۈد قىلىمەن. ھارمىغايسىز!!