ئۈچ چىۋىننىڭ سۆھبىتى (ئالامەت يۇمۇر، ئۈچىيىڭىز ئۈزۈلۈپ كېتىدۇ)

ئەزىزى

بىر كۈنى چۈشتىن كېيىن خوتەنلىك، قەشقەرلىك، ئاتۇشلۇق ئۈچ چىۋىن بىر يەرگە جەم بولۇپ قاپتۇ. بۇلارنىڭ ئىچىدە خوتەنلىك چىۋىن ئەڭ سىمىز، قەشقەرلىك چىۋىن سەل ئورۇقراق، ئاتۇشلۇق چىۋىن ئەڭ ئورۇق ئىكەن. قەشقەرلىك چىۋىن بىلەن ئاتۇشلۇق چىۋىن خوتەنلىك سىمىز چىۋىنگە ھەۋەس قىلىپ سوراپتۇ:
- ئاداش، سەن نىمانچە سىمىز؟
- مەن،- دەپتۇ خوتەنلىك چىۋىن بۇرۇتىنى بىر تولغىۋېتىپ،- مەن خوتەندە ئادەملەرنىڭ تامىقىغا چۈشۈپ قالسام، ئۇلار مېنى قاچىدىكى تاماق بىلەن تۆكۈۋېتىدۇ.
بۇ گەپنى ئاڭلىغان قەشقەرلىك چىۋىن بىلەن ئاتۇشلۇق چىۋىن شۆلگەيلىرىنى ئېقىتىپ، «توۋا» دېيىشىپ قاپتۇ. ھەمدە قەشقەرلىك چىۋىن ئۆزلۈكىدىنلا گەپ باشلاپتۇ:
سىلەرگە دېسەم، بىزنىڭ قەشقەردە مەن ئادەملەرنىڭ تاماق قاچىسىغا چۈشۈپ قالسام، ئۇلار مېنى قوشۇقتا ئېلىپلا تاشلىۋېتىدۇ، كۈنلىرىم تازا باياشات ئەمەس...
بۇ گەپنى ئاڭلىغان ئاتۇشلۇق چىۋىن ئۆزىنى تۇتۇۋالالمايلا تۆكۈلۈپتۇ:
- سىلەر مېنىڭ نېمە ئۈچۈن بۇنداق ئورۇق ئىكەنلىكىمنى بىلمەيسىلەر، مەن ئەگەر ئاتۇشتا ئادەملەرنىڭ تاماق قاچىسىغا چۈشۈپ قالسام، ئۇلار مېنى شۈمۈپ تاشلىۋېتىدۇ...

مەنبە: كوچا پاراڭلىرى

بايىز

ئەمەلىيەتتىمۇ بىز خوتەنلىكلەر بەك ئىسراپخور. بولۇپمۇ ئاش تاماققا كەلگەندە بەك ئىسراپ قىلىمىز. يەپ بولالماي ئېشىپ قالغان تاماقلارنى شۇ يەردىلا قويۇپ چىقىپ كېتىمىز. باشقا يەرلەردە بولسا ئاساسەن ئېلىپ چىقىپ كېتىدۇ.

زەپەر

بەك ياخشى يۇمۇركەن . رەخمەت سىزگە . شۇ خۇتەندە تاماق ئىسسىراپچىلىقى ئىنتايىن ئېغىر دەيمەن.

سۇمەييە1

شۇنداق. ھەقىقەتەن ياخشى يۇمۇركەن

نونى

بۇ يۇمۇردىن خوتەنلىك بۇرادەرلەرنىڭ قولى ئوچۇق ئىكەنلىكىنى ، ئاتۇشلۇقلارنىڭ تېجەشلىك ئىكەنلىكىنى ، قەشقەرلىكلەرنىڭ ئوتتۇرا يول تۇتىدىغانلىقىنى كۆرۈۋېلىشقا بولىدىكەن.

گىياھى

يومۇر- كىشى قەلبىنى شادلاندۇرۇش بىلەن بىرگە، ئادەمنى تەربىيىلەشتىمۇ ناھايىتى مۇھىم رول ئوينايدۇ. ئىسراپخورلۇق- كىشىنى ئادىمىيلىك خاراكتېرىمىزدىن ياتلاشتۇرۇپ، تۆت پۇتلۇقلار مەنىزىلىگە باشلايدۇ. بىزدە ئىسراپخورلۇق ناھايىتى كۆپ ئاددىيسى پۇل، ۋاقىت، ئاش- ناندىن تارتىپ... كاللا (تەپەككۇر) ئىسراپخورلىقىغىچە... شۇڭا ھەربىر كاللا سەگەكلىك بىلەن ئىسراپخورلۇقنىڭ زىيىنىنى ۋاقتىدا بىلىپ يېتىپ، بۇ مەرەز كېسەلدىن بالدۇرراق قۇتۇلۇپ چىقىشنىڭ ئامالىنى قىلايلى !!!