لەۋلىرىڭنى ئەپقاچما جانان...(شېئىر)

نونى

لەۋلىرىڭنى ئەپقاچما جانان

مەمتىمىن ياسىن

لەۋلىرىڭنى ئەپقاچما جانان،
سۆيۈشەيلى خىلۋەتتە بىر پەس.
چۈشتىكىدەك ئايلىنىپ جاھان،
مەن ئىشقىڭدا بولۇپ كېتەي مەس.

لەۋلىرىڭنى ئەپقاچما جانان،
چاڭقاق لەۋگە بولمىسۇن ئۇۋال.
تېپىپ ۋىسال يۈرەكتە ئارمان،
داۋام ئەتسۇن مەڭگۈگە بۇ ھال.

لەۋلىرىڭنى ئەپقاچما جانان،
لەۋلىرىمگە كەتسۇن يەملىشىپ.
قارچۇغۇمدا ئۆلگەن باياۋان،
كۆزلىرىڭدە تۇرسۇن نەملىشىپ.

لەۋلىرىڭنى ئەپقاچما جانان،
قۇچىقىڭدا ئېرىپ كېتەي مەن.
سىڭىشكەندەك دېڭىزغا مانان،
كۆزلىرىڭگە سىڭىپ كېتەي مەن.

لەۋلىرىڭنى ئەپقاچما جانان،
سەۋدائىمەن  پىراقلىرىڭدا .
پاك ھېسلىرىم  بوپ ساڭا مېھمان،
تۈنىۋالسۇن زىناقلىرىڭدا.

لەۋلىرىڭنى ئەپقاچما جانان،
نەپەسلىرىم قالمىسۇن توختاپ.
سەن لېۋىڭنى قاچۇرساڭ قاچان،
مەن مۇردىغا قالىمەن ئوخشاپ.

لەۋلىرىڭنى ئەپقاچما جانان،
ۋۇجۇدۇمنى باسمىسۇن ھەسرەت.
مەڭگۈ سۆيۈش مەندىكى ئارمان،
سۆيۈپ ئۆتەي سېنىلا ئەبەت

مەنبە  : ئۆز قەلەم

زەپەر

نونى ئەپەندىم . مەن سۇراي  ئىسمىڭىز مەمىتىمىن  ياسىنمۇ قانداق . ياخشى شىئېركەن . بىراق مەنبەسىنى  ئىنىقراق يېزىڭ .

زەپەر

.

نونى

شۇنداق ، ئىسمىم مەمتىمىن ياسىن.مەن شېئىرنىڭ ئاستىغا  « مەنبە : ئۆز قەلەم »  دىگەن خەتنى قىستۇرغان ئىدىم.

◤pari◥

بۇ شېئىرىدىن شائىرنىڭ سۆيگۈسىنىڭ ئىنتايىن چوڭقۇر ئىكەنلىكىنى چۈشۈنۈپ يەتكىلى بولىدۇ .رەھمەت

alahidin

مەمتىمىن، بۇ شېئىرىڭ بۇرۇن يازغان شېئىرىڭ بولسا باشقا گېپىم يوق. ئەمما ، يېڭى يازغان شېئىرىڭ بولسا، ساڭا بىر قامچا سالمىسام ئۆزۈمنى تۇتۇۋېلىشقا پەقەتلا ئامالىم يوق!

نونى

توغرا دەيسەن ، بۇ مېنىڭ 1988 -يىلى يازغان شېئىرىم ئىدى . كونا ماتىرىياللارنى ئاختۇرىۋېتىپ قولۇمغا چىقىپ قالدى.ھالا بۈگۈنگە كەگەندە 24 ياشقا كىرگەن بۇ شېئىرىمنى ئۆتمۈشكە شاھىت بولۇپ قالسۇن،دەپ ھېچقانداق تۈزىتىش كىرگۈزمەي ئەينەن يوللاپ قويدۇم.

نونى

يەنە بىر  تەكلىۋىم :ئوۋچى (مۇتەللىپ ماڭسۇر)نى مۇشۇ مۇنبىرىمىزنىڭ  دائىملىق ئەزاسى قىلىۋالساق ، مۇنبەرنىڭ تەرەقىياتى تېخىمۇ ئالغا سىلجىغان بولاتتى .

saba007

بۇرادەر، مۇھەببەت لىرىكىللىرىڭ كۆڭۈللەرنى لەرزىگە سالدى...سۆيگۈ چۇقانلىرى تەنلىرىمنى ئورىۋالدى....مۇھەببەت بىلەن يورۇيدۇ ئالەم،      مۇھەببەتتىن زىمىندا بولمايدۇ ماتەم......

مەمتىمىن ئپەندىم، ئاڭلىسام ئىجادىيەتلىرىڭ بۇرۇنلا باشلانغان ئىكەن ئايىماي مۇنبەرگە يوللىغىن.......
ئىجادىي تەپەككۇرلىرىڭ ھارمىغاي.....

سەن دىگەندەك ئوۋچىنى مۇشۇ مۇنبەرگە قوشساق بولىتى، مەن ئۇنىڭغا تەۋسىيە قىلاي....
سەنمۇ ئالاقىلىشىپ باق.