ئىككى غەزەل كارىم يوق ( بىر ئايالنىڭ زارى ) ۋاھاپ زۇنۇن قونۇپ كۇندە قاۋاقلاردا، ئىچىپ ياتساڭمۇ كارىم يوق ، ئوكۇل قىلىپ نىجىس ئاقنى، چېكىپ ياتساڭمۇ كارىم يوق. تالاي كۇن يالۋۇرۇپ ئۆتتۇم، يېشىمنى ئاققۇزۇپ زارلاپ، ئاران يىغقان بىساتىڭنى، چېچىپ ياتساڭمۇ كارىم يوق. قىمارنى ئوت ئويۇن ئەيلەپ ، قىزىقىدا قۇرۇپ تاۋكا ، ھوشۇققا ئۆي بىساتىڭنى ، تىكىپ ياتساڭمۇ كارىم يوق . يېنىڭدا بىر تىيىن پۇل يوق ، تۇتۇپ قالسا خۇمار - كەيپىڭ ، تىلىڭنى تەككۇزۇپ يەرگە ، قېتىپ ياتساڭمۇ كارىم يوق . قاياققا قارىساڭ پاتقاق، قولۇڭنى سوز دىسەم ياق دەپ ، ئىشەكتىن بەت-بەشىر كۇنگە، پېتىپ ياتساڭمۇ كارىم يوق . بالىلار كۇندە ئاھ ئۇردى، چالا ئۇيقۇ دادام يوق دەپ، ئۆزەڭ تاپقان بالاڭدىنمۇ،تېنىپ ياتساڭمۇ كارىم يوق. نەسىھەتكە پىسەنت قىلماي، كىتىۋەردىڭ ئۇرۇپ- تىللاپ، ئېغىلدا بار كالا- قوينى ، سېتىپ ياتساڭمۇ كارىم يوق . ئۈزۈك – زەنجىرلىرىم تۆت كۇن ئىچىشىڭگە ئاران يەتتى، قۇرۇق تامغا قاراپ ئەمدى، بېقىپ ياتساڭمۇ كارىم يوق. تېشىپ كەتسە پۇشايمانىڭ،ئالارغا ھىچ پىيالەڭ يوق، خۇشال ئۆتكەنۇ كۇنلەرنى، تېتېپ ياتساڭمۇ كارىم يوق. خوتۇن ھەم ئۆي ئىسىڭدە يوق،ئەجەپ بىر مۇشكىلات بەردىڭ ، يەنە ھىجرىمدە ۋولقان بوپ، يېنىپ ياتساڭمۇ كارىم يوق . گۇزەل بىر ئائىلەڭ تۇرسا ، دالالەتتىن يىراق كەتتىڭ، نىجاسەت يۇندا ئازگالدا ئېقىپ ياتساڭمۇ كارىم يوق. تالاي يىللار ئۆتۇپ كەتتى،ھاياتنىڭ خوۋلىقى كورمەي، قەدەمدە خار بولۇپ ئىتتەك،چېنىپ ياتساڭمۇ كارىم يوق . نىكاھتا ئەر – خوتۇن بولدۇق، شەرئەتتە ئەمەس ئەسلا، شەرىئەتتىن ‹‹تالاق››قا يول تېپىپ ياتساڭمۇ كارىم يوق . ئۈمىدىم يوق سىنىڭدىن ھىچ ، قىيامەتلىك جۇدا بولدۇم، تويۇپ جاندىن ئۆزەڭنى مىڭ ئېتىپ ياتساڭمۇ كارىم يوق . ئۆلۇپتۇ دەپ خەۋەر كەلسە،بېرىشقا قىلچە مەيلىم يوق، چىۋىن چىچىپ جەسىدىڭگە،سېسىپ ياتساڭمۇ كارىم يوق.
مەنبە : ئۆز قەلەم
2012- يىلى 9- ئاي يىڭسار بوزغۇن
كارىڭ يوق ۋاھاپ زۇنۇن بېرىپ ھەر تاڭ ئىشىگىڭگە ، قاراپ باقساممۇ كارىڭ يوق، بوسۇغاڭنى قىلىپ ياستۇق ، قونۇپ ياتساممۇ كارىڭ يوق . سېلىپ ئۆشنەمگە كەتمەننى ،ئېتىز باغىڭنى كەزگەندە، سەھەردىن – كەچكىچە ھارماي ،كۆيۇپ چاپساممۇ كارىڭ يوق . سىنى سۆيمەك بۆيۇك ئارزۇ ، دېدىم جاننىڭكى زۆھرەسى، سۇيىڭدە گاھ بولۇپ تاھىر، ئۈزۇپ ئاقساممۇ كارىڭ يوق . ساڭا گەر ناشتىلىق ئەيلەپ، ئىشىك ئالدىڭ تونۇرۇڭغا، قىزىق سامسا توقاش ناننى، ئاتاپ ياقساممۇ كارىڭ يوق . ۋىسال ئىزدەپ بىغىڭ ئىچىرە، تاپالماي غۇنچە-بەرگىڭنى، بولۇپ بۇلبۇل ئۇرۇپ خەندان، قانات قاقساممۇ كارىڭ يوق . قاۋاشقان ئىتلىرىڭ قوغلار،كىلەر - كەلمەستە مەلەڭگە، يىتىپ ئىشتاننى چىتلاردىن، ئاران قاچساممۇ كارىڭ يوق . داۋانلار ئۈستىدىن كۆرسەم، سىنى تاغ باغرىدا يولدا، ئېتەكلەرىڭگە جىسمىمنى ، شۇئان ئاتساممۇ كارىڭ يوق . ئۆتەر بولساڭ ئىشىگىمدىن ، سىنى تەكلىپلىرىم بىرلە، ساڭا قوش قات ئىشىكىمنى، كېلىپ ئاچساممۇ كارىڭ يوق . ياساتقانمۇ يۇرەگىڭنى، قوياش سۆيگەن تۆمۇر تاشتىن، ۋۇجۇدىڭغا ئىقىپ تۇرغان،لاۋا چاچساممۇ كارىڭ يوق . مەنبە : ئۆز قەلەم
2012- يىلى 9- ئاي يىڭسار بوزغۇن | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-9-12 15:22:45
يوللىغان ۋاقتى 2012-9-12 15:55:57
يوللىغان ۋاقتى 2012-9-12 18:30:06
